ပြည်တွင်းကုန်သွယ်မှုသတင်း

        ၂၀၂၂ခုနှစ်၊ နိုဝင်ဘာ ဒုတိယပတ်အတွင်း နေပြည်‌တော်ကောင်စီနယ်မြေတွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် ၃၈၅၀ကျပ်၊ ဧည့်မထ တစ်ပြည် ၂၄၀၀ကျပ်၊ မနောသုခ တစ်ပြည် ၁၉၀၀ကျပ်နှုန်းဖြင့် အ‌ရောင်းအဝယ် ဖြစ်လျက်ရှိပါသည်။ ကြက်သွန်နီ လက်လီဈေးမှာ (ကြီး)တစ်ပိဿာ ၃၈၀၀ကျပ်၊ (လတ်)တစ်ပိဿာ ၃၆၀၀ကျပ်၊ (သေး)တစ်ပိဿာ ၃၀၀၀ကျပ်နှုန်းဖြင့် ‌အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ကြူကုတ်) တစ်ပိဿာ ၄၂၅၀ကျပ်မှ ၅၅၀၀ကျပ်ထိ၊ (ရှမ်း)တစ်ပိဿာ ၃၆၀၀ကျပ်မှ ၄၂၀၀ကျပ်ထိ၊ ငရုတ်သီးခြောက်လက်လီဈေးမှာ (အရှည်) တစ်ပိဿာ ၁၂၅၀၀ကျပ်မှ ၁၆၅၀၀ကျပ်ထိ၊ (အပု)တစ်ပိဿာ ၁၄၅၀၀ကျပ်မှ ၁၈၅၀၀ကျပ်ထိ၊ အာလူးလက်လီဈေးမှာ ၂၄၅၀ကျပ်မှ ၃၀၀၀ကျပ်ထိ၊ ခရမ်းချဥ်သီး တစ်ပိဿာ ၁၅၀၀ကျပ်မှ ၂၄၀၀ကျပ်ထိ အရောင်းအဝယ် ဖြစ်လျက်ရှိပါသည်။

         ကြက်ဥ လက်လီဈေးမှာ  တစ်လုံး ၁၈၅ကျပ်မှ ၂၂၀ကျပ်ထိ ဖြစ်ပါသည်။ နေပြည်တော် ကောင်စီနယ်မြေ၏ အသား/ငါး ဈေးနှုန်းများမှာ ကြက်သား(CP) တစ်ပိဿာ ၉၀၀၀ကျပ်မှ ၁၂၀၀၀ ကျပ်ထိ၊ ကြက်သား(ဗမာ) တစ်ပိဿာ ၁၁၀၀၀ကျပ်မှ ၁၄၀၀၀ကျပ်ထိ၊ ဝက်သား တစ်ပိဿာ ၁၁၅၀၀ကျပ်မှ ၁၄၀၀၀ကျပ်ထိ၊ အမဲသား တစ်ပိဿာ ၁၂၅၀၀ကျပ်မှ ၁၄၀၀၀ကျပ်ထိ၊ ငါးမြစ်ချင်း တစ်ပိဿာ ၅၁၀၀ကျပ်မှ ၈၂၀၀ထိ၊ ငါးကြင်း တစ်ပိဿာ ၉၅၀၀ကျပ်မှ ၁၄၅၀၀ကျပ်ထိ ရောင်းဝယ် နေကြောင်း သိရသည်။

         စားသုံးဆီ ဈေးနှုန်များမှာ ပဲဆီ တစ်ပိဿာလျှင် ၁၃၀၀၀ကျပ်၊ စားအုန်းဆီ တစ်ပိဿာလျှင် ၆၅၀၀ကျပ်နှင့် နှမ်းဆီ တစ်ပိဿာလျှင် ၁၁၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။  

DOCA(ပြည်ထောင်စုနယ်မြေ)

