ပြည်တွင်းကုန်သွယ်မှုသတင်း

          ၂၀၂၃ခုနှစ် ဇန်နဝါရီလ တတိယပတ်အတွင်း ရွှေဘိုမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်းဆန်(ဟောင်း) တစ်ပြည်လျှင် ၃၈၀၀ကျပ်၊ ဧရာမင်းဆန်(ဟောင်း) တစ်ပြည်လျှင် ၂၈၀၀ကျပ်၊ရွှေဘိုပေါ်ဆန်းဆန်(သစ်) တစ်ပြည်လျှင် ၂၉၀၀ကျပ်၊ ဧရာမင်းဆန်(သစ်) တစ်ပြည်လျှင် ၂၅၀၀ကျပ်ဖြင့် အရောင်းအဝယ်ဖြစ်လျက်ရှိသည်။ကြက်သွန်နီ(သစ်) လက်လီဈေးမှာ (ကြီး) တစ်ပိဿာလျှင် ၂၃၀၀ကျပ်၊ (လတ်) တစ်ပိဿာလျှင် ၁၈၀၀ကျပ်၊ (သေး)တစ်ပိဿာလျှင် ၁၃၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျှင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာလျှင် ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာလျှင် ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာလျှင် ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာလျှင် ၁၈၀၀ကျပ်မှ ၂၆၀၀ကျပ်ထိ ၊ခရမ်းချဉ်သီး တစ်ပိဿာလျှင် ၁၆၀၀ကျပ်ဖြင့် အရောင်းအဝယ် ဖြစ်နေပါသည်။

      ကြက်ဥ လက်လီဈေးနှုန်းမှာ (ကြီး)တစ်လုံးလျှင် ၂၅၀ကျပ်၊ (သေး) တစ်လုံးလျှင် ၂၀၀ကျပ် ၊ ဘဲဥ (ကြီး) တစ်လုံးလျှင် (၃၀၀)ကျပ်၊ (သေး)တစ်လုံးလျှင် (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာလျှင် ၇၀၀၀ကျပ်မှ ၉၀၀၀ကျပ်ထိ၊ကြက်သား (ဗမာ)တစ်ပိဿာလျှင် ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာလျှင် ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာလျှင် ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာလျှင် ၇၀၀၀ကျပ်၊ ငါးကြင်း တစ်ပိဿာလျှင် ၆၀၀၀ကျပ်ဖြင့် ရောင်းဝယ်နေကြောင်း သိရသည်။

      စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၁၂၀၀၀ကျပ်မှ ၁၃၀၀၀ကျပ်ထိ၊  စားအုန်းဆီ တစ်ပိဿာလျှင် ၆၃၀၀ကျပ်နှင့် နှမ်းဆီ တစ်ပိဿာလျှင် ၁၃၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

DOCA(စစ်ကိုင်း)

