ပြည်တွင်းကုန်သွယ်မှုသတင်း

         အောင်လံကုန်စည်ဒိုင်တွင် ယခင်အပတ်(၁၉.၅.၂၀၂၂)ရက်နေ့နှင့် ယခုအပတ်(၂၅.၅.၂၀၂၂) ရက်နေ့အတွင်း နှမ်းဖြူ၊ နှမ်းနီ၊ နှမ်းပြာတို့မှာ ယခင်အပတ်ဈေးနှုန်းအတိုင်း ပြောင်းလဲမှုမရှိဘဲ နှမ်းစမုံနက် (၄၅)ပိဿာဝင်(၁)အိတ် ယခင်အပတ်(၁၇၀၀၀ဝိ/-) ကျပ်မှ ယခုအပတ်(၁၇၅၀၀ဝိ/-) ကျပ် ဖြစ်ပြီး၊ (၅၀၀ဝိ/-)ကျပ် ဈေးမြင့်တက်ခဲ့ကြောင်း၊ ပဲစဉ်းငုံ(နီ)(၂၀)ပိဿာဝင်(၁)တင်း ယခင်အပတ် (၄၁၇၀ဝိ/-)ကျပ်မှ ယခုအပတ်(၄၂၀၀ဝိ/-)ကျပ် ဖြစ်ပြီး၊ (၃၀ဝိ/-)ကျပ် ဈေးမြင့်တက်ခဲ့ကြောင်း၊ မတ်ပဲယခင်အပတ်(၄၅၀၀ဝိ/-)ကျပ်မှ ယခုအပတ် (၄၅၅၀ဝိ/-)ကျပ် ဖြစ်ပြီး (၅၀ဝိ/-)ကျပ် ဈေးမြင့်တက်ခဲ့ကြောင်း၊ ကုလားပဲ(HL) ယခင်အပတ် (၄၅၅၀ဝိ/-)ကျပ်မှ ယခုအပတ်(၄၇၀၀ဝိ/-)ကျပ် ဖြစ်ပြီး (၁၅၀ဝိ/-)ကျပ် ဈေးမြင့်တက်ခဲ့ကြောင်း၊ ကုလားပဲ(မြကြေး) ယခင်အပတ် (၄၇၀၀ဝိ/-)ကျပ် မှ ယခုအပတ်(၄၇၅၀ဝိ/-)ကျပ် ဖြစ်ပြီး (၅၀ဝိ/-) ကျပ် ဈေးမြင့်တက်ခဲ့ကြောင်း၊ ဘိုကိတ်ပြာ ယခင်အပတ် (၂၇၀၀ဝိ/-) ကျပ်မှ ယခုအပတ် (၃၀၀၀ဝိ/-)ကျပ် ဖြစ်ပြီး၊ (၃၀၀ဝိ/-)ကျပ် ဈေးမြင့်တက်ခဲ့ကြောင်း၊ ပဲကြီးယခင်အပတ် (၆၅၀၀ဝိ/-)ကျပ်မှ ယခုအပတ် (၆၇၀၀ဝိ/-)ကျပ် ဖြစ်ပြီး၊ (၂၀၀ဝိ/-)ကျပ် ဈေးမြင့်တက်ခဲ့ကြောင်း၊ မြေပဲလုံးဆံ(နီ) (၁)ပိဿာလျှင် ယခင်အပတ် (၃၈၅ဝိ/-)ကျပ်မှ  ယခုအပတ်(၄၀၀ဝိ/-)ကျပ် ဖြစ်ပြီး၊ (၁၅ဝိ/-)ကျပ် ဈေးမြင့်တက်ခဲ့ကြောင်း၊ မြေပဲလုံးဆံဖြူ ယခင်အပတ်(၄၀၅ဝိ/-)ကျပ်မှ ယခုအပတ်(၄၂၀ဝိ/-)ကျပ် ဖြစ်ပြီး၊ (၁၅ဝိ/-)ကျပ် ဈေးမြင့်တက်ခဲ့ကာ အရောင်းအဝယ် ပမာဏအနေဖြင့် နှမ်းပြာ(၁၂၀)အိတ်၊ နှမ်းနက်(စမုံ)(၅၅၀)အိတ်၊ နှမ်းဖြူ(၇၀)အိတ်၊ နှမ်းနီ(၁၀၀)အိတ်၊ ပဲစဉ်းငုံ(နီ) (၄၈၀)အိတ်၊ ကုလားပဲ(HL)(၁၁၅၀)အိတ်၊ ကုလားပဲ(မြကြေး) (၆၂၀) အိတ်၊ ပဲကြီး(၇၅၀) အိတ်၊ မတ်ပဲ(၁၈၀)အိတ်၊ မြေပဲလုံးဆံဖြူ(၄၈၀)အိတ်၊ မြေပဲလုံးဆံ(နီ)(၃၇၀)အိတ်နှင့် ဘိုကိတ်ပြာ(၃၀၀) အိတ်တို့ဖြစ်ပါသည်။

