သတင်းနှင့် လှုပ်ရှားမှုများ
ယခုကာလအတွင်း ကြက်သွန်နီဈေးပြန်လည်မြင့်တက်လာကြောင်း စက်တင်ဘာလဆန်း ပိုင်းတွင် ကြက်သွန်နီ(၁)ပိဿာ ကျပ်(၃၂၀၀)မှ ကျပ်(၃၅၀၀)ထိဈေးမြင့်တက်လာခဲ့ပြီး လကုန်ပိုင်းတွင် ကျပ်(၂၇၀၀)မှ (၃၀၀၀)အထိ ဈေးပြန်ကျခဲ့ပြီး သီတင်းကျွတ်လပြည့်နောက်ပိုင်း မြဝတီဘက်မှ အဆွဲများလာသည့်အတွက် ကျပ်(၃၂၀၀)မှ ကျပ်(၃၇၀၀)အထိဈေးပြန်လည်မြင့်တက်ခဲ့ကြောင်း ဆိပ်ဖြူကုန်စည်ဒိုင်မှ လှောင်လက်သမားတစ်ဦး၏ ပြောကြားချက်အရ သိရှိရပါသည်။
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဒု-ဦးစီးမှူးဒေါ်ဌေးဌေးဝင်းသည်(၁၈.၁၀.၂၀၂၂) ရက်နေ့ နံနက် (၀၉:၀၀)အချိန်တွင် လယ်ကိုင်းကျေးရွာ၌ မရွေးလုပ်ငန်းရှင် ဒေါ်နုနုဝင်းနှင့် တွေ့ဆုံ၍ ပြည်တွင်းကုန်သွယ်မှု ဖွံ့ဖြိုးတိုးတက်စေရေးအတွက် မရွေးလုပ်ငန်းအား ကွင်းဆင်းလေ့လာ ခဲ့ပါသည်။
မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၊ ခရိုင်ဦးစီးမှူး၏ လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဝန်ထမ်းများသည် ၂၀၂၂ ခုနှစ်၊အောက်တိုဘာလ(၁၈) ရက်နေ့၊ နံနက်(၉:၃၀)အချိန်တွင် ပခုက္ကူမြို့၊ အ.လ.က(၃)ကျောင်း၌ စားသုံးသူကာကွယ်ရေးအသိပညာပေးဟောပြောပွဲ ကျင်းပပြုလုပ်ခဲ့ပါသည်။
ကချင်ပြည်နယ်၊စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးနှင့် ပြန်ကြားရေးနှင့်ပြည်သူ့ဆက်ဆံရေး ဦးစီးဌာနတို့ပူးပေါင်း၍ 20.10.2022 ရက်နေ့ နံနက် 11:00 နာရီ အချိန်၌ ခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ ခရိုင်ဦးစီးမှူးရုံးခန်းမတွင် စားသုံးသူကာကွယ်ရေးအသိပညာပေး Talk Show ကျင်းပပြုလုပ်ခဲ့ပါသည်။
ကချင်ပြည်နယ်၊စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှဦးဘောမ်ဇုန်း(ရုံးအုပ်)သည် ၁၈.၁၀.၂၀၂၂ ရက်နေ့တွင် ဝိုင်းမော်မြို့နယ်ရှိ အစေ့ထုတ်ပြောင်းစိုက်ပျိုးထုတ်လုပ်တင်ပို့ရောင်းချသူ လုပ်ငန်းရှင်များ နှင့် တွေ့ဆုံဆွေးနွေးခဲ့ပါသည်။