       ပြည်တွင်းကုန်သွယ်မှုလုပ်ငန်းများဖွံ့ဖြိုး တိုးတက်ရန်နှင့်အငယ်စား၊အသေးစား၊အလတ်စား စီးပွားရေးလုပ်ငန်းများ(MSMEs)ကဏ္ဍာဖွံ့ဖြိုး တိုးတက်ရေးအတွက် ကျောက်ဆည်ခရိုင်၊  စားသုံးသူ ရေးရာဦးစီးဌာနဝန်ထမ်းများသည် ကျောက်ဆည် မြို့နယ်၊ ငါးအိုးကျေးရွာရှိ တံစဉ်လုပ်ငန်း ရှင် များအား တွေ့ဆုံပြီး ကုန်ကြမ်းရရှိမှု၊ကုန်ချောဖြန့်ဖြူးမှုနှင့်စျေးနှုန်းစျေးကွက် အခြေအနေများအား ကွင်းဆင်း လေ့လာခဲ့ပါသည်။ငါးအိုးကျေးရွာတွင် လယ်ယာလုပ်ငန်းသုံး တံစဉ်များပြုလုပ်ရန်အတွက် ပန်းပဲဖို (၁၁)ခုရှိပြီး၊၎င်းလုပ်ငန်းအား လွန်ခဲ့သောနှစ်ပေါင်း(၅၀-၆၀)ခန့်ကပင် စတင်ပြီးလုပ်ဆောင်ခဲ့ ကြောင်း၊ တောင်သူများအတွက် မရှိမဖြစ်လိုအပ်သည့် လုပ်ငန်းသုံးပစ္စည်းဖြစ်သောကြောင့် ကိုဗစ်-၁၉ ရောဂါ ကြောင့်စီးပွားရေးလုပ်ငန်းများရပ်တန့်သွားသော်လည်း တံစဉ်ထုတ်လုပ်သည့်လုပ်ငန်းမှာ ရပ်တန့် ခြင်းမရှိဘဲ ယနေ့တိုင် ဆက်လက်လုပ်ကိုင်လျှက်ရှိကြောင်း ၊ တစ်ရက်လျှင် ပန်းပဲဖိုတစ်ခု၌ တံစဉ် (၁၀၀)လက်ခန့်ပြုလုပ်နိုင်ကြောင်း ၊ ၄င်းတံစဉ်များပြုလုပ်နိုင်ရန်အတွက် လုပ်သား(၅)ဦးခန့် လိုအပ် ပြီးကုန်ကြမ်းအား မန္တလေးစက်မှုဇုံမှ လေးသံများကိုဝယ်ယူပြီးပြုလုပ်ရကြောင်း၊ တစ်ရက် လျှင် ကုန်ကြမ်းသံ(၅)ပိဿာကုန်ကျ၍ (၁)ပိဿာလျှင် (၅၀၀၀/-)ကျပ်ပေးရကြောင်း ၊ ကုန်ကြမ်း တန်ဖိုး ၊ လုပ်သားခ၊အထွေထွေကုန်ကျစရိတ်အနေဖြင့် တံစဉ်အလက်(၁၀၀)ပြုလုပ်လျှင် စုစုပေါင်း (၇၅၀၀၀/-) ကျပ်ကုန်ကျကြောင်း ၊ စျေးနှုန်းအနေဖြင့် တံစဉ်(အကြီး) တစ်လက် လျှင်(၂၅၀၀/-)ကျပ် ၊ တံစဉ် (အလတ်)တစ်လက်လျှင်(၁၃၀၀/-)ကျပ်၊ တံစဉ်(အသေး) တစ်လက် လျှင် (၁၀၀၀/-)ကျပ်ရရှိကြောင်း ၊ တံစဉ်များအား ပြုလုပ်ရာတွင် ဘယ်ကိုင် နှင့် ညာကိုင် ဟူ၍(၂)မျိုးရှိကြောင်း ၊ ပုံမှန်အနေဖြင့် ညာကိုင်တံစဉ်များသာထုတ်လုပ်ပြီး ဘယ်ကိုင်တံစဉ်အား ကြိုတင်မှာယူမှသာပြု လုပ်ပေးကြောင်း ၊ စျေးနှုန်းအနေဖြင့် ပုံမှန်စျေးထက်(၂)ဆ ရှိကြောင်း၊ ကုန်ချောဖြန့်ဖြူးမှုအနေဖြင့် အနယ်နယ်အရပ်ရပ် ရှိ ၁၂ ပွဲစျေးများအပြင် ကျောက်ဆည် ၊ မြစ်သား ၊ ဝမ်းတွင်း မြို့နယ်များ သို့ဖြန့်ဖြူးပြီး ၄င်းမှတဆင့် အနယ်နယ်အရပ်ရပ်သို့ ဖြန့်ဖြူးလျှက်ရှိကြောင်း၊ ငါးအိုးကျေးရွာမှ ထွက်ရှိ သော တံစဉ်များသည် အရည်အသွေးကောင်းမွန်ပြီး တောင်သူများမှ ကြိုက်နှစ်သက်ကြသဖြင့် အခြားဒေသများမှထွက်ရှိ သောတံစဉ်များထက်ဝယ်ယူမှုများကြောင်း  လယ်ယာသုံးတံစဉ်လုပ်ကိုင် သည့် လုပ်ငန်းရှင်တစ်ဦး၏ ပြောကြားချက်အရသိရှိရပြီး ကျေးရွာ တစ်ရွာထုတ်ကုန်တစ်မျိုး (One Village One Product) အနေဖြင့် ရေးသားတင်ပြလိုက်ရပါသည်။

