ပြည်တွင်းကုန်သွယ်မှုသတင်း

ကလေးမြို့နယ် ဆည်တော်ဦးကျေးရွာမှ ရာသီမရွေးစိုက်ပျိုး၍ ရောင်းပန်းဝင်လျက်ရှိသည့် ရုံပတီသီးသည် နှစ်စဉ် မိသားစုအပိုဝင်ငွေရရှိရန်အတွက် စိုက်ပျိုးရ လွယ်ကူသော စားဖိုဆောင်သီးနှံ ဖြစ်သည့်အပြင် ကျန်းမာရေးနှင့် သင့်တော်သော အသီးတစ်မျိုးဖြစ်သည်။ ဆည်တော်ဦးကျေးရွာမှ ထွက်ရှိသော ရုံးပတီးသီးများသည် ကလေးမြို့ပေါ်သို့ ဖောက်သည် ပေး၍ ကလေးမြို့မဈေးအတွင်း ရောင်းချသည့် ပေါက်ဈေးနှုန်းအနေဖြင့် ရုံးပတီသီး ( ၂၅ ) သားလျှင် ( ၃၀၀၀ ) ကျပ်၊ တစ်ပိဿာလျင် ( ၁၀၀၀၀ ) ကျပ် ပေါက်ဈေးနှုန်းများဖြင့် ရောင်းချလျက်ရှိကာ ယခုအခါတွင် ( ၅၀၀ ) ကျပ်ခန့် အနည်းငယ်ဈေးနှုန်းမြှင့်တက်ခဲ့ကြောင်း ဈေးကွက်အတွင်းမှ စုံစမ်းသိရှိရပါသည်။ DOCA(စစ်ကိုင်း)

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်း လမ်းပန်း ဆက်သွယ်ရေး အခက်အခဲများ၊ ဒေသတွင်း ညပိုင်းမထွက်ရ အမိန့်များကြောင့် လက်လုပ်လက်စား လုပ်ကိုင်သူများသည် ယခင်နှစ်များကဲ့သို့ မိုးဦးကျအချိန်အခါရောက်၍ ဖားများ ပေါများစွာထွက်ရှိသော်လည်း ညပိုင်းမထွက်ရ အမိန့်များကြောင့် ထွက်မရှာရဲသည့်အတွက် ဖားဈေးနှုန်းမှာလည်း အသား/ငါး ဈေးနှုန်းကဲ့သို့ မြင့်တက်လျက်ရှိပါသည်။ ယခင် ၂၀၂၅ ခုနှစ်၊ ဇွန်လ တတိယအပတ်တွင် ကျွန်းလှမြို့၏ ဖားအိုင်းသား ဈေးနှုန်းများ အနေ ဖြင့် ဖားအိုင်းသား လက္ကား တစ်ပိဿာလျှင်(၁၈၀၀၀)ကျပ်၊ ဖားအိုင်းသား လက်လီ တစ်ပိဿာလျှင် (၂၀၀၀၀)ကျပ်၊ (၅၀)ကျပ်သားလျှင်(၁၀၀၀၀)ကျပ် နှင့် (၂၅) ကျပ်သားလျှင် (၅၀၀၀)ကျပ် ဈေးနှုန်းတို့ဖြင့် စတုထ္ထအပတ်တွင် ကျွန်းလှမြို့၏ ဖားအိုင်းသား ဈေးနှုန်းများ အနေဖြင့် ဖားအိုင်းသား လက္ကား တစ်ပိဿာလျှင်(၂၀၀၀၀)ကျပ်၊ လက်လီ တစ်ပိဿာ လျှင်(၂၂၀၀၀)ကျပ်၊ (၅၀)ကျပ်သားလျှင်(၁၁၀၀၀)ကျပ် နှင့် (၂၅)ကျပ်သားလျှင်(၅၅၀၀)ကျပ် ဈေးနှုန်းရှိပြီး ယခင်အပတ်ထက် အနည်းငယ်ရှားပါးလာသည့်အတွက် ဈေးမြင့်တက် လာကာ အရောင်းအဝယ် ဖြစ်လျက်ရှိကြောင်း ဖားရောင်းချသူထံမှ သိရ ပါသည်။ DOCA(စစ်ကိုင်း)