            ကံမမြို့နယ် မြောက်ချောင်းဘက်ရှိ ကျေးရွာများမှထွက်ရှိသည့် ပဲမျိုးစုံသီးနှံများအနက် ဆောင်းသီးနှံပဲတီစိမ်းမှာ ယခင်အောက်တိုဘာလ စတုထ္တပတ်တွင် ပဲတီစိမ်း (၃၀)ပိဿာဝင်တစ်အိတ် လျှင် ကျပ်(၆၇၀၀၀ မှ ၇၃၀၀၀)ထိ ဈေးနှုန်းဖြင့် အရောင်းအဝယ်ဖြစ်ခဲ့ပြီး ယခုနိုဝင်ဘာလ ပထမပတ်တွင် ပဲတီစိမ်းများ လှိုင်လှိုင်ပေါ်ထွက်နေသောကြောင့်(၃၀)ပိဿာဝင် တစ်အိတ်လျှင် (၆၉၅၀၀) ဈေးနှုန်းဖြင့် တစ်ပတ်လျှင် အိတ်ရေ (၁၀၀)ဝန်းကျင်ခန့် အရောင်းအဝယ်ဖြစ်လျက်ရှိကြောင်း သိရပါသည်။

            မတ်ပဲသီးနှံမှာ ယခင်အပတ်တွင် (၃၀)ပိဿာဝင် တစ်အိတ်လျှင် ကျပ်(၉၀၀၀၀) ဖြစ်ပြီး ယခု အပတ်တွင် ကျပ်(၈၆၀၀၀) ဖြင့် ယခင်အပတ်ထက် ကျပ်(၄၀၀၀)၊ ပဲကြီးယခင်အပတ် (၃၀)ပိဿာဝင် တစ်အိတ်လျှင် ကျပ်(၁၂၀၀၀၀) ဖြစ်ပြီး ယခုအပတ်တွင် ကျပ်(၁၁၂၅၀၀)ဖြင့် ယခင်အပတ်ထက် ကျပ် (၇၅၀၀) အသီးသီးဈေးနှုန်းကျဆင်းသွားကြောင်း ရေနံ့သာကုန်သည် တစ်ဦးထံမှ သိရပါသည်။

DOCA(မကွေး)

‌      အောင်လံကုန်စည်ဒိုင်တွင် နှမ်းဈေးကွက်အနေဖြင့် (၄၅)ပိဿာဝင်(၁)အိတ်လျှင် နှမ်းနက် (စမုံ)မှာ ယခင်အပတ်(၂၇.၁၀.၂၀၂၂)ရက်နေ့တွင် ကျပ်(၂၇၅၀၀၀)မှ ယခုအပတ် (၂.၁၁.၂၀၂၂)ရက်နေ့တွင် ကျပ်(၂၆၅၀၀၀)ဖြစ်၍ ကျပ်(၁၀၀၀၀)ဈေးနိမ့်ပြီး နှမ်းပြာမှာယခင်အပတ် ကျပ်(၂၃၅၀၀၀) ယခု အပတ်ကျပ်(၂၃၀၀၀၀)ဖြစ်၍ ကျပ်(၅၀၀၀)ဈေးနိမ့်၊ နှမ်းဖြူ ယခင်အပတ်ကျပ်(၂၅၅၀၀၀) ယခုအပတ် ကျပ်(၂၅၀၀၀၀)ဖြစ်၍ ကျပ်(၅၀၀၀)ဈေးနိမ့်၊ နှမ်းနီ ယခင်အပတ်ကျပ်(၂၄၀၀၀၀) ယခုအပတ် ကျပ်(၂၃၀၀၀၀)ဖြစ်၍ ကျပ်(၁၀၀၀၀) အသီးသီးဈေးနိမ့်ကာ အရောင်းအဝယ်ပမဏ အနေဖြင့်  နှမ်းနက် (စမုံ) (၁၂၅၀)အိတ်၊ နှမ်းပြာ(၃၂၀)အိတ်၊ နှမ်းဖြူ(၈၀)အိတ်၊ နှမ်းနီ (၁၆၀)အိတ်တို့ အရောင်းအဝယ်ရှိ ခဲ့ကြောင်း ကုန်သည်များထံမှသိရပါသည်။

