ပြည်ပကုန်သွယ်မှုသတင်းများ

          ဘရူနိုင်းနိုင်ငံသည် တရုတ်နိုင်ငံမှ ခရီးသွားများကို ၂၀၂၅ ခုနှစ်အတွက် အဓိက ပစ်မှတ်စျေးကွက်အဖြစ် သတ်မှတ်ခဲ့ကြောင်း ဘရူနိုင်းအစိုးရ အကြီးတန်းအရာရှိတစ်ဦးက အောက်တိုဘာလ ၉ ရက်နေ့က ပြောကြားခဲ့သည်။

          တရုတ်နိုင်ငံသည် ဘရူနိုင်းနိုင်ငံ၏ ဒုတိယအကြီးဆုံးခရီးသွားရင်းမြစ်စျေးကွက်ဖြစ်ပြီး နိုင်ငံ၏ စုစုပေါင်းလေကြောင်းခရီးသွားဝင်ရောက်မှု၏ ၁၅.၅ ရာခိုင်နှုန်းကျော်ရှိကြောင်း ဘရူနိုင်းနိုင်ငံ၏ ခရီးသွားဝန်ကြီးဌာနမှ အမြဲတမ်းအတွင်းဝန် Hejah Tutiaty Abdul Wahab ၏ ပြောကြားချက်အရသိရသည်။

          ၂၀၂၅ ခုနှစ် သြဂုတ်လအထိ ဘရူနိုင်းနိုင်ငံသည် တရုတ်ခရီးသွား ၂၈၇၁၄ ဦးကို လက်ခံခဲ့ကြောင်း Hejah Tutiaty က ပြောကြားခဲ့သည်။ တရုတ်ခရီးသွားအများစုသည် အားလပ်ရက်များတွင်  ဘရူနိုင်းနိုင်ငံရှိ မိဘဆွေမျိုး၊ သူငယ်ချင်းများထံသို့ သို့မဟုတ် စီးပွားရေးကိစ္စများဖြင့် လာရောက်လည်ပတ်ကြကြောင်း သိရသည်။ အဆိုပါခြေလှမ်းကို ပံ့ပိုးရန်အတွက်လည်း တရုတ်နိုင်ငံသားများအတွက် ၁၄ ရက်အထိ နေထိုင်ခွင့်ရှိသည့် ဗီဇာကင်းလွတ်ခွင့်ကို ၂၀၂၅ ခုနှစ် မတ်လမှစ၍ ခွင့်ပြုခြင်းတို့ကို ဆောင်ရွက်ခဲ့ကြောင်း ဆက်လက်ပြောကြားခဲ့သည်။ အဆိုပါပဏာမခြေလှမ်းသည် တရုတ်ခရီးသွားများအတွက် ဘရူနိုင်းနိုင်ငံ၏ လက်လှမ်းမှီမှုကို မြှင့်တင်ပေးရုံသာမက နှစ်နိုင်ငံဆက်ဆံရေးကိုလည်း ခိုင်မာစေကာ ယဉ်‌ကျေးမှုနှင့် စီးပွားရေးဆိုင်ရာ ဖလှယ်မှုများအတွက်လည်း လမ်းခင်းပေးကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

          သီရိလင်္ကာနိုင်ငံရှိ ဆိုရှယ်မီဒီယာအသုံးပြုမှုသည် အဓိကပလက်ဖောင်းများတစ်လျှောက်တွင် သုံးစွဲသူများ တိုးများလာကာ ၂၀၂၄ ခုနှစ်တွင် သိသိသာသာ တိုးမြင့်လာခဲ့ကြောင်း သီရိလင်္ကာနိုင်ငံ၏ ဆက်သွယ်ရေးစည်းမျဉ်းစည်းကမ်းကော်မရှင် (TRCSL) ၏ နောက်ဆုံးအစီရင်ခံစာအရ သိရသည်။ မတ်လမှ ဒီဇင်ဘာလအထိ ၂၀၂၄ ခုနှစ် ကာလအတွင်း အစီရင်ခံစာတွင် Facebook သည် နိုင်ငံအတွင်း အသုံးပြုမှုအများဆုံးသော ပလက်ဖောင်းအဖြစ် ဆက်လက်တည်ရှိနေခဲ့ပြီး မတ်လတွင် အသုံးပြုသူဦးရေ 14.5 သန်းမှ ဒီဇင်ဘာလတွင် 15 သန်းအထိ မြင့်တက်လာကြောင်း ပြသခဲ့သည်။ YouTube သည် အလားတူကာလအတွင်း သုံးစွဲသူ ၁၄ သန်းမှ ၁၄.၅ သန်းအထိ တိုးလာကြောင်း အစီရင်ခံစာအရသိရသည်။

