ပြည်တွင်းကုန်သွယ်မှုသတင်း

     မြန်မာနိုင်ငံစက်သုံးဆီ တင်သွင်း/သိုလှောင် ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး၊ ပြည်နယ်အလိုက် မြို့ကြီးများ၏ စက်သုံးဆီ ရည်ညွှန်းလက်ကားဈေးနှုန်းများအား နေ့စဉ်ထုတ် ပြန်ပေးလျက်ရှိသည့်အပြင် စက်သုံးဆီအရောင်းဆိုင်များအနေဖြင့် စက်သုံးဆီ တင်သွင်း/သို လှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီမှ ထုတ်ပြန်လျက်ရှိသည့် ရည်ညွှန်းလက်လီ ဈေးနှုန်း အပေါ်အခြေခံ၍ ရောင်းချခြင်းရှိ/မရှိနှင့်  အချိန်အတွယ်နှင့် အလေးချိန် မှန်ကန်မှုရှိ/မရှိတို့ကို ကွင်းဆင်းစစ်ဆေးကာ ခရိုင်အတွင်းရှိ စက်သုံးဆီအရောင်းဆိုင်များသို့ နေ့စဉ်ချိတ်ဆက်၍ အရောင်းဆိုင်များအားလုံး၏ တစ်လီတာရောင်းဈေးနှုန်းများကို နေ့စဉ်တင်ပြလျက်ရှိပါသည်။

      ရွှေဘိုမြို့တွင် စက်သုံးဆီဆိုင် (၁၉)ဆိုင် ပုံမှန်ဖွင့်လှစ်ရောင်းချလျက်ရှိပြီး ၂၀၂၃ခုနှစ်၊ မေလ၊ လကုန်ပတ်တွင် ရောင်းချခဲ့သော စက်သုံးဆီဈေးနှုန်းများမှာ ဓါတ်ဆီ(92)တစ်လီတာလျှင် (၂၀၄၅)ကျပ်၊ ဓါတ်ဆီ(95) တစ်လီတာလျှင် (၂၂၂၀)ကျပ်၊ ဒီဇယ်(ရိုးရိုး) တစ်လီတာလျှင် (၁၉၇၀)ကျပ်၊ ဒီဇယ်(ပရီမီယမ်) တစ်လီတာလျှင် (၂၀၅၅)ကျပ်ဖြစ်ကြောင်း သိရသည်။

     ယခုဇွန်လ ပထမပတ်တွင် စက်သုံးဆီဈေးနှုန်းများမှာ ဓါတ်ဆီ(92) တစ်လီတာလျှင် (၂၀၇၅)ကျပ်၊ ဓါတ်ဆီ(95) တစ်လီတာလျှင် (၂၂၅၀)ကျပ်၊ ဒီဇယ်(ရိုးရိုး) တစ်လီတာလျှင် (၂၀၀၅)ကျပ်၊ ဒီဇယ်(ပရီမီယမ်) တစ်လီတာလျှင် (၂၀၉၀)ကျပ်ဖြင့် ရောင်းချနေသောကြောင့် ယခင်အပတ်နှင့် နှိုင်းယှဉ်ပါက ယခုအပတ်တွင် ယခင်အပတ်ထက် ဓါတ်ဆီ(92) တစ်လီတာလျှင် (၃၀)ကျပ်၊ ဓါတ်ဆီ(95) တစ်လီတာလျှင် (၃၀)ကျပ်၊ ဒီဇယ်(ရိုးရိုး) တစ်လီတာလျှင် (၃၅)ကျပ်၊ ဒီဇယ်(ပရီမီယမ်) တစ်လီတာလျှင် (၃၅)ကျပ် ဈေးနှုန်းအနည်းငယ်မြင့်တက်လျက်ရှိကြောင်း စက်သုံးဆီအရောင်းဆိုင်များမှ သတင်းရရှိသည်။

DOCA(စစ်ကိုင်း)

