ပြည်တွင်းကုန်သွယ်မှုသတင်း

   ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်း မြို့နယ်များနှင့် အခြားတိုင်းဒေသကြီး /     ပြည်နယ်များရှိ ကိုယ်စားလှယ်များသို့ စားအုန်းဆီများ နေ့စဉ်ထုတ်ပေးလျက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်း/သိုလှောင်/ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည်ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေးနှင့် ဈေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးတို့အတွက်လည်း ဝန်ထမ်းများက ကွင်းဆင်းကြပ်မတ်ဆောင်ရွက်လျက်ရှိကြောင်းနှင့် (၄-၁၂-၂၀၂၃)ရက်နေ့မှ (၉-၁၂-၂၀၂၃)ရက်နေ့အထိ ဆီကုမ္ပဏီ(၁၆)ခုမှ ဆီခွဲတမ်းရရှိသည့် ကိုယ်စားလှယ်များအား စားအုန်းဆီတန်ချိန် (၇၀၇၇.၀၁)တန်ထုတ်ပေးခဲ့ကြောင်းသိရှိရပါသည်။

DOCA(ရန်ကုန်)

   စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တပိုင်အနေဖြင့် လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုး ခွဲစိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာ စိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။

    မုံရွာမြို့နယ်၌ ကွမ်းဈေးနှုန်းမှာ နိုဝင်ဘာလတွင် ကွမ်းတစ်ပိဿာလျှင် ငွေကျပ် ၅၀၀၀- ၆၅၀၀ ဈေးနှုန်းရရှိပြီး ဒီဇင်ဘာလ(ဒုတိယပတ်)တွင် အရည်အသွေးအပေါ် မူတည်၍ ကွမ်းတစ်ပိဿာလျှင် ငွေကျပ် ၉၀၀၀-၁၀၀၀၀ နှုန်းဖြင့်ရောင်းချရကြောင်း၊ ဆောင်းရာသီတွင် ကွမ်းအထွက်နှုန်းလျော့ပြီး ဈေးကွက်အတွင်း ကုန်ဝင်ရောက်မှုနည်းကာ  ဈေးနှုန်းမြင့်တက်လျက်ရှိကြောင်း ကွမ်းစိုက်တောင်သူများ တောင်သူများထံမှ သိရသည်။

DOCA(စစ်ကိုင်း)

