မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် တိုင်းဒေသကြီး ဦးစီးမှူး၏လမ်းညွှန်မှုဖြင့် စားသုံးသူများ စားသုံးသူကာကွယ်ရေးဥပဒေအား သိရှိလိုက်နာစေရေး၊ စီးပွားရေးလုပ်ငန်းရှင်များအနေဖြင့် ဥပဒေပြဌာန်းချက်ပါ ကုန်အညွှန်းအမှတ်အသား ပြည့်စုံစွာထည့်သွင်း ဖော်ပြလာခြင်းဖြင့် စားသုံးသူများ ဘေးအန္တရာယ်ကင်းရှင်းပြီး ဈေးကွက်များ ပိုမိုရရှိစေရန်ရည်ရွယ်၍ လုပ်ငန်းရှင်တွေ့ဆုံခြင်းများကို စဉ်ဆက်မပြတ် ကွင်းဆင်းဆောင်ရွက်လျက်ရှိပါသည်။
ပခုက္ကူခရိုင်အနေဖြင့် ၂၀၂၅ခုနှစ်၊ ဖေဖေါ်ဝါရီလတွင် ခရိုင်ဦးစီးမှူး၊ ဒုတိယခရိုင်ဦးစီးမှူး ပခုက္ကူမြို့နယ်တာဝန်ခံ၊ စားသုံးသူရေးရာဌာနခွဲတာဝန်ခံနှင့် ဝန်ထမ်းများသည် ပခုက္ကူမြို့ အမှတ်(၁၅) ရပ်ကွက်ရှိ အချိုရည်၊ အာလူးကြော်၊ နန်ကထိုင်မုန့်၊ အမှတ်(၁၄)ရပ်ကွက်ရှိ ဆီကြော်မရွေး လုပ်ငန်းရှင် များထံသို့ တွေ့ဆုံမှု(၆)ကြိမ်၊ ဆိပ်ဖြူမြို့၊ မြို့နယ်တာဝန်ခံမှ စားသုံးဆီလုပ်ငန်းရှင်တွေ့ဆုံမှု ပတ္တမြား ဈေးရှိ ဓာတ်မြေဩဇာရောင်းချသည့် လုပ်ငန်းရှင်၊ အလယ်ပိုင်းရပ်ကွက်ရှိ ပဲအပွကြော်လုပ်ငန်းရှင်ထံသို့ (၃)ကြိမ် ဆောင်ရွက်ခဲ့ပါသည်။ ဂန့်ဂေါခရိုင်အနေဖြင့် မြို့နယ်တာဝန်ခံမှ မြောက်ကုန်းရပ်ကွက်ရှိ ငှက်ပျောကြော်လုပ်ငန်းရှင်နှင့်(၁)ကြိမ်တွေ့ဆုံ၍ အသိပညာပေးခြင်း ဆောင်ရွက်ခဲ့ပြီး ပခုက္ကူနှင့်ဂန့်ဂေါ ခရိုင်အနေဖြင့် စုစုပေါင်း လုပ်ငန်းရှင်တွေ့ဆုံမှု(၁၀)ကြိမ် ဆောင်ရွက်ခဲ့ကြောင်း သိရှိရပါသည်။
DOCA(မကွေး)