ပဲခူးတိုင်းဒေသကြီး နတ်တလင်းခရိုင် သဲကုန်းမြို့နယ်အတွင်းရှိ ကျေးရွာများတွင် လယ်ယာ စိုက်ပျိုးခြင်း လုပ်ငန်းများလုပ်ကိုင်ကြပြီး သီးနှံစုံ စိုက်ပျိုးလျက်ရှိရာ စားဖိုဆောင် သီးနှံအဖြစ် မုန်လာဥဖြု ကိုတစ်ပိုင်တစ်နိုင် စိုက်ပျိုးလျက်ရှိပါသည်။
မုန်လာဥဖြူကို သဲကုန်းမြို့နယ် ရင်းတိုက်တန်း၊ အိုးထိန်းကုန်း၊ ရွာသစ်စသည့် ကျေးရွာများတွင် မိုးအကုန်ဆောင်းဦးပိုင်းတွင် စိုက်ပျိုးကြပါသည်။ မုန်လာဥကိုစိုက်ပျိုးပြီး(၄၅-၅၀)ရက် ကြာလျှင် စတင်နှုတ်ဆွတ်ရောင်းချပြီး မြေအနေအထား ပြုပြင်ဂရုစိုက်မှု အပေါ်မူတည်၍ဥကြီးထွား ကောင်းမွန်ပြီး ယခုနိုဝင်ဘာလ စတုတ္တပါတ်တွင် သဲကုန်းမြို့နယ် ဈေးကွက်အတွင်း ဥမပါ အပင်တစ်စီး(၅)ပင်ပါ (၁၀၀)ကျပ်မှ (၁၅၀)ကျပ်ဖြစ်ပြီး ဥပါအပင်(၄)ပင်ပါ တစ်စီးလျှင် (၅၀၀)ကျပ် မှ(၇၀၀)ကျပ်နှုန်းဖြင့် ရောင်းချလျှက်ရှိရာ တစ်နိုင်တပိုင်စားဖို ဆောင်သီးနှံအဖြစ် စိုက်ပျိုး၍ အရောင်းအဝယ် ဖြစ်ပြီးတောင်သူများ အကျိုးအမြတ် ရရှိကြောင်း သိရှိရပါသည်။
DOCA(ပဲခူး)