HighLight News

     စားသုံးသူရေးရာဦးစီးဌာန၊ ကရင်ပြည်နယ်၊ ပြည်နယ်ဦးစီးမှူး ဦးသန်းဦးနှင့်ဝန်ထမ်းများသည်           (၉-၇-၂၀၂၃) ရက်နေ့(တနင်္ဂနွေနေ့)၊ နေ့လယ် (၁၃:၀၀) နာရီအချိန်တွင် ကရင်ပြည်နယ်၊ လှိုင်းဘွဲ့မြို့၊ ရွှေဂွန်းကျေးရွာ၌ စိုက်ပျိုး/မွေးမြူရေးလုပ်ငန်းရှင်တောင်သူများနှင့်တွေ့ဆုံပြီး ဈေးကွက်စီးပွားရေးစနစ်နှင့်အညီ ပုဂ္ဂလိကကဏ္ဍဖွံ့ဖြိုးတိုးတက်စေရေးနှင့် ပြည်တွင်းကုန်သွယ်မှုဖွံ့ဖြိုးတိုးတက်စေရေးတို့အတွက် မြှင့်တင်ဆောင်ရွက်ရန် ကျယ်ကျယ်ပြန့်ပြန့်သိရှိနိုင်ရေး ဆွေးနွေးပွဲကျင်းပခဲ့ကြောင်းသိရှိရပါသည်။

    အဆိုပါဆွေးနွေးပွဲတွင် စားသုံးရေးရာဦးစီးဌာနမှ ကရင်ပြည်နယ်ဦးစီးမှူး ဦးသန်းဦးက စိုက်ပျိုး/မွေးမြူရေးလုပ်ငန်းများအောင်မြင်ဖြစ်ထွန်းမှသာ ဒေသတွင်းစားနပ်ရိက္ခာ၊ အလုပ်အကိုင်အခွင့်အလမ်းများရရှိမည်ဖြစ်ကြောင်း၊ တစ်နိုင်တစ်ပိုင်စိုက်ပျိုး/မွေးမြူထုတ်လုပ်မှုမှ အသင်း/အဖွဲ့များအထိ တိုးချဲ့ဆောင်ရွက်နိုင်မှသာ ပြည်တွင်းကုန်သွယ်မှုဖွံ့ဖြိုးလာမည့်အပြင် နိုင်ငံတကာပြည်ပကုန်သွယ်မှုများအထိပါ ဆောင်ရွက်နိုင်မည်ဖြစ်ကြောင်း ဆွေးနွေးခဲ့ပြီး စိုက်ပျိုး/မွေးမြူရေးတောင်သူလုပ်ငန်းရှင် ဦးနေတိုးကလည်း စီးပွားဖြစ်တစ်နိုင်တစ်ပိုင်စိုက်ပျိုး/မွေးမြူခြင်းပြုလုပ်လိုသူတိုင်း မိမိခြံ၌ ဝက်၊ ငါးနှင့် နေဗီရာမြက်စိုက်ခင်းများတွင် အချိန်မရွေးလာရောက်လေ့လာနိုင်ပါကြောင်းနှင့် လိုအပ်ပါက ကိုယ်တိုင်လာရောက်ကူညီပေးမည်ဖြစ်ကြောင်း ပါဝင်ဆွေးနွေးခဲ့ပါသည်။

            ထိုဆွေးနွေးပွဲသို့ စိုက်ပျိုး/မွေးမြူရေးတောင်သူလုပ်ငန်းရှင် (၁၅) ဦးတက်ရောက်ဆွေးနွေးခဲ့ကြပြီး စိုက်ပျိုး/မွေးမြူရေးလုပ်ငန်းရှင် ဦးတင်စိုး၏ ဝက်မွေးမြူရေးခြံနှင့် အစ္စရေးမြက်စိုက်ပျိုးထားရှိမှုအခြေအနေများကို မြေပြင်ကွင်းဆင်းလေ့လာခဲ့ကြကြောင်း သတင်းရရှိပါသည်။

