ယခုနိုဝင်ဘာ တတိယပတ်အတွင်း မကွေးတိုင်း၊ မန္တလေးတိုင်းတို့၏ အောင်လံ၊ ဆိပ်ဖြူ၊ ရေနံချောင်း၊ ကျောက်ပန်းတောင်းစသည့်မြို့နယ်များမှ ကြက်သွန်နီလက်ကျန်အဟောင်းများ မကြာခင် အညှောင့်များထွက်လာပြီး သက်တမ်းကုန်ဆုံးတော့မည်ဖြစ်သဖြင့် တောင်သူများမှ သိုလှောင်ကြက်သွန်နီများ ဈေးကွက်တင်ပို့ရောင်းချမှုများရှိလာသည့်အတွက် ပြည်ဈေးကွက်တွင် ကြက်သွန်နီ အဝင်များလျက်ရှိနေသည်။ အဝင်များသည့်အတွက် ဈေးနှုန်းမှာ ကျဆင်းလျက်ရှိပြီး တစ်နေ့လျှင် ပိဿာချိန် ၁၃၀၀၀ ခန့် အဝင်ရှိနေသည်။ စားသုံးသူများမှလည်း ဈေးနှုန်းကျဆင်းလာ သဖြင့် ပိုမိုသုံးစွဲလာသည့်အတွက် ပြည်ဈေးကွက်အတွင်း ပွဲရုံများ၌ ဒေသတွင်း ဝယ်လက်များ၊ အိတ်ဆွဲဝယ်ရောင်းသများများနှင့် နယ်ကျော်စီးဆင်းမှုများအဖြစ် ပန်းတောင်း၊ ဥသျှစ်ပင်၊ နတ်တလင်း၊ ပေါင်းတည်၊ သာယာဝတီတို့သို့ စီးဆင်းမှုများဖြင့် ရောင်းဝယ်မှုသွက်လျက်ရှိနေသည်။ ဈေးနှုန်းမှာ ယခင် အောက်တိုဘာလအတွင်း လက်လီ/လက်ကား တစ်ပိဿာကို ကျပ် (၁၈၀၀ - ၂၀၀၀-၂၂၀၀)ကျပ်နှုန်းရှိခဲ့ပြီး ယခု နိုဝင်ဘာလတွင် ပွဲရုံများ၌ အရည်အသွေးပေါ်မူတည်၍ ဈေးနှုန်း ခွဲခြားရောင်းချမှုများရှိ၍ (ကြီး/လတ်/သေး) လက်ကားဈေး တစ်ပိဿာလျှင် ကျပ် (၁၀၀၀-၁၂၀၀-၁၃၀၀-၁၄၀၀)ကျပ်နှုန်းနှင့် ပြည်မြို့ပေါ် လက်လီဈေးများတွင် ကျပ် (၁၅၀၀ - ၁၆၀၀-၁၇၀၀)ကျပ် နှုန်းတို့ဖြင့် အသီးသီးရောင်းဝယ်မှုရှိနေကြောင်းသိရသည်။
DOCA(ပဲခူး)