စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး မအူပင်မြို့နယ်အတွင်း အချိုရည်အရောင်းဆိုင်များတွင်ရောင်းချနေသော အသင့်သောက်အချိုရည်များ၌ ကုန်အညွှန်းအမှတ်အသားပါဝင်ခြင်းရှိ/မရှိကို (၁၆-၈-၂၀၂၃) ရက်နေ့၊ နံနက်ပိုင်းအချိန်တွင် စည်ပင်သာယာရေးအဖွဲ့တို့ပူးပေါင်း၍ မအူပင်မြို့ပေါ်ရှိ အချိုရည်အရောင်း(၄)ဆိုင်သို့သွားရောက်၍ ဈေးကွက်စောင့်ကြည့်စစ်ဆေးခဲ့ကြပါသည်။
ဈေးကွက်စောင့်ကြည့်စစ်ဆေးရာတွင် စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦး (ဦးစီးအရာရှိ) နှင့် ရုံးအဖွဲ့သည် အသင့်သောက်သုံးနိုင်သောအချိုရည်များတွင် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ သတ်မှတ်ချက်များနှင့်အညီဖော်ပြပါဝင်ခြင်း ရှိ/မရှိ၊ FDA ၏ ထောက်ခံချက်ပါဝင်မှုရှိ/မရှိကိုစစ်ဆေးခဲ့ကြပါသည်။ လုပ်ငန်းရှင်များအား မိမိတို့ရောင်းချနေသောကုန်စည်များ၌ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍တွဲလျက်ဖြစ်စေ ရေးသားဖော်ပြပါဝင်သော ကုန်စည်များကိုသာရောင်းချရန်ကြရန်ပြောကြားခဲ့ပြီး မအူပင်မြို့၊ အချိုရည်ရောင်းချနေသောဆိုင်များတွင် အချိုရည်များသည် သက်ဆိုင်ရာဌာန တို့၏ထောက်ခံချက်၊ ခွင့်ပြုချက်နှင့်၊ ကုန်အညွှန်းအမှတ်အသားဖော်ပြထားသော အချိုရည်များကိုရောင်းချနေကြောင်း စစ်ဆေးတွေ့ရှိခဲ့ရပါသည်။
DOCA(ဧရာဝတီ)