ပြည်တွင်းကုန်သွယ်မှုသတင်း

       စစ်ကိုင်းတိုင်းဒေသကြီး၊ တမူးခရိုင်၊ တမူးမြို့၊ နယ်စပ်ကုန်သွယ်ရေးစခန်းမှ ( ၁၀/၂၀၂၂ ) လအတွင်း သွင်းကုန် အမေရိကန်ဒေါ်လာသန်း ( ၀.၃၁၆ ) သန်း၊ တန်ချိန်အားဖြင့် ( ၁၆၈.၁၀၀ ) တင်သွင်းခဲ့ပြီး ယခုလတွင် သွင်းကုန်အနေဖြင့် ဓါတ်မြေသြဇာ ဖြစ်ပါသည်။ ပို့ကုန်အနေဖြင့် ကွမ်းသီးကို အမေရိကန် ဒေါ်လာသန်း ( ၀.၀၇၇ ) သန်းဖြစ်ပြီး တန်ချိန်အားဖြင့် ( ၈၉.၆၈၀ ) တန်၊ အုန်းသီးကို အမေရိကန်ဒေါ်လာသန်း ( ၀.၀၀၆ ) သန်း၊ တန်ချိန်အားဖြင့် ( ၅၄ ) တန်၊ စီးကရက် အမျိုးမျိုး အမေရိကန်ဒေါ်လာသန်း ( ၀.၀၅၁ ) သန်း၊ တန်ချိန်အားဖြင့် ( ၂၃.၇၂၈ ) တန်၊ နန်းဖာလုံ ကုန်စုံ အမေရိကန်ဒေါ်လာသန်း ( ၀.၂၆၆ ) သန်း တင်ပို့နိုင်ခဲ့ပြီး ပစ္စည်းတန်ချိန် ( ၁၆၇.၄၀၈ ) တန် တို့ဖြစ်ပါသည်။

     အောက်တိုဘာလအတွင်း နယ်စပ်ကုန်သွယ်ရေးစခန်းမှ ပို့ကုန် လျာထားချက်အနေဖြင့် အမေရိကန်ဒေါ်လာ ၆.၁၅၀ သန်း ဖြစ်ပြီး အမှန်တကယ် ပို့ကုန်အနေဖြင့် အမေရိကန်ဒေါ်လာ ၀.၄၀၀ သန်း တင်ပို့နိုင်ခဲ့သည့်အတွက် လျာထားချက်ထက် အမှန်တင်ပို့နိုင်မှုမှာ ရာခိုင်နှုန်းအနေဖြင့် ၆.၅၀ % သာ ရှိခဲ့ပါသည်။ သွင်းကုန်လျာထားချက်အနေဖြင့် အမေရိကန်ဒေါ်လာ ၀.၃၀၀ သန်း ဖြစ်ပြီး အမှန်တကယ် တင်သွင်းနိုင်မှုအနေဖြင့် အမေရိကန်ဒေါ်လာ ၀.၃၁၆ သန်း အမှန်တင်သွင်း နိုင်ခဲ့ပြီး ရာခိုင်နှုန်းအနေဖြင့် ၁၀၅.၃၃ %  ရှိခဲ့ပါသည်။ အောက်တိုဘာလအတွင်း ပို့ကုန်ပမာဏထက် သွင်းကုန် ပမာဏ ပိုမိုခဲ့ကြောင်း လေ့လာသိရှိရပါသည်။

DOCA(စစ်ကိုင်း)

           မုံရွာခရိုင်အတွင်းရှိ မြို့နယ်များ၌ နိုဝင်ဘာလ ပထမပတ်တွင် စပါးဈေးနှုန်းနှင့် ဆန်ဈေးနှုန်းများ တည်ငြိမ်နေပါသည်။

