ကုန်သွယ်မှုသတင်းများ
ရန်ကုန်တိုင်းဒေသကြီး၊ မြောက်ပိုင်းခရိုင်အတွင်း ရွှေပြည်သာမြို့နယ်၊ မိဘမေတ္တာအိမ်ဆောက်ပစ္စည်းအရောင်းဆိုင်မှ သံချောင်းဈေးနှုန်းစာရင်းကို နေ့စဉ် နံနက်(၁၀)နာရီတွင် ကောက်ယူလျက်ရှိပါသည်။ ထိုသို့ကောက်ယူရာတွင် သံချောင်းအမျိုးအစားမှာ (၅)မျိုးရှိပြီး ၎င်း(၅)မျိုးမှာ HRB 400, HRB 500, H-Beam, I-Beam, Hollow များဖြစ်ပါသည်။
ရန်ကုန်တိုင်းဒေသကြီး လှိုင်မြို့နယ် သီရိမင်္ဂလာဈေးတွင် ဖေဖော်ဝါရီလ (၂)ရက်နေ့မှ (၇)ရက်နေ့အထိ ဖြစ်ပေါ်ခဲ့သော သစ်သီးဝလံဈေးနှုန်းများမှာ ရေတာရှည်၊ ဒိုက်ဦးမှ ဖရဲ(855)အကြီး တစ်လုံး ကျပ်(၄၀၀၀)၊ အလတ် ကျပ် (၃၅၀၀)မှ (၁၀၀၀)နှင့် မှော်ဘီ၊ တိုက်ကြီးမှ မာလကာသီး (ကီလို) အကြီးတစ်လုံး ကျပ် (၄၀၀)၊ အလတ် ကျပ် (၃၀၀)၊ အသေး ကျပ် (၂၀၀)တို့ရှိကြောင်း သိရှိရသည်။
စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံးမှ ဦးစီးအရာရှိ၊ ဦးသန်းစိုး နှင့်ဝန်ထမ်းများသည် မလှိုင်မြို့နယ်၊ ရပ်ကွက်ကြီး(၂)၊မြို့ဦးကွက်သစ်ရှိ ရွှေပြည်သစ် ဆန်ခေါက်ဆွဲလုပ်ငန်းသို့ ၂၇.၁.၂၀၂၂ရက်နေ့တွင် ကွင်းဆင်းလေ့လာခဲ့ပါသည်။
ရန်ကုန်တောင်ပိုင်းခရိုင်အတွင်း တွံတေး၊ ကော့မှူး၊ ကွမ်းခြံကုန်းမြို့နယ်များရှိကျေးရွာများတွင် ရာဘာ (၅၆၇၀)ဧကခန့် စိုက်ပျိုးထားရှိပြီး အရောင်းအဝယ်ဖြစ်လျက်ရှိကြောင်း ရာဘာစိုက်တောင်သူများထံမှ သိရသည်။
