![](http://www.doca.gov.mm/sites/default/files/styles/consumer_inner_image__847x424_/public/ထန်းသီး_1.jpg?itok=d-4GOxe5)
ထန်းသီးဟု လူအများက ခေါ်ဝေါ်ကြသော်လည်း တကယ်တော့ အသီးဆံဖြစ်ကြီး အညိုရင့်ရောင်ထန်းသီးထဲတွင် ထန်းသီဆံများက ၃ ခုကနေ ၄ ခုလောက်အထိ ပါဝင်တတ်ပြီး အသားက ဂျယ်လီလို ဖြူကြည်ကြည်လေဖြစ်ကာ ထန်းသီးနုနုလေးများကို ကျောက်ကျောထိုးပြီး စားစား၊ နို့စိမ်းနဲ့ ဖျော်သောက်သောက်၊ မနုမရင့် ထန်းသီဆံလေးကို ထန်းလျက်နဲ့ တွဲဖက်စားသုံးနိုင်ပြီး ၎င်း၏ အာဟာရတန်ဖိုးမှာ အဆီလုံးဝ မပါဘဲ ပရိုတင်းကြွယ်ဝပြီး ဖော့စရိတ် ပါဝင်နေသလို ရေဓာတ်၊ ကာဗိုဟိုက်ဒရိတ်၊ ကယ်လ်ဆီယမ်၊ ဗီတာမင် ဘီ၊ ဇင့်၊ ပိုတက်ဆီယမ်တို့ ပါဝင်နေပါတယ်။
ထန်းသီးက စားရတာ အရသာရှိသည့် အပြင် ကျန်းမာရေးရှူထောင့်မှ ကြည့်မည်ဆိုပါက အသားအရေ ကျန်းမာစေခြင်း၊ သွေးချို ထိန်းပေးခြင်း ၊ အစာအိမ်အူလမ်းကြောင်း ကျန်းမာစေသည့်အပြင် ရေဓာတ် ကြွယ်ဝစေကာ အာဟာရချို့တဲ့မှု ကင်းစေပြီးခေါင်းတစ်ခြမ်းကိုက်တာကို သက်သာမှုလျော့ချကာ ရင်ပူတာ၊ ဝမ်းချုပ်တာ၊ ဝမ်းလျှောတာတွေ သက်သာစေနိုင်ပါတယ်
ထန်းသီးနုနုလေးများပေါ်ကာစ မေလတွင် ဈေးကွက်သို့ ရောင်းချသဖြင့် လူအများ ဝယ်ယူစားသုံးကြပြီး ပုသိမ်မြို့ပေါ်ရှိ ဈေးများတွင် ရောင်းချမှူအနေဖြင့် အလုံးလိုက်ရောင်းသလို ထန်းသီးအိမ်မှထုတ်၍လည်း ထန်းသီးနုနုများကို ရောင်းချကြောင်းသိရပါသည်။ ပုသိမ်မြို့ပေါ်ရှိ ဈေးများတွင်ရောင်းချသည့် ထန်းသီးဈေးနှုန်းများမှာ ထန်းသီးအလုံးတစ်လုံးလျှင် (၄၀၀-၅၀၀) ကျပ်ဖြင့် လည်းကောင်း၊ ထန်းသီးအိမ်ထဲမှ ထုတ်ထားသော ထန်းသီးအစေ့မှာ တစ်စေ့လျှင် (၁၀၀-၁၅၀) ကျပ်ဖြင့် ရောင်းချကြောင်း သိရပါသည်။
DOCA(ဧရာဝတီ)