ပြည်တွင်းကုန်သွယ်မှုသတင်း

        မန္တလေးတိုင်းဒေသကြီး၊ ကျောက်ဆည်ခရိုင်သည် စိုက်ပျိုးရေးကို အဓိကထားလုပ်ကိုင်လျက်ရှိပြီး ဒေသခံပြည်သူများသည် စပါးကို အဓိကထား စိုက်ပျိုးလျက်ရှိရာ ယခုအချိန်တွင် စိုက်ဧကအားလုံးရိတ်သိမ်းပြီးဖြစ်သည့်အတွက်  ဆောင်းသီးနှံဖြစ်သည့် ကုလားပဲအား စတင်စိုက်ပျိုးကြပြီး မတ်လနှင့်ဧပြီလများတွင် ထွက်ရှိမည်ဖြစ်ပါသည်။ ၂၀၂၂- ၂၀၂၃ ခုနှစ်တွင် ဆောင်းကုလားပဲများကို ကျောက်ဆည်မြို့နယ်တွင် (၂၆၀၂၆)ဧက၊ စဉ့်ကိုင်မြို့နယ်တွင် (၁၆၃၀၄)ဧက ၊ မြစ်သားမြို့နယ်တွင် (၃၁၇၄၉)ဧက၊ စုစုပေါင်းစိုက်ပျိုးဧကမှာ (၇၄၀၇၉)ဧကစိုက်ပျိုးထားကြောင်းသိရှိရပါသည်။ ဆောင်းကုလားပဲများကို စိုက်ပျိုးရာတွင် တစ်ဧကလျှင် မျိုးစေ့မှာ(၁.၅-၂)တင်းခန့်ကုန်ကျကြောင်း၊ မျိုးစေ့ဈေးနှုန်းအနေဖြင့် တစ်တင်းလျှင်(၆၅၀၀ဝိ/-)ကျပ်ဈေးဖြင့် ဝယ်ယူရပြီး (V2)ကုလားပဲမျိုးနှင့် ရိုးရိုးကုလားပဲမျိုးများကိုသာ အများဆုံးစိုက်ပျိုးကြပါသည်။ တစ်ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခစုစုပေါင်းမှ ာ(၂၀၀၀၀ဝိ/-)ကျပ်ဝန်းကျင်ခန့်ကုန်ကြပြီး၊ ယခုနှစ်တွင် ကုလားပဲများ ထွက်ရှိခြင်းမရှိသေးသော်လည်း လက်ရှိဈေးကွက်တွင်( V2)ကုလားပဲတစ်တင်းလျှင် (၆၇၀၀၀)ကျပ်၊ ရိုးရိုးကုလားပဲတစ်တင်းလျှင်(၅၅၀၀၀)ကျပ်ဈေးနှုန်းများဖြင့် အရောင်းအဝယ်ဖြစ်လျက်ရှိကြောင်းသိရှိရပါသည်။ဆောင်းကုလားပဲများကို စိုက်ပျိုးရာတွင် ကုန်ကျစရိတ်သက်သာပြီး အကျိုးအမြတ်များရရှိသည့်အပြင် ကုလားပဲပင်မှထွက်ရှိသော ပဲရိုးနှင့်ပဲမှော်များကိုလည်း ကျွဲ၊နွားများအတွက် အစားအစာအဖြစ်အသုံးပြုရသောကြောင့် တွက်ချေကိုက်သည့်သီးနှံဖြစ်၍ တောင်သူများအနေဖြင့် ကုလားပဲသီးနှံကို တိုးချဲ့စိုက်ပျိုးသင့်ကြောင်း ရေးသားတင်ပြအပ်ပါသည်။

DOCA(မန္တလေး)