DOCA(မန္တလေး)

      ရွှေဘိုမြို့၌ ဈေးကွက်အတွင်း ရောင်းချလျက်ရှိသော ခရမ်းချဉ်သီးများ ဇန်နဝါရီလတတိယပတ်တွင်  ဈေးနှုန်းအနည်းငယ် ပြန်လည်မြင့်တက်လာပြီး ခရမ်းချဉ်သီး တစ်ပိဿာလျှင် ၁၆၀၀ကျပ်ဖြင့် အရောင်းအဝယ်ဖြစ်နေ၍ ယခင်ဇန်နဝါရီလ ဒုတိယပတ်တွင် ခရမ်းချဉ်သီး တစ်ပိဿာလျှင် ၁၂၀၀ ကျပ် ဈေးရှိခဲ့သဖြင့် ယခင်ပတ်နှင့် ယခုပတ် ဈေးနှုန်းနှိုင်းယှဉ်ပါက ခရမ်းချဉ်သီး တစ်ပိဿာလျှင် ယခင်ပတ်ထက် ၄၀၀ကျပ် ဈေးနှုန်းပြန်လည်မြင့်တက်လာခဲ့သည်။

       ခရမ်းချဉ်သီးဈေးနှုန်း မြင့်တက်လာရခြင်းမှာ ဒေသတွင်းမှ စိုက်ပျိုးသော  ခရမ်းချဉ်သီး အဝင်နည်းပါးလာပြီး တောင်ကြီး၊ အင်းလေး ၊ညောင်ရွှေ စသည့်မြို့များမှ တစ်ဆင့်မှာယူ ရောင်းချရခြင်းကြောင့်ဖြစ်ပြီး သယ်ယူစရိတ်များ များပြားသောကြောင့်ဈေးနှုန်းမြင့်တက်လာရခြင်းဖြစ်သည်ဟု ရွှေဘိုမြို့ စည်ပင်သာယာဈေးတွင် ရောင်းချလျက်ရှိသော ခရမ်းချဉ်သီးပွဲရုံများမှ သတင်းရရှိသည်။

DOCA(စစ်ကိုင်း)

        ရွှေဘိုခရိုင်အတွင်းရှိ မြို့နယ်များ၌ ဇန်နဝါရီလ ‌တတိယပတ်တွင် စပါး /ဆန် ဈေးနှုန်းမှာ အနည်းငယ် မြင့်တက်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဇန်နဝါရီလ ဒုတိယပတ်တွင် ရန်ကုန်သို့ အိတ်ရေ ၄၃၀၀၀ ၊ မန္တလေးသို့ အိတ်ရေ၅၃၀၀၀၊ နေပြည်တော်သို့ အိတ်ရေ ၁၂၀၀၀၊ ရှမ်း(တောင်)သို့ အိတ်ရေ ၁၀၀၀၀၊ ရှမ်း(မြောက်)သို့ အိတ်ရေ ၁၀၀၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၂၉၀၀၀၊ တန်အားဖြင့် ၆၄၅၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသ ကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၄၄၀၀၀၊ မန္တလေးသို့ အိတ်ရေ ၅၄၀၀၀၊ နေပြည်တော်သို့ အိတ်ရေ၁၁၅၀၀ ၊ ရှမ်း(တောင်)သို့ အိတ်ရေ၁၀၅၀၀ ၊ ရှမ်း(မြောက်)သို့ အိတ်ရေ ၁၀၅၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၃၁၅၀၀၊ တန်အားဖြင့် ၆၅၇၅တန် စီးထွက်ခဲ့သည့်အတွက် ယခင်အပတ်နှင့် နှိုင်းယှဉ်လျှင် ယခုအပတ်အတွင်း အိတ်ရေ ၂၅၀၀၊ တန်အားဖြင့် ၁၂၅တန် ပို၍ စီးထွက်ခဲ့ပါသည်။

