ကုန်သွယ်မှုသတင်းများ
တနင်္သာရီတိုင်းဒေသကြီး၊ထားဝယ်မြို့ရှိ စည်ပင်သာယာဈေးကြီးအတွင်း၌ ဝက်အူချောင်းများရောင်းချလျက်ရှိပါသည်။ လူကြီး၊ လူငယ်မရွေးကြိုက်ကြသော အစားအစာဖြစ်ပြီး လျင်မြန် ချက်ပြုတ်စားသောက်နိုင်သည့်အတွက် အချိန်ကုန်လူသက်သာသော အစားအစာလည်းဖြစ်ပါ သည်။
တနင်္သာရီတိုင်းဒေသကြီး၊ထားဝယ်မြို့ရှိ ဈေးကွက်အတွင်းသို့ ထားဝယ်မြို့နယ်အတွင်းရှိ ကျေးရွာများ၊ မြို့ပေါ်ရပ််ကွက်များနှင့်ဒေသအသီးသီးမှ သံပုရာသီးများ ဝင်ရောက်လျက်ရှိသည့်အတွက် ဈေးကွက်အတွင်းပေါများ၍ အရောင်းအဝယ်ဖြစ်လျက်ရှိကြောင်း သိရှိရပါသည်။
တနင်္သာရီတိုင်းဒေသကြီး၊ ထားဝယ်ခရိုင်ပတ်ဝန်းကျင်ရှိ ကျေးရွာများ၌ သရက်သီး(ရင်ကွဲ)များ လှိုင်လှိုင်ပေါများနေဖြစ်ပြီး မြို့မဈေးများသို့ တင်ပို့ရောင်းချလျက်ရှိကြောင်းသိရှိရပါသည်။ ပတ်ဝန်းကျင်ရွာများမှ သရက်ပင်များရှိသည့် နေရာများအရောက် ကိုယ်တိုင်လိုက်ခူး၍ လက်ကားလိုက်လံဝယ်ယူသူများလည်း ရှိသည့်အပြင် သရက်ပင်ပိုင်ရှင်မှ ကိုယ်တိုင်ခူး၍ ဈေးကွက်အတွင်းကိုယ်တိုင် ရောင်းချမှုများလည်းရှိသည်။
တနင်္သာရီတိုင်းဒေသကြီးသည် ကမ်းရိုးတန်းဒေသဖြစ်သည့် အတွက်ရေလုပ်ငန်းလုပ်ကိုင်သူပေါများပြီး ငါးဖမ်းလုပ်ငန်းကို လုပ်ကိုင်ကြပါသည်။ ကမ်းနီးကမ်းဝေးငါးဖမ်း လုပ်ငန်းများကို တစ်နိုင်တစ်ပိုင် ငါးဖမ်းလှေများဖြင့်လည်းကောင်း၊၊ ငါးဖမ်းစက်လှေကြီးများဖြင့်လည်းကောင်း ဖမ်းယူကြပြီး ဖမ်းယူရရှိသောငါးများကို ထားဝယ်မြို့ပေါ်ရှိ ကမ်းနားပျံကျဈေးနှင့် ရပ်ကွက်ဈေးများ၊ ငါးဒိုင်များ၊ ကုမ္ပဏီများသို့လာရောက်ရောင်းချကြကြောင်း သိရှိရပါသည်။
ခဝဲပင်သည် နှစ်စဉ်စိုက်ပျိုး၍ရသော အပင်မျိုးဖြစ်ပါသည်။ နွယ်ပင်ကဲ့သို့ လိမ်ယှက်၍ ပေါက်တတ်သော အပင်အမျိုးဖြစ်ပါသည်။ အပွင့်မှာ အဝါရောင်ရှိသည်။ ခဝဲသီးတွင်ပါရှိသော စောင်းများကိုခြစ်ထုတ်ပြီး ကြော်ချက်၍သော်လည်းကောင်း၊ ဟင်းချိုချက်၍သော်လည်းကောင်း ချက်ပြုတ်၍စားသောက်နိုင်ကြသည်။ ခဝဲသီးတွင် အဆီပါတင်မှုနည်းပါးပြီး ကယ်လိုရီပါဝင်မှု လည်းနည်းသည်။ ခဝဲသီးကိုစားသုံးပေးခြင်းဖြင့် သွေးသန့်စင်ပေးနိုင်ခြင်း၊ ဝမ်းမှန်စေခြင်း၊ အသား ဝါရောဂါဖြစ်ပွားနိုင်ချေလျော့နည်းစေခြင်း၊ ဆီးချို၊ သွေးချိုရေ
