ပြည်တွင်းကုန်သွယ်မှုသတင်း

      ၂၀၂၃ ခုနှစ် ၊ ဖေဖေါ်ဝါရီလ(၂၂)ရက်နေ့ နံနက်(၀၉း၀၀)အချိန်တွင် စားသုံးသူရေးရာဦးစီးဌာန၊ ကန့်ဘလူခရိုင်၊ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ကျီကုန်းကျေးရွာရှိ ချမ်းမြေ့ဝင်း ဆန်စက်လုပ်ငန်းရှင်အား တွေ့ဆုံကာ ဆွေးနွေး အသိပညာပေးခြင်းဆောင်ရွက်ခဲ့ပါသည်။

     ထိုသို့ဆွေးနွေးမေးမြန်းခဲ့ရာ ဆန်စက်လုပ်ငန်းလည်ပတ်နေမှုအခြေအနေ၊ ရောင်းဝယ်မှု အခြေအနေ၊ တင်ပို့ရောင်းချနေမှုအခြေအနေနှင့် အလုပ်သမားများအား အလုပ်အကိုင်ပေးနိုင်မှု အခြေအနေများအား  မေးမြန်းခဲ့ရာတွင် ယခုအခါကာလတွင် တစ်ရက်လျှင် လှည်း(၄/၅)စီး စပါးတင်း(၁၅၀) ခန့်သာ ကြိတ်ခွဲရပါကြောင်း၊ စားသုံးမည့်သူများကသာ လာရောက်ကြိတ်ခွဲနေပါကြောင်းနှင့် မိမိစက်အနေဖြင့် ယခင်နှစ်ဝယ်ယူထားသည့် စပါးကိုသာ ကြိတ်ခွဲရောင်းချနေရပါကြောင်း၊ အရောင်းသွက်လက်မှုမရှိကြောင်း ယခုလတွင် ဧရာမင်း စပါး (အသစ်)များဈေးတက်နေ၍ ဝယ်ယူကြိတ်ခွဲ ရောင်းချနိုင်ခြင်းမရှိသေးပါကြောင်း၊ စပါးဈေးနှုန်းများအနေဖြင့် ဧရာမင်း စပါး(အသစ်) (၁၆)ပြည် တစ်တင်းလျှင် (၁၇၀၀၀)ကျပ်ထိရှိပါကြောင်း မနောသုခ စပါး(၁၆)ပြည် တစ်တင်းလျှင် (၁၅၀၀၀) ကျပ်ရှိပါကြောင်း၊ ဆန်ဈေးနှုန်းများအနေဖြင့် ဧရာမင်းဆန်(အသစ်)(၁၆)ပြည်တစ်တင်းလျှင် (၄၀၀၀၀) ကျပ်နှင့် (၂၄)ပြည် တစ်အိတ်လျှင် (၆၀၀၀၀) ပေါက်ဈေးရှိပါကြောင်း၊ မနောသုခ ဆန်(အသစ်) (၁၆)ပြည်တစ်တင်းလျှင်(၃၈၇၀၀)ကျပ်နှင့် (၂၄)ပြည် တစ်အိတ်လျှင် (၅၈၀၀၀) ပေါက်ဈေးရှိပါကြောင်း၊ ဧရာမင်းဆန်(အဟောင်း) (၁၆)ပြည် တစ်တင်းလျှင်(၄၆၈၀၀)ကျပ်နှင့် (၂၄)ပြည် တစ်အိတ်လျှင် (၇၀၀၀၀) ပေါက်ဈေးရှိပါကြောင်း၊ မနောသုခ ဆန်ကတော့ အဟောင်းမရှိပါကြောင်းနှင့် မန်းလေးသို့ ပို့ဆောင်ရောင်းချနေသည်မှာလည်း (၁)လကျော်ရှိကာ ရပ်နားထားရပြီး ၊ ဒေသတွင်းတွင်သာ ရောင်းချနေရသော်လည်း အရောင်းမသွက်ကြောင်း ယခုလက်ရှိ အလုပ်သမား (၈)ဦးရှိပြီး အလုပ်အင်အား နည်းနေပါသဖြင့် အလုပ်သမားများ လျှော့ချရန်အစီအစဉ်ရှိနေပါကြောင်း အလုပ်သမားတစ်ဦးလျှင် (၁)ရက် (၆၀၀၀)နှုန်းဖြင့် လပြတ်ရှင်းပေးရပါကြောင်း  ဆန်(၁)တင်း ကြိတ်ခွဲခမှာ(၁၈၀၀)ကျပ် ယူရပါကြောင်း ၊ ဖွဲ(၃)တင်း(၁)အိတ်လျှင်(၉၀၀၀)ကျပ်ပေါက်ဈေး၊ ဆန်ကွဲ (၂၄)ပြည်တစ်အိတ်လျှင် (၃၉၀၀၀)ကျပ်ပေါက်ဈေးရှိကြောင်း အကျယ်တဝင့် ရှင်းလင်းဆွေးနွေး ပြောကြားခဲ့ပါသည်။