    တိုက်ကြီးမြို့နယ်တွင် စိုက်ပျိုးရေးလုပ်ငန်းကို အဓိကထား၍လုပ်ကိုင်ကြသော်လည်း စိုက်ပျိုးရေးလုပ်ငန်းတွင်မပါမဖြစ်သော/ တောင်သူဦးကြီးများအသုံးပြုသော ခမောက်လုပ်ငန်းကိုလည်းလုပ်ကိုင်ဆောင်ရွက်ကြပါသည်။ မိသားစုစားဝတ်နေရေးအဆင်ပြေစေရန်အတွက် ဝါးခမောက်လုပ်ငန်းလုပ်ကိုင်ခြင်းလည်းအပါအဝင်ဖြစ်ပါသည်။ ဝါးခမောက်လုပ်ငန်းကို အဓိကပြုလုပ်ရာတွင် ဝါးဘတ် ၅၀၀တစ်ထုံးကို (၁၆၀၀၀)ကျပ်ဖြင့်ဝယ်ယူ၍ ပါဝင်ဆက်စပ်ပစ္စည်း ဝါးဂွေ (၁)လိပ်ကို (၄၀၀၀)ကျပ်ဖြင့် (၂)လိပ်အသုံးပြုရပါသည်။ ခမောက်ချုပ် အပ်ချည် (၁၀)ဆယ်ကျပ်သားလျှင် (၂၅၀၀)ကျပ်၊ ထိပ်ဖူးသံပြားဝိုင်း (၁၀၀)ခုလျှင် (၁၀၀၀)ကျပ်၊ ခမောက်ချည်တန်(ဝါးချောင်းသေး)တစ်ချောင်းလျှင် (၂၅၀၀)ကျပ်၊ ခမောက်အဖူးလုံးချုပ်ခ (၁၀၀)လုံးလျှင် (၂၀၀၀၀)ကျပ်၊ အဖူးအောက်ခြေခွေသော ဂွေတပ်ခမှာ (၂၀၀၀) ကျပ်၊ အရွက်လှည့်မှာ (၄၀၀၀)ကျပ်၊ အရွက်ချုပ်မှာ (၇၀၀၀)ကျပ်၊ ဂွေသယ်ခမှာ (၇၀၀၀)ကျပ်၊ အဖူး+အရွက် တွဲ (၆၀၀၀)ကျပ်၊ အလုံးအောက်ခြေဂွေသပ် (၂၅၀၀)ကျပ်၊ အရွက်ဘေးလှီးခ (၁၅၀၀)ကျပ်၊ ကပ်ဂွေ (၁၅၀၀)ကျပ်၊ ပေါ်လစ်တင် (၄၀၀၀)ကျပ်၊ ဆေးသုတ်ခ (၂၀၀၀၀)ကျပ်ကျ၍ ခါးဖတ် (၅၀၀)တစ်ထုံးလျှင် ခမောက် (၁၀၀)လုံးရရှိ၍ ခမောက်အလုံး (၁၀၀)လျှင် ကုန်ကျငွေ (၁၀၇၅၀၀)ကျပ်ကုန်ကျ၍ ခမောက်တစ်လုံးလျှင်း (၁၀၇၅)ကျပ်နှင့် သယ်ယူခ (၅၀)ကျပ်နှုန်းဖြင့် (၁၁၂၅)ကျပ်ကျသင့်ပါသည်။ ခမောက်တစ်လုံးလျှင် းလက်ကားရောင်းဈေး (၁၃၀၀)ကျပ်ဖြင့်ရောင်းချပြီး လက်လီဈေးကွက်တွင် (၁၅၀၀)ကျပ်နှုန်းဖြင့် တွင်တွင်ကျယ်ကျယ်ရောင်းချလျက်ရှိပါသည်။ ခေတ်နှင့်အညီ ပလတ်စတစ်ကော်ကပ်ရောင်းချမှုအပေါ်မူတည်၍ ဈေးနှုန်းကွာခြားချက်များရှိသော်လည်း ဝါးခမောက်စီးပွားရေးလုပ်ငန်းကို လုက်ကိုင်ဆောင်ရွက်လျက်ရှိကြောင်းသိရှိရပါသည်။

DOCA(ရန်ကုန်)

    စစ်ကိုင်းတိုင်းဒေသကြီးအတွင်းရှိ ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦးခရိုင်များအနက် မုံရွာခရိုင်တွင် စပါး/ဆန်ဈေးနှုန်းများအနည်းငယ်တက်နေပြီး ကျန်ခရိုင်များတွင် ဈေးအေးနေပါကြောင်း သိရှိရပါသည်။

    စစ်ကိုင်းတိုင်းဒေသကြီးအတွင်း ဒီဇင်ဘာလ (ဒုတိယ)ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀ လျှင် ကျပ် ၂,၇၀၀,၀၀၀၊ ပေါ်ဆန်း (ဆန်) (သစ်)၂၄ ပြည်ပါ တစ်အိတ်လျှင် ၉၅,၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၄၅,၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၁,၇၀၀,၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၉၀,၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၄၅,၀၀၀ ကျပ်၊ နွေစပါး(ရွှေဝါထွန်း) စပါးတင်း(၁၀၀)လျှင် ကျပ် ၁,၈၀၀,၀၀၀၊  နွေစပါး(ရွှေဝါထွန်း) (ဆန်) ၂၄ပြည် ပါတစ်အိတ်လျှင် ကျပ် ၇၃,၀၀၀ ဖြင့် အရောင်း အဝယ်ဖြစ်နေကြောင်း သိရပါသည်။

     ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၂,၇၀၀,၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၉၅,၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၄၅,၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၁,၇၀၀,၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၉၀,၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၄၅,၀၀၀ ကျပ်၊ နွေစပါး(ရွှေဝါထွန်း) စပါးတင်း(၁၀၀)လျှင် ကျပ် ၁,၈၀၀,၀၀၀၊  နွေစပါး(ရွှေဝါထွန်း) (ဆန်) ၂၄ပြည် ပါတစ်အိတ်လျှင် ကျပ် ၇၃,၀၀၀ ဖြင့် အရောင်း အဝယ်ဖြစ်နေကြောင်း သိရပါသည်။

    ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း ၁၀၀ လျှင် ၁,၇၀၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၆၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၈၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန်(စပါး)တင်း၁၀၀လျှင် ၂၈၀၀,၀၀၀၊ ငစိန် (ဆန်)၂၄ပြည်ပါ တစ်အိတ်မှာ ၉၅,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၁,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၇၅,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၂,၈၀၀,၀၀၀၊ ဧရာမင်း(ဆန်)(‌ဟောင်း)၂၄ပြည်ပါ တစ်အိတ်မှာ ကျပ် ၁၁၀,၀၀၀၊ နွေစပါး(ဒေသမျိုး)(စပါး) တင်း ၁၀၀ လျှင် ကျပ် ၁,၁၀၀,၀၀၀၊ နွေစပါး (ဒေသမျိုး)(ဆန်)၂၄ပြည်ပါ တစ်အိတ်မှာကျပ် ၈၅,၀၀၀ ဖြင့် အရောင်းအဝယ်ဖြစ်နေကြောင်း သိရပါ သည်။

    ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀ လျှင် ကျပ် ၁,၂၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၆၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၁,၉၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ပြည်တစ်အိတ်မှာကျပ် ၉၀,၀၀၀ ဧရာမင်း (စပါး)တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၁၂၀,၀၀၀၊ နွေစပါး(ဆင်း-၃)(စပါး) တင်း ၁၀၀ လျှင် ကျပ် ၁,၃၀၀,၀၀၀၊ နွေစပါး (ဆင်း-၃) (ဆန်)၂၄ပြည်ပါ တစ်အိတ်မှာကျပ် ၆၅,၀၀၀ ဖြင့် အရောင်းအဝယ် ဖြစ် နေကြောင်း သိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၂,၃၀၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၉၅,၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၅၀၀,၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၃၅,၀၀၀၊ ပေါ်ဆန်း (စပါး)(သစ်) တင်း ၁၀၀ လျှင် ကျပ် ၃,၀၀၀,၀၀၀၊  ပေါ်ဆန်း (ဆန်)(သစ်) ၂၄ပြည် တစ်အိတ်မှာ ကျပ် ၁၂၅,၀၀၀၊ ပေါ်ဆန်း (စပါး)(ဟောင်း) တင်း ၁၀၀ လျှင် ကျပ် ၄,၀၀၀,၀၀၀၊  ပေါ်ဆန်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၆၀,၀၀၀၊ မနောသုခ(စပါး) (သစ်)တင်း ၁၀၀လျှင် ကျပ် ၁,၇၀၀,၀၀၀၊ မနောသုခ (ဆန်)(သစ်)၂၄ ပြည် တစ်အိတ်လျှင် ကျပ် ၇၀,၀၀၀ ၊မနောသုခ(စပါး)(ဟောင်း) တင်း ၁၀၀လျှင် ကျပ် ၂,၀၀၀,၀၀၀၊ မနောသုခ (ဆန်)(ဟောင်း)၂၄ ပြည် တစ်အိတ်လျှင် ကျပ် ၉၀,၀၀၀ ဖြင့် အရောင်းအဝယ် ဖြစ်နေကြောင်း သိရပါသည်။

   ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)တင်း ၁၀၀ လျှင် ကျပ် ၂,၉၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၇,၀၀၀၊ ပေါ်ဆန်း(စပါး) တင်း ၁၀၀လျှင် ကျပ် ၃,၅၅၀,၀၀၀၊ ပေါ်ဆန်း (ဆန်)၂၄ပြည်တစ်အိတ်လျှင် ကျပ် ၁၂၅,၀၀၀၊ နွေစပါး ရွှေဝါထွန်း (စပါး)တင်း ၁၀၀ လျှင် ကျပ် ၁,၆၅၀,၀၀၀၊ ရွှေဝါထွန်း(ဆန်)၂၄ပြည် တစ်အိတ်မှာ ကျပ် ၇၀,၀၀၀ ဖြင့် အရောင်းအဝယ်ဖြစ်နေကြောင်း သိရပါသည်။

   စစ်ကိုင်းတိုင်းဒေသကြီးမှ ဒီဇင်ဘာလ (ပထမ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၉,၅၀၀၊ မန္တလေး သို့ အိတ်ရေ ၁၄,၃၀၀၊ ကချင်သို့ အိတ်ရေ( ၁၀၀၅၂)၊မကွေးသို့ အိတ်ရေ ၂,၀၀၀၊ နေပြည်တော်သို့ အိတ်ရေ ၂,၃၀၀၊ ရှမ်း (တောင်)သို့ အိတ်ရေ ၂,၃၀၀၊ ချင်းသို့ အိတ်ရေ ၁,၆၂၇၊ မွန်သို့ အိတ်ရေ ၂,၆၁၀ စုစုပေါင်း အိတ်ရေ (၄၄၆၈၉) အိတ်၊ တန်အား ဖြင့် (၂၂,၃၄)စီးထွက်ခဲ့သည့်ပြီး ယခု ဒီဇင်ဘာလ (ဒုတိယ)ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၁၃,၂၀၀၊ မန္တလေး သို့ အိတ်ရေ ၁၇,၃၀၀၊ ကချင်သို့ အိတ်ရေ ၂,၇၈၈၊ နေပြည်တော်သို့ အိတ်ရေ ၃,၅၀၀၊ ရှမ်း (တောင်)သို့ အိတ်ရေ ၂,၃၀၀၊ မွန်သို့ အိတ်ရေ ၂,၇၈၀ စုစုပေါင်း အိတ်ရေ (၄,၁၈၆၈) အိတ်၊ တန်အားဖြင့် (၂၀၉၃) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၂၈၂၁) အိတ်၊ တန်အားဖြင့် (၁၄၁) လျော့နည်း၍ စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)

     ထိုင်းငချိပ်(ခေါ်) ရာသီစပါးဖြစ်သည့် ငချိပ်စပါးကို ရွှေဘိုခရိုင်၊ ဝက်လက်မြို့နယ်ရှိ ကျေးရွာအနှံ့အပြားတွင် စိုက်ပျိုးလျက်ရှိရာ ယခုနှစ်တွင် ဝက်လက်မြို့နယ်၊ စိုင်နိုင်ကြီးကျေးရွာရှိ တောင်သူများသည် ငချိပ်စပါးကို စတင်၍ စမ်းသပ်စိုက်ပျိုးခဲ့ပါသည်။ ငချိပ်စပါးကို  ၂၀၂၂-၂၀၂၃ခုနှစ် မိုးစပါးရာသီချိန်ဖြစ်သည့် ဇူလိုင်လအတွင်းပျိုးထောင်၍ ဩဂုတ်လအတွင်းတွင် စိုက်ပျိုးရကြောင်း စိုက်ပျိုးသူ တောင်သူ နှင့် ဆက်သွယ်မေးမြန်းမှုအရ သိရှိရပါသည်။

