ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းသည် ဒေသထွက်ကုန်ကြမ်းပစ္စည်းများဖြင့် ကုန်ထုတ်လုပ်မှုမြင့်မားစေရေးအတွက် ဩဂုတ်လ ၆ ရက်နေ့ မွန်းလွဲပိုင်းက တောင်ငူခရိုင်၊ ရေတာရှည် မြို့နယ်အတွင်းရှိ ကုန်ထုတ်လုပ်ငန်းများသို့ကွင်းဆင်းပြီး ပေါင်းစပ်ညှိနှိုင်း ဆောင်ရွက်ပေးပါသည်။
တိုင်းဒေသကြီးဝန်ကြီးချုပ်သည် ရေတာရှည်မြို့နယ် ရွှေပြည်အေးကျေးရွာရှိ တန် ၁၀၀ ကျ ပျော့ဖတ်စက်ရုံနှင့် စက္ကူအဖြူစက်ရုံ တည်ဆောက်နေမှုကို ကွင်းဆင်းကြည့်ရှု ပြီး ဝါး၊ ကောက်ရိုးပျော့ ဖတ်များဖြင့် စက္ကူထုတ်လုပ်နိုင်ရေးနှင့် ပြည်ပသွင်းကုန်အစားထိုး ဘက်စုံသုံး စက္ကူချောများ လျင်မြန်စွာ ထုတ်လုပ်နိုင်ရေးအတွက် စက်ရုံအမြန်ဆုံး လည်ပတ်နိုင်ရေးအတွက် တာဝန်ရှိသူများနှင့် ပေါင်းစပ်ဆောင်ရွက်ပေးခဲ့ပါသည်။
ဆက်လက်၍ တိုင်းဒေသကြီးဝန်ကြီးချုပ်သည် ရေတာရှည်မြို့နယ် ကြံသနွယ်ကျေးရွာရှိ ဟိန်းမုန့်ဖတ်ခြောက်လုပ်ငန်းသို့ သွားရောက်ကြည့်ရှုအားပေးခဲ့ပြီး ဒေသထွက်ကုန်ကြမ်းပစ္စည်းများဖြင့် ကုန်ထုတ်လုပ်မှုတိုးတက်မြင့်မားရေးနှင့် ထုပ်ပိုးစနစ်များ နိုင်ငံတကာအဆင့်မီရေး တာဝန်ရှိသူများနှင့် ပေါင်းစပ်ဆောင်ရွက်ပေးပါသည်။
ဆက်လက်၍ တောင်နန်ချွန်ကျေးရွာရှိ ဥစားကြက်ကောင်ရေ ၂၀၀၀၀ မွေးမြူရေးနှင့် အစာစပ်လုပ်ငန်းများသို့ သွားရောက်ကြည့်ရှုအားပေးခဲပြီး ဥစားသုံးမှုဖူလုံစေရေးအတွက် ဥစားကြက် တိုးချဲ့မွေးမြူရေးနှင့် ဒေသထွက်ကုန်ကြမ်းပစ္စည်းအခြေပြု တိရစ္ဆာန်အစာ ထုတ်လုပ်နိုင်ရန် ပေါင်းစပ် ညှိနှိုင်းဆောင်ရွက်ပေးပြီး ဇီဝလုံခြုံမှုကို အလေးထားဆောင်ရွက်ရန် မှာကြားခဲ့ကြောင်း သိရပါသည်။
DOCA(ပဲခူး)