ပြည်တွင်းကုန်သွယ်မှုသတင်း

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် ပခုက္ကူခရိုင်ဦးစီးမှူး၏ကြီးကြပ်မှုတို့ဖြင့် ဆိပ်ဖြူမြို့နယ်တာဝန်ခံ ဒေါ်မြင့်မြင့်သန်းနှင့် ဒု-ဦးစီးမှူး ဒေါ်တင်မာရီတို့သည် ဆိပ်ဖြူမြို့၊ ပတ္တမြားဈေးနှင့် မြို့ပေါ်ရပ်ကွက်များ၌ (၁၀-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မြို့နယ်စည်ပင်သာယာရေးအဖွဲ့နှင့်ပူးပေါင်း၍ အပတ်စဉ် တနင်္လာနေ့တိုင်း ပလတ်စတစ်အိတ်မသုံးစွဲရေးကမ်ပိန်း (Campaing) နှင့် မြန်မာဘာသာဖြင့် ကုန်အညွှန်းအမှတ်အသားပြည့်စုံစွာဖော်ပြထားသောစားသုံးဆီများကို ဈေးကွက်အတွင်း ရောင်းချရေးတို့အတွက် ကွင်းဆင်းဆောင်ရွက်ခဲ့ပါသည်။

     ထိုသို့ဆောင်ရွက်ရာတွင် ဆိပ်ဖြူမြို့နယ်တာဝန်ခံနှင့် အဖွဲ့သည် မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဆိပ်ဖြူမြို့၊ ပတ္တမြားဈေးနှင့် အနောက်ပိုင်းရပ်ကွက်နှင့် ရွာသစ်ရပ်ကွက်တို့ရှိ စားသုံးဆီရောင်းချနေသောဆိုင်များ၌ စားသုံးသူများ နေ့စဉ် မပါမဖြစ်သုံးစွဲလျက်ရှိသော စားသုံးဆီအမျိုးမျိုးတို့တွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာဘာသာဖြင့် မဖြစ်မနေပါဝင်ဖော်ပြရမည့်အချက်အလက်များကို ပြည့်စုံစွာဖော်ပြကာ ဈေးကွက်အတွင်း ရောင်းချခြင်းရှိ/မရှိကိုစစ်ဆေးခဲ့ကြပါသည်။ ထို့နောက် စားသုံးသူကာကွယ်ရေးဥပဒေ ၂၀၁၉ အခန်း(၁၈)၊ ပုဒ်မ ၄၁၊ ပုဒ်မခွဲ (ခ)နှင့် (ဆ)တို့အရ ကုန်စည်များတွင် ကုန်အညွှန်းအမှတ်အသားပြည့်စုံစွာပါဝင်ဖော်ပြကြရန်၊ မြန်မာဘာသာဖြင့် မဖြစ်မနေပါဝင်ဖော်ပြထားသည့် ကုန်စည်များကိုသာရောင်းချကြရန်နှင့် စားသုံးဆီအမျိုးမျိုး ထုတ်လုပ်ရောင်းချဖြန့်ဖြူးသော စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ကြရန် စားသုံးသူကာကွယ်ရေးဥပဒေ ၂၀၁၉ပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ စသည်တို့ကို သိရှိကြရန် အသိပညာပေးရှင်းလင်းဆွေးနွေးခဲ့ပြီးနောက် စားသုံးဆီဆိုင်(၉)ဆိုင်တို့ကို ဈေးကွက်စောင့်ကြည့်စစ်ဆေးခဲ့ကြောင်းသိရှိရပါသည်။

DOCA(မကွေး)

    မကွေးမြို့တွင် မြို့မစျေး၊ ကန်သာစျေး၊ မင်္ဂလာစျေး၊ ရန်ပယ်စျေး၊ အခွန်လွတ်စျေးနှင့် ဆည်မြောင်းစျေးတို့ရှိကြပြီး မြို့မစျေးသို့ မကျီးကန်ရွာ၊ ဆားတိုင်ကန်ရွာ၊ သန်းတောကုန်းကျေးရွာ၊ ပုထိုးစမ်းကျေးရွာတို့မှ အဓိကလာရောက်ရောင်းဝယ်ဖောက်ကားလျက်ရှိပါသည်။