DOCA(ကရင်)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုဖြင့် သရက်ခရိုင်ဦးစီးမှူးရုံးမှ ဝန်ထမ်းများနှင့် မင်းတုန်းမြို့နယ်တာဝန်ခံ ဒု-ကြီးကြပ်ရေးမှူး ဦးကျော်ရွှေသည် သရက်ခရိုင်၊ မင်းတုန်းမြို့ရှိ ကုန်စုံဆိုင်အရောင်းပိုင်ရှင်များနှင့် တစ်နိုင်တစ်ပိုင်ထုတ်လုပ်သည့်လုပ်ငန်းရှင်များအား ထုတ်လုပ်သည့်ကုန်စည်များတွင် ကုန်အညွှန်းအမှတ်အသားပြည့်စုံစွာထည့်သွင်းဖော်ပြလာစေရန်ရည်ရွယ်၍ အသိပညာပေးဟောပြောပွဲကို (၇-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် မင်းတုန်းမြို့၊ မြို့နယ်စည်ပင်သာယာရေးအဖွဲ့ရုံး၌ မြို့နယ်စည်ပင်ဦးစီးမှူးအပါအဝင် ဝန်ထမ်း(၉)ဦး၊ စည်ပင်ကော်မတီဝင်(၄)ဦး၊ ကုန်စုံဆိုင်အရောင်းပိုင်ရှင်များနှင့် တစ်နိုင်တစ်ပိုင်ထုတ်လုပ်သော လုပ်ငန်းရှင်(၁၂)ဦးတို့အား ထုတ်လုပ်သည့်ကုန်စည်များတွင် ကုန်အညွှန်းအမှတ်အသားပြည့်စုံစွာထည့်သွင်းဖော်ပြစေရေး အသိပညာပေးဆွေးနွေးဟောပြောခြင်းများဆောင်ရွက်ခဲ့ပါသည်။

          ထိုသို့ဆွေးနွေးဟောပြောဆောင်ရွက်ရာတွင် မင်းတုန်းမြို့နယ်တာဝန်ခံ ဦးကျော်ရွှေက ကုန်စုံဆိုင်အရောင်းပိုင်ရှင်များနှင့် တစ်နိုင်တစ်ပိုင်ထုတ်လုပ်သည့်လုပ်ငန်းရှင်များအား စားသုံးသူကာကွယ်ရေးဥပဒေ(၂၀၁၉)၊ အခန်း(၁၈)ပါ ပုဒ်မ(၄၃)အရ မည်သည့်စီးပွားရေးလုပ်ငန်းရှင်မဆို ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာ ဘာသာနှင့် အခြားဘာသာတစ်ခု (သို့မဟုတ်) တစ်ခုထက်ပို၍တွဲလျက်ဖြစ်စေဖော်ပြရာ၌ စီးပွားရေးလုပ်ငန်းရှင်များလိုက်နာဆောင်ရွက်ရန်၊ ကုန်အညွှန်းအမှတ်အသားကို မြန်မာဘာသာဖြင့်ဖော်ပြခြင်းတွင် ကုန်စည်၏အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက်၊ ကြိုတင်သတိပေးချက် စသည့်အချက်(၇)ချက်ကို မဖြစ်မနေထည့်သွင်းဖော်ပြရန်၊ မြန်မာနိုင်ငံစားသုံးသူကာကွယ်ရေးကော်မရှင်က ညွှန်ကြားချက်အမှတ် (၂/၂၀၁၉)ဖြင့်ထုတ်ပြန်ခဲ့သည့် ကုန်စည်အုပ်စု(၈)မျိုးပါဝင်၍ ကုန်စည်တစ်ခုချင်းစီအလိုက် ကုန်အညွှန်းအမှတ်အသားကို မြန်မာဘာသာဖြင့်ဖော်ပြရာ၌ စီးပွားရေးလုပ်ငန်းရှင်များလိုက်နာဆောင်ရွက်ရာတွင် ကုန်စည်အုပ်စုအလိုက် ဖော်ပြရာတွင် (အမှန်ခြစ်)သည် မဖြစ်မနေဖော်ပြရန်လိုအပ်သည့် အညွှန်းအမှတ်အသားဖြစ်ပြီး (အမှားခြစ်)သည် မဖြစ်မနေဖော်ပြရန် မလိုအပ်ဘဲဖော်ပြလိုပါက ဖော်ပြနိုင်သည့် အညွှန်းအမှတ်အသားဖြစ်ပါကြောင်း၊ ဒု-ဦးစီးမှူး ဒေါ်နွဲ့ယဉ်ဝင်းက စီးပွားရေးလုပ်ငန်းရှင်များအား ကုန်ပစ္စည်းများထုတ်လုပ်ရာတွင် ထုတ်လုပ်ရက်စွဲနှင့် သက်တမ်းလွန်ရက်စွဲများကို ထည့်သွင်းဖော်ပြရမည်ဖြစ်ကြောင်း၊ ပုဒ်မ(၂၁)အရ စီးပွားရေးလုပ်ငန်းရှင်၏တာဝန်များကို ပျက်ကွက်ကြောင်းနှင့် ပုဒ်မ၂၄/ ၂၅နှင့် ၂၇တို့အရ စားသုံးသူကတောင်းဆိုနိုင်သောအခွင့်အရေးများကို ပေးအပ်ရန်ပျက်ကွက်ကြောင်း စစ်ဆေးတွေ့ရှိလျှင် ဖောက်ဖျက်သည့် မည်သည့်စီးပွားရေးလုပ်ငန်းရှင်ကိုမဆို ဥပဒေပါ ပုဒ်မ(၅၂)အရ စီမံခန့်ခွဲရေးဆိုင်ရာအမိန့်တစ်ရပ်ဖြင့်ဖြစ်စေ၊ အမိန့်တစ်ရပ်ထက်ပို၍ဖြစ်စေ အရေးယူခံရမည်ဖြစ်ပါကြောင်းနှင့် ဈေးကွက်အတွင်းရှိ မိမိထုတ်လုပ်သောထုတ်ကုန်များသည် စားသုံးသူများအတွက် ဘေးအန္တရာယ်ကင်းရှင်းစေပြီး သတင်းအချက်အလက်များပြည့်စုံစွာ ထည့်သွင်းခြင်းတို့ကြောင့် စားသုံးသူများ ထုတ်လုပ်သူများအပေါ်ယုံကြည်လာပြီး စီးပွားရေးအကျိုးများပိုမိုဖြစ်ထွန်းလာမည်ဖြစ်ပါကြောင်း ဟောပြောဆွေးနွေးခြင်းများဆောင်ရွက်ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါ အသိပညာပေးလက်ကမ်းစာစောင်များဖြန့်ဝေပေးခဲ့ပါသည်။