     ရွှေဘိုမြို့၏ ဇန်နဝါရီလ တတိယပတ်တွင် ဖြစ်ပေါ်နေသော စပါး/ဆန်ဈေးနှုန်းများမှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၆၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၉၀၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါ တစ်အိတ်လျှင် ကျပ်၆၅၀၀၀၊ ရွှေဘိုပေါ်ဆန်းစပါး(သစ်) တင်း၁၀၀လျှင် ကျပ် ၂၀၀၀၀၀၀၊ ရွှေဘိုပေါ်ဆန်းဆန်(သစ်) ၂၄ပြည်ပါ တစ်အိတ်လျှင် ကျပ်၇၀၀၀၀ ၊ ဧရာမင်း စပါး (သစ်) တင်း၁၀၀လျှင် ကျပ် ၁၅၀၀၀၀၀၊ ဧရာမင်းဆန် (သစ်)၂၄ပြည်ပါ တစ်အိတ်လျှင် ကျပ်၆၀၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

       ကျောက်ဆည်ခရိုင်၊ စဉ့်ကိုင်မြို့နယ်သည် စိုက်ပျိုးရေး၊ မွေးမြူရေးကို အဓိကထားပြီးလုပ်ကိုင်ကြသော်လည်း ဒေသခံတောင်သူများသည် နှစ်ရှည်သီးနှံဖြစ်သော ဆီးပင်စိုက်ပျိုးခြင်းလုပ်ငန်းကိုလည်း ယာမြေနှင့်ဥယျာဉ်ခြံမြေများတွင် အများအပြားစိုက်ပျိုးလျက်ရှိပါသည်။ တောင်သူအများစုသည် ဆီးပင်စိုက်ပျိုးရာတွင် အလုံးကြီးပြီး အရည်အသွေးကောင်းမွန်၍ အရသာရှိသောထိုင်ဝမ်ဆီးသီးများကိုသာ အများဆုံးစိုက်ပျိုးလာကြကြောင်း၊ ဆီးပင်စိုက်ပျိုးရာတွင် ဆီးအချဉ်ပင်မှ အချိုပင်ဖြစ်အောင် ကိုင်းကူး၍ ပြန်လည်စိုက်ပျိုးကြပြီး တစ်ပင်နှင့်တစ်ပင် (၁၅)ပေခြား၍ စိုက်ပျိုးကြကြောင်း၊ တစ်ဧကလျှင် ပျိုးပင်(၁၀၀)ပင်စိုက်ပျိုးရပြီး စတင်စိုက်ပျိုးသည့်အချိန်မှ(၂-၃)နှစ်ခန့်အကြာတွင် ဆီးသီးများကို စတင်ခူးဆွတ်ရပါသည်။ ထိုင်ဝမ်ဆီးသီးများကို နှစ်စဉ် နိုဝင်ဘာလနှင့် ဒီဇင်ဘာလများတွင် လှိုင်လှိုင်ထွက်ပေါ်နေပြီး တစ်ပတ်ခူးဆွတ်မှုအနေဖြင့် (၁၀)ပြည်ပါဖာ(၂၅ ဖာမှ ၃၀ ဖာ)အထိရရှိပြီး ယိုစုံလုပ်ငန်းရှင်များကလည်း ဆီးးခြံအထိလာရောက်၍ ဝယ်ယူလျက်ရှိကြောင်း၊ ဖောက်သည်ဈေးအနေဖြင့် ဆီးသီး (၁၀)ပြည်ပါတစ်ဖာလျှင် အလုံးအကြီးအသေးပေါ်မူတည်၍ (၉၀၀၀ ကျပ်မှ ၁၂၀၀ဝိ ကျပ်)အထိဈေးရှိပြီး လက်လီဈေးနှုန်းအနေဖြင့် ထိုင်ဝမ်ဆီးသီးတစ်ပြည်လျှင် အလုံးကြီးကို(၁၅၀ဝိ/-)ကျပ်၊အလုံးသေးကို (၁၀၀ဝိ/-)ကျပ်ဈေးဖြင့် ရောင်းချလျက်ရှိကြောင်းသိရှိရပါသည်။ ယခုနှစ်တွင် ထိုင်ဝမ်ဆီးသီးများမှာ အထွက်နှုန်းကောင်းမွန်သည့်အပြင် အရောင်းအဝယ်သွက်၍ ဈေးကောင်းရရှိနေသည်ဟု ဆီးသီးစိုက်ပျိုးသူ တောင်သူတစ်ဦး၏ပြောပြချက်အရသိရှိရပါသည်။

DOCA(မန္တလေး)