ယခု ကျောင်းဖွင့်ရာသီတွင် ပြည်မြို့ရှိ ကျောင်းသုံးစာရေးကိရိယာဆိုင်များ၊ ကျောင်းသုံးပစ္စည်းများ အရောင်းအဝယ်သွက်လျက်ရှိနေခဲ့ကြပါသည်။ စာရေးကိရိယာပစ္စည်းများဖြစ်သည့် စာအုပ်မျိုးစုံ၊ ဘောပင်မျိုးစုံ၊ ပေတံ၊ ခဲတံမျိုးစုံ ရောင်းချမှုများပြားသလို မိုးကာများ၊ ထီးများကလည်း အရောင်းအဝယ်များကြပါသည်။ အဆိုပါကျောင်းသုံးစာရေးကိရိယာ ပစ္စည်းများအပြင် မူကြို KG တန်းမှ အလယ်တန်း၊ အထက်တန်း၊ တက္ကသိုလ် အရွယ်ထိ အသုံးများလာကြသော ကျောပိုး အိတ်မျိုးစုံမှာလည်း ယခုနှစ် ကျောင်းဖွင့်ရာသီမှာ အရောင်းသွက်ကြောင်း သိရပါသည်။ KG အရွယ်မှ Grade 3 / 4 / 5 အရွယ်များအတွက် ကာတွန်းပုံ၊ စက်ရုပ်၊ Spider Man၊ Frozen ပုံကျောပိုးအိတ်လေးများ ရောင်းချမှုပိုများပြားပြီး Size မှာ (15) လက်မ၊ (၁၁.၅)လက်မ၊ (၅.၅)လက်မ အရွယ်အစားများမှာ တစ်လုံးလျှင် (၁၀၀၀၀)ကျပ်မှ (၂၀၀၀၀)ကျပ်ကျော်၊ (၃၀၀၀၀) ကျပ်ကျော် အထိ အရည်အသွေးပေါ်မူတည်၍ကွာခြားသလို အလယ်တန်း၊ အထက်တန်း၊ တက္ကသိုလ် အဆင့်ထိ အသုံးပြုလို့ရသော (15) လက်မ၊ (၁၂)လက်မ၊ (၅.၅)လက်မ အရွယ်အစား အိတ်များမှာ ပစ္စည်းအမျိုးအစား Brand အပေါ်မူတည်၍ ကျပ် (၂၀၀၀၀) ကျော်မှ (၅၀၀၀၀)ကျပ် ကျော်အထိ ဈေးကွာခြားပြီး ကျောပိုးအိတ်အရွယ်စုံ၊ အမျိုးစုံ၊ အားလုံးလိုလို အရောင်းအဝယ်သွက်ခဲ့ကြောင်း သိရပါသည်။
DOCA(ပဲခူး)