DOCA(မကွေး)

 စားသုံးသူရေးရာဦးစီးဌာနသည် ကုန်စည်များတွင် ကုန်အညွှန်းအမှတ်အသားများပြည့်စုံစွာထည့်သွင်းဖော်ပြလာစေရန် အကောင်အထည်ဖော်ဆောင်ရွက်လျက်ရှိရာ မကွေးတိုင်းဒေသကြီးအတွင်းရှိ ကုန်စည်ထုတ်လုပ်လျက်ရှိသော စီးပွားရေးလုပ်ငန်းရှင်များအား တွေ့ဆုံဆွေးနွေးရာတွင် လုပ်ငန်းရှင်တစ်ဦးချင်းကို ခေါ်ယူတွေ့ဆုံခြင်းထက် ပိုမိုထိရောက်မှုရှိစေရန် မြို့နယ်အတွင်း ကုန်ပစ္စည်းထုတ်လုပ်သည့်လုပ်ငန်းရှင်များအားလုံးကို ခေါ်ယူစုစုည်း၍ အသိပညာပေးရှင်းလင်းဆွေးနွေးခြင်းဆောင်ရွက်ရန်ဟု မကွေးတိုင်းဒေသကြီး၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ (၂၂-၆-၂၀၂၃) ရက်နေ့၌ ကျင်းပပြုလုပ်ခဲ့သော စားသုံးသူရေးရာကော်မတီအစည်းအဝေး (၃/၂၀၂၃) တွင် စားသုံးသူရေးရာကော်မတီဥက္ကဋ္ဌ၊ မကွေးတိုင်းဒေသကြီးအစိုးရအဖွဲ့၊ စီးပွားရေးရာဝန်ကြီး ဦးအောင်ချိန်က လမ်းညွှန်မှုပြုခဲ့ပါသည်။