         TikTok သည် မတ်လတွင် အသုံးပြုသူ ၉.၄ သန်းမှ ဒီဇင်ဘာလတွင် ၁၀.၅ သန်းအထိ တိုးလာကာ ကိုးလအတွင်း သုံးစွဲသူတစ်သန်းကျော်အထိ သိသိသာသာ တိုးတက်လာခဲ့သည်။ ပြန်လည်သုံးသပ်နေသည့်ကာလအတွင်း Instagram အသုံးပြုမှုမှာလည်း ၈ သန်းမှ ၈.၅ သန်းအထိ မြင့်တက်လာခဲ့သည်။ သို့သော်လည်း TRCSL သည် WhatsApp အသုံးပြုသူများတွင် အနည်းငယ်ကျဆင်းသွားသည်ကို သတိပြုမိခဲ့ပြီး လှုပ်ရှားမှုတွင် ကျဆင်းသွားခြင်းကို မှတ်တမ်းတင်ရန် တစ်ခုတည်းသော အဓိကပလက်ဖောင်းအဖြစ် အမှတ်အသားပြုခဲ့ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

           ဖိလစ်ပိုင်နိုင်ငံသည် ကြက်ငှက်တုပ်ကွေးရောဂါ ဖြစ်ပွားမှုဒဏ်ကို ယခင်က ခံစားခဲ့ရသည့်နိုင်ငံနှင့် ဒေသအများအပြားမှ တောရိုင်းငှက်များနှင့် ကြက်များ တင်သွင်းခြင်းအပေါ် ယာယီတားမြစ်ချက်ကို ရုပ်သိမ်းလိုက်ကြောင်း နိုင်ငံ၏ စိုက်ပျိုးရေးဌာန (DA) က အောက်တိုဘာလ ၉ ရက်နေ့တွင် ပြောကြားခဲ့သည်။

         စိုက်ပျိုးရေးဝန်ကြီး Francisco Tiu Laurel သည် အဇာဘိုင်ဂျန်၊ ကာဇက်စတန်၊ ဆော်ဒီ အာရေဗျ၊ စလိုဗေးနီးယား၊ ဆွီဒင်နှင့် မလေးရှားနိုင်ငံရှိ Kelantan နှင့် Sabah တို့မှ အိမ်မွေး တိရစ္ဆာန်များ သို့မဟုတ် တိရစ္ဆာန်ရုံများအတွက် အထူးသဖြင့် ကြက်များတင်သွင်းမှု ပြန်လည်စတင် ခွင့်ပြုရေးဆိုင်ရာ စာချွန်လွှာအမိန့်အများအပြားကို လက်မှတ်ရေးထိုးခဲ့သည်။ DA သည် ထိုဒေသများတွင် ရောဂါဖြစ်ပွားစေသော ကြက်ငှက်တုပ်ကွေးရောဂါ ဖြစ်ပွားမှုမြင့်မားကြောင်း သတင်းများထွက်ပေါ်လာပြီးနောက် တားမြစ်ချက် ချမှတ်ခဲ့သည်။ သို့သော်လည်း DA ၏အဆိုအရ၊ ယခု နောက်ပိုင်းတွင် အစီရင်ခံတင်ပြထားသော ရောဂါဖြစ်ပွားမှုအားလုံးသည် အသစ်ထပ်မံဖြစ်ပွား ခြင်းမရှိသဖြင့် ဖြေရှင်းနိုင်ခဲ့ပြီး အစိုးရက အဆိုပါကြက်များကို တင်ပို့ရန်အတွက် နယ်စပ်များကို ပြန်လည်ဖွင့်လှစ်ရန် လှုံ့ဆော်ခဲ့သည်။ သက်ဆိုင်ရာ တိရစ္ဆာန်ဆေးကု အာဏာပိုင်များမှ တင်ပြသော တရားဝင်အစီရင်ခံစာများနှင့် တိရိစ္ဆာန်စက်မှုလုပ်ငန်းဗျူရို၏ အကဲဖြတ်ချက်များအရ အဆိုပါ ဒေသများမှ ကြက်တင်သွင်းခြင်းသည် အန္တရာယ်နည်းပါးသည်ဟု ယူဆရကြောင်း DA မှ ပြောကြားခဲ့သည်။

