ပြည်တွင်းကုန်သွယ်မှုသတင်း

    ကန့်ဘလူခရိုင်၊ ကျွန်းလှမြို့နယ်အတွင်း ငါးဈေးနှုန်းများ အနည်းငယ်မြင့်တက်လျက်ရှိရာမှ ငါးရံ့ နှင့် ငါးရံ့ခြောက်ဈေးနှုန်းသည်လည်း မြင့်တက်လျက်ရှိကြောင်း သိရှိရပါသည်။

     ၂၀၂၅ ခုနှစ်၊ ဇူလိုင်လ တတိယပတ်တွင် ကျွန်းလှမြို့နယ်အတွင်း ဖြစ်ပေါ်နေသော ငါးရံ့ ဈေးနှုန်း များအနေဖြင့် ငါးရံ့ (အကြီး)လက္ကားဈေး တစ်ပိဿာလျှင်(၃၀၀၀၀)ကျပ်၊ ငါးရံ့ အကြီး လက်လီဈေး တစ်ပိဿာလျှင်(၃၃၀၀၀)ကျပ်၊ (၅၀)ကျပ်သားလျှင်(၁၆၅၀၀)ကျပ် နှင့် (၂၅)ကျပ်သားလျှင် (၈၅၀၀)ကျပ်၊ ငါးရံ့(အ‌သေး)လက္ကား တစ်ပိဿာလျှင်(၂၃၀၀၀)ကျပ်၊ ငါးရံ့(အသေး)လက်လီ တစ်ပိဿာလျှင် (၂၅၀၀၀) ကျပ်၊ (၅၀)ကျပ်သားလျှင်(၁၃၀၀၀)ကျပ် (၂၅)ကျပ်သားလျှင်(၆၅၀၀)ကျပ်၊ ဈေးနှုန်းဖြင့် လည်းကောင်း၊ ငါးရံ့ခြောက် ဈေးနှုန်းများ အနေဖြင့် ငါးရံ့ခြောက် အကြီး လက်လီဈေး တစ်ပိဿာလျှင်(၈၅၀၀၀)ကျပ်၊ (၅၀)ကျပ်သားလျှင်(၄၃၀၀၀)ကျပ်နှင့် (၂၅)ကျပ်သားလျှင်(၂၂၀၀၀)ကျပ်၊ ငါးရံ့ ခြောက်(အ‌သေး) လက်လီ တစ်ပိဿာလျှင်(၆၅၀၀၀)ကျပ်၊ (၅၀)ကျပ်သားလျှင်(၃၃၀၀၀)ကျပ် နှင့် (၂၅)ကျပ်သားလျှင် (၁၆၅၀၀) ကျပ် ဈေးနှုန်းအသီးသီးတို့ဖြင့် အရောင်းအဝယ်ဖြစ်လျက်ရှိကြောင်း ငါးသည်ထံမှ သိရပါသည်။

DOCA(စစ်ကိုင်း)

     ငါးပတ်နှင့်ငါးပေါက်စကို ကန့်ဘလူခရိုင်၊ ကျွန်းလှမြို့နယ်အတွင်းရှိ သဖန်းဆိပ်ဆည်အတွင်းမှ ထွက်ရှိသည့် ဒေသထွက်ရေချိုငါးများကို  လက်လီ/လက္ကား ငါးအရောင်းအဝယ်ပြုလုပ်သည့် ဒိုင်များမှ ဝယ်ယူရောင်းချကာ  ဈေးကောင်းရရှိပြီး အရောင်းအဝယ် ဖြစ်လျက်ရှိကြောင်း သိရသည်။