    ထို့နောက် ကျွန်းလှမြို့နယ်တာဝန်ခံ ဒေါ်ဝေဝေအောင်က စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ လိုက်နာရမည့် အချက်အလက်များကို အသေးစိတ် သိရှိနိုင်ပါရန် အသိပညာပေးဆွေးနွေး ဟောပြောဆောင်ရွက်ခဲ့ပါသည်။

DOCA(စစ်ကိုင်း)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများကို စီမံချက်များ ပြည့်မီအောင်ဆောင်ရွက်လျက်ရှိရာ ရွှေဘိုခရိုင်စားသုံးသူရေးရာဦးစီးဌာနမှ ခရိုင်ဦးစီးမှူး၊ ရွှေဘိုမြို့နယ်တာဝန်ခံနှင့် ဝန်ထမ်း(၁)ဦးတို့သည် (၂၀.၂.၂၀၂၃)ရက်နေ့တွင် ရွှေဘိုမြို၊ စက်မှုဇုန်ရှိ ငွေကြယ်ဆီစက်လုပ်ငန်းရှင်နှင့် အေးရွှေစင်ဆီစက် လုပ်ငန်းရှင်တို့အား တွေ့ဆုံဆွေးနွေးခဲ့ပါသည်။

  ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးက စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်ရေးဖွံ့ဖြိုးမှုလုပ်ငန်းများကိုလည်း ဆောင်ရွက်လျက်ရှိကြောင်း၊ စားသုံးသူကာကွယ်ရေးလုပ်ငန်းများကို စားသုံးသူကာကွယ်ရေးဥပဒေနှင့် နည်းဥပဒေပါပြဌာန်းချက်များနှင့်အညီ ဆောင်ရွက်လျက်ရှိကြောင်း၊ ကုန်စည်ကိုထုတ်လုပ်သည့် စီးပွားရေးလုပ်ငန်းရှင်များအနေဖြင့် မိမိထုတ်လုပ်သည့်ကုန်စည်ပေါ်တွင် စားသုံးသူကာကွယ်ရေးဥပဒေ၊ အခန်း(၁၈)တွင် ပြဌာန်းထားသည့် ကုန်အညွှန်းအမှတ်အသားများကို ပြည့်စုံစွာထည့်သွင်းဖော်ပြ၍ ထုတ်လုပ်ရောင်းချရမည် ဖြစ်ကြောင်း၊ အကယ်၍ ကုန်အညွှန်းအမှတ်အသားများကို ထုပ်ပိုးပစ္စည်းပေါ်တွင် ဖော်ပြရန်အခက်အခဲရှိပါက ကုန်စည်အမျိုးအစားနှင့်စပ်လျဉ်းသည့် လက်ကမ်းစာစောင်/အညွှန်းတို့ဖြင့်ဖော်ပြပြီး ကုန်စည်နှင့်အတူ စားသုံးသူထံသို့ တစ်ပါတည်းပေးအပ်ရန် လိုအပ်ကြောင်း၊ စားသုံးဆီအမျိုးမျိုးတွင် အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်းတို့ကို မြန်မာဘာသာဖြင့် ဖော်ပြရမည်ဖြစ်ကြောင်း၊ ကုန်အညွှန်းအမှတ်အသားများပြည့်စုံစွာဖော်ပြ၍ ဌာန၏အတည်ပြုချက် ရယူကြရန်လိုအပ်ကြောင်း၊  ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းအရာများ၊ စီးပွားရေး လုပ်ငန်းရှင်၏တာဝန်များကို သိရှိနားလည်ပြီး လိုက်နာဆောင်ရွက်ကြရန် လိုအပ်ပါကြောင်း ရှင်းလင်းဆွေးနွေးခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များကို ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့် တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