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

      ၂၀၂၃ခုနှစ်၊ ဇွန်လ၊ ပထမအပတ်အတွင်း ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်းတစ်ပြည်လျှင် (၄၅၀၀) ကျပ်ဖြစ်၍ ယခင်အပတ်တိုင်း တည်ငြိမ်လျက်ရှိနေကြောင်း၊ ဧရာမင်းတစ်ပြည်လျှင် (၃၈၀၀) ကျပ်ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီမြစ်သားအမျိုးအစားလက်လီဈေးမှာ (အကြီး)တစ်ပိဿာလျှင် (၃၀၀၀) ကျပ်၊ (အလတ်)တစ်ပိဿာလျှင် (၂၅၀၀) ကျပ်၊ (အသေး)တစ်ပိဿာလျှင် (၂၃၀၀) ကျပ်ဖြစ်၍ ယခင်အပတ်အတိုင်း တည်ငြိမ်နေပြီး အရောင်းအဝယ်ဖြစ်လျက်ရှိပါသည်။ ကြက်သွန်ဖြူလက်လီဈေးမှာ (ဗမာ)အလုံးကြီးတစ်ပိဿာလျှင် (၈၀၀၀) ကျပ်၊ ကြက်သွန်ဖြူလက်လီဈေးမှာ (ဗမာ) အလုံးသေးတစ်ပိဿာလျှင် (၆၅၀၀) ကျပ်၊ ကြူကုတ်တစ်ပိဿာလျှင် (၈၀၀၀) ကျပ်ဖြစ်၍ ယခင်အပတ်အတိုင်း တည်ငြိမ်လျက်ရှိပါသည်။ ချင်းတစ်ပိဿာလျှင် (၅၀၀၀) ကျပ်ဖြစ်နေပြီး ယခင်အပတ်ထက် အနည်းငယ်မြင့်တက်လျက်ရှိပါသည်။ ငရုတ်သီးခြောက်တစ်ပိဿာလျှင် (၂၀၀၀၀) ကျပ်ဖြစ်၍ ယခင်အပတ်ထက် (၃၀၀၀) ကျပ်မြင့်တက်နေကြောင်းနှင့် အာလူးတစ်ပိဿာလျှင် (၃၀၀၀) ကျပ်ဖြစ်၍ ယခင်အပတ်ထက် တစ်ပိဿာလျှင် (၅၀၀) ကျပ်မြင့်တက်နေပြီး အရောင်းအဝယ်ဖြစ်လျက်ရှိပါသည်။

    ငရုတ်သီးစိမ်းတစ်ပိဿာလျှင် (၄၀၀၀) ကျပ်ဖြစ်၍  ယခင်မေလ၊ နောက်ဆုံးအပတ်ထက် တစ်ပိဿာလျှင် (၁၀၀၀) ကျပ်မြင့်တက်နေကြောင်း၊ ခရမ်းချဉ်သီးတစ်ပိဿာလျှင် (၁၇၀၀) ကျပ်ဖြစ်၍ ယခင် မေလ၊ နောက်ဆုံးအပတ်အတိုင်း တည်ငြိမ်လျက်ရှိပါကြောင်း၊ ခရမ်းသီးတစ်ပိဿာလျှင် (၂၀၀၀) ကျပ်ဖြစ်၍ ယခင်ဈေးအတိုင်း တည်ငြိမ်လျက်ဖြင့် အရောင်းအဝယ်ဖြစ်လျက်ရှိပါသည်။  ပန်းဂေါ်ဖီတစ်ပွင့်လျှင်  (၁၈၀၀) ကျပ်၊ ဂေါ်ဖီထုပ်တစ်ထုပ်လျှင် (၂၅၀၀) ကျပ်ဖြစ်၍ ယခင်အထက် (၅၀၀) ကျပ်မြင့်တက်လျက်ရှိကြောင်း၊ ခါကြက်ဥ(တရုတ်)တစ်ပိဿာလျှင် (၅၀၀၀) ကျပ်၊ ခါကြက်ဥ(ဗမာ)တစ်ပိဿာလျှင် (၃၀၀၀) ကျပ်ဖြစ်၍ ယခင်အပတ်အတိုင်း တည်ငြိမ်နေကြောင်း၊ သံပရာသီးတစ်လုံးလျှင် (၂၀၀) ကျပ်မှ (၃၀၀) ကျပ်ထိ၊ ကန်ဇွန်းရွက်တစ်စီးလျှင် (၁၀၀) ကျပ်နှုန်းဖြင့် အရောင်းအဝယ်ဖြစ်နေပြီး  ကုန်ဈေးနှုန်းများအနည်းငယ်မြင့်တက်လာကြောင်း ဈေးသည်တစ်ဦးထံမှ သိရှိရပါသည်။