  ထို့ပြင် မကွေးမြို့၊ မြို့မစျေးတွင် ရန်ကုန်၊ ဘုရင့်နောင်၊ မကွေးတိုင်းဒေသကြီး၊ စေတုတ္တရာမြို့နယ်ရှိ ဆည်များ၌ မွေးမြူထားသော ရေထွက်ပစ္စည်းများဖြစ်သည့် တီလားဗီးယား၊ ငါးဖန်းမ၊ ငါးများကို အခြောက်လှန်း၍ ငါးဆားနယ်အဖြစ်ပြုလုပ်ကာ လာရောက်ရောင်းချကြကြောင်း လေ့လာသိရှိရပါသည်။

    ၂၀၂၃ခုနှစ်၊ ဇူလိုင်လ(ဒုတိယပတ်)အတွင်း မကွေးမြို့၊ မြို့မစျေး၌ ရောင်းချလျက်ရှိသောကုန်စျေးနှုန်းများမှာ ပုစွန်ခြောက်(၁)ပိဿာလျှင် ကျပ်(၆၀၀၀၀)မှ ကျပ်(၆၅၀၀၀)၊ ငါးရံ့ခြောက် (၁)ပိဿာလျှင် ကျပ်(၆၀၀၀၀)မှ ကျပ်(၇၀၀၀၀)၊ ငါးနီတူခြောက်(၁)ပိဿာလျှင် ကျပ်(၁၄၀၀၀)၊ ငါးကြင်းငါးပိကောင်(၁)ပိဿာလျှင် ကျပ်(၁၀၀၀၀)၊ ငါးမင်းသားခြောက်(၁)ပိဿာလျှင် ကျပ်(၁၈၀၀၀)၊ ငါးရံ့လုံး(၁)ပိဿာလျှင် ကျပ်(၅၅၀၀၀)၊ ငါးမဲလုံး(၁)ပိဿာလျှင် ကျပ်(၁၆၀၀၀)၊ ငါးဖောင်ရိုး(၁)ပိဿာလျှင် ကျပ်(၁၂၀၀၀)မှ ကျပ်(၁၆၀၀၀)၊ မီးသံသွယ်(၁)ပိဿာလျှင် ကျပ်(၁၅၀၀၀)မှ ကျပ်(၁၈၀၀၀)အထိ အသီးသီးအရောင်းအဝယ်ဖြစ်လျက်ရှိကြောင်း စျေးသည်များထံမှသိရှိရပါသည်။

DOCA(မကွေး)

  မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ်သည့် နှမ်းကို မိုးနှမ်း၊ နွေနှမ်း၊ ဆောင်းနှမ်းဟူ၍ စိုက်ပျိုးလေ့ရှိရာ မိုးနှမ်းကိုအဓိကထားစိုက်ပျိုးကြပါသည်။ ကျောက်ပန်းဒေသအနေဖြင့် တောင်သူအများစုမှာ နှမ်းသီးနှံကို ပဲစင်းငုံသီးနှံနှင့်ရော၍ ကြားညှပ်စိုက်ပျိုးမှုမှာ ပိုမိုများပြားပါသည်။ ၂၀၂၂-၂၀၂၃ ခုနှစ်တွင် မိုးနှမ်းစိုက်ပျိုးမှုမှာ(၁၂၉၇၀၃) ဧကစိုက်ပျိုးခဲ့ပြီး တစ်ဧကပျမ်းမျှအထွက်နှုန်းအနေဖြင့်(၃.၉၄)တင်းနှုန်းဖြင့် တင်းပေါင်း(၅၁၁၀၃၀) တင်း ထွက်ရှိခဲ့ပြီး၊ ဆောင်းနှမ်းစိုက်ဧကမှာ(၁၇၄)ဧက စိုက်ပျိုးနိုင်ခဲ့ပြီး တစ်ဧကပျမ်းမျှအထွက်နှုန်းမှာ(၄.၆၉)တင်းနှုန်းဖြင့် အထွက်တင်းပေါင်း(၈၁၆)တင်း ထွက်ရှိခဲ့ကြောင်း သိရှိရပါသည်။ နွေနှမ်းများလည်း စိုက်ပျိုးပြီးဖြစ်ရာ(၁၈၉၇)ဧက စိုက်ပျိုးပြီးကြောင်း သိရှိရပါသည်။ ၂၀၂၃-၂၀၂၄ ခုနှစ်အတွက် မိုးနှမ်းကိုစိုက်ပျိုးရန်လျာထားမှုအနေဖြင့် (၁၂၁၁၅၁)ဧက လျာထားမှုရှိပြီး၊ ဇွန်လကုန်အထိစိုက်ပျိုး ပြီးစီးမှုမှာ(၁၃၃၆၀၂)ဧက စိုက်ပျိုးနိုင်ခဲ့ပြီးဖြစ်ပါသည်။ မိုးနှမ်းကို နှစ်စဉ်ဇွန်လမိုးဦးကျချိန်တွင် စတင်စိုက်ပျိုးကြပြီး ဩဂုတ်လ ပထမပတ်တွင် စတင်၍ လှိုင်လှိုင်ပေါ်မည်ဖြစ်ပါသည်။ နွေနှမ်းကို မတ်လနှင့်ဧပြီလတို့တွင် စိုက်ပျိုးကြပြီး ဇွန်လနှင့်ဇူလိုင်လများတွင် ထွက်ပေါ်လေ့ရှိကြောင်း သိရှိရပါသည်။

