ဧရာဝတီတိုင်းဒေသကြီးအတွင်း (၁၂.၆.၂၀၂၃) ရက်နေ့နှင့် (၂၁.၁.၂၀၂၄) ရက်နေ့တွင် ဖြစ်ပေါ်ခဲ့သော ကုန်ဈေးနှုန်း ပြောင်းလဲမှု အခြေအနေများမှာ ပေါ်ဆန်းဆန်၊ ဧည့်မထဆန်ဈေးနှုန်းတို့မှာ (၁၂.၆.၂၀၂၃) ဈေးနှုန်းနှင့် နှိုင်းယှဉ်ပါက ပေါ်ဆန်းဆန် (၃၀၀၀၀/-၊ ၃၅၀၀၀/-) ကျပ်၊ ဧည့်မထဆန် (၁၄၀၀၀/-) ကျပ်၊ မြင့်တက်နေကြောင်း တွေ့ရှိရပြီး ဓါတ်ဆီ၊ ဒီဇယ်ဆီ ၊ ဈေးနှုန်းများမှာ (၁၂.၆.၂၀၂၃) ဈေးနှုန်းနှင့် နှိုင်းယှဉ်လျှင်ပါက ဓါတ်ဆီဈေးနှုန်းမှာ တစ်ဂါလန်လျှင် (၂၁၈၂/) ကျပ်၊ ဒီဇယ်ဈေးနှုန်းမှာ (၁၈၈၉/) ကျပ် မြင့်တက်နေကြောင်း တွေ့ရှိရပါသည်။ ရည်ညွှန်းဈေးပေါ်မူတည်ပြီး အတက်၊ အကျဖြစ်ပေါ်နေသည်ဟု သုံးသပ်ရပါ သည်။
စားအုန်းဆီ ဈေးနှုန်းမှာလည်း (၁၂.၆.၂၀၂၃) ဈေးနှုန်းနှင့် နှိုင်းယှဉ်ပါက (၅၂၀/) ကျပ် လျော့ နည်းကြောင်းတွေ့ရှိရပါသည်။ (ရည်ညွှန်ဈေး+သယ်ယူစရိတ် +၂%) ရောင်းချနေခြင်းကြောင့် ဖြစ်ပြီး ရွှေ ဈေးနှုန်းအနေဖြင့် (၁၂.၆.၂၀၂၃) ရက်နေ့နှင့်နှိုင်းယှဉ်ပါက ၁၆ ပဲရည် (၇၇၀၀၀၀/) ကျပ် ၁၅ ပဲရည် (၇၃၀၀၀၀/) ကျပ် ဈေးနှုန်းများ မြင့်တက်နေကြောင်းတွေ့ရှိရပြီး ကမ္ဘာ့ရွှေဈေးနှုန်းအပေါ် ရန်ကုန်မြို့ရှိ ရွှေလက်ကားရောင်းဝယ်သည့် အောင်သမာဓိ၊ ဇွဲထက်၊ ဝိန့်စိန် ရွှေဆိုင်များ၏ ဈေးနှုန်းများအတိုင်း ရောင်းချလျက်ရှိကြောင်း တွေ့ရှိရပါသည်။
ထိုပြင့် စားဖိုဆောင်သီးနှံများဖြစ်သည့် ကြက်သွန်နီ၊ ကြက်သွန်ဖြူ (ကြူကုတ်)၊ (ရှမ်းဖြူ)၊ အာလူး ဈေးနှုန်းမှ (၁၂.၆.၂၀၂၃) ရက်နေ့ ဈေးနှုန်းနှင့်နှိုင်းယှဉ်ပါက ဈေးနှုန်းများမြင့်တက်နေကြောင်း တွေ့ရှိရပါသည်။ အသားဈေးနှုန်းများမှာ စည်ပင်သာယာရေးအဖွဲ့၏ ထိန်းကြောင်းကြပ်မတ်မှုကြောင့် ဈေးနှုန်းများ အနည်းငယ်ကျဆင်းလျက်ရှိကြောင်း တွေ့ရှိရပါသည်။ ငါးကြင်း (၁) ပိဿာ လျှင် (၅၀၀၀/-၊ ၆၀၀၀/-) ကျပ် မြင့်တက်ရခြင်းမှာ ငါးကြင်းမှာ အခြားမွေးမြူရေးငါးများထက် ကြီးထွားနှုန်းနှေးကွေးခြင်းနှင့် သွင်းအားစုအစာဈေးနှုန်းများ မြင့်တက်လာခြင်းကြောင့်ဖြစ်သည်ဟု သတင်းရရှိပါသည်။
DOCA(ဧရာဝတီ)