ထားဝယ်မြို့နှင့် အနီးဝန်းကျင်ရွာများရှိ အိမ်ခြံမြေအလွတ်များရှိသည့်နေရာများ၊ စိုက်ခင်းများတွင် ပျိုးဘောင်များပြုလုပ်၍ တစ်နိုင်တစ်ပိုင် ကန်စွန်းဥများအား စိုက်ပျိုးကြသလို စီးပွားဖြစ်လည်း စိုက်ပျိုးကြပါသည်။ စိုက်ပျိုးထားသော ကန်စွန်းပင်များ သတ်မှတ်ရက်များ ပြည့်မီလာသည့်အချိန်တွင် ကန်စွန်းဥများအား တူးထုတ်ကာ ထွက်ရှိသော ကန်စွန်းဥများအား အိမ်စားသုံးခြင်း၊ တစ်နိုင်တစ်ပိုင် ရောင်းချခြင်း၊ စီးပွားဖြစ် ရောင်းချခြင်းများဖြင့်လည်း မိသားစုဝင်ငွေရရှိကြပါသည်။ ယခု စက်တင်ဘာလ ပထမအပတ်အတွင်း ထားဝယ်မြို့ပေါ်ရှိ ကန်စွန်းဥစျေးနှုန်းများမှာ တစ်ပိဿာ လျှင် ၄၅၀၀/၅၀၀၀ ကျပ်ရှိပြီး ထားဝယ်မြို့ပေါ်တွင် အိမ်သုံးစားသုံးခြင်း၊ မုန့်လုပ်ငန်းများ ပြုလုပ်ခြင်းတွင် အသုံးပြုလျက်ရှိကြောင်း ထားဝယ်မြို့၊ ကမ်းနားစျေး၊ ညနေစျေးနှင့် မေတ္တာကမ္ဘာအေး ကိုယ်ပိုင်ကုန်စိမ်းစျေးတို့ရှိ စျေးသည်များထံမှ သိရှိရပါသည်။
DOCA(တနင်္သာရီ)