  အရောင်းအဝယ်ဖြစ်ပေါ်ခဲ့သောဈေးနှုန်းများမှာ ၂၀၂၂ခုနှစ်တွင် နှမ်းနီတစ်တင်းလျှင် (၃၇၀၀၀၊၃၈၀၀၀)ကျပ်ဝန်းကျင်၊ နှမ်းဖြူတစ်တင်းလျှင်(၄၅၀၀၀)ကျပ်ဖြင့် ဈေးဖွင့်ရောင်းဝယ်ခဲ့ပြီး ဧပြီလတွင် နှမ်းနီတစ်တင်းလျှင်(၅၀၀၀၀)ကျပ်ဝန်းကျင်၊ နှမ်းဖြူတစ်တင်းလျှင်(၅၃၀၀၀)ကျပ် ဝန်းကျင်ဖြင့် အရောင်းအဝယ်ရှိခဲ့ကြောင်း သိရှိရပါသည်။ ၂၀၂၃ ခုနှစ်တွင် နှမ်းနီတစ်တင်းလျှင် (၆၈၀၀၀၊၇၀၀၀၀)ကျပ်ဝန်းကျင်၊ နှမ်းဖြူတစ်တင်းလျှင်(၉၀၀၀၀)ကျပ်ဝန်းကျင်များဖြင့် ဈေးဖွင့်အရောင်းအဝယ်ပြုလုပ်ခဲ့ပြီး ယခုချိန်တွင် နှမ်းနီတစ်တင်း(၈၅၀၀၀)ကျပ်၊ နှမ်းဖြူတစ်တင်းလျှင် (၁၁၄၀၀၀)ကျပ်ဝန်းကျင်သို့ ဈေးနှုန်းများမြင့်တက်၍ အရောင်းအဝယ်ဖြစ်ပေါ်လျက်ရှိပါသည်။

       ကျောက်ပန်းတောင်းမြို့နယ်တွင် မိုးနှမ်းစိုက်ဧက တစ်ဧကလျှင်ကုန်ကျစရိတ်အနေဖြင့် (၃၈၃၀၀၀)ကျပ်ဝန်းကျင် ကျသင့်ပြီး၊ တစ်ဧကပျမ်းမျှအထွက်နှုန်းမှာ (၆.၃၀)တင်းနှုန်းခန့်ထွက်ရှိ ကြောင်းသိရှိရပါသည်။ နှမ်းပေါ်ချိန်ရောင်းဈေးအနေဖြင့် တစ်တင်းလျှင်(၆၈၀၀၀)ကျပ်ဝန်းကျင်ဖြင့် ရောင်းချခဲ့ရ၍ တစ်ဧကဝင်ငွေမှာ(၄၂၈၄၀၀)ကျပ်ခန့်ရရှိပြီး တစ်ဧကတောင်သူအကျိုးအမြတ်မှာ (၄၅၄၀၀)ကျပ်ရရှိပါသည်။ ဒေသထွက်နှမ်းများကို မြို့ပေါ်ရှိ ပွဲရုံများ၊ ဆီစက်များသို့ လာရောက်ရောင်းချကြသလို တစ်ချို့တောင်သူများမှာ မိမိတို့ဝမ်းစာအတွက်ဆီကြိတ်ခွဲသိုလှောင်ပြီး သုံးစွဲမှုများလည်း များပြားလာပါသည်။ တောင်သူအကျိုးအမြတ်ရရှိသော ဆီထွက်သီးနှံဖြစ်သည့် နှမ်းသီးနှံကို ပိုမိုစိုက်ပျိုးပြီး ပြင်ပသို့ရောင်းချခြင်းမပြုပဲ ပြည်တွင်း၌သုံးစွဲခြင်း၊ ဆီကြိတ်ခွဲရောင်းချခြင်းများ ပြုလုပ်ပါက ဒေသတွင်းဆီစားသုံးမှု ဖူလုံလာခြင်း၊ ကျန်းမာရေးနှင့် ညီညွတ်သောဆီများ စားသုံးရခြင်း၊ တိရစ္ဆာန်အစားအစာများပေါများလာပြီး မွေးမြူရေးလုပ်ငန်းများ တိုးတက်လာနိုင်ခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်းများ ပိုမိုရရှိလာစေနိုင်ခြင်း စသည့်အကျိုးကျေးဇူးများ ရရှိစေလာသည့်အတွက် ဆီထွက်သီးနှံဖြစ်သည့် နှမ်းသီးနှံကို ပိုမိုစိုက်ပျိုးသင့်ပါကြောင်း လေ့လာသိရှိရပါသည်။

