ကုန်သွယ်မှုသတင်းများ
ကယားပြည်နယ်၊ လွိုင်ကော်မြို့၊ မိုင်းလုံးရပ်ကွက်၊ လင်ဖုံလေးကျေးရွာ၊ မှုံပြာကျေးရွာတို့တွင် ဟင်းသီးဟင်းရွက်များကို စီးပွားဖြစ်တစ်နိုင်တစ်ပိုင် စိုက်ပျိုးကြလျက်ရှိပါသည်။ ၂၀၂၃ ခုနှစ်၊ ဖေဖော်ဝါရီလ ဒုတိယအပတ်တွင်ဖြစ်ပေါ်နေသော ခရမ်းသီးဈေးနှုန်းများမှာ တစ်ပိဿာလျှင်(၂၈၀၀)ကျပ် အရောင်းအဝယ်ဖြစ်လျက်ရှိပြီး ယခင်အပတ်နှင့် ဈေးနှုန်းနှိုင်းယှဉ်ကြည့်လျှင် တစ်ပိဿာလျှင်(၂၀၀)ကျပ်ခန့် ဈေးနှုန်းမြင့်တက်လျက်ရှိပါကြောင်း ဟင်းသီးဟင်းရွက်ရောင်းဝယ် သူတစ်ဦးထံမှ သိရှိရပါသည်။
ကယားပြည်နယ် စားဖိုဆောင်သီးနှံဖြစ်သည့် ကြက်သွန်နီသီးနှံကိုလည်းစိုက်ပျိုးကြရာ ၂၀၂၂-၂၀၂၃ ခုနှစ်အတွင်း လွိုင်ကော်ခရိုင်တွင် ကြက်သွန်နီစိုက်ဧကမှာ (၁၈၄၉)ဧကခန့်ရှိပြီး ရိတ်သိမ်းမှု မရှိသေးပါကြောင်း၊ ဘောလခဲခရိုင်တွင် ကြက်သွန်နီစိုက်ဧကမှာ(၂၀၅)ဧကခန့်၊ ရိတ်ဧကမှာ (၁၂၀)ဧကခန့်၊ တစ်ဧကအထွက်နှုန်းအနေဖြင့်(၁၄၅၀)ပိဿာခန့်ထွက်ရှိပါကြောင်း သက်ဆိုင်ရာ ဌာနမှသိရှိရပါသည်။
ကယားပြည်နယ်၊ လွိုင်ကော်မြို့တွင် ၂၀၂၃ခုနှစ်၊ ဇန်နဝါရီလ စတုတ္ထပတ်တွင် စားသုံးဆီလက်လီဈေးနှုန်းများမှာ ပဲဆီ တစ်ပိဿာလျှင် (၁၂၅၀၀)ကျပ်၊ နှမ်းဆီ တစ်ပိဿာလျှင် (၁၃၀၀၀) ကျပ်၊ နေကြာဆီ တစ်ပိဿာလျှင် (၁၄၀၀၀) ကျပ် နှင့် စားအုန်းဆီ တစ်ပိဿာလျှင် (၅၈၀၀)ကျပ်ဖြင့် အရောင်း အဝယ်ဖြစ်လျက်ရှိပါသည်။
တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။