မိတ္ထီလာနှင့်ရမည်သင်းဈေးကွက်တို့တွင် ဒီဇင်ဘာလလယ်၌ ဝါဈေးနှုန်းများထပ်မံမြင့်တက် လာကြောင်း သိရသည်။ ယခုနှစ်ဝါမှာဈေးကွက်သို့ နိုဝင်ဘာလဆန်းမှသာ ဝင်ရောက်ခဲ့ပြီး တစ်ပိဿာ (၃၀၀၀) ကျပ် ကျော်သာရှိခဲ့ပြီး၊ ဒီဇင်ဘာလဆန်းမှစ၍ (၄၀၀၀) ကျပ်သို့ ဈေးမြင့်ခဲ့ခြင်းဖြစ်ပါသည်။ ဝါ သီးနှံမှာ ယခုနှစ်အစိုက်နည်း၊ အထွက်နည်းသဖြင့်s ဈေးကွက်သို့ဝင်ရောက်မှုနည်းကာ ဈေးကွက်၌ ဝယ်လိုအားများသဖြင့် ဈေးမြင့်လာခြင်းဖြစ်ကြောင်းသိရသည်။ ဒေသတွင်းဝါစက်များ၊ ပွဲရုံများ အနေနှင့် ဝါတစ်ပိဿာလျှင် ယခင်လဆန်းပိုင်းကထက် တစ်ပိဿာအပေါ် (၈၀၀ မှ ၁၀၀၀) ကျပ် ဈေးမြင့်လာကာ မိတ္ထီလာဈေးကွက်တွင် (၅၀၀၀ မှ ၅၁၀၀) ကျပ်၊ ရမည်းသင်းဈေးကွက်တွင် (၅၁၀၀မှ ၅၂၀၀) ကျပ်ထိဈေးရှိပါသည်။ ဝါစက်များမှာ ဝါကြိတ်ပြီးနောက်ဂွမ်းကို နိုင်ငံပိုင်စက်ရုံများအပြင် မန္တလေးမြို့ရှိ ပုဂ္ဂလိက ချည်မျှင်စက်များသို့လည်း ရောင်းချကြပါသည်။ ဝါဈေးမြင့်လာသကဲ့သို့ ဂွမ်းဈေးမှာလည်းမြင့်လာရာ ဒီဇင်ဘာလဆန်းပိုင်းက ဂွမ်းတစ်ပိဿာလျှင် (၉၀၀၀-၉၅၀၀-၁၀၀၀) ကျပ်ရှိခဲ့ရာမှ ယခုအခါ (၁၁၅၀၀-၁၂၀၀၀) ကျပ်သို့ ဈေးမြင့်လာကြောင်း ဈေးကွက်မှ သိရသည်။
DOCA(မန္တလေး)