          မုံရွာမြို့၏ နိုဝင်ဘာလ ပထမပတ်တွင် ဖြစ်ပေါ်နေသော စပါး/ဆန်း ဈေးနှုန်းများမှာ ဧရာမင်းစပါးတင်း ၁၀၀ လျှင် ကျပ် ၁၃၀၀၀၀၀ မှ ၁၄၀၀၀၀၀၊ ဧရာမင်းဆန် ၂၄ ပြည်ပါ တစ်အိတ်လျှင် ကျပ် ၅၅၀၀၀ မှ ၆၀၀၀၀၊ မနောသုခစပါး တင်း ၁၀၀ လျှင် ကျပ် ၁၂၀၀၀၀၀၊ မနော သုခဆန် ၂၄ ပြည်ပါတစ်အိတ်လျှင် ကျပ် ၄၆၀၀၀၊ ပေါ်ဆန်းစပါးတင်း ၁၀၀ လျှင် ကျပ် ၂၂၀၀၀၀၀၊ ပေါ်ဆန်းဆန် ၂၄ ပြည်ပါတစ်အိတ်လျှင် ကျပ် ၈၈၀၀၀ မှ ၉၀၀၀၀ တို့ဖြင့် အရောင်းအဝယ်ဖြစ်ကြောင်း သိပါသည်။ ယခင်အောက်တိုဘာလ ပထမပတ်တွင် ဖြစ်ပေါ်ခဲ့သော ဈေးနှုန်းနှင့် ယခုနိုဝင်ဘာလ ပထမပတ်အတွင်း ဖြစ်ပေါ်နေသော စပါး/ ဆန်ဈေးနှုန်းများ ပြောင်းလဲမှုမရှိပါ။ ထူခြားချက်အနေဖြင့် ယခင်လ ပထမပတ်ရွှေဘိုပေါ်ဆန်းစပါးတင်း ၁၀၀လျှင် ၁၉၀၀၀၀၀ ဖြစ်ပေါ်ခဲ့ရာမှ ယခုလ ပထမပတ်၌ ရွှေဘိုပေါ်ဆန်းစပါးတင်း ၁၀၀ လျှင် ၂၂၀၀၀၀၀ ထိ ‌ဈေးနှုန်းမြင့်တက်ခဲ့ကြောင်း၊ ဆန်ဈေးနှုန်းတွင်လည်း ရွှေဘိုပေါ်ဆန်းဆန်၂၄ပြည်ပါ တစ်အိတ်လျှင်ဈေးနှုန်း ၈၈၀၀၀ ကျပ် ဖြစ်ပေါ်ခဲ့ရာမှ ယခုလ ပထမပတ်တွင် ၉၀၀၀၀ ထိ ဈေးနှုန်းမြင့်တက်လာကြောင်း သိရသည်။

DOCA(စစ်ကိုင်း)

နေပြည်တော် နိုဝင်ဘာလ ၇ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်းဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ နှင့်အင်ဒိုနီးရှားနိုင်ငံတို့တွင် ဖြစ်ပေါ်နေသည့် FOB ဈေးနှုန်းများကို နေ့စဉ် စောင့်ကြည့်ကာ သယ်ယူပို့ဆောင်ခ ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံ လက်ကား ရည်ညွှန်းဈေးနှုန်းကို ထုတ်ပြန်ပေးလျက်ရှိပါသည်။ ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့်ဈေးနှုန်းဖြစ်ပေါ်မှုများအရ ၂၀၂၂ ခုနှစ်၊ နိုဝင်ဘာလ ၈ ရက်နေ့မှ နိုဝင်ဘာလ ၁၃ ရက်နေ့ အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၄၃၃၀ ကျပ် ဖြစ်ကြောင်း ထုတ်ပြန်ကြေညာထားပါသည်။ ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားသည်။ အဆိုပါ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊ Facebook Page နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။

       ချောက်မြို့နယ်တွင် မြို့နေလူဦးရေအတွက် အဓိကလိုအပ်သော စားဖိုးဆောင်သီးနှံများကို နီးစပ်ရာမြို့များဖြစ်သည့် ဆိပ်ဖြူ၊ တညောင်၊ စလင်း၊ ဆင်ဖြူကျွန်းမြို့များနှင့် ရှမ်းပြည်နယ်အောင်ပန်း၊ တောင်ကြီးတို့မှ အဓိကမှာယူရောင်းဝယ်စားသုံးကြကြောင်း သိရှိရပါသည်။

