သတင်းနှင့် လှုပ်ရှားမှုများ
၂၈.၅.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၊ ကျိုက်ထိုမြို့နယ် တာဝန်ခံသည် မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာရေးဌာနတို့နှင့် ပူးပေါင်း၍ ကျိုက်ထိုမြို့နယ်တွင်MSME ချေးငွေထုတ်ချေးခြင်းနှင့် စပ်လျဉ်း၍ ကွင်းဆင်းစစ်ဆေးခြင်းကို ကျိုက်ထိုမြို့နယ်၊ မြောက်ပိုင်းရပ်ကွက် ဗိုလ်ချုပ်လမ်းရှိ ဌေးမြင့်အောင်ယိုစုံအား သွားရောက်စစ်ဆေးခဲ့ကြောင်း သိရှိရပါသည်။
ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင် မြို့မဈေးအတွင်း/ အပြင်ရှိကုန်စုံဆိုင်များကို ပဲခူးတိုင်းဒေသကြီးစားသုံးသူရေးရာဦးစီးဌာန တိုင်းဒေသကြီးဦးစီးမှူး၏လမ်းညွှန်မှုဖြင့် သာယာဝတီခရိုင်ဦးစီးမှူးမှကြီးကြပ်၍ ခရိုင်ဦးစီးမှူးရုံးမှ ဝန်ထမ်းများကိုနေ့စဉ်ဈေးကွက်အတွင်းသို့သွားရောက်ပြီး ဆီများရောင်းချနေမှုအခြေအနေများကို သိရှိရန်ကွင်းဆင်းဆောင်ရွက် လျက်ရှိပါသည်။
ဧရာဝတီတိုင်းဒေသကြီး စားသုံးသူရေးရာဦးစီးဌာန တိုင်းဦးစီးမှူး ပုသိမ်ခရိုင်ဦးစီးမှူးနှင့် မေလ ၂၅ ရက်နေ့ သာပေါင်းမြို့နယ် စားသုံးသူရေးရာဦးစီးဌာန မြို့နယ်တာဝန်ခံရုံးတွင် တိုင်းအတွင်း သီဟိုဠ်စိုက်ဧက ၂၀၀၀၀ ဝန်းကျင်နှင့် အများဆုံးစိုက်ပျိုးထုတ်လုပ်လျက်ရှိသော သာပေါင်းမြို့နယ် သီဟိုဠ်စိုက်ပျိုးထုတ်လုပ်ရောင်းချသူများအသင်းဥက္ကဋ္ဌအပါအဝင် အသင်းသားများနှင့် တွေ့ဆုံခဲ့ပါသည်၊၊
စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးဦးမျိုးအောင်သည်(၂၈-၅-၂၀၂၄)ရက်နေ့ နေ့လယ်ပိုင်းက တောင်ငူခရိုင်အတွင်းရှိဘူးသွင်းစားသုံးဆီထုတ်လုပ်ဖြန့်ဖြူးရောင်းချသည့် လုပ်ငန်းရှင်များနှင့်တွေ့ဆုံ၍ မြန်မာနိုင်ငံအစားအသောက်နှင့် ဆေးဝါးအာဏာပိုင်အဖွဲ့မှထုတ်ပြန်သည့် အမိန့်အမှတ် ၂/ ၂၀၂၄နှင့်စပ်လျဉ်း၍ ရှင်းလင်းပြောကြားပါသည်။
စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဝန်ထမ်းများသည် (၂၈-၅-၂၀၂၄) ရက်နေ့တွင် ပြည်ထောင်စုနယ်မြေ၊ နေပြည်တော်၊ လယ်ဝေးမြို့နယ်အတွင်းရှိ စားအုန်းဆီ လက်ကားရောင်းချသည့်ဆိုင်များ၊ ဆန်ပွဲရုံ/ဆန်ဆိုင်များအား ကွင်းဆင်းစစ်ဆေးခဲ့ကြပါသည်။