       ကြက်ဥလက်လီဈေးနှုန်းမှာ (အကြီး)တစ်လုံးလျှင် (၃၀၀) ကျပ်၊ (အသေး)တစ်လုံးလျှင် (၂၅၀) ကျပ်နှင့် ဘဲဥတစ်လုံးလျှင် (၃၅၀) ကျပ်တို့ရှိပါသည်။  ကန့်ဘလူ၊ ကျွန်းလှမြို့တို့၏အသားငါးဈေးနှုန်းများမှာ ကြက်သား (cp) တစ်ပိဿာလျှင် (၁၂၀၀၀ ) ကျပ်မှ (၁၄၀၀၀) ကျပ်ထိ၊ ကြက်သား(ဗမာ)တစ်ပိဿာလျှင် (၁၈၀၀၀) ကျပ်မှ (၂၀၀၀၀) ကျပ်ထိ၊ ဝက်သားတစ်ပိဿာလျှင် (၁၈၀၀၀) ကျပ်မှ (၂၂၀၀၀) ကျပ်ထိ၊ အမဲသားတစ်ပိဿာလျှင် (၁၁၀၀၀) ကျပ်မှ (၁၄၀၀၀) ကျပ်ထိဖြစ်၍ ယခင်မေလ၊ နောက်ဆုံးအပတ်အတိုင်း ကြက်သား၊ ဝက်သားနှင့် အမဲသားဈေးနှုန်းများမှာ တည်ငြိမ်လျက်ရှိနေပြီး ငါးကြင်းအကောင်လိုက်နှင့် ငါးကြင်းခုတ်သားဈေးနှုန်းများမှာ တစ်ပိဿာလျှင် (၉၅၀၀) ကျပ်မှ (၁၆၀၀၀) ကျပ်ထိ၊ တီလားဗီးယားငါးတစ်ပိဿာလျှင် (၆၀၀၀) ကျပ်မှ (၈၀၀၀) ကျပ်ထိတို့ဖြင့်  ငါးဈေးများမှာ ယခင်အပတ်ထက် အနည်းငယ်မြင့်တက်လျက်ရှိနေပြီး အရောင်းအဝယ်နေကြောင်း သိရှိရပါသည်။

         စားသုံးဆီဈေးနှုန်းမှာ မြေပဲဆီသန့်တစ်ပိဿာလျှင် (၁၄၀၀၀) ကျပ်ဖြစ်၍ မြေပဲဆီဈေးနှုန်းမှာ ယခင်အပတ်များနှင့်အတူ ဈေးတည်ငြိမ်လျက်ရှိပါသည်။ စားအုံးဆီတစ်ပိဿာလျှင် (၆၆၀၀) ကျပ်၊ ဆယ်ပိဿာတစ်ပုံးလျှင် (၆၅၀၀၀) ကျပ်ဖြစ်၍  ယခင်မေလ၊ နောက်ဆုံးအပတ်ထက် အနည်းငယ်လျော့ကျကာ အရောင်းအဝယ်ဖြစ်နေကြောင်း ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

       ကြက်သွန်နီ ကုန်စည်ဒိုင်တွင် ကြက်သွန်နီ စိုက်ပျိုးရာဒေသများဖြစ်ကြသော ပေါက်၊ ဆိပ်ဖြူ၊ ရေပြာ၊ ကမ္မ၊ ရေစကြို နှင့် ပခုက္ကူကျွန်းများမှ ဆောင်းစိုက်ပင်စိုက်များ အရောင်းအဝယ်ဖြစ်လျက်ရှိသည့်အပြင် အခြားဒေသများဖြစ်သော ပုလဲ၊ မြင်းခြံမြို့တောင်သာနယ်၊ ညောင်ဦးနယ်တို့မှ ဆောင်းစိုက် (ပင်စိုက်)ကြက်သွန်နီများအပြင် ကြက်သွန်ဖြူများလည်း ဝင်ရောက်အရောင်းအဝယ်ဖြစ်လျက်ရှိပါသည်။

      ၂၀၂၃ခုနှစ် မေလ(စတုတ္ထ)ပတ်တွင် ပခုက္ကူ ကုန်စည်ဒိုင်၌ ကြက်သွန်နီ ဒိုင်ပြတ်ဈေးမှာ ပေါက်နယ်(ယောစ) ထိပ်စ တစ်ပိဿာလျှင် (၂၀၀၀) ကျပ်၊ အလတ်စ တစ်ပိဿာလျှင် (၁၇၀၀) ကျပ်၊ အနိမ့်စ တစ်ပိဿာလျှင် (၁၃၀၀)ကျပ်၊ ပုလဲ ကြက်သွန်နီ ထိပ်စ တစ်ပိဿာလျှင် (၂၀၅၀)ကျပ်၊  အလတ်စ တစ်ပိဿာလျှင် (၁၇၀၀)ကျပ်၊ အနိမ့်စ တစ်ပိဿာလျှင် (၁၃၀၀) ကျပ်ဖြင့် နေ့စဉ်ကုန်ချိန် (၅၀၀၀၀ မှ ၁၀၀၀၀၀) ကျော် အရောင်းအဝယ်ဖြစ်နေပြီး တင်ပို့မှုအနေဖြင့် ရန်ကုန်ဘုရင့်နောင်၊ တရုတ်နှင့် ဗီယက်နမ်နိုင်ငံများသို့လည်း တင်ပို့နေကြောင်း ကုန်သည်များထံမှ သိရှိရပါသည်။