   သို့ဖြစ်၍ မကွေးမြို့နယ်အတွင်းရှိ စားသောက်ကုန်ထုတ်လုပ်သော စီးပွားရေးလုပ်ငန်းရှင် (၁၈) ဦးတို့အား စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံး၌ (၆-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ခေါ်ယူစုစည်းပြီး စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်းအမှတ်အသားများတွင် ပြည့်စုံမှန်ကန်စွာထည့်သွင်းဖော်ပြရမည့်အချက်အလက်များနှင့်ပတ်သက်၍ အသိပညာပေးဆွေးနွေးခဲ့ပါသည်။

    အဆိုပါဆွေးနွေးပွဲတွင် စားသုံးသူရေးရာဦးစီးဌာန၊ မကွေးခရိုင်ဦးစီးမှူး၊ ဒေါ်တင်တင်လှက စားသုံးသူရေးရာဦးစီးဌာန၏သမိုင်းကြောင်း၊ ဌာန၏ဆောင်ပုဒ်၊ မျှော်မှန်းချက်နှင့်ရည်မှန်းချက်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ကုန်စည်နှင့် ဝန်ဆောင်မှုများအပေါ် အာမခံချက်ပေးရမည့်အချက်များကို ရှင်းလင်းဆွေးနွေးခဲ့ပြီးနောက် ဆက်လက်၍ ဒု-ခရိုင်ဦးစီးမှူး ဦးမျိုးဝင်း (မကွေးမြို့နယ်တာဝန်ခံ) က စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်စည်များပေါ်တွင် ကုန်အညွှန်းအမှတ်အသားများပြည့်စုံမှန်ကန်စွာထည့်သွင်းဖော်ပြရမည့် အချက်အလက်များနှင့် မြန်မာနိုင်ငံစားသုံးသူကာကွယ်ရေးကော်မတီက ထုတ်ပြန်ထားသော ညွှန်ကြားချက်အမှတ် (၂/၂၀၁၉) ပါ မြန်မာစာဖြင့် ထည့်သွင်းဖော်ပြရမည့် ကုန်စည်အုပ်စု (၈) ခုတို့ကို အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ စစ်ဆေးရေးမှူး ဦးကျော်မိုးလွင်သည် (၁၀-၇-၂၀၂၃) ရက်နေ့၊ နံနက် (၁၁:၃၀) နာရီအချိန်တွင် မိုးညှင်းမြို့၊ နောင်စွန်းရပ်ကွက်ရှိ “နေလ” လက်လီ/လက်ကားဖြန့်ဖြူးရောင်းချသောကုန်စုံဆိုင်သို့ ကုန်အညွှန်းအမှတ်အသားဖော်ပြခြင်းနှင့်ပတ်သက်၍ စားသုံးသူကာကွယ်ရေးဥပဒေ ၂၀၁၉ပါ ပြဋ္ဌာန်းချက်များနှင့်ကိုက်ညီမှုရှိ/မရှိကို ဈေးကွက်စောင့်ကြည့်စစ်ဆေးခဲ့ပါသည်။ 

    ထိုသို့ဈေးကွက်  စောင့်ကြည့်စစ်ဆေးခဲ့ရာတွင်  ရွှေကျီး(မုန့်ချောင်း)  အမှတ်တံဆိပ်ပါ အသင့်စားမုန့်၌ ကုန်စည်အမျိုးအစားအလိုက်  သတ်မှတ်ချက်များနှင့်အညီ မြန်မာဘာသာဖြင့် သိသာထင်ရှားစွာဖော်ပြရမည့် ကုန်စည်၏အမျိုးအမည်၊ အရွယ်အစား၊ အရေအတွက်၊ အသားတင် ပမာဏ၊ ထားသိုသိမ်းဆည်းမှုအညွှန်း၊ ဓာတ်မတည့်ကြောင်းဖော်ပြချက်၊ ကုန်အညွှန်းအမှတ်အသားဖော်ပြထားရှိခြင်းရှိ/မရှိတို့ကို ဈေးကွက်စောင့်ကြည့်စစ်ဆေးခဲ့ရာ ကုန်ညွှန်းအမှတ်အသားပြည့်စုံစွာဖော်ပြထားရှိကြောင်း စစ်ဆေးတွေ့ရှိရပြီး အခြားကုန်စည်များကို ရောင်းချဖြန့်ဖြူးရာတွင်လည်း ကုန်အညွှန်းအမှတ်အသားပြည့်စုံမှန်ကန်မှုမရှိသောကုန်စည်များကို မရောင်းချရန် အသိပညာပေးဆွေးနွေးခဲ့ပြီးနောက် ကုန်အညွှန်းအမှတ်အသားဖော်ပြခြင်းဆိုင်ရာ အသိပညာပေးလက်ကမ်းစာစောင်များဖြန့်ဝေခဲ့ကြောင်း သိရှိရပါသည်။