   ဖေဖော်ဝါရီလ တတိယပတ်တွင် ရွှေဘိုမြို့၌ ရောင်းချလျက်ရှိသော ဓါတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာ 50kg တစ်အိတ်လျှင်(၁၅၂၅၀ဝိ/-)၊ MCတံဆိပ် (၁၅:၁၅:၁၅) ကွန်ပေါင်းဓါတ်မြေဩဇာ 50kg တစ်အိတ်လျှင်(၁၃၂၀၀ဝိ/-)၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာ50kg တစ်အိတ်လျှင်(၇၁၀၀ဝိ/-)၊ အာမို၊ ပုလဲတံဆိပ် ကွန်ပေါင်းဓါတ်မြေဩဇာ 50kg တစ်အိတ်လျှင်(၉၂၅၀ဝိ/-)၊ ပန်းဖူးတံဆိပ် ဓါတ်မြေဩဇာ 50kg တစ်အိတ်လျှင်(၇၄၀၀ဝိ/-)ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/ စားသေ(အဆိပ်ငွေ့) 1Literတစ်ဘူးလျှင် (၁၅၅၀ဝိ/-)၊ ဒီမွန် 1.8တံဆိပ် ထိသေ/စားသေ(အဆိပ်ငွေ့) 500cc တစ်ဘူးလျှင် (၁၂၅၀ဝိ/-)၊ ငှက်ကြီးတောင် တံဆိပ် ထိသေ/စားသေ(အဆိပ်ငွေ့) 250ccတစ်ဘူးလျှင် (၂၈၅၀ဝိ/-)၊ ဇိုင်ကလုံးတံဆိပ် ပင်လုံးပြန့် 1Liter တစ်ဘူးလျှင် (၂၉၅၀ဝိ/-)၊ အင်ဖာနိုတံဆိပ် ပင်လုံးပြန့် 500gတစ်ဘူးလျှင် (၉၀၀ဝိ/-)ဖြစ်ကြောင်း၊ ယခင်ပတ်တွင် ရောင်းချလျက်ရှိသောဈေးနှုန်းနှင့် နှိုင်းယှဉ်ပါက ယခုအပတ်၌ MCတံဆိပ် (၁၅:၁၅:၁၅) တစ်အိတ်လျှင်(၁၀၀၀ဝိ/-)၊ ဇာမဏီတံဆိပ်(၁၃:၅:၇) တစ်အိတ်လျှင်(၆၀၀ဝိ/-)၊ အာမို၊ ပုလဲတံဆိပ် ကွန်ပေါင်း ဓါတ်မြေဩဇာ တစ်အိတ်လျှင်(၁၉၅၀ဝိ/-)၊ ပန်းဖူးတံဆိပ် ဓါတ်မြေဩဇာတစ်အိတ်လျှင်(၂၄၀၀ဝိ/-) ဈေးနှုန်း ကျဆင်းခဲ့ကြောင်း ဓါတ်မြေဩဇာအရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

DOCA(စစ်ကိုင်း)

     မုံရွာကုန်စည်ဒိုင်တွင် ပဲအမျိုးအစားအလိုက် ဈေးနှုန်းများမှာ ယခင်နှစ် ကာလတူဈေးထက် ယခုနှစ် ပဲမျိုးစုံ၊ အစေ့ထုတ်ပြောင်းနှင့် နှမ်းမျိုးစုံဈေးနှုန်းများ ဈေးပိုကောင်းလျက်ရှိပါကြောင်း မုံရွာကုန်စည်ဒိုင် ဈေးနှုန်းသတင်းများအရ သိရသည်။

မတ်ပဲ

     ယခင်နှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၄၀၅၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၆၀၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခန့် ပိုမိုခဲ့သည်။ တစ်ရက်လျှင် အိတ်ရေ ၃၀မှ ၅၀ ခန့် အရောင်းအဝယ်ဖြစ်ကြောင်း သိရသည်။