          ပဲမျိုးစုံဈေးကွက်အနေဖြင့် (၂၀)ပိဿာဝင် (၁)တင်းလျှင် ပဲတီစိမ်းမှာ ယခင်အပတ် ကျပ်(၄၉၀၀၀) ယခုအပတ် ကျပ်(၄၈၀၀၀)ဖြစ်၍ ကျပ်(၁၅၀၀)ဈေးနိမ့်ပြီး ပဲစဉ်းငုံ(နီ) ယခင်အပတ်ကျပ်(၆၀၀၀၀) ယခုအပတ်ကျပ်(၅၉၅၀၀) ဖြစ်၍ ကျပ်(၅၀၀) ဈေးနိမ့်ကာ အရောင်းအဝယ်အနေဖြင့် ပဲတီစိမ်းမှာ (၃၀)ပိဿာဝင် (၂၈၀၀)အိတ် ၊ ပဲစဉ်းငုံ(နီ) (၉၀၀)အိတ်တို့အရောင်းအဝယ်ရှိခဲ့ကြောင်း၊  မတ်ပဲမှာ (၂၀)ပိဿာဝင် (၁)တင်းလျှင် ယခင်အပတ် ကျပ်(၅၆၀၀၀) ယခုအပတ်ကျပ်(၅၆၀၀၀)၊ ကုလားပဲ (HL)နှင့် ကုလားပဲ(မြကြေး)မှာ ယခင်အပတ်ကျပ် (၆၃၀၀၀) ယခုအပတ်ကျပ် (၆၃၀၀၀)၊ ဘိုကိတ်ပြာ ယခင်အပတ်ကျပ် (၃၈၀၀၀)၊ ယခုအပတ် ကျပ်(၃၈၀၀၀)၊ ပဲကြီးမှာ ယခင်အပတ်ကျပ် (၇၈၀၀၀) ယခုအပတ်ကျပ် (၇၈၀၀၀)ဖြင့်အသီးသီးဈေးနှုန်းများ တည်ငြိမ် လျက်ရှိပြီး အရောင်းအဝယ် အနေဖြင့် (၃၀)ပိဿာဝင် မတ်ပဲ(၈၀)အိတ်၊ ကုလားပဲ(HL)(၄၅၀) အိတ်၊ ကုလားပဲ(မြကြေး) (၃၀၀)အိတ်၊ ဘိုကိတ်ပြာ(၁၉၀)အိတ်၊ ပဲကြီး(၇၀၀)အိတ်တို့အရောင်းအဝယ် ရှိခဲ့ကြောင်း မြေပဲလုံးဆံ(နီ) တစ်ပိဿာ လျှင် ယခင်အပတ် ကျပ်(၅၇၀၀) ယခုအပတ် ကျပ်(၅၃၅၀)ဖြစ်၍ ကျပ်(၃၅၀) ဈေးနိမ့်ကာ (၃၀) ပိဿာဝင် (၁၇၀၀)အိတ်  အရောင်းအဝယ်ရှိခဲ့ပြီး မြေပဲလုံးဆံဖြူမှာ ယခင်အပတ် ကျပ်(၅၄၀၀) ယခုအပတ်ကျပ် (၅၄၀၀)ဖြစ်၍ ဈေးနှုန်းပြောင်းလဲခြင်း မရှိဘဲ (၃၀) ပိဿာဝင် (၁၁၀၀) အိတ် အရောင်းအဝယ်ရှိခဲ့ကြောင်း၊ မြေပဲတောင့်အစို တစ်တင်းလျှင် ယခင် အပတ်ကျပ် (၂၃၀၀၀)၊ ယခုအပတ် ကျပ် (၂၂၀၀၀)ဖြစ်၍ ကျပ်(၁၀၀၀) ဈေးနိမ့်ကာ တင်း(၅၅၀၀)ခန့် အရောင်းအဝယ်ရှိခဲ့ကြောင်း သိရပါသည်။

          ဝါသီးနှံအနေဖြင့်လည်း ယခင်အပတ် တစ်ပိဿာလျှင် ကျပ်(၂၃၅၀)ယခုအပတ် ကျပ်(၂၃၀၀) ဖြစ်၍ ကျပ်(၅၀)ဈေးနိမ့်ကာ ဝါပိဿာချိန် (၇၀၀၀)ခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

