HighLight News

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူးရုံးအနေဖြင့် ထုတ်ကုန်များလုံခြုံစိတ်ချရမှုရှိစေရေး၊ ကုန်စည်များတွင် ကုန်အညွှန်းအမှတ်အသားများပြည့်စုံစွာထည့်သွင်းဖော်ပြထားခြင်းရှိ/မရှိ၊ စားသုံးသူများ နေ့စဉ်အသုံးပြုလျက်ရှိသော ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိစေရေး၊ ကုန်စည်များကို သတ်မှတ်စံချိန်စံညွှန်းများ၊ ညွှန်ကြားချက်များနှင့်ကိုက်ညီမှုရှိ/မရှိ  ဈေးကွက်စောင့်ကြည့်စစ်ဆေးခြင်းများဆောင်ရွက်လျက်ရှိပါသည်။ ထိုသို့ဈေးကွက်စောင့်ကြည့်စစ်ဆေးရာတွင် မိတ်ဖက်က်ဌာနဆိုင်ရာများနှင့်ပူးပေါင်း၍သော်လည်းကောင်း၊ စားသုံးသူကာကွယ်ရေးဥပဒေအရ ခန့်အပ်ထားသော စစ်ဆေးရေးအရာရှိများက ဦးဆောင်၍သော်လည်းကောင်း ဆောင်ရွက်လျက်ရှိပါသည်။

     ရွှေဘိုခရိုင်အနေဖြင့် (၂/၂၀၂၄)လအတွင်း ခရိုင်ဦးစီးမှူးနှင့် ဒု-ခရိုင်ဦးစီးမှူးတို့ဦးဆောင်၍ ရွှေဘိုမြို့နယ်တာဝန်ခံ၊ ထုတ်ကုန်လုံခြုံစိတ်ချရမှုဌာနခွဲတာဝန်ခံနှင့် စားသုံးသူရေးရာဌာနခွဲတာဝန်ခံတို့သည် မိတ်ဖက်ဌာနဖြစ်သည့် ရွှေဘိုမြို့နယ်၊ ပြည်သူ့ကျန်းမာရေးဦးစီးဌာနမှ တာဝန်ရှိသူများနှင့်ပူးပေါင်း၍ ရွှေဘိုမြို့၊ အမှတ်(၅)ရပ်ကွက်ရှိ ဆေးနှင့်ဆေးပစ္စည်းရောင်းဝယ်ရေးဆိုင် (၂)ဆိုင်အားလည်းကောင်း၊  အမှတ်(၄)ရပ်ကွက်ရှိ ဆေးနှင့်ဆေးပစ္စည်းရောင်းဝယ်ရေးဆိုင်(၁)ဆိုင်နှင့် ကုန်မျိုးစုံရောင်းဝယ်ရေးဆိုင် (၁)ဆိုင်အားလည်းကောင်း ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြပြီး ဌာန၏ဥပဒေ၊ အမိန့်နှင့် ညွှန်ကြားချက်ပါအကြောင်းများကို အသိပညာပေးခြင်းများဆောင်ရွက်ခဲ့ကြကြောင်း သတင်းရရှိပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးတွင် ဝန်ထမ်းများအတွက် ဓာတုကင်းလွတ်အသီးအရွက်များစားသုံးစေရန်နှင့် အိမ်သုံးဈေးဖိုးစရိတ်သက်သာစေရန်ရည်ရွယ်၍ ဆောင်းရာသီသီးနှံများဖြစ်သော မုန်ညင်းထုပ်၊ ရုံးပတီပင်၊ ဘူးပင်၊ ငရုတ်ပင်၊ ပဲလွန်းပင်၊ ချဉ်ပေါင်ပင်နှင့် ကန်စွန်းပင်များကို ဝန်ထမ်းများက စုပေါင်း၍စိုက်ပျိုးထားရှိခဲ့ပါသည်။