 ‌        အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)  (၄၅)ပိဿာဝင်(၁)အိတ်လျှင် ယခင်အပတ်(၁၁.၁.၂၀၂၃)ရက်နေ့တွင် ကျပ်(၂၃၀၀၀၀)ဖြစ်ပြီး ယခုအပတ် (၁၇.၁.၂၀၂၃) ရက်နေ့တွင်လည်း ကျပ်(၂၃၀၀၀၀)၊ နှမ်းနီ(၁)အိတ်လျှင် ယခင်အပတ်တွင် ကျပ်(၂၂၀၀၀၀)ဖြစ်ပြီး ယခုအပတ် တွင်လည်း ကျပ်(၂၂၀၀၀၀)၊ နှမ်းပြာ(၁)အိတ်လျှင် ယခင်အပတ်တွင် ကျပ်(၂၁၀၀၀၀)ဖြစ်ပြီး ယခုအပတ်တွင်လည်း ကျပ်(၂၁၀၀၀၀)ဖြစ်၍ ဈေးနှုန်းပြောင်းလဲမှုမရှိဘဲ နှမ်းဖြူ(၁)အိတ်လျှင် ယခင်အပတ်တွင် ကျပ်(၂၂၀၀၀၀)ဖြစ်ပြီး ယခုအပတ်တွင် ကျပ်(၂၄၀၀၀၀)ဖြစ်၍ ကျပ်(၂၀၀၀၀)ဈေးမြင့်ခဲ့ပြီး အရောင်းအဝယ် ပမဏအနေဖြင့် (၄၅) ပိဿာဝင်အိတ်ဖြင့် နှမ်းနက်(စမုံ) (၇၇၀)အိတ်၊ နှမ်းပြာ(၂၁၀)အိတ်၊ နှမ်းဖြူ (၈၀)အိတ်၊ နှမ်းနီ (၁၃၀)အိတ်တို့ အရောင်းအဝယ်ရှိခဲ့ကြောင်း ကုန်သည်များထံမှ သိရှိရပါသည်။

          ပဲမျိုးစုံဈေးကွက်တွင် (၂၀)ပိဿာ(၁)တင်းလျှင် ကုလားပဲ(HL)မှာ (၁)တင်းလျှင် ယခင်အပတ်တွင် ကျပ်(၆၄၀၀၀)ဖြစ်ပြီး ယခုအပတ်တွင်ကျပ်(၆၀၀၀၀)ဖြစ်၍ ကျပ်(၄၀၀၀) ဈေးလျော့ခဲ့ကြောင်း၊ ပဲကြီး (၁) တင်းလျှင် ယခင်အပတ်တွင်ကျပ်(၉၀၀၀၀) ဖြစ်ပြီး ယခုအပတ်တွင် ကျပ်(၈၅၀၀၀) ဖြစ်၍ ကျပ်(၅၀၀၀) စသည်ဖြင့် အသီးသီးဈေးလျော့ခဲ့ပါသည်။ ဘိုကိတ်ပြာ(ဆောင်းသစ်) (၁) တင်းလျှင် ယခင်အပတ်တွင် ကျပ်(၃၈၀၀၀) ဖြစ်ပြီး ယခုအပတ်တွင် ကျပ်(၃၉၅၀၀)ဖြစ်၍ ကျပ်(၁၅၀၀)ဈေးမြင့် ခဲ့ကြောင်း၊ ပဲတီစိမ်း (၁) တင်းလျှင် ယခင်အပတ်တွင် ကျပ်(၄၇၅၀၀)ဖြစ်ပြီး ယခုအပတ်တွင် ကျပ်(၅၀၀၀၀)ဖြစ်၍ ကျပ်(၂၅၀၀)ဈေးမြင့် ခဲ့ကြောင်း၊ မတ်ပဲ(၁) တင်းလျှင် ယခင်အပတ်တွင် ကျပ်(၅၂၅၀၀)ဖြစ်ပြီး ယခုအပတ်တွင် ကျပ်(၅၄၀၀၀) ဖြစ်၍ ကျပ်(၁၅၀၀)ဈေးမြင့်ခဲ့ကြောင်း၊ ပဲစဉ်းငုံ(နီ)(၁)တင်းလျှင် ယခင်အပတ်တွင် ကျပ်(၅၅၈၀၀) ဖြစ်ပြီး ယခုအပတ်တွင် ကျပ်(၅၇၃၀၀) ဖြစ်၍ ကျပ်(၁၅၀၀) ဈေးမြင့်ခဲ့ကာ အရောင်းအဝယ်ပမာဏအနေဖြင့် (၃၀)ပိဿာဝင်အိတ်ဖြင့် ပဲတီစိမ်း(၉၀၀)အိတ်၊ ပဲစဉ်းငုံ(နီ) (၃၈၀၀) အိတ်၊ မတ်ပဲ(၁၁၀) အိတ်၊ ကုလားပဲ(HL) (၄၅၀)အိတ်၊ ဘိုကိတ်ပြာ(၉၀) အိတ်နှင့် ပဲကြီး(၂၈၀)အိတ်တို့ အရောင်းအဝယ် ရှိခဲ့ကြောင်း သိရှိရပါသည်။

