“အိမ်တွင်းမှုစီးပွားရေး တစ်ပိုင်တစ်နိုင်မှ မီးသွေးအစားထိုးလောင်စာတောင့် စက်ရုံကြီးဆီသို့”

          စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ မင်းဘူးခရိုင်ဦးစီးမှူးရုံးမှ ခရိုင်ဦးစီးမှူးဒေါ်စုစုထွန်းနှင့် မြို့နယ်တာဝန်ခံဦးမြင့်ကြည်တို့သည် မင်းဘူး၊ စကုမြို့နယ် မီးသွေးအစားထိုးလောင်စာတောင့် ထုတ်လုပ်သည့်နေရာသို့ (၁၀.၁.၂၀၂၂)ရက်နေ့ နံနက်(၁၀:၃၀)အချိန်တွင် ကွင်းဆင်းလေ့လာခဲ့ပါသည်။ ထိုသို့ကွင်းဆင်းရာတွင် မီးသွေးအစားထိုးလောင်စာတောင့်ကို ကုန်ကြမ်း ဝယ်ယူရလွယ်ကူပါက ရန်ကုန်ဈေးကွက်မှ ပို့သလောက်ဝယ်ယူပါကြောင်း၊ ရန်ကုန်သို့တင်ပို့ရာတွင် (6)ဘီးကားတစ်စီးလျှင် အလုံး(၄၀)ပါလောင်စာတောင့်(၆၅၀)အိတ်ပါရှိပါကြောင်း၊ ရန်ကုန်ဈေးကွက်တွင် အလုံး(40)ပါ တစ်အိတ်ကို (၂၅၀၀)ကျပ်နှုန်းဖြင့် ရောင်းချရသည့်အတွက် (၁၆၂၅၀၀ဝိ/-)ကျပ်ရရှိ၍ စရိတ်နုတ်ပြီး(650000)ကျပ် အကျိုးအမြတ်ရရှိပါကြောင်း၊ လက်ရှိလုပ်သား(၇)ဦးရှိပြီး အကျိုးအမြတ်ရရှိမှုနှင့် အရောင်းအဝယ်ဖြစ်မှု အခြေအနေမှာ ကုန်ကြမ်းရရှိမှုအပေါ်မူတည်ပါကြောင်း၊ ကုန်ကြမ်းရရှိမှု လွယ်ကူလျင်မြန်ပါက အိမ်တွင်းမှုတစ်ပိုင်တစ်နိုင်မှသည် ပို၍တိုးတက်အောင်မြင်သော စီးပွားရေးလုပ်ငန်းကြီးဖြစ်လာနိုင်မည်ဟု သိရှိရပါကြောင်း၊ မိမိဒေသတွင်း အလုပ်လက်မဲ့ဦးရေ နည်းပါးလာပြီး အလုပ်အကိုင်အခွင့်အလမ်းများ ဖန်တီးပေးနိုင်မည်ဟု သိရှိရပါကြောင်း လောင်စာတောင့်ထုတ်လုပ်သည့် တာဝန်ခံဦးကျော်ခိုင်ဦးထံမှ သိရှိရပါသည်။

          ကုန်ကြမ်းရရှိမှုခက်ခဲရသည့် အဓိကအကြောင်းအရင်းအနေဖြင့် လောင်စာတောင့်ထုတ်လုပ်ရာ တွင်ကုန်ကြမ်းအဖြစ် မီးသွေးမှုန့်၊ လွှစာမှုန့်၊ ဖွဲပြာ၊ မြေကြီးတို့ဖြစ်ပြီး အရှားပါးဆုံး ဝယ်ယူရအခက်အခဲဆုံး ကုန်ကြမ်းမှာ လွှစာမှုန့်ဖြစ်သည်ကို သိရှိရပါကြောင်း၊ ကုန်ကြမ်းရရှိမှုလွယ်ကူပါက ဒေသတွင်းအလုပ်အကိုင်များ ဖန်တီးပေးနိုင်ပြီး သဘာဝပတ်ဝန်းကျင်ထိခိုက်မှုမရှိသည့် အောင်မြင်မှုရရှိလာနိုင်သည့် မီးသွေးအစားထိုးလောင်စာတောင့် စက်ရုံကြီးတည်ထောင်နိုင်မည်ဟု ယုံကြည်ယူဆမိပါ ကြောင်းဝမ်းမြောက်ဂုဏ်ယူစွာ ရေးသားတင်ပြလိုက်ရပါသည်။

စားသုံးသူရေးရာဦးစီးဌာန

မကွေးတိုင်းဒေသကြီး