    ချောက်မြို့၊ မြို့မစျေး၌ ၂၀၂၂ခုနှစ် အောက်တိုဘာလ(၂၈)ရက်မှ နိုဝင်ဘာလ (၁)ရက်အတွင်း ဖြစ်ပေါ်နေသော ဈေးနှုန်းမှာ ခရမ်းချဉ်သီး(၁)ပိဿာလျှင် ကျပ်(၂၈၀၀)၊ အာလူး(၁)ပိဿာ ကျပ်(၂၆၀၀)၊ ငရုတ်သီးစိမ်း(၁၀)သား ကျပ်(၁၀၀၀)၊ ငရုတ်သီးခြောက် (၁)ပိဿာကျပ်(၂၀၀၀၀)၊ ကြက်သွန် (၁)ပိဿာ ကျပ်(၅၀၀၀)၊ ကြက်သွန်ဖြူ(၁)ပိဿာလျှင် ကျပ်(၅၀၀၀)၊ ပန်းဂေါ်ဖီ(၁)ပွင့် ကျပ်(၂၀၀၀)၊ ဂေါ်ဖီ(၁)ထုပ် ကျပ် (၁၇၀၀)၊ မျှစ်(၁)ပိဿာလျှင် ကျပ်(၃၂၀၀)၊ ကန်စွန်းရွက်(၁)စီး ကျပ်(၅၀)၊ ချဉ်ပေါင်ရွက်(၁)စီး ကျပ်(၁၀၀)၊ ပြောင်းဖူး(၁)ဖူးကျပ်(၃၀၀)၊ နဂါးမောက်သီး(၁)လုံး ကျပ်(၈၀၀)၊ ဂေါ်ရခါးသီး(၁)လုံး ကျပ်(၂၀၀)၊ ကန်စွန်းဥ (၁)ပိဿာလျှင်(ရွှေဝါ၊ ငချိတ်) ကျပ်(၂၀၀၀)၊ အာတာလွတ်ဥ (၁)ပိဿာလျှင် ကျပ်(၁၅၀၀)၊ ပန်းဆီငန်းသီး (၁)လုံး ကျပ်(၇၀၀)၊ ရွှေလိမ္မော် (၁)ပိဿာလျှင် ကျပ်(၁၂၀၀၀)၊ နို့ပန်းသီး(၁)လုံး ကျပ်(၂၅၀၀)၊ ဖရဲသီး(၁)လုံး ကျပ်(၂၀၀၀)၊ သလဲသီး(၁)လုံး ကျပ်(၁၅၀၀)၊ ထောပတ်သီး(၁)လုံး ကျပ်(၃၀၀-၄၀၀-၅၀၀)ဖြင့် အရောင်းအဝယ် ဖြစ်ပေါ်နေကြောင်း စုံစမ်းသိရှိရပါသည်။

DOCA(မကွေး)

       ယင်းမာပင်ခရိုင်သည် ယာမြေဧက (၅.၁) သိန်းကျော်ရှိပြီးပဲမျိုးစုံအဓိက စိုက်ပျိုးထွက်ရှိရာ ဒေသတစ်ခုဖြစ်ပါသည်။ နှစ်စဉ် ပဲမျိုးစုံဧက (၃)သိန်းကျော်စိုက်ပျိုးလျက်ရှိသည့်အနက် ကုလားပဲသီးနှံမှာ စိုက်ဧက (၁.၃)သိန်းကျော်ဖြင့် စိုက်ဧကအများဆုံးဖြစ်ပြီး ခရိုင်အတွင်း ပဲမျိုးစုံ စုစုပေါင်း စိုက်ဧက၏ (၄၀%) ကျော်ရှိကြောင်း သက်ဆိုင်ရာ ဌာန၏ စာရင်းဇယားများအရ သိရှိရသည်။