            ဝါသီးနှံဈေးကွက်အနေဖြင့် အောင်လံကုန်စည်ဒိုင်တွင် ယခင်အပတ်(၁၉.၅.၂၀၂၂)မှ ယခုအပတ် (၂၅.၅.၂၀၂၂)နေ့အတွင်း အရောင်းအဝယ်မရှိကြောင်း သိရှိရပါသည်။

DOCA(မကွေး)

            စစ်ကိုင်းတိုင်းဒေသကြီး၊ မုံရွာမြို့ရှိ မုံရွာကုန်စည်ဒိုင်အဖွဲ့ဝင်များအနေဖြင့် Online စနစ်ဖြင့် အရောင်းဝယ်ဖြစ်နေကြောင်း သိရပါသည်။ မေလ စတုတ္တပတ်တွင် ဖြစ်ပေါ်နေသော ပဲဈေးနှုန်းများမှာ ပဲတီစိမ်း(ကြီး) တစ်တင်းကျပ် ၄၈၀၀၀၊ ပဲစဉ်းငုံ တစ်တင်းကျပ် ၄၁၈၀၀၊ မတ်ပဲ တစ်တင်းကျပ် ၄၄၇၀၀၊ ကုလားပဲ ထိုင်ဝမ် တစ်တင်းကျပ် ၄၄၀၀၀၊ ကုလားပဲ 929 တစ်တင်းကျပ် ၄၂၇၀၀၊ ကုလားပဲ V2(သစ်) တစ်တင်းကျပ် ၄၈၆၀၀၊ ကုလားပဲ V3,7 တစ်တင်းကျပ် ၅၁၀၀၀ ဈေးနှုန်းများဖြင့် အရောင်းအဝယ် ဖြစ်နေကြောင်း သိရပါသည်။