       ကယားပြည်နယ်တွင် ဒေသထွက်သီးနှံတစ်မျိုးဖြစ်သည့်  နဂါးမောက်သီးကို လွိုင်ကော် မြို့၊ မှုံပြာကျေးရွာ၊ ဘုရားဖြူကျေးရွာ၊ လောပိတကျေးရွာတို့တွင် မိသားစုအပိုဝင်ငွေရရှိစေရေး အတွက် တစ်နိုင်တစ်ပိုင်စိုက်ပျိုးကြပြီး  ရှမ်းပြည်နယ်ကလောစသည်  ဒေသများတွင်လည်းတင်ပို့ရောင်းချ ကြပါသည်။ ယခုနိုဝင်ဘာလအတွင်းဖြစ်ပေါ်နေသော  နဂါးမောက်သီးဈေးနှုန်းမှာနဂါးမောက်သီး အလုံးသေးတစ်လျှင်(၁၀၀၀)ကျပ်ခန့်ရှိပြီး  နဂါးမောက်သီးအလုံးကြီးတစ်လုံးလျှင်(၁၅၀၀)ကျပ် ခန့်မြှင့်တက်နေကြောင်း ယခင်အောက်တိုဘာလအတွင်းနဂါးမောက်သီး အလုံးသေးတစ်လုံးလျှင် (၇၀၀)ကျပ်ခန့်သာရှိပြီး နဂါးမောက်သီးအလုံးကြီးတစ်လုံးတစ်လျှင်(၁၀၀၀)ကျပ်ခန့်သာရှိပြီး ယခင်အောက်တိုဘာလနှင့် ယခုနိုဝင်ဘာလနှင့်နှိုင်းယှဉ်လျှင် နဂါးမောက်သီးအလုံးသေးတစ်လုံး လျှင်(၃၀၀)ကျပ်ခန့် နဂါးမောက်သီးအလုံးကြီးတစ်လုံးတစ်လျှင် (၅၀၀)ကျပ်ခန့်မြှင့်တက်လာကြောင့် ဈေးနှုန်းမြှင့်တက်လာရခြင်းများ သယ်ယူစရိတ်မြှင့်မားလာခြင်းကြောင်းဖြစ်သည့်ဟု နဂါးမောက်သီးရောင်းချသူတစ်ဦးက ဆိုပါသည်။

 DOCA(ကယား)

      ၂၀၂၂ခုနှစ် နိုဝင်ဘာလ ပထမပတ်အတွင်း ရွှေဘိုမြို့နယ်တွင် အခြေခံစားကုန်များ ဖြစ်သော ရွှေဘိုပေါ်ဆန်းဆန် တစ်ပြည် ၃၆၀၀ကျပ်၊ ဧရာမင်းဆန် တစ်ပြည် ၂၈၀၀ကျပ်ဖြင့် အရောင်း အဝယ်ဖြစ်လျက်ရှိသည်။ကြက်သွန်နီ လက်လီဈေးမှာ (ကြီး)တစ်ပိဿာ ၄၀၀၀ကျပ်၊ (လတ်)တစ်ပိဿာ ၃၇၀၀ကျပ်၊ (သေး)တစ်ပိဿာ ၃၅၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျင် ၄၅၀၀ကျပ်မှ ၅၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာ ၄၀၀၀ကျပ်မှ ၄၅၀၀ကျပ်ထိ ၊ (ကြူကုပ်) တစ်ပိဿာ ၄၅၀၀ကျပ်မှ ၅၀၀၀ကျပ်ထိ၊ ချင်းတစ်ပိဿာ ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာ ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာ ၂၄၀၀ကျပ်ဖြင့် အရောင်းအဝယ် ဖြစ်နေပါသည်။

       ကြက်ဥ လက်လီဈေးနှုန်းမှာ (ကြီး)တစ်လုံး ၂၅၀ကျပ်၊ (သေး) တစ်လုံး ၂၀၀ကျပ် ၊ ဘဲဥ (ကြီး) တစ်လုံး (၃၀၀)ကျပ်၊ (သေး)တစ်လုံး (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာ ၈၅၀၀ကျပ်မှ ၉၀၀၀ကျပ်ထိ၊ကြက်သား (ဗမာ)တစ်ပိဿာ ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာ ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာ ၆၀၀၀ကျပ်၊ ငါးကြင်း တစ်ပိဿာ ၅၅၀၀ကျပ်ဖြင့် ရောင်းဝယ်နေကြောင်း သိရသည်။

        စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၁၁၀၀၀ကျပ်မှ ၁၃၀၀၀ကျပ်ထိ၊  စားအုန်းဆီ တစ်ပိဿာလျှင် ၆၅၀၀ကျပ်နှင့် နှမ်းဆီ တစ်ပိဿာလျှင် ၁၃၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

DOCA(စစ်ကိုင်း)