တစ်ဧကကုန်ကျစရိတ်

         ၂၀၂၂-၂၀၂၃ ခုနှစ်တွင် ဝယ်ယူရသည့် ငချိပ်မျိုးစပါးဈေးနှုန်းမှာ (၁)တင်းလျှင်(၇၀၀၀ဝိ/-) ကျပ်ဈေးနှုန်းဖြင့် လယ်မြေ(၁)ဧကလျှင် ငချိပ်မျိုးစပါး  (၂)တင်းနှုန်း အသုံးပြူရသဖြင့် မျိုးဘိုး (၁၄၀၀၀ဝိ/-)ကျပ်ကုန်ကျကြောင်း၊ လယ်ကို မစိုက်ပျိုးမီ ပထမဦးစွာ စက်ခုတ်ပြီး ထယ်ရေးပြုပြင် ရသဖြင့် လယ်(၁)ဧလျှင် စက်ခုတ်ခ (၁၀၀၀၀ဝိ/)ကျပ်ကုန်ကျကြောင်း၊ ကန်သင်းခုတ်ခ နှင့် အမှိုက် ကောက်ခ (၃၀၀၀ဝိ/-) ကျပ်ကုန်ကျကြောင်း ၊ ငချိပ်စပါးကို ပျိုးထောင်ပြီး (၂၀)ရက်သားတွင်  ပျိုး နှုတ်၍ စိုက်ပျိုးရပြီး ပျိုးနှုတ်ခ (၈၀၀၀ဝိ/-)ကျပ် ပေးရကြောင်း၊ ပျိုးနှုတ်ပြီးပါက စိုက်မည့် လယ်မြေထဲတွင် ပြန်၍ စိုက်ပျိုးရပြီး ကောက်စိုက်ခ (၈၀၀၀ဝိ/-)ကျပ် ပေးရကြောင်း၊ စိုက်ပြီး ရက်(၂၀) အချိန်တွင် အပင်များကြားထဲသို့ အမှိုက်ကောက်ရကြောင်း၊ အမှိုက်ကောက်ခ (၅၀၀၀ဝိ/-) ကျပ် ပေးရကြောင်း၊  ဓါတ်မြေဩဇာအမျိုးအစား ပေါ်တည်၍ (၁) အိတ်လျှင် (၁၇၀၀၀ဝိ/-) ကျပ် ပေးရကြောင်း၊ အပင်များကြီးထွား သန်မာစေရန် အပင်ပေါ်မူတည်၍ ဓါတ်မြေဩဇာ (၁)အိတ် မှ (၂) အိတ်ကျွေးကြကြောင်း၊ (၁)ဧကကို ဓါတ်မြေဩဇာ(၂)အိတ်ကျွေးပါက (၃၄၀၀၀ဝိ/-) ကျပ် ကုန် ကျကြောင်း၊ ပိုးမွှားမကျစေရန် ပိုးသတ်ဆေးနှင့် အပင်အားဆေးဖျန်းရကြောင်း၊ ပိုးသတ်ဆေးကို (၁)ခါဖျန်းလျှင် ဖျန်းခနှင့် ဆေးဖိုးအပါအဝင်(၄၀၀၀ဝိ/) ကျပ်ပေးရပြီး၊ (၁)ဧကလျှင် မရိတ် သိမ်းမီ အချိန်ထိ ပိုးသတ်ဆေး (၄)ခါဖျန်းရသဖြင့် (၁၆၀၀၀ဝိ/-)ကျပ် ကုန်ကျကြောင်း ၊ ငချိပ်စပါးသည် အခြားစပါးများဖြစ်သည့် ရွှေဘိုပေါ်ဆန်း၊ ဧရာမင်းစသည့် စပါးများနည်းတူ ပြုစုပျိုးထောင်ရ ကြောင်း ၊ ငချိတ်စပါး ရိတ်ရာတွင် လယ်မြေအနီးအဝေးပေါ် မူတည်၍ စက်ကြီးရိတ်ခ (၁)ဧကလျှင် (၁၅၀၀၀ဝိ/)  မှ (၁၈၀၀၀ဝိ/-)ကျပ် ပေးရပြီး ရိတ်ပြီးသား ငချိတ်စပါးကို အိမ်အရောက်သယ်ယူရာတွင် သယ်ယူစရိတ် (၁၀၀၀ဝိ/-)ကျပ်ပေးရသဖြင့် တစ်ဧကကုန်ကျစရိတ် (၁၁၄၀၀၀ဝိ/-)ကျပ် ကုန်ကျကြောင်း သိရှိရပါသည်။