      ကြက်သွန်ဖြူ(ဗမာ) ဒိုင်ပြတ်လက်ကားဈေးမှာ အရည်အသွေးပေါ်မူတည်၍ ထိပ်စ တစ်ပိဿာလျှင် (၅၉၀၀)ကျပ်၊ အလတ်စ တစ်ပိဿာလျှင်( ၅၇၀၀)ကျပ်၊ အနိမ့် တစ်ပိဿာလျှင် (၅၂၀၀)ကျပ် ဖြစ်ပြီး ကြက်သွန်ဖြူ (ရှမ်းစ) ထိပ်စ တစ်ပိဿာလျှင် (၄၇၀၀)ကျပ်၊ အလတ်စ တစ်ပိဿာလျှင် (၄၀၀၀)ကျပ်၊ အနိမ့် တစ်ပိဿာလျှင် (၃၈၀၀)ကျပ်ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေပါသည်။

DOCA(မကွေး)         

     ဆီးပင်သည် ပူအိုက်စွတ်စိုသောဒေသများတွင် အလေ့ကျပေါက်ရောက်သော အပင်မျိုးဖြစ်သည်နှင့်အညီ ပူပြင်းသောရာသီဥတုရှိသည့် ပခုက္ကူဒေသတွင်လည်း ယာမြေများဘေး၌ အများအပြား ပေါက်ရောက်လျက်ရှိပါသည်။ အလေ့ကျပေါက်ရောက်သော အပင်မျိုးဖြစ်သော်လည်း ပင်စည်မှစ၍ အသီး၊ အသီးဖတ်များနှင့် အဆံအထိ အသုံးဝင်သော အပင်မျိုးဖြစ်သည်။

      ပခုက္ကူဒေသတွင် ဆီးသီးကုန်ကြမ်း ပေါများသဖြင့် ဆီးခွဲစက်လုပ်ငန်းရှင်များ၊ ဖျော်ရည် လုပ်ငန်းရှင်များ၊ ဆီးယိုလုပ်ငန်းရှင်များမှ ဝယ်ယူအသုံးပြုမှု များပါသည်။  ကြိတ်ခွဲ၍ ထွက်ရှိလာသော ဆီးခွဲခြမ်းများအား ပဲကြော်လုပ်ငန်းရှင်၊ နှမ်းလှော်လုပ်ငန်းရှင်၊ ကြက်သွန်ကြော်လုပ်ငန်းရှင်နှင့် မြေပဲဆားလှော်လုပ်ငန်းရှင်များမှ လောင်စာအဖြစ် အသုံးပြုရန်အတွက် အရောင်းဝယ်ဖြစ်နေသလို ဆီးသီးမှ ထွက်ရှိသော ဆီးဆံသည်လည်း ဆေးဘက်ဝင်၍ အခြားနိုင်ငံများမှ ဝယ်ယူနေကြောင်း သိရှိရပါသည်။  

      ဈေးနှုန်းများအနေဖြင့် ယခင်နှစ်မေလက ဆီးသီးခြောက် တစ်တင်းလျှင် (၅၅၀၀-၆၀၀၀)ကျပ်၊ ဆီးဆံ တစ်ပိဿာလျှင် (၂၅၀၀၀)ကျပ် ရှိခဲ့ပါသည်။ ယခုနှစ်မေလ ပထမပတ်တွင် ဆီးသီးခြောက် တစ်တင်းလျှင် (၁၄၀၀၀)ကျပ်၊ ဆီးဆံ တစ်ပိဿာလျှင် (၆၄၀၀၀) ကျပ်ဖြစ်ပြီး  ယခုဇွန်လ ပထမပတ်တွင် ဆီးသီးခြောက် တစ်တင်းလျှင် (၁၆၀၀၀) ကျပ်၊  ဆီးဆံတစ်ပိဿာလျှင် (၈၀၀၀၀)ကျပ်ထိ ရှိသောကြောင့် ဈေးကောင်းရနေကြောင်း ဆီးခွဲစက် လုပ်ငန်းရှင်ထံမှ သိရှိရပါသည်။

      ပြည်တွင်းဈေးကွက်အနေဖြင့်  ဆီးယိုလုပ်ငန်းရှင်များ၊ ဖျော်ရည်လုပ်ငန်းရှင်များမှာ ဝယ်ယူအသုံးပြုနေသည့်အပြင် ပြည်ပဈေးကွက်အနေဖြင့် တရုတ်နိုင်ငံနှင့် ကိုရီးယားနိုင်ငံတို့မှ အဝယ်ရှိနေသောကြောင့် ဒေသတွင်း ဆီးသီးတောင်သူများနှင့် ဆီးခွဲစက်လုပ်ငန်းရှင်များပါ  အကျိုးအမြတ် ရရှိ နေကြောင်း သိရှိရပါသည်။

DOCA(မကွေး)