ပြည်တွင်းကုန်သွယ်မှုသတင်း

      ကျွန်းလှမြို့တွင် စိုက်ပျိုးရေးလုပ်ငန်းကို တစ်ပိုင်တစ်နိုင်အနေဖြင့် စိုက်ပျိုးကြရာတွင် စားဖိုဆောင်သီးနှံများဖြစ်သည့် ကန်ဇွန်း၊ ချဉ်ပေါင်၊ ကြက်ဟင်းခါး၊ ငရုပ်သီး၊ ခဝဲ၊ ခဆော့သီး၊ ကင်းမုံသီး၊ ပဲတောင့်ရှည်သီး ၊ ရုံးပတီသီး နှင့် သခွားသီး စသည်တို့ကို စိုက်ပျိုးသည့်အနက် ငရုပ်သီးစိမ်းများဖြစ်သည့် မိုးထော်ငရုပ် (ကျောက်စိမ်းမျိုး)နှင့် ကုလားအော် ငရုပ်သီးစိမ်း တို့ကိုပါ စိုက်ပျိုးရောင်းချကြပါသည်။

     ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ကျွန်းလှမြို့၌ ဖြစ်ပေါ်နေသော ငရုပ်သီးစိမ်း ၏ ဈေးနှုန်း /ဈေးကွက်အနေဖြင့် မိုးထော်ငရုပ်(ကျောက်စိမ်းသီး) တစ်ပိဿာလျှင်(၃၅၀၀)ကျပ်၊ (၅၀)ကျပ် သားလျှင်(၁၈၀၀)ကျပ်၊ ကုလားအော်  ငရုပ်သီးစိမ်း တစ်ပြည်လျှင်(၁၀၀၀၀)ကျပ်၊ နို့ဆီတစ်ဘူးလျှင် (၁၃၀၀)ကျပ်နှင့် ကုလားအော် ငရုပ်သီးစိမ်း တစ်ပုံလျှင်(၃၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်နေကြောင်း သိရပါသည်။

DOCA(စစ်ကိုင်း)

      ရွှေဘိုမြို့ရှိဈေးများတွင် ရာသီပေါ်အသီးအနှံဖြစ်သည့် ဖရဲသီးများကို ရောင်းချလျက်ရှိရာ ဖရဲပင်ကို မိမိတို့အိမ်ရှိမြေကွက်လပ်များတွင်လည်းကောင်း၊ ခြံများတွင်လည်းကောင်း စိုက်ပျိုးကြ ကြောင်း၊ ဖရဲသီးကိုရွှေဘိုမြို့ နယ်အပြင် အခြားဒေသမှလည်း လာရောက်ရောင်းချကြကြောင်း၊ ဖရဲသီး၏ အရသာမှာ ချို၍ အသီးမှာ နူးညံ့သဖြင့် ထမင်းမြိန် စေသော ဟင်းတစ်ခွက်ဖြစ်သည့်အပြင် ဖရဲသီးကို မျှစ်ဖြင့် ချက်စား၍ သော်လည်းကောင်း၊ အသားဟင်းများနှင့်ချက်စား၍သော်လည်းကောင်း၊ အတို့အမြုပ်ဖြင့်ပြုလုပ်၍ သော်လည်းကောင်း ၊ အချဉ်တည်၍ သော်လည်းကောင်း စားသုံးကြကြောင်း၊ ၂၀၂၅ခုနှစ်၊ ဇူလိုင်လ (တတိယ)ပတ်တွင်ဖြစ်ပေါ်နေသော ဖရဲသီးဈေးနှုန်းမှာ အရွယ်အစား အကြီးအသေးပေါ် မူတည်၍ (၁)လုံးလျှင် (၄၀ဝိ/-)ကျပ်မှ (၇၀ဝိ/-)ကျပ်ထိ အရောင်းအဝယ် ဖြစ်လျက်ရှိကြောင်း ကုန်စိမ်းရောင်းချသည့်လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့၊ ပိတောက်မြိုင်ဈေးတွင် ကြက်တက်ရွက်ပြုတ်နှင့် ကြက်မောက်ဖြူရွက်ပြုတ်တို့ကို ရောင်းချလျက်ရှိပါသည်။ ကြက်တက်ရွက် နှင့် ကြက်မော်ဖြူရွက်တို့မှာ မိုးဦးကျစတွင် စတင် ပေါက်ရောက်လေ့ရှိသော အရွက်မျိုးလည်းဖြစ်ပါသည်။ ကြက်တက် ရွက် နှင့် ကြက်မောက်ဖြူရွက်များကို တောထဲ၌သွားခူးကာ ပြုတ်၍ အလေးချိန်နှင့်ရော လက်တွင်းတစ်ဆုတ်စာ အလုံးလေးများလုံပြီး ဈေးထဲတွင် ရောင်းချကြပါသည်။ ရာသီစာ ကြက်တက်ရွက်ပြုတ်သည် လူကြိုက်များသော လက်ဖက်အစားထိုး သရေစာတစ်မျိုး ဖြစ်ပါသည်။

