ပြည်ခရိုင်၊ ပေါက်ခေါင်းမြို့နယ်တွင် ပဲစောင်းလျားသီးများစိုက်ပျိုးသူနှင့်တွေ့ဆုံပြီး စိုက်ပျိုးမှုနှင့် ဈေးနှုန်းဈေးကွက်အခြေအနေတို့အား သိရှိနိုင်ပါရန် ကွင်းဆင်းဆောင်ရွက်ခဲ့ပါသည်။
စားသုံးသူရေးရာဦးစီးဌာန၊ ပေါက်ခေါင်းမြို့နယ်တာဝန်ခံနှင့် ဝန်ထမ်းများသည် (၂၃-၆-၂၀၂၃) ရက်နေ့၊ နံနက်ပိုင်းတွင် သဖန်းချိုအုပ်စု၊ သဖန်းချိုကျေးရွာတွင် ပဲစောင်းလျားသီးစိုက်ပျိုးသည့် တောင်သူ ဦးတင်အုန်းနှင့်တွေ့ဆုံ၍ မေးမြန်းခဲ့ရာ ပဲစောင်းလျားပင်ကို တပို့တွဲလတွင် စတင်စိုက်ပျိုးပြီး ရက် (၁၀၀) အကြာတွင် စတင်ထွက်ရှိကြောင်းသိရပါသည်။ ပဲစောင်းလျားပင်ကို (.၅၀) ဧကစိုက်ပျိုးပြီး မစိုက်ပျိုးမီ ထွန်စက် (၃) စပ်မောင်းခ (၅၀၀၀၀) ကျပ်၊ စိုက်ပျိုးသူတစ်ဦးလျှင် (၃၀၀၀) ကျပ်ဖြင့် (၁၅) ယောက်လျှင် (၄၅၀၀၀) ကျပ်၊ တိုင်ဖိုး (၁၀၀၀) အတွက် (၁၃၀၀၀၀) ကျပ်၊ သွင်းအားစု (၃၈၀၀၀) ကျပ်၊ ခူးဆွတ်ခ (၃၆၀၀၀၀) ကျပ်ဖြင့် (.၅၀) ဧကအတွက် စုစုပေါင်း (၆၂၃၀၀၀) ကျပ်ကုန်ကျကြောင်းသိရပါသည်။ ပဲစောင်းလျားတောင့်များခူးဆွတ်လျှင် အကြိမ်ပေါင်း (၆၀) ခန့်ခူးဆွတ်ရပြီး (၂)ရက်ခြားတစ်ခါ ခူးဆွတ်လျှင် အတောင့်ရေ (၃၀၀၀) ခန့်ရရှိသည်ဟု သိရှိရပါသည်။ ရောင်းဈေးမှာ တစ်တောင့်လျှင် (၆) ကျပ်နှုန်းဖြင့်ရောင်းချသဖြင့် တစ်ကြိမ်ခူးဆွတ်ခဝင်ငွေမှာ (၁၈၀၀၀) ကျပ်ရရှိကြောင်းသိရပါသည်။ ထို့ကြောင့် ပဲစောင်းလျားသီးစိုက်ပျိုးသော တောင်သူများအနေဖြင့် (.၅၀) ဧကအတွက် ဝင်ငွေရရှိမှုမှာ (၁၀၈၀၀၀၀) ကျပ်ခန့်ရရှိသဖြင့် အကျိုးအမြတ်မှာ (၄၅၇၀၀၀) ကျပ်ခန့်အမြတ်အစွန်းများရရှိသည်ဟု သိရပါသည်။
DOCA(ပဲခူး)