ကုန်သွယ်မှုသတင်းများ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၉/၂၀၂၄ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။
၂၃.၇.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မွန်ပြည်နယ် သထုံမြို့နယ်၊ ဂေါ့ကျေးရွာ၊ ကွန်ပျူတာတက္ကသိုလ် (သထုံ)၌ ပြည်နယ်အစိုးရအဖွဲ့၏စီမံမှုဖြင့် (၁၇-၇-၂၀၂၄) ရက်နေ့တွင် ဆန်၊ ဆီ၊ အသားငါး၊ ဟင်းသီးဟင်းရွက် စသည့် အခြေခံစားသောက်ကုန်များကို သတ်မှတ်ထားသည့် သက်သာသောဈေးနှုန်းတို့ဖြင့် မြို့နယ်အဆင့် အခြေခံစားသောက်ကုန်ပစ္စည်းများ ကုန်ဈေးနှုန်းတည်ငြိမ်ရေးကော်မတီမှ တာဝန်ရှိသူတို့က ဆက်လက်ရောင်းချပေးခဲ့ကြောင်းသိရှိရပါသည်။
မွန်ပြည်နယ်တွင် နှမ်းကို ဆီထွက်သီးနှံအဖြစ်စိုက်ပျိုးကြပြီး ဘီးလင်း၊ မော်လမြိုင်၊ ချောင်းဆုံ၊ ကျိုက်မရောတို့တွင် အများဆုံစိုက်ပျိုးကြောင်းသိရသည်။ စိုက်ပျိုးသည့်မျိုးအနေဖြင့် နှမ်းနက်ကို အများဆုံစိုက်ပျိုးကြောင်းသိရှိရသည်။
မွန်ပြည်နယ်တွင် ၂၀၂၃-၂၀၂၄ ဘဏ္ဍာနှစ်၏ နှမ်းစိုက်ဧကမှာ (၂၁၂၇) ဧကရှိပြီး၊ ရိတ်သိမ်းဧကမှာ (၂၁၂၇) ဧက၊ အထွက်နှုန်းမှာ (၁၁.၇၂) တင်းနှုန်းဖြင့် တင်းပေါင်း (၂၄၉၁၉) တင်းထွက်ရှိကြောင်း စိုက်ပျိုးရေးဦးစီးဌာန၏ စာရင်းအရသိရသည်။
မွန်ပြည်နယ်သည် ကျွဲကောသီးထွက်ရှိရာ ပြည်နယ်တစ်ခုဖြစ်သည်။ ကျွဲကောသီးအများဆုံထွက်ရှိသော မြို့နယ်များမှာ ကျိုက်ထို၊ ဘီးလင်း၊ သထုံ၊ မုဒုံ၊ မော်လမြိုင်မြို့နယ်များဖြစ်ပြီး ယခုဇူလိုင်လ ဒုတိယအပတ်တွင်ဖြစ်ပေါ်နေသော ကျွဲကောသီးဈေးနှုန်းများမှာ ကျွဲကောသီး ပန်းရောင်(အကြီး) တစ်လုံးလျှင် (၃၀၀၀) ကျပ်၊ ကျွဲကောသီး ပန်းရောင်(အလတ်) တစ်လုံးလျှင် (၂၀၀၀) ကျပ်၊ ကျွဲကောသီး ပန်းရောင်(အငယ်) တစ်လုံးလျှင် (၁၀၀၀) ကျပ်၊ ကျွဲကောသီး အဖြူ(အကြီး) တစ်လုံးလျှင် (၂၀၀၀) ကျပ်၊ ကျွဲကောသီး အဖြူ(အလတ်) တစ်လုံးလျ