         အတည်ပြုထားသော ကုန်ပစ္စည်းများ တင်သွင်းမှုသည် လက်ရှိသန့်ရှင်းရေးနှင့် ဇီဝကမ္မဆိုင်ရာ စည်းမျဉ်းများအားလုံးကို လိုက်နာမှုဖြင့် ဖိလစ်ပိုင်နိုင်ငံအတွင်းသို့ ဝင်ရောက်ခွင့်ပြုမည်ဖြစ်ကြောင်း DA က ပြောကြားခဲ့ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

          ကမ္ဘောဒီးယားနှင့် ဒိုမီနီကာနိုင်ငံတို့သည် အောက်တိုဘာ ၉ ရက် ကြာသပတေးနေ့တွင် ၎င်းတို့ ၏ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုကို ခိုင်ခံ့အောင်တိုးချဲ့ရန် သဘောတူညီခဲ့ကြသည်။

       ကမ္ဘောဒီးယားဝန်ကြီးချုပ် ဟွန်မာနက်နှင့် မြို့တော်ဖနွမ်းပင်တွင် အလည်အပတ်ရောက်ရှိနေသော ဒိုမီနီကန်ဝန်ကြီးချုပ် Roosevelt Skerrit တို့အကြား တွေ့ဆုံမှုအတွင်း သဘောတူညီမှုရရှိခဲ့ခြင်းဖြစ်ကြောင်း ကမ္ဘောဒီးယားဝန်ကြီးချုပ်၏ ပြောရေးဆိုခွင့်ရှိသူ ယူနစ်၏ သတင်းထုတ်ပြန်ချက် အရသိရသည်။

       ခေါင်းဆောင်နှစ်ဦးသည် နိုင်ငံရေး-သံတမန်ရေးရာ၊ စီးပွားရေး၊ ကုန်သွယ်မှု၊ စိုက်ပျိုးရေး၊ ခရီးသွားလုပ်ငန်းအပါအဝင် အဓိကကဏ္ဍများတွင် ပူးပေါင်းဆောင်ရွက်ရေး မြှင့်တင်ရေးဆိုင်ရာ အမြင်ချင်းဖလှယ် ဆွေးနွေးခဲ့ကြောင်း ထုတ်ပြန်ချက်တွင် ဖော်ပြထားသည်။ Skerrit ၏ခရီးစဉ်သည် ယခုနှစ်တွင် နှစ်နိုင်ငံသံတမန်ဆက်ဆံရေး (၁၅) နှစ်မြောက်ဖြစ်သောကြောင့် နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုခိုင်မာစေရန် အရေးကြီးသောအခွင့်အလမ်းဖြစ်ကြောင်း Hun Manet မှ ပြောကြားခဲ့သည်။ တွေ့ဆုံပွဲအပြီးတွင် ဝန်ကြီးချုပ်နှစ်ဦးသည် နှစ်နိုင်ငံအကျိုးရှိနိုင်သည့် ကဏ္ဍများတွင် လက်တွေ့ကျသော ပူးပေါင်းဆောင်ရွက်မှုကို မြှင့်တင်ရန်ရည်ရွယ်သည့် နှစ်နိုင်ငံ ညှိနှိုင်းဆွေးနွေးပွဲများ ထူထောင်ရေးဆိုင်ရာ နားလည်မှုစာချွန်လွှာ လက်မှတ်ရေးထိုးပွဲသို့ တက်ရောက်ခဲ့ကြောင်း သိရှိရပါသည်။

Source : Xinhua                                                                                  

DOCA(ရန်ကုန်)

