မကွေးတိုင်းဒေသကြီး၊ မကွေးခရိုင်၊ စားသုံးသူရေးရာဦးစီးဌာနမှ မကွေးမြို့နယ်ဦးစီးမှူး ဦးမျိုးဝင်း(မကွေးမြို့နယ်တာဝန်ခံ) သည် (၇-၃-၂၀၂၄)ရက်နေ့၊ နံနက်(၀၉း၀၀)နာရီအချိန်တွင် မကွေးမြို့ ပေါ် ရှိ အိမ်ဆောက်ပစ္စည်းအရောင်းဆိုင်များ၌ ဘိလပ်မြေဈေးနှုန်းနှင့် လက်ကျန်အခြေအနေများအား ကွင်းဆင်းလေ့လာခဲ့ပါသည်။
မိုးလေကင်းလွတ်ချိန်၌ အိမ်ဆောက်ပစ္စည်းများမှာ အရောင်းအဝယ်သွက်နေပြီး ဘိလပ်မြေဈေးနှုန်းများမှာ ၂၀၂၄ခုနှစ်၊ ဖေဖော်ဝါရီလထက် မတ်လဆန်းတွင် တစ်အိတ်လျှင်ကျပ်(၇၀၀-၁၀၀၀) ခန့်ဈေးနှုန်းမြင့်တက်လာကြောင်းနှင့် ဘိလပ်မြေများအား စက်ရုံများမှ လိုအပ်သလောက် မှာယူမရသောကြောင့် လက်ကျန်နည်းပါးနေကြောင်း စုံစမ်းသိရှိရပြီး လက်ရှိဘိလပ်မြေဈေးနှုန်းများမှာ အပါချီ (50Kg) တစ်အိတ်လျှင် ကျပ်(၁၀၀၀၀)၊ အယ်ဖာ(50Kg)တစ်အိတ်လျှင် ကျပ်(၁၀၅၀၀)နှင့် ကြံ့နှစ်ကောင်(50Kg)တစ်အိတ်လျှင် ကျပ်(၁၀၅၀၀-၁၁၀၀၀)တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း အိမ်ဆောက်ပစ္စည်းအရောင်းဆိုင်များမှ လေ့လာသိရှိရပါသည်။
DOCA(မကွေး)