မှော်ဘီခရိုင်၊ မှော်ဘီမြို့နယ်၊ အောက်ဝါးနက်ချောင်းကျေးရွာရှိ ဒေါ်စိုးရည်ဝင်း၏ ဥစားကြက်မွေးမြူရေးခြံသို့ သွားရောက်လေ့လာခဲ့ရာတွင် CP အမျိုးအစား ဥစားကြက်များကိုမွေးမြူထားရှိပြီး ဥစားကြက်အသေးကောင်ရေ (၂၀၀၀၀)၊ အလတ်ဆိုဒ်ကြက်ကောင်ရေ (၂၀၀၀၀)၊ ကြက်ဥရသည့်ကြက်ကောင်ရေ (၂၅၀၀၀)၊ စုစုပေါင်းအကောင်ရေ (၆၅၀၀၀) မွေးမြူထားရှိကြောင်းသိရှိရပါသည်။ ကြက်အရွယ်အစားအလိုက် CP ကြက်စာများဝယ်ယူကျွေးမွေးရပြီး ကြက်ကလေးစာတစ်အိတ်လျှင် (၇၀၀၀၀) ကျပ်၊ ကြက်လတ်စာတစ်အိတ်လျှင် (၈၀၀၀၀) ကျပ်၊ ကြက်ကြီးစာတစ်အိတ်လျှင် (၉၀၀၀၀) ကျပ်ဖြင့်ဝယ်ယူကျွေးမွေးရပြီး အထွက်ရရှိသည့်ကြက်ဥများကို ပိဿာချိန်ဖြင့်ရောင်းချရပါသည်။ ဇန်နဝါရီလ စတုတ္ထပတ်တွင် ပေါက်ဈေးအရ ကြက်ဥ(၁)ပိဿာလျှင် (၅၀၀၀) ကျပ်ဈေးနှုန်းဖြင့် ရောင်းချလျက်ရှိကြောင်းသိရှိရပါသည်။
DOCA(ရန်ကုန်)