ပဲခူးတိုင်းဒေသကြီး၊ ပြည်ခရိုင်၊ ပြည်မြို့ပေါ်ရပ်ကွက်များနှင့် တောင်ခွေးရဲကျေးရွာတွင် ဆူးပုတ်ပင်များစိုက်ပျိုးလျက်ရှိရာ ဆူးပုတ်ရွက်များကို ခူးဆွတ်ရောင်းချရသည့်အတွက် မိသားစု ဝင်ငွေရရှိကာ အဆင်ပြေလျက်ရှိကြောင်း သိရသည်။
ဆူးပုတ်ပင်သည် ဆူးများရှိသော ချုံပင်ကြီးမျိုးဖြစ်သည်။ နွယ်တက်ပင်မျိုးဖြစ်ပြီး အရွက်အနံ့မှာ ပြင်းလွန်းသည်။ ဩဂုတ်လမှ အောက်တိုဘာလအတွင်း အပွင့်ပွင့်၍ အသီးသီးသည်။ အသီးတောင့် များသည် ၄ လက်မမှ ၈ လက်မအထိရှိသည်။ဆီးပုတ်ရွက်ကို ပြုတ်၍သော်လည်းကောင်း၊ ကြက်ဥ၊ ဘဲဥတို့နှင့်လည်းရော၍ ကြော်စားနိုင်သည်။ ငရုတ်သီးများဖြင့်လည်း ချက်၍ စားသုံးနိုင်သည်။
ပြည်မြို့သစ်ဈေးတွင် ဆူးပုတ်ရွက်တစ်စည်းလျှင် (၂၀၀)ကျပ်၊ (၃)စည်းလျှင် (၅၀၀)ကျပ်ဖြင့် ရောင်းချရသည့်အတွက် မိသားစု အပိုဝင်ငွေရရှိကြောင်း စိုက်ပျိုးရေးလုပ်ငန်း လုပ်ကိုင်နေသူ ဦးအောင်သန်းထံမှ သတင်းရရှိပါသည်။
DOCA(ပဲခူး)