ဧရာဝတီတိုင်းဒေသကြီး၊ မြောင်းမြခရိုင်အတွင်းရှိ အိမ်မဲမြို့နယ်တွင် စားဖိုဆောင်သီးနှံတစ်မျိုးဖြစ်သည့် ငရုတ်ကို သရက်ပင်ကွင်း၊ သပြေကွင်း၊ တစ်တီတူး၊ ဇလပ်ထော် စသည့် ကျေးရွာများတွင် စိုက်ပျိုးကြပြီး အောက်ဆွဲငရုတ် နှင့် မိုးထောင်ငရုတ် တို့ကို အဓိကထား စိုက်ပျိုးကြပါသည်။
ငရုတ်များကို ယခင်နှစ်များတွင် ပြည်တွင်းအပြင် တရုတ်နိုင်ငံ၊ ထိုင်းနိုင်ငံ များအထိ တင်ပို့ကြကြောင်း၊ ယခုနှစ်တွင် ပြည်ပသို့ တင်ပို့နိုင်ခြင်းမရှိဘဲ ပြည်တွင်းဈေးကွက်သာ အရောင်းအဝယ်ဖြစ်လျက်ရှိကြောင်း၊ ၂၀၂၂-၂၀၂၃ ခုနှစ် ငရုတ်စိုက်ဧက ( ၂၈၄၄ ) ဧကရှိပြီး စုစုပေါင်း အထွက်နှုန်း ( ၃,၄၁၂,၈၀၀ ) ပိဿာ ထွက်ရှိကြောင်း၊ ယခုနှစ် လက်ရှိဈေးကွက်အတွင်း အောက်ဆွဲငရုတ်သီးခြောက် တစ်ပိဿာလျှင် (၃၅၀၀) ကျပ်ခန့်နှင့် မိုးထောင် ငရုတ်သီးခြောက် တစ်ပိဿာလျှင် ( ၄၀၀၀ ) ကျပ်ခန့် ရှိပြီး ယခင်နှစ် အောက်ဆွဲငရုတ်သီးခြောက် တစ်ပိဿာလျှင် ( ၉၅၀၀ ) ကျပ်ခန့် နှင့် မိုးထောင်ငရုတ်သီးခြောက် တစ်ပိဿာလျှင် ( ၁၀၀၀၀ ) ကျပ်ခန့် အရောင်းအဝယ် ဖြစ်ခဲ့ကြောင်း ၊ ယခင်နှစ် နှင့် ယခုနှစ် နှိုင်းယှဉ်လျှင် အောက်ဆွဲငရုတ်သီးခြောက် နှင့် မိုးထောင်ငရုတ်သီးခြောက် တို့မှာ တစ်ပိဿာလျှင် ( ၆၀၀၀ ) ကျပ်ခန့်စီ ဈေးနှုန်းကျဆင်းလာကြောင်း၊ ဈေးနှုန်းကျဆင်းလာရခြင်းမှာ ပြည်ပဝယ်လိုအား ကျဆင်းလာခြင်းကြောင့်ဖြစ်ကြောင်း၊ ယခင်နှစ်ထက် အရောင်းအဝယ် အေးလျက်ရှိကြောင်း ငရုတ်စိုက်ပျိုး ထုတ်လုပ်ရောင်းချသူ တစ်ဦးထံမှ သိရှိရပါသည်။
DOCA(ဧရာဝတီ)