           ဂျုံဖြူသန့်တစ်တင်း ကျပ် ၄၁၆၀၀၊ ပဲကြီး(သစ်) တစ်တင်း ကျပ် ၆၄၀၀၀၊ ပဲနီလုံး ရိုးရိုး တစ်တင်း ကျပ် ၄၃၀၀၀၊ ပဲနီလုံးကြား တစ်တင်းကျပ် ၄၄၀၀၀၊  ပဲပုတ်စေ့ တစ်တင်း ကျပ် ၄၈၃၀၀၊ ထောပတ်ပဲ တစ်တင်းကျပ် ၄၀၅၀၀၊  မြေထောက်ပဲ တစ်တင်းကျပ် ၅၀၀၀၀၊ ပုဂံပဲ တစ်တင်းကျပ် ၆၀၀၀၀၊ ပဲလွန်းဖြူတစ်တင်း ကျပ် ၃၀၀၀၀၊ ပဲလွန်းပြာ တစ်တင်း ကျပ် ၂၈၀၀၀၊ ပဲယင်းဝါတစ်တင်း ကျပ် ၄၂၀၀၀၊ အစေ့ထုတ်ပြောင်း(CP) တစ်တင်း ကျပ် ၁၇၈၀၀၊ ပြောင်းနီ တစ်တင်း ကျပ် ၁၂၀၀၀၊ ပြောင်းဖြူ တစ် တင်းကျပ် ၁၃၆၀၀၊ ဆီထွက်သီးနှံများဖြစ်သော နှမ်းသီးနှံ ပေါက်ဈေးနှုန်းများမှာ နှမ်းညိုတစ်တင်းကျပ် ၅၀၀၀၀၊ နှမ်းနက်တစ်တင်းကျပ် ၇၀၀၀၀၊ နှမ်းဖြူ တစ်တင်းကျပ် ၅၃၀၀၀၊ မြေပဲလုံး ဆံနီ တစ်ပိဿာ ကျပ်၄၀၀၀၊ မြေပဲလုံးဆံဖြူ တစ်ပိဿာကျပ် ၄၂၅၀၊ ပဲဖတ်တစ်ပိဿာကျပ် ၁၇၈၀၊ နှမ်းဖတ် တစ်ပိဿာကျပ် ၁၃၅၀၊ နေကြာဖတ် တစ်ပိဿာကျပ် ၁၀၅၀ ဈေးနှုန်းအသီးသီးဖြင့် အရောင်းအဝယ် ဖြစ်နေကြောင်း သိရပါသည်။

           ယခုအပတ်ဈေးနှုန်းများမှာ ယခင်အပတ်နှင့် နှိုင်းယှဉ်လျှင် ပဲဈေးနှုန်းများနှင့် ဆီထွက်သီးနှံဈေးနှုန်းများဖြစ်သော မြေပဲဆံနှင့် နှမ်းသီးနှံဈေးနှုန်းများမှာလည်း အနည်းငယ်‌ ဈေးမြင့်တက်နေကြောင်း သိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ပန်းတနော်မြို့နယ်၊ မြို့နယ်ဦးစီးမှူးဒေါ်သင်းသင်းစိုးနှင့် ဝန်ထမ်းများသည် (၂၃.၅.၂၀၂၂) ရက်နေ့ (၁၂:၀၀) မှ (၁၃:၃၀)အထိ ဌာနဆိုင်ရာများနှင့် ပူးပေါင်း၍ စားသုံးသူကာကွယ်ရေးအသိ ပညာပေးဟောပြောပွဲကို ပန်းတနော်မြို့နယ် ၊ လင်းလက် အမျိုးသမီးစက်ချုပ် သင်တန်းကျောင်းတွင်   ပြုလုပ်ခဲ့ကြပါသည်။     

           အဆိုပါ အသိပညာပေးဟောပြောပွဲတွင် ဌာနဆိုင်ရာမိတ်ဖက်ဌာနများဖြစ်သော ကျန်းမာရေးဦးစီးဌာန၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ပတ်ဝန်းကျင်ထိန်းသိမ်းရေးဦးစီးဌာနတို့ပါဝင်ပြီး အသိပညာပေး ဟောပြောမှုများ ပြုလုပ်ခဲ့ကြပါသည်။