      မြေပဲလုံးဆံ(ဖြူ)မှာ တစ်ပိဿာလျှင် ယခင်အပတ်တွင် ကျပ်(၅၂၅၀)ဖြစ်ပြီး ယခုအပတ်တွင် ကျပ်(၅၄၅၀)ဖြစ်၍ ကျပ်(၂၀၀)ဈေးမြင့်ခဲ့ကြောင်း၊ မြေပဲလုံးဆံ(နီ)  ယခင်အပတ်တွင် ကျပ်(၆၀၀၀) ဖြစ်ပြီး ယခုအပတ်တွင် ကျပ်(၆၄၀၀)ဖြစ်၍ ကျပ်(၄၀၀)ဈေးမြင့်ခဲ့ကြောင်း၊ မြေပဲတောင့်အစိုမှာ တစ်တင်း လျှင် ယခင်အပတ်တွင် ကျပ်(၂၁၀၀၀)ဖြစ်ပြီး ယခုအပတ်တွင်လည်း ကျပ်(၂၁၅၀၀)ဖြစ်၍ ကျပ်(၅၀၀) ဈေးမြင့်ခဲ့ပြီး အရောင်းအဝယ်ပမာဏအနေဖြင့် မြေပဲလုံးဆံ(နီ) (၃၀)ပိဿာဝင် အိတ် (၃၇၀)၊ မြေပဲလုံးဆံ(ဖြူ) အိတ်(၂၅၀) နှင့် မြေပဲတောင့်အစို တင်း(၂၂၀၀)ခန့် အရောင်းအဝယ်ရှိခဲ့ ကြောင်း သိရှိခဲ့ရပါသည်။

      ဝါသီးနှံဈေးကွက်မှာလည်း (၁)ပိဿာလျှင် ယခင်အပတ်တွင်ကျပ်(၂၇၀၀)ဖြစ်ပြီး ယခုအပတ်တွင်လည်း ကျပ်(၂၇၅၀)ဖြစ်၍ ကျပ်(၅၀)ဈေးမြင့်ကာ ဝါပိဿာချိန်(၁၈၀၀၀)ခန့် အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

             ရှမ်းပြည်နယ်(အရှေ့ပိုင်း)ဒေသဖြစ်သော မိုင်းဆတ်၊ မိုင်းယောင်း၊ တာချီလိတ်၊ မိုင်းဖြတ်မြို့နယ်တို့တွင် တောတောင်များအတွင်း သဘာဝအလျှောက်ပေါက်ရောက်သော တံမြတ်စည်းပင်များကို မိသားစုအပိုဝင်ငွေရရှိရန်အတွက် စတင်ခုတ်ယူနေကြပြီဖြစ်ပါသည်။

              တံမြက်စည်းပင်များကို ထိုင်းနိုင်ငံသို့တင်ပို့ရန်နှင့် အိမ်သုံးတံမြက်စည်းပြုလုပ်ရန်အတွက် အဓိကခုတ်ယူကြသည်။ တံမြက်စည်းပင်များကိုနှစ်စဉ် ဇန်နဝါရီလမှ မတ်လအတွင်းခုတ်ယူရရှိပါ သည်။ ယခင်နှစ်က ခုတ်ယူရရှိထားသောတံမြက်စည်းပင်များကို နေလှန်းပြုပြင်ပြီး တံမြက်စည်း ပြုလုပ်ရောင်းချရာတွင် တံမြက်စည်းတစ်ချောင်းလျှင် ကျပ်(၁၀၀၀)မှ(၂၀၀၀)ထိရရှိပြီး၊ တံမြက်စည်းမွှေးကို အဝယ်ဒိုင်သို့ရောင်းချပါက တစ်ကီလိုလျှင် ကျပ်(၁၅၀၀)မှ(၂၅၀၀)ထိ ရရှိခဲ့ပါ သည်။