DOCA(မန္တလေး)

     ၂၀၂၃ ခုနှစ် ဇူလိုင်လ ဒုတိယပတ်အတွင်း မိတ္ထီလာမြို့နယ် စျေးကွက်ရှိ အခြေခံစားကုန်စျေးနှုန်းများမှာ ရွှေဘိုပေါ်ဆန်း ဆန်တစ်အိတ်လျှင် (၁၀၅၀၀၀) ကျပ်၊ မဂျမ်းတော ဆန်တစ်အိတ်လျှင် (၈၅၀၀၀) ကျပ်၊ မနောသုခ ဆန်တစ်အိတ်လျှင် (၈၀၀၀၀) ကျပ်၊ ပဲဆီ၊ နှမ်းဆီတို့မှာ တစ်ပိဿာလျှင် (၁၄၀၀၀) ကျပ်၊ စာအုန်းဆီ တစ်ပိဿာလျှင် (၈၀၀၀) ကျပ်၊ ကြက်သွန်နီအလတ်တစ်ပိဿာလျှင် (၂၂၀၀) ကျပ်၊ ကြက်သွန်ဖြူ (ကြူကုတ်) တစ်ပိဿာလျှင် (၇၅၀၀) ကျပ်၊ အာလူး (လတ်) တစ်ပိဿာ လျှင် (၂၈၀၀) ကျပ်၊ ဂျင်း တစ်ပိဿာ (၆၀၀၀) ကျပ်၊ ကြက်ဥ တစ်လုံး (၂၆၀ မှ ၃၀၀) ကျပ်၊ ဘဲဥတစ် လုံးလျှင် (၃၅၀) ကျပ်၊ ခရမ်းချဉ်သီး တစ်ပိဿာလျှင် (၂၀၀၀) ကျပ်၊ ဂေါ်ဖီထုပ် တစ်ထုပ်လျှင် (၆၀၀မှ ၇၀၀) ကျပ်၊ ကြက်သား တစ်ပိဿာလျှင် (၁၂၀၀၀) ကျပ်၊ ဝက်သား တစ်ပိဿာလျှင် (၂၀၀၀၀) ကျပ်၊ အမဲသား တစ်ပိဿာလျှင် (၁၆၀၀၀) ကျပ်၊ ငါးမြစ်ချင်း တစ်ပိဿာလျှင် (၈၀၀၀) ကျပ် စျေးရှိပါသည်။ ယခင်ဇွန်လ ဒုတိယပတ်နှင့် နှိုင်းယှဉ်ပါက ဆန်စျေးနှုန်းများတွင် စားသုံးမှုများသော မနောသုခ၊ မဂျမ်း တောဆန်‌စျေးများ အနည်းငယ်မြင့်တက်လာပြီး စာသုံးဆီစျေးများ အတက်၊ အကျများစွာပြောင်းလဲမှု မရှိကြောင်းသိရသည်။ ကုန်ခြောက်စျေး အတော်များများစျေးငြိမ်နေပြီး၊ ကုန်စိမ်းစျေးများတွင် ခရမ်းချဉ်သီးစျေးမြင့်လာကာ အသားငါးစျေးနှုန်းမျာတွင် ကြက်ဥနှင့်ကြက်သားစျေးမြင့်လာကြောင်း စျေးကွက်မှ သိရသည်။

DOCA(မန္တလေး)

   မကွေးမြို့၊ ရန်ပယ်ဈေး၌ ရောင်းချနေသောစားဖိုဆောင်သုံးသီးနှံများမှာ ရှမ်းပြည်နယ်၊ ပြင်ဦးလွင်၊ အောင်ပန်းမြို့နှင့် မကွေးမြို့နယ်၊မကျီးကန်ရွာ၊ ဆားတိုင်ကန်ရွာ၊ သန်တောကုန်းရွာနှင့် ပထိုးစမ်းကျေးရွာတို့မှ အများဆုံးဝင်ရောက်ရောင်းဝယ်ဖောက်ကားလျက်ရှိပါသည်။