    ၂၀၂၅ ခုနှစ်၊ ဇူလိုင်လ တတိယအပတ်တွင် ကျွန်းလှမြို့၏ ငါးပတ် ဈေးနှုန်းများ အနေဖြင့် ငါးပတ် ရှယ်ဆိုက်ဝင်(အကြီး) တစ်ပိဿာလျှင်(၂၅၀၀၀)ကျပ် နှင့် ငါးပတ် အကောင်သေး တစ်ပိဿာလျှင် (၂၀၀၀၀)ကျပ် ဈေးနှုန်းဖြစ်ပြီး ငါးပေါက်စဈေးနှုန်းများ အနေဖြင့် ငါးပေါက်စ(ခေါင်းဖြတ် ချေးဖောက်ပြီး) လက်လီ တစ်ပိဿာလျှင်(၁၆၀၀၀)ကျပ်၊ (၅၀)ကျပ်သားလျှင်(၈၀၀၀)ကျပ် နှင့် (၂၅)ကျပ်သားလျှင် (၄၀၀၀)ကျပ် ဈေးနှုန်းဖြင့် ရောင်းချလျက်ရှိသောကြောင့်  မိုးရွာသွန်းမှုများပြီး ရေတက်လာသည့်အတွက် ငါးရှားပြီး ယခင်အပတ်ထက် ငါးပတ် ဈေးနှုန်း အနည်းငယ်မြင့်တက်လာကာ အရောင်းအဝယ် ဖြစ်လျက်ရှိကြောင်း ငါးအရောင်းအဝယ်လုပ်ကိုင်သူထံမှ သိရပါသည်။

DOCA(စစ်ကိုင်း)

စစ်ကိုင်းတိုင်းဒေသကြီး ၊ မုံရွာမြို့နယ်အတွင်းရှိ ဥယျာဉ်ခြံလုပ်ကိုင်နေသူများသည် နှစ်ရှည်သီးနှံပင်များနှင့် ရာသီပေါ်သီးနှံများအကြားတွင် သီးညှပ်ပင်အဖြစ် ဂွေးချိုသီးပင်များ စိုက်ပျိုးလျက်ရှိကြပါသည်။  စိုက်ပျိုးရရှိသော ဂွေးချိုသီးများကို မုံရွာမြို့ပေါ်ရှိ မန်ကျဉ်းပင် ဈေးတွင် လာရောက်ရောင်းချကြကြောင်း သိရှိပါသည်။ ဂွေးချိုသီးပင်များသည် ရေခံ၊ မြေခံ ကောင်းသော နေရာများတွင်သာ စိုက်ပျိုးဖြစ်ထွန်းကြပါသည်။  ဂွေးချိုသီးပင်သည် ရာသီ မရွေးအသီးသီးသော အပင်တစ်မျိုးဖြစ်ပါသည်။၊ ဂွေးချိုသီးပင်စိုက်ပျိုးရာတွင် မြေသြဇာပေး၍ စနစ်တကျပျိုး ထောင်ရခြင်း၊ ရေကိုလုံလောက်စွာပေး၍ စိုက်ပျိုးရကြောင်း သိရှိရပါသည်။

          စိုက်ပျိုးရရှိသော ဂွေးချိုသီးများကို မုံရွာမြို့ပေါ်ရှိ မန်ကျဉ်းပင်ဈေးတွင် လာရောက် ရောင်းချ လျက်ရှိပြီး ဂွေးချိုသီး တစ်လုံးလျှင် အလုံးအရွယ်အစားပေါ်မူတည်ပြီး ၅၀ ကျပ်မှ ၁၀၀ ကျပ် အထိ ရောင်းလျလျက်ရှိရာ မိသားစုဝမ်းစာဖူလုံရေး အတွက်တစ်ဖက်တစ်လမ်းမှ အပို ဝင်ငွေရရှိကြောင်း သိရသည်။

Doca(စစ်ကိုင်း)

    ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေးကို အဓိကထားလုပ်ကိုင်ကြရာမှ စားဖိုဆောင်သီးနှံဖြစ်သည့် ခါကြက်ဥ(ဗမာ)မျိုးကို တစ်ပိုင်တစ်နိုင် စိုက်ပျိုးကြပြီး သစ်ရာမြိုင်ဈေးကွက်အတွင်းသို့ လာရောက် ပို့ဆောင်ရောင်းချကြပါသည်။

