သတင်းနှင့် လှုပ်ရှားမှုများ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကလေးခရိုင်၊ ကလေးဝမြို့နယ်တာဝန်ခံ ဦးကျော်ကျော်မိုးကဦးဆောင်၍ ဖေဖော်ဝါရီလ (၇) ရက်နေ့ နံနက်(၁၀:၃၀)နာရီအချိန်၌ (အ.လ.က-၃) အလယ်တန်း ကျောင်းသို့ သွားရောက်၍ ဆရာ/ဆရာမ (၁၅ ) ဦးနှင့် ကျောင်းသား/ ကျောင်းသူ ( ၂၁၅ ) ဦး၊ စုစုပေါင်း ( ၂၃၀ ) ဦးအား အသိပညာပေး ဟောပြောပွဲကျင်းပပြုလုပ်ခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဒေါ်သူဇာမြင့်(ဦးစီးမှူး)နှင့် ဦးကီးအောင်လိန်း (ဒု-ဦးစီးမှူး)တို့သည် ဖေဖော်ဝါရီလ ၁၀ ရက်နေ့၊ ညနေ (၀၂း၃၀)နာရီအချိန်တွင် ချင်းပြည်နယ်၊ ဟားခါး မြို့ရှိ ပြည်နယ်စိုက်ပျိုးရေးဦးစီးဌာနရုံးတွင် စားသုံးသူကာကွယ်ဆိုင်ရာ အသိပညာပေးအခမ်းအနား ကိုကျင်းပပြုလုပ်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြန်အောင်ခရိုင်၊ မြန်အောင်မြို့ ဒုခရိုင် ဦးစီးမှူးသည် (၅.၂.၂၀၂၃)ရက်နေ့ နေ့လယ် (၁၃:၃၀)နာရီအချိန်တွင် အင်ပင်မြို့၊ အ.ထ.ကကျောင်း၌ ကျောင်းသား/ကျောင်းသူ၊ ဆရာ/ဆရာမများ၊ ဈေးဆိုင်ပိုင်ရှင်များအား စားသုံးသူကာကွယ်ရေး အသိပညာပေးဟောပြောခြင်းနှင့် ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ မအူပင်မြို့ အခြေခံပညာ အထက်တန်းကျောင်း (အ.ထ.က-၂)၌ စားသုံးသူကာကွယ်ရေး အသိပညာပေးဟောပြောပွဲကို (၇.၂.၂၀၂၃) ရက်နေ့ နံနက် (၁၀:၀၀)က ကျင်းပပြုလုပ်ခဲ့သည်။
ဧရာဝတီတိုင်းဒေသကြီး ကျုံပျော်ခရိုင်၊ ရေကြည်မြို့နယ်၊ မြို့မဈေးအတွင်း၌ ရောင်းချနေသော စားသုံးဆီများအား စားသုံးသူများ ဘေးဥပါဒ်အန္တရာယ် မဖြစ်စေရေးနှင့် ကုန်အညွှန်းအမှတ်အသားပြည့်စုံမှုမရှိသော ကုန်စည်များ ဈေးကွက် အတွင်းမှ ပပျောက်စေရန်ရည်ရွယ်၍ စားသုံးသူရေးရာဦးစီးဌာနမှ ဦးဆောင်ပြီး စည်ပင် သာယာရေး အဖွဲ့နှင့် အတူ ဖေဖော်ဝါရီလ(၈)ရက်၊ နံနက် ၁၀ နာရီတွင် ဈေးအတွင်းရှိ ဆိုင်များအား ကွင်းဆင်းစစ်ဆေးခဲ့ကြောင်း သိရသည်။