  ၂၀၂၃ခုနှစ်၊ ဇူလိုင်လ (ဒုတိယပတ်) အတွင်း ရန်ပယ်စျေး၌ရောင်းချနေသော စားဖိုဆောင်သုံးသီးနှံစျေးနှုန်းများမှာ ကန်စွန်းရွက်(၁)စည်းလျှင် ကျပ်(၅၀)၊ ချဉ်ပေါင်ရွက်(၁)စည်းလျှင် ကျပ်(၁၀၀)၊ ရုံးပတီသီး(၁)ပိဿာလျှင် ကျပ်(၂၀၀၀)၊ နံနံပင် (၁) ပိဿာလျှင် ကျပ်(၅၀၀၀)၊ မုန်လာဥနီ(၁)ပိဿာလျှင် ကျပ်(၄၅၀၀)၊ ကြက်ဟင်းခါးသီး(၁)ပိဿာလျှင် ကျပ်(၂၀၀၀)၊ ပန်းဂေါ်ဖီပွင့်(၁)ပွင့်လျှင် ကျပ်(၁၂၀၀)၊ မျှစ်(၁)ပိဿာလျှင် ကျပ်(၆၀၀၀)၊ မျှစ်ချဉ်(၁)ပိဿာလျှင် ကျပ်(၄၄၀၀)၊ ပဲပင်ပေါက်(၁)ပိဿာလျှင် ကျပ်(၁၂၀၀၀)၊ ပဲသီး(၁)ပိဿာလျှင် ကျပ်(၂၀၀၀)၊‌ ဂေါ်ဖီထုပ်(၁)ထုပ်လျှင် ကျပ်(၁၅၀၀)၊ ကင်ပွန်းချဉ် (၁)ပိဿာလျှင် ကျပ်(၄၀၀၀)၊ မုန်လာဥဖြူ(၁)စည်းလျှင် ကျပ်(၅၀၀)၊ ခရမ်းချဉ်သီး(၁)ပိဿာလျှင် ကျပ်(၁၅၀၀)၊ အာလူး(၁)ပိဿာလျှင် ကျပ်(၂၅၀၀)မှ ကျပ်(၃၂၀၀)အတွင်း၊ ငရုတ်သီးစိမ်း(၁)ပိဿာလျှင် ကျပ်(၆၀၀၀)၊ ငရုတ်သီးခြောက်(၁)ပိဿာလျှင် ကျပ်(၁၆၀၀၀)၊ ကုလားပဲ(၁)ပြည်လျှင် ကျပ်(၇၇၀၀)၊ ကြက်သွန်ဖြူ(ဗမာ)(၁)ပိဿာလျှင် ကျပ်(၈၀၀၀)၊ ကြက်သွန်ဖြူ(ရှမ်း)(၁)ပိဿာလျှင် ကျပ်(၈၈၀၀)၊ ချင်းတက်(၁)ပိဿာလျှင် ကျပ်(၈၀၀၀)၊ နနွင်းတက်(၁)ပိဿာလျှင် ကျပ်(၆၀၀၀)၊ ကြက်သွန်နီ (၁) ပိဿာလျှင် ကျပ်(၂၃၀၀)၊ ဆား(အကြမ်း)(၁)ပိဿာလျှင် ကျပ်(၅၀၀)၊ ဆား(အချော)(၁)ပိဿာလျှင် ကျပ်(၁၃၀၀)၊ နနွင်းမှုန့်(၁)ပိဿာလျှင် ကျပ်(၃၂၀၀)၊ အရောင်တင်မှုန့်(၁)ပိဿာလျှင် ကျပ်(၃၂၀၀)၊ ငရုတ်သီးခြောက်(အကြမ်း)မှုန့်(၁)ပိဿာလျှင် ကျပ်(၂၀၀၀၀)၊ ငါးပိ(၁)ပိဿာလျှင် ကျပ်(၈၀၀၀)မှ ကျပ်(၁၀၀၀၀)အတွင်း၊ ခရမ်းသီး(၁)ပိဿာလျှင် ကျပ်(၁၅၀၀)၊ ကြက်ဥ(၁)လုံးလျှင် ကျပ်(၂၆၀)မှ ကျပ်(၂၈၀)၊ ဘဲဥ(၁)လုံးလျှင် ကျပ်(၃၅၀)မှ ကျပ်(၃၈၀)၊ သကြား(၁)ပိဿာလျှင် ကျပ်(၃၅၀၀)တို့ဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)