ပဲစဉ်းငုံ

   ယခင်နှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၄၁၅၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၆၆၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခွဲခန့် ပိုမိုခဲ့သည်။ တစ်ရက်လျှင် အိတ်ရေ ၃၀မှ ၅၀ ခန့် အရောင်းအဝယ်ဖြစ်ကြောင်း သိရသည်။

ပဲတီစိမ်း

   ယခင်နှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၃၆၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၅၁၅၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်တစ်သောင်းခွဲကျော် ပိုမိုခဲ့သည်။ တစ်ရက်လျှင် အိတ်ရေ ၃၀မှ ၅၀ ခန့် အရောင်းအဝယ်ဖြစ်ကြောင်း သိရသည်။

ကုလားပဲ

    ယခင်နှစ် ဖေ‌ဖော်ဝါရီလတွင် ကုလားပဲဖြူလုံးကြီးတစ်တင်းလျှင် ကျပ် ၃၇၅၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၆၂၀၀၀၊ 929  တစ်တင်းလျှင် ကျပ် ၃၇၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၆၁၀၀၀၊ ထိုင်ဝမ် တစ်တင်းလျှင် ကျပ် ၃၇၄၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၆၁၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်နှစ်သောင်းခွဲခန့်အထိ ပိုမိုခဲ့သည်။ တစ်ရက်လျှင် အိတ်ရေ ၅၀မှ ၇၀ ခန့် အရောင်းအဝယ် ဖြစ်ကြောင်း သိရသည်။

စွန်တာနီ/ပြာ

   ယခင်နှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၄၀၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၅၄၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်တစ်သောင်းခွဲခန့် ပိုမိုခဲ့ပါသည်၊ တစ်ရက်လျှင် အိတ်ရေ ၃၀မှ ၅၀ ခန့် အရောင်းအဝယ်ဖြစ်ကြောင်း သိရသည်။

ထောပတ်ပဲ

    ယခင်နှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၃၈၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပဲတစ်တင်းလျှင် ကျပ် ၇၅၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်လေးသောင်းခန့် ပိုမိုခဲ့ပါသည်။ တစ်ရက်လျှင် အိတ်ရေ ၂၀မှ ၃၀ ခန့် အရောင်းအဝယ်ဖြစ်ကြောင်း သိရသည်။

အစေ့ထုတ်ပြောင်း

   ယခင်နှစ် ဖေ‌ဖော်ဝါရီလတွင် ပြောင်းတစ်တင်းလျှင် ကျပ် ၁၄၂၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် ပြောင်း တစ်တင်းလျှင် ကျပ် ၂၂၆၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်တစ်သောင်းခန့် ပိုမိုခဲ့ပါသည်။ တစ်ရက်လျှင် အိတ်ရေ ၃၀ မှ ၅၀ ခန့် အရောင်း အဝယ်ဖြစ်ကြောင်း သိရသည်။

မြေပဲဆံသီးနှံ

   ယခင်နှစ် ဖေ‌ဖော်ဝါရီလတွင် မြေပဲဆံနီ တစ်ပိဿာလျှင် ကျပ် ၂၉၇၅ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် တစ်ပိဿာလျှင် ကျပ် ၇၃၀၀၊ မြေပဲဆံဖြူ တစ်ပိဿာလျှင် ကျပ် ၃၁၅၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် တစ်ပိဿာလျှင် ကျပ် ၆၄၀၀၊ တစ်ပိဿာလျှင် ကျပ် သုံးထောင် ကျော် မှ လေးထောင်ကျော်အထိ ပိုမိုခဲ့သည်။ တစ်ရက်လျှင် အိတ်ရေ ၂၀မှ ၃၀ ခန့် အရောင်းအဝယ် ဖြစ်ကြောင်း သိရသည်။