          ဆီနီဂေါနိုင်ငံ၏မြို့တော် ဒါကာအနီးတွင် နိုင်ငံခြားရင်းနှီးမြှုပ်နှံမှုဖိုရမ် ၂၀၂၅ ကို အောက်တိုဘာလ ၇ ရက်နေ့တွင် ဖွင့်လှစ်ခဲ့ပြီး နိုင်ငံခြားရင်းနှီးမြှုပ်နှံမှုများ အရှိန်မြှင့်လာစေရန် ရည်ရွယ်ဆောင်ရွက်ခြင်း ဖြစ်ကြောင်းသိရသည်။ အဆိုပါ နှစ်ရက်တာ အခမ်းအနားတွင် နိုင်ငံပေါင်းစုံမှ အစိုးရအရာရှိများ၊ ကျွမ်းကျင်ပညာရှင်များနှင့် နိုင်ငံတကာရင်းနှီးမြှုပ်နှံသူများ စုစည်း၍ “အခွင့်အလမ်းများချိတ်ဆက်ခြင်း၊ အနာဂတ်ကိုတည်ဆောက်ခြင်း” ဟူသောခေါင်းစဉ်ဖြင့် အဖွင့်မိန့်ခွန်းတွင် ဆီနီဂေါ သမ္မတ Bassirou Diomaye Faye က နိုင်ငံသည် နိုင်ငံခြားရင်းနှီးမြုပ်နှံမှုများကို ဆွဲဆောင်ရာတွင် အကျိုးကျေးဇူးများစွာရရှိကြောင်း ပြောကြားခဲ့ပြီး အစိုးရအနေဖြင့် စီးပွားရေးပတ်ဝန်းကျင်ကို ပိုမိုကောင်းမွန်အောင်ဆောင်ရွက်ရန် ကတိပြုထားပြီး အတွေ့အကြုံများမျှဝေကာ နှစ်ဦးနှစ်ဖက်အကျိုးရှိသော ပူးပေါင်းဆောင်ရွက်မှုကို တည်ဆောက်ရန်အတွက် ကဏ္ဍအသီးသီးမှ မိတ်ဖက်များအား ကြိုဆိုကြောင်း ပြောကြားခဲ့သည်။ ဖိုရမ်အတွင်း Faye နှင့် ဝန်ကြီးချုပ် Ousmane Sonko တို့သည် ဆီနီဂေါနိုင်ငံဆိုင်ရာ တရုတ်သံအမတ် Li Zhigang ၏ ဖိတ်ကြားချက်အရ တရုတ်စီးပွားရေးလုပ်ငန်းများ၏ ပြပွဲဧရိယာသို့ သွားရောက်လေ့လာခဲ့သည်။ တရုတ်ကုမ္ပဏီ ၂၀ ကျော်မှ စီစဉ်သည့် တရုတ်ပြပွဲ ဧရိယာသည် အခြေခံအဆောက်အအုံ၊ 5G ဆက်သွယ်ရေး၊ စမတ်ကုန်ထုတ်လုပ်မှုနှင့် ကာဗွန်နည်းပညာများကဲ့သို့သော နယ်ပယ်များတွင် တရုတ်-ဆီနီဂေါ ပူးပေါင်းဆောင်ရွက်မှု၏ အောင်မြင်မှုများနှင့် အလားအလာများကို ပြသထားကြောင်း လီက ပြောကြားခဲ့သည်။ နှစ်နိုင်ငံလုံး၏ စီးပွားရေးအသိုက် အဝန်းများသည် သဘောတူညီမှုများတည်ဆောက်ကာ ဖွံ့ဖြိုးတိုးတက်မှုလိုအပ်ချက်များကို ပေါင်းစပ် ကာ မျှဝေသည့်အနာဂတ်ကို ဖန်တီးနိုင်လိမ့်မည်ဟု မျှော်လင့်ကြောင်း၊ ယနေ့အထိ ဆီနီဂေါတွင် တရုတ်လုပ်ငန်းပေါင်း ၁၀၀ ကျော် ရင်းနှီးမြှပ်နှံထားပြီး သတင်းအချက်အလက်နည်းပညာနှင့် နည်းပညာမြင့်စက်မှုလုပ်ငန်းများအပြင် အဝေးပြေးလမ်းများ၊ တံတားများနှင့် ဆိပ်ကမ်းများကဲ့သို့ သော အခြေခံအဆောက်အအုံများ ဖောက်လုပ်ခြင်းအပါအဝင် ကဏ္ဍများကို လွှမ်းခြုံထားကြောင်း သိရှိရပါသည်။

Source : Xinhua                                                                                  

DOCA(ရန်ကုန်)