ရာသီစာတစ်မျိုးဖြစ်သော ဗုံလုံသီးမှာ ယခုအခါ ဈေးကွက်ထဲတွင် လှိုင်လှိုင်ပေါနေပြီဖြစ်ပါသည် ။ တစ်ချို့က ဗုံလုံသီးကို ပဲလင်းမြွေသီးဟုလည်း ခေါ်ဆိုကြပါသည်။ ဗုံလုံသီးကို သူ့ချည်း သက်သက်ကြော်စားနိုင်သလို ကြိုက်သည့် အသား/ငါးဖြင့် အစာသွပ်ပြီးတော့ စားသုံးနိုင်ပါသည်။ ဟင်းချိုကြိုက်သည့်သူများအတွက် ကြာဇံနဲ့ရောပြီး သောက်သုံးနိုင်သည့် ဟင်းတစ်ခွက်ဖြစ်ပါသည်။ တစ်ချို့ကတော့ ဗုံလုံသီးကနေ စစ်ထုတ်ယူထားတဲ့ ဖျော်ရည်ကိုသောက်လျှင် အဆိပ်အတောက်များကို ဖယ်ရှားပေးနိုင်ပြီး အစာချေဖျက်မှုကိုလည်း ကူညီပေးကြောင်း သိရပါသည်။ ဗုံလုံသီးကို ပြည်မြို့နှင့် အနီးတစ်ဝိုက်ရှိ ကျေးရွာများမှ တစ်နိုင်တစ်ပိုင် စိုက်ပျိုးပြီး ပြည်မြို့ရှိဈေးများသို့ တင်သွင်းကြောင်း သိရပါသည်။ ဗုံလုံသီး အချောတစ်တောင့်လျှင် ကျပ်(၅၀၀/၈၀၀) ထိ၊ အလတ်တစ်တောင့်လျှင် ကျပ်(၃၀၀/၅၀၀)ထိ၊ အသေးတစ်တောင့်လျှင်ကျပ် (၁၀၀/၂၀၀)ထိ ရှိပြီး အရောင်းအဝယ်သွက်လျက်ရှိကြောင်း သိရပါသည်။
DOCA(ပဲခူး)