          ယခုနှစ်တွင် တာချီလိတ်မြို့နယ်ရှိတံမြက်စည်းအဝယ်ဒိုင်များသည် တံမြက်စည်းမွှေး အခြောက်တစ်ကီလိုကို ကျပ်(၂၀၀၀)မှစတင်ဝယ်ယူနေကြသောကြောင့် ကျေးလက်နေပြည်သူများအနေနှင့် မိသားစုအပိုဝင်ငွေရရှိရန်အတွက် တံမြက်စည်းပင်များကိုစတင်ခုတ်ယူကာ ပြုပြင်နေလှန်းနေကြပြီ ဖြစ်ပါကြောင်းသိရပါသည်။

DOCA(ရှမ်း)

          လတ်တလော စားသုံးဆီဈေးနှုန်းများမြင့်တက်လာမှုအပေါ် ပုသိမ်မြို့ပေါ်ရှိ စားသုံးသူ မိဘပြည်သူများ ဈေးနှုန်းသက်သာစွာ ဝယ်ယူသုံးစွဲနိုင်ရေးကို ရည်ရွယ်၍ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီ၏ လမ်းညွှန်ချက်နှင့်အညီ ဧရာဝတီတိုင်းဒေသကြီး ဆီကုန်သည်နှင့် ဆီလုပ်ငန်းရှင်များအသင်း (ယာယီ)နှင့် ပုသိမ်ခရိုင် စားသုံးသူရေးရာဦးစီးဌာနမှ ခရိုင်ဦးစီးမှူးနှင့်မြို့နယ်တာဝန်ခံတို့ပူးပေါင်းပါဝင်ပြီး စားအုန်းဆီ လက်လီဈေးကွက်အတွင်း သင့်လျေ်သောဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်း မပြုလုပ်စေရန်နှင့် စားအုန်းဆီများကို သက်သာသော ဈေးနှုန်းဖြင့် စားသုံးသူပြည်သူများဝယ်ယူစားသုံးနိုင်ရန် ရည်ရွယ်၍ ရန်ကုန် အထိုင် ရည်ညွှန်း လက်ကားဈေးနှုန်းအပေါ် သယ်ယူခကုန်ကျစရိတ်များ ပေါင်း၍ ၂ ရာခိုင်နှုန်း အမြတ်ထက် မပိုသော ဈေးနှုန်းဖြင့် စားသုံးသူပြည်သူများအား လူတစ်ဦးလျှင်(၁)ပိဿာနှုန်း ဖြင့်နေ့စဉ် ရောင်းချပေးလျက်ရှိရာ (၉.၁.၂၀၂၃)ရက်နေ့တွင် ရအက(၅) နှင့် တန်တစ်ရာရပ်ကွက်၊ (၁၀.၁.၂၀၂၃)ရက် နေ့ တွင် တောင်ရာမညနှင့် မင်းကြီးလမ်းရပ်ကွက်၊ (၁၁.၁.၂၀၂၃) ရက်နေ့တွင် စန္ဒာအေးလမ်းနှင့် ညောင်သာယာရပ်ကွက်၊ (၁၂.၁.၂၀၂၃)ရက်နေ့တွင် ရအက(၃)နှင့် သိမ်တော်ကြီးရပ်ကွက်၊ (၁၃.၁.၂၀၂၃)ရက်နေ့တွင် ထန်းကုန်းလေးနှင့် အောင်ချမ်းသာရပ်ကွက် စသည့်ရပ်ကွက်များအား တစ်ရက်လျှင်ရပ်ကွက်(၂)ခု၊ တစ်ရပ်ကွက်လျှင် စားသုံးဆီပေပါ (၆)လုံး၊ တစ်နေ့လျှင် ဆီပေပါ(၁၂)လုံး၊ လူတစ်ဦးလျှင်(၁)ပိဿာဖြင့် စားသုံးသူပြည်သူများအား ရောင်းချခဲ့ပြီး စားသုံးသူပြည်သူများမှ စနစ်တကျတန်းစီဝယ်ယူအားပေးကြကြောင်း သိရှိရပါသည်။

