မန္တလေးတိုင်းဒေသကြီး ၊ ကျောက်ဆည်ခရိုင်တွင် နေကြာကို တစ်နှစ်ပတ်လုံးစိုက်ပျိုးကြသော်လည်း မိုးကြိုနေကြာကို စဉ့်ကိုင်မြို့နယ်တွင်သာ စိုက်ပျိုးနိုင်ခဲ့ပါသည် ။ စိုက်ဧကအနေဖြင့် (၁၁၉၉)ဧကစိုက်ပျိုးနိုင်ခဲ့ပြီး စိုက်ပျိုးဧကအားလုံးရိတ်သိမ်းပြီးကြောင်း သက်ဆိုင်ရာဌာန၏စာရင်း များအရ သိရှိရပါသည် ။ အထွက်နှုန်းအနေဖြင့် (၁)ဧကလျှင် (၂၅-၃၅)တင်းအထိ ထွက်ရှိပြီး ကုန်ကျ စရိတ်အနေဖြင့် (၂၇၀၀၀၀/-)ကျပ်ခန့်ကုန်ကျကြောင်း ၊ နေကြာစျေးနှုန်းအနေဖြင့် ယခင်နှစ်တွင် နေကြာ တစ်တင်းလျှင်(၁၈၀၀၀/-)ကျပ်၊ နေကြာဆီ တစ်ပိဿာလျှင်(၉၀၀၀/-)ကျပ်ခန့်ရှိပြီး ယခုနှစ် တွင်နေကြာတစ်တင်းလျှင်(၃၄၀၀၀/-)ကျပ် ၊ နေကြာဆီ တစ်ပိဿာလျှင်(၁၃၀၀၀/-)ကျပ်စျေးနှုန်းများဖြင့် ရောင်းဝယ်လျက်ရှိကြောင်း၊ (၁)ဧကအကျိုးအမြတ်အနေဖြင့် (၅၈၀၀၀၀/-)ကျပ်ဝန်းကျင်ခန့်ရရှိကြောင်း သိရှိရပါသည်။နေကြာသီးနှံသည် သက်တမ်းတိုမျိုးဖြစ်ပြီး ကုန်ကျစရိတ်လည်းသက်သာ မိသားစုအတွက်လည်း စားသုံးဆီဖူလုံမှုရရှိသဖြင့် တောင်သူများသီးထပ်သီးညှပ်အပြင်သီးသန့်အနေဖြင့်ပါ အများဆုံးစိုက်ပျိုးသင့်သော သီးနှံတစ်မျိုးဖြစ်ကြောင်း ရေးသားအပ်ပါသည်။
DOCA(မန္တလေး)