ကုန်သွယ်မှုသတင်းများ
တောင်ငူမြို့ရှိ အခြေခံလူတန်းစားများ စားသုံးဆီများကို သက်သာသောနှုန်းထားဖြင့် ဝယ်ယူရရှိနိုင်ရေးအတွက် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း၏ အစီအစဉ်ဖြင့် ပဲခူးခရိုင်၊ ဆီကုန်သည်အသင်းမှ အရောင်းဈေးကားသည် (၃၁-၅-၂၀၂၃) ရက်နေ့တွင် တောင်ငူမြို့သို့ ရောက်ရှိပြီး အမှတ်၂၂ရပ်ကွက်ရှိ ရေခဲလမ်းနှင့် ဝက်ကုန်းဈေးများတွင် ရောင်းချပေးပါသည်။
မြေပဲသည် ပြည်တွင်းစားသုံးမှုအတွက် အရေးပါသောဆီထွက်သီးနှံဖြစ်ပါသည်။ နုန်းမြေ၊ သဲနုန်းမြေ၊ နုန်းစနယ်မြေနှင့် ကိုင်းကျွန်းမြေများတွင် ကောင်းစွာဖြစ်ထွန်းပါသည်။ မိုးဦးစိုက် ပင်ထောင်/ပင်ပြန့်စိုက်ဒေသများတွင် မေလဆန်းမှ ဇွန်လ၊ ပထမအပတ်အတွင်း၊ မိုးနှောင်း သီးထပ်စိုက်ဒေသများတွင် စက်တင်ဘာလဆန်းမှ အောက်တိုဘာလ၊ ပထမအပတ်အတွင်း ကိုင်းကျွန်းစိုက်ဒေသများတွင် အောက်တိုဘာလမှ နိုဝင်ဘာလ၊ ပထမပတ်အတွင်း၊ စပါးသီးထပ် ဆောင်းမြေပဲစိုက်ဒေသများတွင် နိုဝင်ဘာလမှ ဒီဇင်ဘာလ၊ တတိယအပတ်အတွင်း စိုက်ပျိုးကြပါသည်
၁။ ယခုနှစ် ဇူလိုင်လမှစတင်၍ နေ့စဉ်ရေနံစိမ်းစည်ပေါင်း ၁ သန်းအား ထပ်မံလျှော့ချ၍ ထုတ် လုပ်မည်ဟု ဆော်ဒီအာရေးဘီးယားနိုင်ငံက ပြောကြားခဲ့ပြီးနောက် ဇွန်လ ၅ ရက်၊ တနင်္လာနေ့ ဂရင်းနစ်စံတော်ချိန် ၀၆း၄၅ အချိန်ရှိ Brent ရေနံစိမ်းဈေးနှုန်းမှာ သောကြာနေ့ ဈေးကွက်ပိတ် သိမ်းချိန် ဈေးနှုန်းထက် တစ်စည်လျှင် ၁.၀၂ ဒေါ်လာ တစ်နည်းအားဖြင့် ၁.၃% မြင့်တက်လျက် ၇၇.၁၅ ဒေါ်လာသို့ရောက်ရှိခဲ့ပြီး အမေရိကန် West Texas Intermediate ရေနံစိမ်းဈေးနှုန်း သည်လည်း တစ်စည်လျှင် ၁.၀၂ ဒေါ်လာ (၁.၄%) မြင့် တက်လျက် ၇၂.၇
၂၀၂၃ခုနှစ်၊ စားသုံးသူရေးရာဦးစီးဌာန၊ သာယာဝတီခရိုင်အတွင်းရှိ လက်ပံတန်းမြို့နယ်၊ စည်ပင်သာယာဈေး၌ ဧပြီလ၊ နောက်ဆုံးအပတ်တွင် ချင်းဈေးနှုန်းမှာ (၁၀) ကျပ်သားလျှင် (၃၅၀) ကျပ်မှ (၄၀၀) ကျပ်ထိ၊ မေလ၊ ပထမအပတ်နှင့် ဒုတိယအပတ်တို့တွင် ချင်းဈေးနှုန်းမှာ (၁၀) ကျပ်သားလျှင် (၄၅၀) ကျပ်မှ (၅၀၀) ကျပ်ထိ တဖြည်းဖြည်းမြင့်တက်လာခဲ့ရာ ယခုမေလ၊ နောက်ဆုံးပတ်တွင် (၇၀၀) ကျပ်မှ (၇၅၀) ကျပ်ထိမြင့်တက်လာခဲ့ပါသည်။
လက်ပံတန်း၊ မြို့မဈေးအတွင်း၌ အများဆုံးရောင်းချလျက်ရှိသော ငါးမြစ်ချင်း၊ ငါးကြင်း၊ ငါးခူ၊ ငါးကျည်း စသည့်ငါးများ၏ လက်လီရောင်းချပေးသောဈေးနှုန်းများမှာ ၂၀၂၃ခုနှစ်၊ ဧပြီလကုန်ထိ ငါးကြင်း(ဖြူ)တစ်ပိဿာလျှင် ၇၀၀၀ကျပ်မှ ၈၀၀၀ကျပ်ထိ၊ ငါးမြစ်ချင်းတစ်ပိဿာလျှင် ၅၀၀၀ကျပ်မှ ၆၀၀၀ကျပ်ထိ၊ ငါးခူ၊ ငါးကျည်းတစ်ဆယ်ကျပ်သားလျှင် ၁၅၀၀ကျပ်မှ ၁၆၀၀ကျပ်ထိဖြင့် ဈေးနှုန်းအသီးသီးရှိခဲ့ကြသော်လည်း မေလ၊ စတုတ္ထအပတ်တွင် ငါးကြင်း(ဖြူ)တစ်ပိဿာလျှင် ၁၀၀၀၀ကျပ်မှ ၁၂၀၀၀ကျပ်ထိ၊ ငါးခူ၊ ငါးကျည်းတစ်ဆယ်ကျပ်သားလျှင် ၁၈၀၀ကျ