     (၂၃-၂-၂၀၂၄)ရက်နေ့တွင် အပတ်စဉ်သန့်ရှင်းရေးပြုလုပ်အပြီး ဝန်ထမ်းများအား မုန်ညင်းထုပ်များပေးဝေခဲ့ပါသည်။ ယခုကဲ့သို့သောသီးနှံများကို ဝန်ထမ်းများစုပေါင်းစိုက်ပျိုးထားခြင်းကြောင့် ဝန်ထမ်းများ တစ်ဦးနှင့်တစ်ဦးစည်းလုံးညီညွတ်ကြောင်း၊ ဓာတုကင်းလွတ်အသီးအရွက်များစားသုံးရခြင်းကြောင့် ကျန်းမားရေးနှင့်ပြည့်စုံကြောင်း၊ ဈေးဖိုးလည်းသက်သာစေကြောင်းနှင့် ဝန်ထမ်းများလည်းပျော်ရွှင်ကြကြောင်းသိရှိရပါသည်။

DOCA(မကွေး)

    မကွေးတိုင်းဒေသကြီး၊ သရက်ခရိုင်၊ စားသုံးသူရေးရာဦးစီးဌာနမှ ဦးအုန်းမြင့်(ဦးစီးမှူး) ဦးဆောင်သောဝန်ထမ်းများသည် တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူးနှင့် ခရိုင်ဦးစီးမှူးတို့၏လမ်းညွှန်မှုဖြင့် ဖေဖော်ဝါရီလအတွင်း ဆေးနှင့်ဆေးပစ္စည်းများကို ဈေးနှုန်းအဆမတန်မြှင့်တင်ရောင်းချနေမှုရှိ/မရှိ၊ အိမ်သုံးဆေးဝါးများပြတ်လပ်မှုရှိ/မရှိ၊ ဝယ်ယူရရှိမှုအခြေအနေ၊ သက်တမ်းလွန်ဆေးဝါးများရောင်းချမှုရှိ/မရှိတို့ကို အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်းကာ အပတ်စဉ်ဆေးနှင့်ဆေးပစ္စည်းဆိုင်များသို့သွားရောက်ကွင်းဆင်းစစ်ဆေးခြင်းဆောင်ရွက်ခဲ့ပါသည်။

   ထိုသို့ကွင်းဆင်းစစ်ဆေးလေ့လာခဲ့ရာတွင်  ဆေးများကို ပုံမှန်ဈေးနှုန်းများဖြင့်သာရောင်းချလျက်ရှိပြီး ယခုလက်ရှိအချိန်အထိ ဆေးကုမ္ပဏီများမှလိုအပ်သည့် ဆေးများမှာယူရာတွင် အခက်အခဲမရှိကြောင်း၊ သက်တမ်းလွန်ဆေးဝါးများကိုလည်း ရောင်းချခြင်းမရှိကြောင်းသိရှိရပါသည်။ ထို့နောက် အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဆေးဝါးများထားသိုရာတွင် သန့်ရှင်းမှုရှိစေလိုကြောင်း၊ တရားမဝင်ဆေးဝါးများကိုရောင်းချမှုမရှိစေရန် အသိပညာပေးဆွေးနွေးပြောကြားခဲ့ကြောင်းသိရှိရပါသည်။

DOCA(မကွေး)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ်တာဝန်ခံ ဦးဇော်နေလင်းနှင့် ဒုတိယဦးစီးမှူး ဒေါ်တင်မာရီတို့သည် စားသုံးပြည်သူများဘေးအန္တရာယ်ကင်းရှင်းစေရေးအတွက် အစားအသောက်နှင့်ဆေးဝါးကွပ်ကဲရေးဦးစီးဌာန (FDA) မှ စားသုံးရန်မသင့်ဟုထုတ်ပြန်ထားသော စားသောက်ကုန်များ၊ သက်တမ်းလွန်နေသော စားသောက်ကုန်များနှင့် ဈေးကွက်အတွင်း ရောင်းချလျက်ရှိသောကုန်စည်များ၌ ကုန်အညွှန်းအမှတ်အသားပြည့်စုံစွာပါဝင်ခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ပါသည်။