          ၎င်းဟောပြောပွဲတွင် ပန်းတနော်မြို့နယ်၊ မြို့နယ်ဦးစီးမှူး ဒေါ်သင်းသင်းစိုးမှ စားသုံးသူအခွင့်အရေးနှင့် စားသုံးသူများလိုက်နာရမည့်တာဝန်များအကြောင်း ၊စားသုံးသူရေးရာဦးစီးဌာနသည် ကုန်စည်/ ဝန်ဆောင်မှုနှင့် စပ်လျဉ်း၍ စားသုံးသူပြည်သူများ နစ်နာဆုံးရှုံးမှုမရှိစေရေး အသိပညာပေးခြင်းများ၊ နစ်နာဆုံးရှုံးမှု ရှိလာပါက ညှိနှိုင်းဖြေရှင်းဆောင်ရွက်မှုများကို ဆောင်ရွက်ပေးလျှက်ရှိကြောင်းနှင့် စားသုံးသူပြည်သူများနှင့် ကုန်စည်/ ဝန်ဆောင်မှုများ ထုတ်လုပ်၊ ဖြန့်ဖြူး၊ ရောင်းချနေသော လုပ်ငန်းရှင်များအတွက်ပါမကျန် သိရှိလိုသည်များကို မေးမြန်းနိုင်ဖို့ Consumer Call Center ဝန်ဆောင်မှုကို စတင်ဆောင်ရွက်ပေးနေပြီဖြစ်၍ ဆက်သွယ်မေးမြန်းနိုင်ပါကြောင်း အသိပညာပေး ဆွေးနွေးခဲ့ပါသည်။ တက်ရောက်လာသော ပြည်သူများမှ သိရှိလိုသည်များကို မေးမြန်းကြရာ မြို့နယ်ဦးစီးမှူးမှ အပြန်အလှန်ရှင်းလင်း ဖြေကြားပြီး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။

DOCA(ဧရာဝတီ)

              ဆိပ်ဖြူမြို့အနောက်ပိုင်းရပ်ကွက်ရှိ ကြက်သွန်နီ အရောင်းအဝယ်ဖြစ်လျက်ရှိသော ကုန်စည်ဒိုင်သို့ မေလ(၁၅)ရက်မှ(၂၁)ရက်အတွင်း ကြက်သွန်နီအသစ်များ ဆိပ်ဖြူမြို့နယ်ဒေသအတွင်းရှိ နေရာအနှံ့အပြားမှ နေ့စဉ်ဝင်ရောက်လျက်ရှိပြီး တစ်ရက်လျှင်ပျမ်းမျှ ကြက်သွန်နီ ကုန်ချိန်ပိဿာ (၃) သောင်းခန့် (၁)ပတ်အတွင်း စုစုပေါင်းပိဿာ (၂)သိန်းဝန်းကျင်ခန့် ကုန်စည်ဒိုင်သို့ ဝင်ရောက်ခဲ့ပြီး  မြို့ပေါ်ရှိ ကြက်သွန်ကုန်သည် ဂိုဒေါင်များသို့ (၁)ပတ်အတွင်း ကုန်ချိန် (၃)သိန်းခွဲခန့် ဝင်ရောက်ခဲ့ကြောင်း၊ မေလ(တတိယပတ်)အတွင်း ကုန်စည်ဒိုင်နှင့် ကုန်သည်(ဂိုဒေါင်)များ အရောင်းအဝယ် ဖြစ်မှု စုစုပေါင်းမှာ ကြက်သွန်နီပိဿာ(၅)သိန်းခွဲ ဝန်းကျင်ခန့်ရှိကြောင်း ကုန်စည်ဒိုင်အသင်းဝင် ကုန်သည်ပွဲစားမှတစ်ဆင့် သိရှိရပါသည်။ (၁)ပတ်အတွင်း ကြက်သွန်နီ(၁)ပိဿာ ထိပ်စရှယ်အမြင့် ဆုံးဈေးနှုန်းမှာ(၇၀၀)ကျပ်မှ (၆၅၀)ကျပ်ထိ အနိမ့်စ အမြင့်ဆုံးဈေးနှုန်းမှာ (၅၅၀)ကျပ်မှ (၄၅၀)ကျပ် ထိ ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ကြောင်း၊ ကြက်သွန်နီထွက်ကုန် အရည်အသွေးများ မတူညီခြင်းကြောင့် ဈေးနှုန်းများ ကွာခြားကြောင်း၊ ယခင်(၁)ပတ် ကြက်သွန်နီ အမြင့်ဆုံး ဈေးနှုန်း မှာ(၆၇၅)ကျပ်ဖြစ်ပြီး ယခု(၁)ပတ် အမြင့်ဆုံးဈေးမှာ(၇၀၀)ကျပ် ဈေးဖြင့် အရောင်းအဝယ်ဖြစ်၍ ယခင်(၁)ပတ်ထက် (၂၅)ကျပ်ခန့် ဈေးနှုန်း မြင့်တက်သွားကြောင်း၊ အနိမ့်စအမြင့်ဆုံး ဈေးနှုန်းမှာ ယခင်(၁)ပတ်က(၅၂၅)ကျပ်၊ ယခု(၁)ပတ် (၅၅၀)ကျပ်ဖြစ်၍ (၂၅)ကျပ်ခန့် ဈေးနှုန်း မြင့်တက်သွား ကြောင်း၊ ယခု(၁)ပတ်အတွင်း ပြည်ပ ဝယ်လက်အနည်းငယ်လိုက်၍ ဈေးနှုန်းအနည်းငယ် မြင့်တက် ကြောင်း၊ သိသိသာသာဈေးမြင့်တက်ခြင်း မရှိသေးကြောင်း  ကုန်စည်ဒိုင်အသင်းဝင်ကုန်သည်တစ်ဦးထံမှ သိရှိရပါသည်။