        ယင်းမာပင်ခရိုင်တွင် ယင်းမာပင်၊ ပုလဲ၊ ဆားလင်းကြီးနှင့် ကနီမြို့နယ်တို့ပါဝင်ပြီး ပုလဲမြို့နယ်မှာ ယာမြေဧရိယာ အကျယ်ဝန်းဆုံးဖြစ်သည့်အလျောက် စိုက်ဧကလည်း အများဆုံးဖြစ်ကြောင်း၊ ဆားလင်းကြီးမြို့နယ်နှင့် ယင်းမာပင်မြို့နယ်တို့မှာ ဒုတိယနှင့် တတိယ စိုက်ဧကအများဆုံးဖြစ် ကြောင်းလည်းသိရှိရသည်။ ကုလားပဲသီးနှံကို နှစ်စဉ်အောက်တိုဘာလဆန်းပိုင်းမှ နိုဝင်ဘာလကုန် ပိုင်လောက်အထိ စိုက်ပျိုးကြသော်လည်း ယခုနှစ် မိုးနှောင်းရွာသွန်းခဲ့သည့်အတွက် အောက်တိုဘာ တတိယပတ်လောက်မှသာ ပြိုင်ပြိုင်စိုက်ပျိုးကြရကြောင်း၊ ရေဝင်အင်းမြေများနှင့် သီးထပ်(ရိုးပြတ်) စိုက်ခင်းများမှာ နိုဝင်ဘာလကုန်ပိုင်းမှ အပြီးစိုက်ပျိုးနိုင်မည်ဖြစ်ကြောင်း ဒေသခံတောင်သူများထံမှ သိရှိရသည်။

       ယခုနှစ်တွင် ကုလားပဲသီးနှံဧက (၁.၃) သိန်းကျော် စိုက်ပျိုးရန်လျာထားပြီး ဧက(၆.၅) သောင်းကျော်စိုက်ပျိုးပြီးစီးကြောင်းသိရှိရသည်။ ကုလားပဲဖြူလုံးကြီး (V_2, V₃) မျိုးများနှင့် 929 မျိုးများကို အများဆုံးစိုက်ပျိုးကြကြောင်း၊ ယခုနှစ် ကုလားပဲမျိုးတစ်တင်းကို (၆၅၀၀၀-၇၀၀၀၀) ကျော်ဖြင့် ဝယ်ယူစိုက်ပျိုးရကြောင်း၊ ထွန်စက်ခနှင့်သွင်းအားစုဈေးနှုန်းများ မြင့်တက်ခဲ့သလို အလုပ် သမားခ ဈေးများလည်းမြင့်တက်ခဲ့သည့်အတွက် ယခင်နှစ်များကထက်တစ်ဧက ထုတ်လုပ်မှု ကုန်ကျစရိတ်များမြင့်တက်ခဲ့ကြောင်း၊ တစ်ဧကခန့်မှန်းကုန်ကျစရိတ် (၃) သိန်းကျော်မည်ဟု ခန့်မှန်း ထားကြောင်း၊ တစ်ဧကပုံမှန်(၁၅)တင်း ဝန်ကျင်ခန့်ထွက်ရှိကြောင်း၊ သီးနှံပေါ်ချိန် ဈေးကောင်း ရရှိပါက အကျိုးအမြတ်ပိုမိုရရှိနိုင်မည်ဖြစ်ကြောင်း ဒေသခံတောင်သူ ဦးဇော်၏ ပြောပြချက်အရ သိရှိရသည်။

      ယခုလက်ရှိ ဈေးကွက်အတွင်း၌ ကုလားပဲလက်ကျန်မရှိသလောက် နည်းပါးလျှက်ရှိပြီး ဒေသတွင်းလုပ်ငန်းသုံးအဖြစ်သာ ဝယ်ယူမှုရှိနေကြောင်း၊ ကုလားပဲဖြူလုံးကြီးတစ်တင်း(၆၅၀၀၀) ကျပ် 929 တစ်တင်း(၆၀၀၀၀) ကျပ်၊ ပေါက်ဈေးအသီးသီးဖြစ်ပေါ်လျှက်ရှိပြီး ဒေသတွင်း ပဲကြော် လုပ်ငန်းများနှင့် ပဲခွဲစက်များမှ ဝယ်ယူမှုရှိနေသေးကြောင်း၊ ယခုနှစ် ရာသီကုန် ကုလားပဲလက်ငုတ် ဈေးကောင်းနေသည့်အတွက် ကုလားပဲစိုက်ဧကများ တိုးတက်လာဖွယ်ရှိကြောင်း ကုန်သည်တစ်ဦး၏ သုံးသပ်ပြောကြားချက်အရသိရှိရသည်။

DOCA(စစ်ကိုင်း)