တစ်ဧကအထွက်နှုန်းနှင့်အကျိုးအမြတ်ရရှိမှု

      အနှံစထွက်ပါက စပါး၏အရောင်သည် အဖြူနှင့်အစိမ်းရောင်စထွက်ပြီးနောက် (၁)လခန့် အကြာတွင် ခရမ်းပုပ်ရောင်သို့ ပြောင်းလဲကြောင်း၊ ခရမ်းပုပ်ရောင်မှတဆင့်  စပါးနှံရင့်သည့်အချိန်တွင် အုန်းခွံရောင်အဖြစ်သို့ပြောင်းလဲလာကြောင်း၊ ငချိပ်စပါးကို ပြည်တွင်းသာမက ပြည်ပနိုင်ငံများမှ ဝယ်ယူကြောင်း၊ ငချိပ်စပါးစိုက်သည့် တောင်သူကို မေးမြန်းရာတွင် (၁)ဧကလျှင် (၇၀)တင်းမှ (၈၀) တင်းထွက်ရှိကြောင်း၊ ယခုပေါ်ချိန်ဈေးနှုန်းမှာ ငချိပ်စပါးတင်း(၁၀၀) လျှင် (၃၈၀၀၀၀ဝိ/-)မှ (၄၀၀၀၀၀ဝိ/-)ထိဈေးနှုန်းရှိကြောင်း၊ ငချိပ်စပါး စောထွက်သည့် တောင်သူများမှာ မိုးလေဝသရာသီဉတုကို စိုးရိမ်၍ ရောင်းချရာ (၃၈၀၀၀၀ဝိ/-) ကျပ်သာ ရရှိကြောင်း၊ တစ်ဧကအထွက်နှုန်း (၇၀) တင်း နှင့် တွက်ချက်ပါက တစ်ဧကလျှင် (၂၆၆၀၀၀ဝိ/-)ကျပ်ရရှိပြီး ကုန်ကျစရိတ်မှာ (၁၁၄၀၀၀ဝိ/-) ကျပ် ကုန်ကျ၍ တစ်ဧက အကျိုးအမြတ်မှာ (၁၅၂၀၀၀ဝိ/-)ကျပ် ရရှိကြောင်း သိရှိရပါသည်။

      ထိုင်းငချိပ်(ခေါ်) ရာသီစပါးဖြစ်သည့် ငချိပ်စပါး စိုက်ပျိုးခြင်းဖြင့် တောင်သူများ ဈေးကောင်းရ၍ စပါးပေါ်ချိန်ရောင်းချသော်လည်း တစ်ဧကကုန်ကျစရိတ် ၁၃၃%အကျိုးအမြတ်ရရှိသဖြင့် တောင်သူဦးကြီးများအတွက် တွက်ချေကိုက်ပြီး ဈေးနှုန်းဈေးကွက်ကောင်းသည့် ငချိပ်စပါးကို နောင်နှစ်များ တွင်လည်း တွင်တွင်ကျယ်ကျယ်စိုက်ပျိုးမည်ဖြစ်ကြောင်း သတင်းရရှိပါသည်။

DOCA(စစ်ကိုင်း)