      ၂၀၂၅ ခုနှစ်၊ ဇူလိုင်လ စတုတ္ထပတ်အတွင်း ကျွန်းလှမြို့၊ ပိတောက်မြိုင်ဈေးတွင် ရောင်းချနေသော ကြက်တက်ရွက်ပြုတ်  ဈေးနှုန်းအနေဖြင့်  ကြက်တက်ရွက်ပြုတ် တစ်ပိသာလျှင် (၈၀၀၀)ကျပ်၊ ကြက် တက်ရွက်ပြုတ်(၅၀)ကျပ်သားလျှင်(၂၅၀၀)ကျပ်နှင့်ကြက်တက်ရွက်ပြုတ်(၁၀)ကျပ်သားလျှင်(၈၀၀)ကျပ်ဈေးနှုန်းဖြင့်လည်းကောင်း ကြက်မောက်ဖြူရွက်ပြုတ် တစ်ပိဿာလျှင်(၅၀၀၀)ကျပ်၊ (၅၀)ကျပ်သားလျှင် (၂၅၀၀)ကျပ်နှင့် ကြက်မောက်ဖြူရွက်ပြုတ်(၁၀)ကျပ်သားခန့် တစ်လုံးလျှင်(၅၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ကြက်မောက်ဖြူရွက်သည် အမျိုးသမီးများအတွက် ဆေးဘက်ဝင် အရွက်တမျိုး ဖြစ်သည့်အတွက် လူကြိုက်များပြီး အ‌ရောင်းအဝယ်ဖြစ်လျက်ရှိကြောင်း ကျွန်းလှမြို့၊ ပိတောက်မြိုင်ဈေးရှိ ဟင်းရွက်ပြုတ် ရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)

        ရမည်းသင်းမြို့မဈေးအတွင်း ဇူလိုင်လစတုတ္ထပတ်၌ ရောင်းချလျက်ရှိသော အခြေခံစားသောက်ကုန်ဈေးနှုန်းများမှာ ရွှေဘိုပေါ်ဆန်း တစ်ပြည်လျှင် (၇၅၀၀) ကျပ်၊ မနောသုခ တစ်ပြည်လျှင်(၂၉၀၀) ကျပ်၊ ကြက်သွန်နီ တစ်ပိဿာလျှင် (၁၅၀၀) ကျပ်၊ ကြက်သွန်ဖြူ(ဗမာ) တစ်ပိဿာလျှင်(၁၂၀၀၀) ကျပ်၊ ငရုတ်ခြောက် (အရှည်) တစ်ပိဿာလျှင်(၁၅၀၀၀) ကျပ်၊ အာလူးတစ်ပိဿာလျှင် (၄၀၀၀) ကျပ်၊ ကုလားပဲခြမ်း တစ်ပိဿာလျှင် (၇၀၀၀)ကျပ်၊ ကြက်ဥ တစ်လုံးလျှင် (၄၅၀) ကျပ်၊ ဘဲဥ တစ်လုံးလျှင်  (၆၅၀) ကျပ်၊ ဟူ၍ အသီးသီးရောင်းချလျက်ရှိပါသည်။