            ဆိပ်ဖြူမြို့တွင် ကြက်သွန်နီအသစ်(၁)ပိဿာလျှင် လက်လီဈေးနှုန်းအနေဖြင့် ထိပ်စရှယ် (ကျပ် ၁၀၀၀/၉၀၀)၊ လတ်(ကြီး)(ကျပ် ၈၀၀/၇၀၀)၊ လတ်(သေး)(ကျပ် ၆၀၀/၅၀၀) ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်း၊ ကုန်စည်စီးဆင်းမှုအနေဖြင့် မေလ(တတိယပတ်) အတွင်း ဆိပ်ဖြူမြို့မှ ရန်ကုန်တိုင်းဒေသကြီး ဘုရင့်နောင်ပွဲရုံ၊ ပြည်မြို့၊ ဧရာဝတီတိုင်းဒေသကြီး ပုသိမ်မြို့နှင့် မြဝတီ၊ မော်လမြိုင်၊ စစ်တွေမြို့များသို့ နေ့စဉ် (၆/၁၂)ဘီး မော်တော်ယာဉ်များဖြင့် ကြက်သွန်နီပျမ်းမျှပိဿာ (၅)သိန်းခွဲ/တန်ချိန်(၃)သောင်းခန့် ကုန်စည် စီးဆင်းခဲ့ကြောင်း သိရှိရပါသည်။

DOCA(မကွေး)

           မကွေးတိုင်းဒေသကြီး၊စားသုံးသူရေးရာဦးစီးဌာနမှ ဦးဝေယံမြင့်အောင်(ဒုကြီးကြပ်ရေးမှူး)က ၂၂.၅.၂၀၂၂ရက်နေ့ နံနက် (၁၀:၀၀) နာရီ အချိန်တွင် မကွေးမြို့၊ ရန်ဝေးရပ်၊ ခွါညိုလမ်း၊ အမှတ်(၈၆)တွင် MYANMAR ORGAINC MORINGA OIL (MOM)အမှတ်တံဆိပ်ဖြင့် မိသားစုတစ်ပိုင်တစ်နိုင် လုပ်ငန်းအဖြစ် လုပ်ကိုင်ဆောင်ရွက်နေသော ဒန်သလွန်စေ့ဆီ ထုတ်လုပ်မှုအခြေအနေနှင့်စပ်လျဉ်း၍ မြန်မာ့ဒန့်သလွန်စေ့ဆီ ထုတ်လုပ်ရောင်းချနေသည့် တွေ့ဆုံမေးမြန်းရာ ဒန့်သလွန်စေ့ဆီ ထုတ်လုပ်ရာတွင် အိန္ဒိယမျိုးများဖြစ်သော Momax 3 နှင့် ODC 3 မျိုးများမှာ ဆီကြိတ်ရန် အထူး ကောင်းမွန်ပြီး ဆီကြိတ်ရန်အတွက် အဆိုပါ ဒန့်သလွန်စေ့ ကုန်ကြမ်းများရရှိစေရန် မိမိကိုယ်တိုင် (၁၀)ဧကခန့် စိုက်ပျိုးထားကြောင်းနှင့် ဘေးပါတ်ဝန်းကျင် မှစိတ်ပါဝင်စားသော မြေပိုင်ရှင်များအား ဒန့်သလွန်မျိုးစေ့ထုတ်ပေး၍ ဓါတ်မြေဩဇာ လုံး၀မသုံးစွဲစေဘဲ ဇီဝနှင့်သဘာဝ မြေဩဇာများကိုသာ ‌ပေါင်းစပ်စိုက်ပျိုးစေပြီး ထွက်ရှိသော ဒန့်သလွန်စေ့များအား ပြင်ပပေါက် ဈေးအတိုင်း ပြန်လည်ဝယ်ယူကာ ဒန့်သလွန်စေ့ဆီ ထုတ်လုပ်ရာတွင် အသုံးပြုကြောင်း သိရှိရပါသည်။