DOCA(ဧရာဝတီ)

            ၂၀၂၃ခုနှစ်၊ ဇန်နဝါရီလ တတိယပတ်အတွင်း နေပြည်‌တော်ကောင်စီနယ်မြေတွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် ၃၂၀၀ကျပ်၊ ဧည့်မထ တစ်ပြည် ၂၀၀၀ကျပ်၊ မနောသုခ တစ်ပြည် ၁၉၅၀ကျပ်နှုန်းဖြင့် အ‌ရောင်းအဝယ် ဖြစ်လျက်ရှိပါသည်။ ကြက်သွန်နီ လက်လီဈေးမှာ (ကြီး)တစ်ပိဿာ ၃၂၀၀ကျပ်၊ (လတ်)တစ်ပိဿာ ၃၀၀၀ကျပ်၊ (သေး)တစ်ပိဿာ ၂၆၀၀ ကျပ်နှုန်းဖြင့် ‌အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ကြူကုတ်) တစ်ပိဿာ ၃၈၀၀ကျပ်မှ ၄၂၀၀ကျပ်ထိ၊ (ရှမ်း)တစ်ပိဿာ ၄၀၀၀ကျပ်မှ ၄၈၀၀ကျပ်ထိ၊ ငရုတ်သီး ခြောက်လက်လီဈေးမှာ (အရှည်) တစ်ပိဿာ ၁၁၅၀၀ကျပ်မှ ၁၆၀၀၀ကျပ်ထိ၊ (အပု)တစ်ပိဿာ ၁၆၀၀၀ကျပ်မှ ၂၂၀၀၀ကျပ်ထိ၊ အာလူးလက်လီဈေးမှာ ၂၂၀၀ကျပ်မှ ၂၈၀၀ကျပ်ထိ၊ ခရမ်းချဥ်သီး တစ်ပိဿာ ၁၀၀၀ကျပ်မှ ၁၈၀၀ကျပ်ထိ အရောင်းအဝယ် ဖြစ်လျက်ရှိပါသည်။

          ကြက်ဥ လက်လီဈေးမှာ  တစ်လုံး ၁၉၅ကျပ်မှ ၂၃၀ကျပ်ထိ ဖြစ်ပါသည်။ နေပြည်တော် ကောင်စီနယ်မြေ၏ အသား/ငါး ဈေးနှုန်းများမှာ ကြက်သား(CP) တစ်ပိဿာ ၇၈၀၀ကျပ်မှ ၁၀၀၀၀ ကျပ်ထိ၊ ကြက်သား(ဗမာ) တစ်ပိဿာ ၁၁၀၀၀ကျပ်မှ ၁၄၀၀၀ကျပ်ထိ၊ ဝက်သား တစ်ပိဿာ ၁၁၅၀၀ကျပ်မှ ၁၄၀၀၀ကျပ်ထိ၊ အမဲသား တစ်ပိဿာ ၁၀၀၀၀ကျပ်မှ ၁၃၀၀၀ကျပ်ထိ၊ ငါးမြစ်ချင်း တစ်ပိဿာ ၄၈၀၀ကျပ်မှ ၇၅၀၀ထိ၊ ငါးကြင်း တစ်ပိဿာ ၁၀၀၀၀ကျပ်မှ၁၄၀၀၀ကျပ်ထိ ရောင်းဝယ်နေကြောင်း သိရသည်။

          စားသုံးဆီ ဈေးနှုန်များမှာ ပဲဆီ တစ်ပိဿာလျှင် ၁၄၀၀၀ကျပ်၊ စားအုန်းဆီ တစ်ပိဿာလျှင် ၆၀၀၀ကျပ်နှင့် နှမ်းဆီ တစ်ပိဿာလျှင် ၁၂၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

DOCA(ပြည်ထောင်စုနယ်မြေ)