          အခြေခံစားကုန်ဖြစ်သော အသားငါးဈေးနှုန်းများမှာ ကြက်သား(စီပီ) တစ်ပိဿာလျှင် (၁၈၀၀၀) ကျပ်၊ ဒေသ ကြက်တစ်ပိဿာလျှင် (၃၆၀၀၀) ကျပ်၊ အမဲသား တစ်ပိဿာလျှင် (၃၆၀၀၀) ကျပ်၊ ဝက်သားတစ်ပိဿာလျှင် (၃၂၀၀၀) ကျပ်၊ ဆိတ်သားတစ်ပိဿာလျှင် (၃၆၀၀၀) ကျပ်၊ ငါးမြစ်ချင်းတစ်ပိဿာလျှင် (၁၀၀၀၀) ကျပ် အသီးသီးရောင်းဝယ်လျက်ရှိကြောင်း၊ စားသုံးဆီဈေးနှုန်းများမှာ ပဲဆီတစ်ပိဿာလျှင် (၁၈၀၀၀) ကျပ်၊ နှမ်းဆီတစ်ပိဿာလျှင် (၁၇၀၀၀)ကျပ် ဈေးများဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မန္တလေး)

       မိတ္ထီလာမြို့မဈေးအတွင်း ဇူလိုင်လစတုတ္ထပတ်၌ ရောင်းချလျက်ရှိသော အခြေခံစား သောက်ကုန်ဈေးနှုန်းများမှာ ရွှေဘိုပေါ်ဆန်း တစ်ပြည်လျှင် (၆၂၅၀) ကျပ်၊ ဧည်မထ တစ်ပြည် လျှင်(၃၃၅၀) ကျပ်၊ ငစိန်တစ်ပြည်လျှင်(၃၀၀၀)ကျပ်၊  ကြက်သွန်နီ တစ်ပိဿာလျှင် (၁၃၀၀) ကျပ်၊ ကြက်သွန်ဖြူတစ်ပိဿာလျှင်(၅၅၀၀) ကျပ်၊ ကုလားပဲ တစ်ပိဿာလျှင် (၆၅၀၀)ကျပ်၊ အာလူးတစ်ပိဿာလျှင်(၃၅၀၀)ကျပ်၊ ငရုတ်ရှည်တစ်ပိဿာလျှင်(၁၀၀၀၀)ကျပ်၊ ငရုတ်ပုတစ် ပိဿာလျှင်(၁၈၀၀၀)၊ ငါးတံခွန်ခြောက် တစ်ပိဿာ(၁၅၀၀၀)ကျပ်၊  ကြက်ဥ တစ်လုံးလျှင်(၄၀၀) ကျပ် ၊ ဘဲဥတစ်လုံးလျှင်(၅၀၀)ကျပ် ဟူ၍ အသီးသီးရောင်းချလျက်ရှိပါသည်။

          အခြေခံစားကုန်ဖြစ်သော အသားငါးဈေးနှုန်းများမှာ ကြက်သား(CP) တစ်ပိဿာလျှင် (၁၆၅၀၀) ကျပ်၊ ဒေသ ကြက်တစ်ပိဿာလျှင် (၃၀၀၀၀) ကျပ်၊ အမဲသား တစ်ပိဿာလျှင် (၃၈၀၀၀) ကျပ်၊ ဝက်သားတစ်ပိဿာလျှင် (၃၈၀၀၀) ကျပ်၊ ဆိတ်သားတစ်ပိဿာလျှင် (၃၈၀၀၀) ကျပ်၊ ငါးမြစ်ချင်းတစ်ပိဿာလျှင် (၁၈၀၀၀) ကျပ် အသီးသီးရောင်းဝယ်လျက်ရှိကြောင်း၊ စားသုံးဆီဈေးနှုန်းများမှာ ပဲဆီတစ်ပိဿာလျှင် (၁၈၀၀၀) ကျပ်၊ နှမ်းဆီတစ်ပိဿာလျှင် (၁၅၀၀၀)ကျပ် ဈေးများဖြင့် အရောင်းအဝယ်ဖြစ်နေကြောင်း ယခင်လနှင့် ကာလတူနှိုင်းယှဉ်လျှင် ကြက်သွန်နီ၊ ကြက်ဥ၊ ဘဲဥနှင့် ပဲဆီဈေးနှုန်းများအနည်းငယ်ကျဆင်းလျက်ရှိကြောင်း ဈေးကွက် မှသိရပါသည်။

DOCA(မန္တလေး)