ကုန်သွယ်မှုသတင်းများ
ပြည်ထောင်စုနယ်မြေ၊ နေပြည်တော်အတွင်း ၂၀၂၄ခုနှစ် မေလတတိယပတ် ဆန်လက်ကား ဈေးကွက်ရောင်းဝယ်မှု နည်းပါးခဲ့သော်လည်း မေလ၏စတုတ္တပတ်မှစ၍ ရန်ကုန်ဆန်ဈေးအနည်းငယ်မြင့်တက်မှုကြောင့် ဒေသတွင်းထုတ်လုပ်မှုဆန် ဈေးကွက်တွင် ရောင်းဝယ်ရေး မြင့်တက်ခဲ့သည့် အနေအထားကို တွေ့ရှိရပါသည်။
တနင်္သာရီတိုင်းဒေသကြီး၊ ထားဝယ်မြို့တွင် Kaung Hlyan New Asia Co,Ltd မှ ဖြန်ဖြူးရရှိသော စားအုန်းဆီများကို (၁၃-၆-၂၀၂၄)ရက်နေ့၊ နံနက် (၉း၀၀) နာရီအချိန်မှစ၍ ထားဝယ်မြို့၏ လက်လီဆိုင် (၁၄)ဆိုင်တို့သည် သတ်မှတ်ရည်ညွှန်းစျေးဖြင့် လူတစ်ဦးလျှင် ဆီ(၅၀)ကျပ်သားနှုန်းရောင်းချပေးလျက်ရှိပါသည်။
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် စပါးစိုက်ဧကနည်းပြီး ဆန်လိုဒေသ ဖြစ်သော်လည်း ဧရာဝတီတိုင်းဒေသကြီး ပုသိမ်မြို့၊ မြောင်းမြမြို့များမှ ရေလမ်းကြောင်းမှ အများ ဆုံးဝင်ရောက်ပြီး ရွှေဘိုခရိုင်၊ မကွေးတိုင်းဒေသကြီး ပွင့်ဖြူမြို့နှင့် စလင်းမြို့များမှလည်း နေ့စဉ် ဝင်ရောက်လျက်ရှိသောကြောင့် ဆန်ဖူလုံမှုရှိသောမြို့ဖြစ်ပါသည်။
မကွေးတိုင်းဒေသကြီး၊ ပခုက္ကခရိုင်၊ ပခုက္ကူမြို့ပေါ်တွင် မန်ကျည်းသီးမှည့်အသစ်များ ဝင်ရောက်အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်း တောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှထွက်ရှိ၍ နေ့စဉ်ဝင်ရောက် အရောင်းအဝယ် ဖြစ်လျက်ရှိပါသည်။
စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် စားသုံးသူကာကွယ်ရေးလုပ်ငန်းများအပြင် အခြားသောသတင်းအချက်အလက်များကိုလည်း သိရှိလေ့လာနိုင်စေရန်ရည်ရွယ်၍ ဒေသတွင်းရှိ စိုက်ပျိုးမွေးမြူရေးလုပ်ငန်းများ၏ စိုက်ပျိုးထုတ်လုပ်မှု၊ အကျိုးအမြတ်ရရှိမှုတို့ကို ကွင်းဆင်းလေ့လာပြီး ရေးသားတင်ပြလျက်ရှိကြောင်းသိရသည်။