DOCA(ကချင်)

   စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့် ရမည်းသင်းမြို့နယ်တာဝန်ခံနှင့် ဝန်ထမ်းနှစ်ဦးတို့သည် (၅-၇-၂၀၂၃) ရက်နေ့၊ နံနက် (၁၀:၀၀) နာရီအချိန်တွင် ရမည်းသင်းမြို့နယ်၊ ရွာတန်းကျေးရွာသို့သွားရောက်၍ စပျစ်စိုက်ပျိုးထုတ်လုပ်သူတောင်သူများနှင့်တွေ့ဆုံဆွေးနွေးခဲ့ပါသည်။

  တွေ့ဆုံဆွေးနွေးရာတွင် ရွာတန်းကျေးရွာ၌ ကျေးရွာခွဲပေါင်း (၂၄) ရွာရှိကာ စပျစ်စိုက်ဧကပေါင်း (၃၁၀၀၀) ဧကကျော်ရှိကြောင်း၊ စိုက်ပျိုးသူတောင်သူဦးရေ (၅၀၀၀) ကျော်ရှိကြောင်း၊ စပျစ်ကို အောက်တိုဘာလ၊ နိုဝင်ဘာလနှင့် ဒီဇင်ဘာလများတွင် စတင်စိုက်ပျိုးပြီး တစ်ပင်နှင့် တစ်ပင်လျှင် အကွာအဝေးခုနှစ်ပေခွဲခြား၍ စိုက်ပျိုးရကြောင်း၊ စပျစ်စတင်စိုက်ပျိုးလျှင် သိန်း (၁၀၀) ကျော်ကုန်ကျကြောင်း၊ အဓိကအားဖြင့် စိုက်ပျိုးသောမျိုးမှာ အာဂျီချွန်း၊ အီတလီ (၃)၊ BQ (အညို)၊ မွန်ဒေါ (အမဲ)၊ ဝိုင်စပျစ် (အမဲ/အစိမ်း)၊ BK (အမဲ)၊ ဂျပန်စိမ်းမျိုးများစိုက်ပျိုးထားရှိကြောင်း၊ ဧပြီလ၊ မေလနှင့် ဇွန်လတို့တွင် မွေးကိုင်းဖြတ်ရကြောင်း၊ စက်တင်ဘာလ၊ အောက်တိုဘာလနှင့် နိုဝင်ဘာလများတွင် အသီးဖြတ်ရကြောင်း၊ ဖေဖော်ဝါရီလနှင့် မေလများတွင် အများဆုံးခူးဆွတ်ရကြောင်း၊ အထွက်နှုန်းများအနေဖြင့်  အာဂျီမျိုးမှာ တစ်ဧကလျှင် ပိဿာ (၄၀၀၀) မှ ပိဿာ (၇၀၀၀) အထိထွက်ရှိကြောင်း၊ ကျန်မျိုးများမှာ ပိဿာ (၄၀၀၀) မှ ပိဿာ (၅၀၀၀) အထိထွက်ရှိကြောင်း၊ စျေးနှုန်းမှာ တစ်ပိဿာလျှင် ကျပ် (၅၀၀၀) မှ ကျပ် (၁၀၀၀၀) အထိရှိကြောင်း၊ စိုက်ခင်းအရောက် လာရောက်ဝယ်ယူသောပွဲစားများရှိသည့်အပြင် ရန်ကုန်၊ မန္တလေးမြို့ကြီးများသို့လည်းတင်ပို့ရကြောင်း သိရှိရပါသည်။

DOCAမန္တလေး)