          ဒန့်သလွန်စေ့ဆီတွင် ကျန်းမာရေးအတွက် အကျိုးပြုဓါတ်များဖြစ်သည့်  Oleic Acid ရာခိုင်နှုန်းများစွာ ပါဝင်သည့်အတွက် ဟင်းချက်ဆီ၊ အလှကုန်၊ ချောဆီ၊ အသားအရေချောမွေ့ စိုပြေစေဖို့ ခန္ဓာကိုယ်အလှပြုပြင်ရေးနှင့် ရေမွှေးအခြေခံဆီအဖြစ် အသုံးပြုနိုင်ကြောင်း သိရှိရပါသည်။ဒန့်သလွန်စေ့ဆီတွင် မြင့်မားစွာပါရှိသော Oleic Acid သည် သံလွင်ဆီထက်များစွာ သာလွန်သည့်အတွက် ဟင်းချက်ဆီအဖြစ် အသုံးပြုလိုသော်လည်း အစေ့ထုတ်လုပ်မှုမှာ အနည်းငယ်သာရရှိနိုင်ပြီး ဈေးနှုန်းမြင့်မားသည့်အတွက် အလှကုန်လုပ်ငန်းနှင့် ရေမွှေးလုပ်ငန်းများမှသာ အသုံးပြုသူပိုမိုများပြားလာကြောင်း၊ ဗီတာမင်A,Cနှင့်အခြား မပြည့်ဝဆီများစွာ ပါဝင်ကာ ကပ်ပါးပိုးမွှားများကို နှိမ်နင်းနိုင်သည့်အပြင် အသားအရေဆိုင်ရာဒဏ်ရာ၊ အင်းစက်ကိုက်ခြင်း၊ ပြည်တည်နာ၊ ခြေဖဝါးအက်ကွဲခြင်း၊ အဆစ်အမြစ်ရောင်ရမ်းခြင်း၊ ဂေါက်ရောဂါဖြစ်ခြင်းတို့ကို လိမ်းပေးနိုင်ကြောင်း၊ ဒန့်သလွန်စေ့ဆီသည် အဆီထုတ်ပြီး (၅)နှစ်ကျော်သည် အထိ ဆီချေးစော်နံခြင်း လုံးဝမဖြစ်ပေါ်သည့်အတွက် ဆံပင်အလှပြုပြင်ရေးနှင့် ဆံပင် ပျော့ပြောင်းနူးညံ့စေသည့် ခေါင်းလျှော်ရည်အဖြစ်အသုံးပြုကြကြောင်း၊ ဦးခေါင်းဆံပင်မှာရှိတဲ့  အညစ်အကြေးများကို ဖယ်ထုတ်ပေးသည့်အပြင် ထိရောက်သည့် သဘာဝသန့်စင်ပစ္စည်းဖြစ်သည့်အတွက် ဆံပင်ကိုအမြဲတန်းစိုပြေပျော့ပြောင်းစေပါကြောင်း၊ စေးကပ်မှုမရှိသည့်အတွက် ခေါင်းလိမ်းဆီအဖြစ် အသုံးပြုကြကြောင်း၊ ဒန့်သလွန်စေ့ဆီတွင်ပါရှိသည့် များပြားလှတဲ့ Antioxidantအပြင် အသားအရေကို ပြန်လည်နုပျိုစေသည့် အရည်အသွေးရှိနေ သောကြောင့် အသားအရေတွန့်ခြင်းများကို ပြန်ကောင်းစေခြင်း၊ အသားအရေဝင်းဝါ တောက်ပြောင်စေခြင်း၊ အသားအရေကို ချောမွတ်စေခြင်း၊ ဒန့်သလွန်စေ့ဆီတွင်ပါဝင်သည့် Oleic Acidဟာ အသားအရေထဲစိမ့်ဝင်သွားတဲ့အခါမှာ အသားအရေနှင့်ဆံပင်ကို အာဟာရများစွာပေးစွမ်းပြီး အစိုဓါတ်ကို ကြာရှည်စွာထိန်းပေးနိုင်သည့်အတွက် ဆံပင်သန်စွမ်းပြီး နူးညံ့ပျော့ပြောင်းစေကြောင်း၊ အမွှေးနံ့ကို ကြာရှည်စွာ ထိန်းပေးထားနိုင်သည့်အတွက် ရေမွှေးနှင့်အလှကုန်ပစ္စည်း ထုတ်လုပ်ရာတွင် များစွာအထောက်ကူပြုကြောင်း၊ ကြိုက်နှစ်သက်သည့်ရနံ့တစ်ခုခုနှင့် ဒန့်သလွန်စေ့ဆီကို ရောနှောအသုံးပြုပါက ရနံ့ပြယ်သွားခြင်းမျိုးမဖြစ်ဘဲ မွှေးရနံ့ကို ကြာရှည်စွာ ထိန်းထားနိုင်ပါကြောင်း၊ ဒန့်သလွန်စေ့ဆီကို မိတ်ကပ်တွင် ထည့်သွင်းအသုံးပြုပါက အခြားသော အခြေခံဆီများနှင့်မတူဘဲ ဝက်ခြံများကို ရှင်းလင်းဖယ်ရှားပေးခြင်း၊ ပြန်မဖြစ်အောင် ကာကွယ်ပေးခြင်း၊ နေလောင်ဒဏ်ကိုကာကွယ်ပေးခြင်း၊ ချောင်းဆိုး၊ အအေးမိ၊ ရင်ကြပ်၊ လည်ချောင်းနာ၊ အာသီးယောင်၊ ထိပ်ကပ်နာ၊ အစာအိမ်ယောင်ခြင်း၊ အစာချေခြင်း ပြဿနာ၊ ဝက်ခြံ၊ တင်းတိတ်၊ အမဲစက်၊ မှဲ့ခြောက်၊ အမာရွတ်များ၊ အရေပြားပိုးဝင်ခြင်း၊ မှို၊ နှင်းခူ၊ ပွေး၊ ဒက်၊ အရေပြား ယောင်ရမ်းခြင်း၊ အရေပြားပေါ်တွင် ဓါတုကြောင့်ဖြစ်သော ရောဂါအမျိုးမျိုးနှင့် နှုတ်ခမ်းကွဲ၊ ခြေဖနှောင့်ကွဲ၊ ဆီပူလောင်၊ မီးပူလောင် ဝေဒနာများတွင် လိမ်းပေးခြင်း၊ ခန္ဓာကိုယ် နာကျင်ကိုက်ခဲသော နေရာများအား လိမ်း၍ နှိပ်နယ်ပေးခြင်းဖြင့် သက်သာပျေက်ကင်းစေကြောင်း၊ သွေးတိုးနေပါက လက်ဖက်စားဇွန်း(၁)ဇွန်းခန့် သောက်သုံးပေးခြင်းဖြင့် သွေးတိုးခြင်း ဝေဒနာကိုသက်သာ ပျောက်ကင်းစေကြောင်း သိရှိရပါသည်။