     ခါကြက်ဥများကို ခါကြက်ဥ(တရုတ်)နှင့် ခါကြက်ဥ(ဗမာ)ဟူ၍ ခါ(၂)မျိုးရောင်းချလျက်ရှိရာ ယခုအချိန်တွင် ဒေသတွင်း ထွက်ရှိသည့် ခါကြက်ဥ(ဗမာ)ဥများ ရှားပါးလာသည့် အချိန်ဖြစ်၍ တရုတ်ခါကြက်ဥကိုတော့ မန္တလေးမြို့နှင့် ရှမ်းပြည်နယ်တို့မှ ဝယ်ယူရောင်းချလျက်ရှိပါသည်။

      ၂၀၂၅ ခုနှစ်၊ ဇူလိုင်လ တတိယပတ်၌ ကျွန်းလှမြို့၊ သစ်ရာမြိုင်ဈေးအတွင်း ဖြစ်ပေါ်နေသော  ခါကြက်ဥ ဈေးနှုန်းမှာ ခါကြက်ဥ(တရုတ်) လက္ကား တစ်ပိဿာလျှင်(၉၅၀၀)ကျပ်၊ ခါကြက်ဥ လက်လီ တစ်ပိဿာလျှင်(၁၀၀၀၀)ကျပ်၊ (၅၀)ကျပ်သားလျှင်(၅၀၀၀)ကျပ် နှင့် (၂၅)ကျပ်သားလျှင်(၂၅၀၀)ကျပ်၊ ခါကြက်ဥ(ဗမာ) လက္ကား တစ်ပိဿာလျှင်(၅၅၀၀)ကျပ်၊ ခါကြက်ဥ(ဗမာ)ဥ လက်လီ တစ်ပိဿာလျှင် (၆၀၀၀)ကျပ်၊ ၅၀ကျပ်သားလျှင်(၃၀၀၀)ကျပ် နှင့် ၂၅ကျပ်သားလျှင်(၁၅၀၀)ကျပ် ဈေးနှုန်းဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

စစ်ကိုင်းတိုင်း‌ဒေသကြီး၊ မုံရွာမြို့ အနီးတစ်ဝိုက်ရှိ ကျေးရွာများမှ တောင်သူများသည် ဒေသထွက်ကုန်နှင့် စားဖိုဆောင်သီးနှံများကို စီးပွားဖြစ်အနေဖြင့်သော်လည်းကောင်း တစ်ပိုင် တစ်နိုင်အနေဖြင့် လည်းကောင်း၊ စိုက်ပျိုးလျက်ရှိပြီး ထွက်ရှိသော  ခရမ်းကြွပ်သီးများကိုလည်း မုံရွာမြို့၊ ဈေးဟောင်းတွင်လာရောက်ရောင်းချပါကြောင်း၊ ခရမ်းကျွတ်သီးများကို (၁၂)လ ရာသီပတ်လုံး စိုက်ပျိုးပြီး ခူးစွတ်နိုင်ကြောင်းလည်း သိရသည်။

၂၀၂၅ ခုနှစ်၊ ဇူလိုင်လ ဒုတိယပတ်အတွင်း ခရမ်းကြွပ်သီး(၁)ပိဿာလျှင်  (၃၀၀၀)ကျပ်၊ ရောင်းချလျက်ရှိပြီး ဇူလိုင်လ တတိယပတ်တွင် ခရမ်းကြွပ်သီး(၁)ပိဿာလျှင်  (၂၈၀၀) ကျပ်ဖြင့် ရောင်းလျလျက်ရှိပြီး ဈေးနှုန်းအနည်းငယ်ကျဆင်းသွားပြီး ခရမ်းကြွပ်သီးကို ထမင်းဝိုင်းတွင် ငပိရည်နှင့် တွဲဖက်၍ တို့စာရာအဖြစ် စားသုံးပါကြောင်း၊ ထမင်းဆိုင်များမှ နေ့စဉ်ဝယ်ယူသဖြင့် အရောင်းအဝယ်သွက်လျက်ရှိပါကြောင်းကုန်စိမ်းရောင်းချသူ တစ်ဦးထံမှ သိရှိရပါသည်။

Doca(စစ်ကိုင်း)