ရခိုင်ပြည်နယ်အစိုးရအဖွဲ့ ဦးဆောင်မှုဖြင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်း အစီအစဉ်ဖြင့် Perfect King Trading Co.,Ltd. မှ စားသုံးဆီများကို သက်သာဈေးနှုန်းဖြင့် စားသုံးသူပြည်သူများ ဝယ်ယူသုံးစွဲနိုင်ရန်အတွက် (၁-၉-၂၀၂၂)ရက်နေ့မှစတင်၍ ဆီကုန်သည်နှင့် ဆီလုပ်ငန်းရှင်များအသင်းကိုယ်စားလှယ် ရခိုင်ပြည်နယ်တာဝန်ခံနှင့် စားသုံးသူရေးရာဦးစီးဌာန၊ ရခိုင်ပြည်နယ်ဦးစီးမှူးရုံးနှင့် စစ်တွေခရိုင်ဦးစီးမှူးရုံးမှ ဝန်ထမ်းများပူးပေါင်းကူညီကြီးကြပ် ရောင်းချပေးလျက်ရှိပါသည်။
ထိုသို့ရောင်းချပေးရာတွင် (၁-၉-၂၀၂၂)ရက်နေ့တွင် စစ်တွေမြို့ ရွာကြီးတောင်ရပ်ကွက် ဝင်္ကာဘာကွင်းတွင် စားသုံးသူများ လက်ဝယ်အရောက် မော်တော်ယာဉ်ဖြင့် လိုက်လံရောင်းချပေးလျက်ရှိပြီး စားသုံးဆီ(၁)ပိဿာလျှင် (၅၅၀၀)ကျပ်နှုန်းဖြင့် (၆၆၀)ပိဿာအား ပထမနေ့တွင် ရောင်းချပေးခဲ့ပြီး ဆက်လက်၍ စစ်တွေမြို့ပေါ်နှင့် ရခိုင်ပြည်နယ်အတွင်း အခြားမြို့နယ်များသို့လည်း ဆက်လက် ဖြန့်ဖြူးရောင်းချပေးသွားမည်ဖြစ်ပါကြောင်း သိရှိရပါသည်။
DOCA(ရခိုင်)