          ဒန့်သလွန်စေ့ဆီ ထုတ်လုပ်ရာတွင် ဒန့်သလွန်စေ့ဆီ(၁ လီတာ) တစ်ဗူး ရရှိရန်အတွက် ဒန့်သလွန်စေ့ခြောက် ၅ ပိဿာ/ ၆ ပိဿာ ခန့်ကြိတ်ရကြောင်းနှင့် ဒန့်သလွန်စေ့ ၁ပိဿာလျှင် အစေ့၏ကောင်းမွန်မှုပေါ်မူတည်၍ (၁၅၀၀ဝိ/-)ကျပ်မှ (၃၀၀၀ဝိ/-)ကျပ် အတွင်း ဈေးပေးဝယ်ယူရပြီး ဒန့်သလွန်စေ့ဆီ(၁ လီတာ) တစ်ဗူးလျှင် (၂၂၀၀၀ဝိ/-)ကျပ်၊ (၀.၅ လီတာ) တစ်ဗူးလျှင် (၁၁၀၀၀ဝိ/-)ကျပ်၊ (၂၀ မီလီ) တစ်ဗူးလျှင် (၁၀၀၀ဝိ/-)ကျပ်ဝန်းကျင်ဖြင့် ပြန်လည်ရောင်းချရကြောင်းနှင့် လက်ရှိတွင် အဆိုပါ ဒန့်သလွန်စေ့ဆီအား မကွေးမြို့၊ ရန်ကုန်မြို့နှင့် မန္တလေးမြို့များမှ မှာယူမှုများရှိ၍ ရောင်းချရကြောင်းနှင့် ဆီကြိတ်ပြီး ထွက်ရှိလာသော အဖတ်များအား  တိရစ္ဆာန်အစားအစာနှင့် ဓါတ်မြေဩဇာအဖြစ် သုံးစွဲရန်အတွက် ပြန်လည်ရောင်းချရကြောင်း သိရှိရပါသည်။