နှမ်းမျိုးစုံသီးနှံ

   ယခင်နှစ် ဖေ‌ဖော်ဝါရီလတွင် နှမ်းနက် တစ်တင်းလျှင် ကျပ် ၆၈၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် တစ်တင်းလျှင် ကျပ် ၉၉၀၀၀၊ နှမ်းဖြူ တစ်တင်းလျှင် ကျပ် ၅၅၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် တစ်တင်းလျှင် ကျပ် ၁၀၆၀၀၀၊ နှမ်းညို တစ်တင်းလျှင် ကျပ် ၄၃၀၀၀ ဖြစ်ခဲ့ပြီး ယခုနှစ် ဖေ‌ဖော်ဝါရီလတွင် တစ်တင်းလျှင် ကျပ် ၈၅၀၀၀ ဖြင့် အရောင်းအဝယ်ဖြစ်ခဲ့ကာ တစ်တင်းလျှင် ကျပ်သုံးသောင်းကျော်မှ ငါးသောင်းကျော်အထိ ပိုမိုခဲ့သည်။ တစ်ရက်လျှင် အိတ်ရေ ၅၀မှ ၇၀ ခန့် အရောင်းအဝယ်ဖြစ်ကြောင်း သိရသည်။

DOCA(စစ်ကိုင်း)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ညောင်တုန်းမြို့နယ် ၊မြို့နယ်ဦးစီးမှူး ဦးအောင်လွင်နှင့်ဝန်ထမ်းများသည်  (၂၁.၂.၂၀၂၃) ရက်နေ့ (၁၀:၀၀) နာရီအချိန်တွင် ညောင်တုန်းမြို့၊ မဲဇလီကျေးရွာရှိ နေလဆန်စက်သို့သွားရောက်၍ ထုတ်ကုန်လုံခြုံစိတ်ချရမှုရှိစေရေးနှင့် SMEလုပ်ငန်းဖွံ့ဖြိုးရေးတို့အတွက် ကွင်းဆင်းစစ်ဆေးဆောင်ရွက်ခဲ့ကြပါသည်။

      ထို့သို့ကွင်းဆင်းစစ်ဆေးရာတွင် မဲဇလီကျေးရွာရှိ နေလဆန်စက်ပိုင်ရှင်အားတွေ့ဆုံ၍ ဆန်စက်တွင်စပါး/ဆန်ရောင်းဝယ်ကြိတ်ခွဲထွက်ရှိမှုအခြေအနေနှင့်ဆန်ရောင်းဝယ်ဖောက်ကားမှု ဆန်ဈေးကွက်အခြေအနေများကို မေးမြန်းခဲ့မှုအပေါ် (၂၁.၂.၂၀၂၃) ရက်နေ့ဈေးအနေဖြင့် ၂၀၂၂-၂၀၂၃ ခုနှစ်ထွက် မိုးမနောသုခစပါး ကွင်းဈေး (၅၀) ပေါင် ၁၅၂၀၀ကျပ် ၊ စက်ဈေး ၁၅၅၀၀ကျပ်၊ မိုးမနောသုခစပါး (၄၆) ပေါင် ကွင်းဈေး ၁၃၉၀၀ ကျပ်၊ စက်ဈေး ၁၄၂၀၀ ကျပ်၊ မိုးမနောသုခ ဆန်(၁၀၈) ပေါင်လတ်စတစ်အိတ်ဈေး ၅၄၅၀၀ကျပ်၊ ထိပ်စဈေး ၅၆၀၀၀ကျပ် ဖြစ်ကြောင်း၊ မိုးနှံကားစပါးကွင်းဈေး (၅၀) ပေါင် ၁၃၉၅၀ကျပ် ၊ စက်ဈေး ၁၄၁၅၀ကျပ်၊ မိုးနှံကားစပါး (၄၆) ပေါင် ကွင်းဈေး ၁၂၈၀၀ကျပ်၊ စက်ဈေး ၁၃၀၀၀ကျပ်၊ မိုးနှံကား ဆန်(၁၀၈) ပေါင်လတ်စတစ်အိတ်ဈေး ၅၂၀၀၀ကျပ်၊ ထိပ်စဈေး ၅၃၅၀၀ကျပ် အရောင်အးဝယ်ဖြစ်ပေါ်လျက်ရှိကြောင်းသိရှိရပါသည်။ ဆန်စက်တွင်အသုံးပြုလျက်ရှိသော စက်အရည်အသွေးနှင့်လုပ်ငန်းလိုအပ်ချက်များနှင့်ဆွေးနွေးပြီး ဆန်စပါးလုပ်ငန်းဖွံ့ဖြိုးတိုးတက်ရေးအတွက် အလားအလာကောင်းများကို ဆွေးနွေးခဲ့ကြကြောင်းသတင်းရရှိပါသည်။

DOCA(ဧရာဝတီ)