ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်တွင် ၂၀၂၄-၂၀၂၅ ခုနှစ် မိုးစပါးရေကြီးနစ်မြုပ်တောင်သူများအား ပေးအပ်ပွဲအခမ်းအနားကို (၉-၉-၂၀၂၄)ရက်နေ့၊ နံနက်(၁၀း၀၀) နာရီအချိန်တွင် မြို့နယ်အထွေထွေအုပ်ချုပ်ရေးဦးစီးဌာနအစည်းအဝေးခန်းမ၌ကျင်းပပြုလုပ်၍ မြို့နယ်စားသုံးသူရေးရာဦးစီးဌာနမှ တက်ရောက်ခဲ့သည်။
အဆိုပါအခမ်းအနားတွင် မြို့နယ်အဆင့်လုပ်ငန်းအကောင်အထည်ဖော်ရေးကော်မတီဥက္ကဋ္ဌ မြို့နယ်အုပ်ချုပ်ရေးမှူးက အဖွင့်အမှာစကားပြောကြားခဲ့ပြီး၊ မြို့နယ်စိုက်ပျိုးရေးဦးစီးဌာနမှူး မှ ဆီထွက်သီးနှံ (နေကြာ) စိုက်ပျိုးထုတ်လုပ်မှုအကြောင်းအရာများနှင့်ပတ်သက်၍ ဆောင်းသီးနှံ၊ ဆီထွက်သီးနှံ (နေကြာ)နှင့် နွေစပါးစိုက်ပျိုးရာတွင် သက်ဆိုင်ရာတာဝန်ရှိသူများနှင့် တောင်သူများပူးပေါင်းကာ နည်းမှန်၊ စနစ်မှန်၊ မျိုးမှန်စွာစိုက်ပျိုးရန် ကြိုတင်စီမံချက်ရေးဆွဲစိုက်ပျိုးရန်လိုအပ်ကြောင်းကိုလည်းကောင်း၊ ဓနုဖြူမြို့နယ်စားသုံးသူရေးရာဦးစီးဌာနမှ ဓနုဖြူမြို့နယ်တွင် ကျေးရွာအုပ်စု (၆၃)အုပ်စုရှိပြီး မိုးရာသီ ၆၂၁၅ဧကလျာထားစိုက်ပျိုးပြီး တောင်သူများ ရေကြီးနစ်မြုပ်မှုအတွက် အစားထိုးမျိုးစပါးပြန်လည်ရရှိမှုနှင့် ဓာတ်မြေဩဇာများကို စနစ်တကျအသုံးပြုစိုက်ပျိုးရန်၊ ဓာတ်မြေဩဇာသုံးစွဲမှုတွင် ကုန်အညွှန်းအမှတ်အသားဖော်ပြမှုအပေါ် နည်းစနစ်မှန်ကန်စွာသုံးစွဲပြီး လျာထားချက်ပြည့်မှီစွာစိုက်ပျိုးနိုင်ရေးနှင့် အထွက်နှုန်း တိုးတက်ရေးအတွက် အသုံးပြုနိုင်ရန်ကိုလည်းကောင်း ရှင်းလင်းဆွေးနွေးခဲ့သည်။
ဆက်လက်၍ ဓနုဖြူမြို့နယ်တွင် လယ်ဧက ၃၀၀၀၀ကျော်ရေကြီးနစ်မြုပ်ခဲ့ပြီး ဧက ၃၀၀၀ကျော်ပြန်ပေါ် ထွန်းပု၊ ရက်(၉၀)မျိုးများကို အစေ့ချစနစ်စိုက်ရန်အတွက် ရပ်/ကျေးရွာအုပ်ချုပ်ရေးမှူးများ၊ တောင်သူများကို အစည်းအဝေးထိုင်၍ အထက်အဆင့်ဆင့်သို့တင်ပြပြီး အောက်တိုဘာလကုန်တွင် အပြီးစိုက်ရန်၊ မြိုနယ်အုပ်ချုပ်ရေးမှူး ဦးအေးကိုတင့်ကပြောကြားပြီး မျိုးစပါးနှင့် ဓာတ်မြေဩဇာများကို တောင်သူများအားပေးအပ်ခဲ့ကြောင်း သတင်းရရှိပါသည်။
DOCA(ဧရာဝတီ)