          ဆက်လက်၍ မိမိထုတ်လုပ်ထားသော MYANMAR ORGAINC MORINGA OIL (MOM) အမှတ်တံဆိပ် ဒန့်သလွန်စေ့ဆီအား သုံးစွဲသူပြည်သူများ ဘေးကင်းလုံခြုံစိတ်ချစွာ သုံးစွဲနိုင်ရေးအတွက် မကွေးတိုင်းဒေသကြီးအသေးစားစက်မှုလက်မှု လုပ်ငန်းဦးစီးဌာနတွင် ဒန့်သလွန်စေ့ဆီ နမူနာအား စစ်ဆေးမှုခံယူရာ ထောက်ခံချက်အမှတ် အစ-၈(မက-၀၀၀၃၉၆)ဖြင့် ထောက်ခံချက် ရရှိထားပြီး နိုင်ငံတော်မှ မိမိကဲ့သို့ တစ်ပိုင်တစ်နိုင်လုပ်ငန်းရှင်များအား ကူညီထောက်ပံ့မှုများ ပြုလုပ်ပေးမည်ဆိုပါက အစားအသောက်နှင့်ဆေးဝါးကွပ်ကဲရေးဦးစီးဌာန (FDA) လက်မှတ်ရရန် အဆင့်မြှင့်တင်ဆောင်ရွက်ပြီး နိုင်ငံတကာသို့ တင်ပို့ရောင်းချနိုင်ရန်အထိ ဆက်လက်ကြိုးစား ဆောင်ရွက်လိုပါကြောင်း လုပ်ငန်းရှင် ဦးမင်းသက်ဝေမှ ပြောကြားခဲ့ပါသည်။

DOCA(မကွေး)