    ဆိပ်ဖြူမြို့နယ်တာဝန်ခံ ဦးဇော်နေလင်းနှင့်ဝန်ထမ်းသည် (၂၀-၂-၂၀၂၄)ရက်နေ့၊ နံနက် (၁၀:၀၀)နာရီအချိန်တွင် မြို့နယ်စည်ပင်သာယာရေးအဖွဲ့နှင့်ပူးပေါင်း၍ ဆိပ်ဖြူမြို့၊ ပတ္တမြားဈေးရှိ ကုန်မျိုးစုံရောင်းဝယ်ရေးဆိုင်များ၌ စားသုံးရန်မသင့်ဟုထုတ်ပြန်ထားသော ဇော်ဂျီ(ဆေးမန်ကျည်း)၊ မောင်ကျန်တတို့(သစ်သီးယိုစုံ၊ အတို့မှုန့် ရှောက်ချိုမွှေး)နှင့် “Super” မက်မန်းနှင့် သစ်သီးယိုစုံ၊ “Doreme”၊ Milk Strawberry Flavour Drink (ဒိန်ချဉ်)တို့ရောင်းချမှုရှိ/မရှိ၊ ဈေးကွက်အတွင်းရှိ ရောင်းချလျက်ရှိသောကုန်စည်များ၌ ကုန်အညွှန်းအမှတ်အသားများပြည့်စုံစွာဖော်ပြထားခြင်းရှိ/မရှိအား ဈေးကွက်စောင့်ကြည့်စစ်ဆေးခဲ့ရာတွင် စားသုံးရန်မသင့်ဟုထုတ်ပြန်ထားသော ကုန်ပစ္စည်းများကို ရောင်းချခြင်းမရှိကြောင်းနှင့် ဈေးကွက်အတွင်း၌ ကုန်ပစ္စည်းလက်ကျန်များမရှိကြောင်း စစ်ဆေးတွေ့ရှိခဲ့ပါသည်။ မြို့နယ်တာဝန်ခံက ရောင်းချလျက်ရှိသောဆိုင်ရှင်များအား မိမိတို့ဆိုင်ပေါ်တွင် ကုန်အညွှန်းအမှတ်အသားပြည့်စုံခြင်းမရှိသော ကုန်စည်များကို ရောင်းချခြင်းမပြုရန် အသိပညာပေးရှင်းလင်းဆွေးနွေးခဲ့ပြီးနောက် စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များဖြန့်ဝေပေးခဲ့ကြောင်းသိရှိရပါသည်။

DOCA(မကွေး)

     မကွေးတိုင်းဒေသကြီး၊ သရက်ခရိုင်၊ သရက်မြို့၊ စားသုံးသူရေးရာဦးစီးဌာနမှ ဝန်ထမ်းများသည် လစဉ် သရက်မြို့နယ်အတွင်း စားသုံးသူအကာအကွယ်‌ပေးရေးဆိုင်ရာ အသိပညာပေးခြင်းလုပ်ငန်းနှင့် ဈေးကွက်စောင့်ကြည့်စစ်ဆေးခြင်းလုပ်ငန်းများကို ဆောင်ရွက်လျက်ရှိရာ (၁၉-၂-၂၀၂၄)ရက်နေ့၊ နံနက် (၀၉း၀၀)နာရီအချိန်တွင် မိတ်ဖက်ဌာနများဖြစ်သည့် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အစားအသောက်နှင့်ဆေးဝါးကွပ်ကဲရေးဦးစီးဌာနတို့နှင့်ပူးပေါင်း၍ မြို့မစည်ပင်ဈေးရှိ ကုန်မျိုးစုံဆိုင်များတွင် ကုန်အညွှန်းအမှတ်အသားများပြည့်စုံသည့်ကုန်စည်များကိုသာရောင်းချစေရေး၊ သက်တမ်းလွန်ကုန်စည်များရောင်းချမှုမရှိစေရေးအတွက် ဆိုင်ရှင်များနှင့်တွေ့ဆုံကာ စားသုံးသူကာကွယ်ရေးဥပဒေ (၂/၂၀၁၉)တွင်ပါရှိသည့် ကုန်အညွှန်းအမှတ်အသားများနှင့်ပတ်သက်သည့် အချက်အလက်များ၊ ဥပဒေများအကြောင်းကို ရှင်းလင်းပြောကြားခဲ့ပါသည်။

      ဆက်လက်၍ စားသုံးရန်မသင့်ဟုထုတ်ပြန်ထားသည့် Super အမှတ်တံဆိပ်ဖြင့် ထုတ်လုပ်ထားသည့် မက်မန်းနှင့် သစ်သီးယိုစုံစားသောက်ကုန်နှင့် Doreme အမှတ်တံဆိပ်ဖြင့် ထုတ်လုပ် ထားသည့် Milk Strawberry Flavour Drink (ဒိန်ချဉ်) စားသောက်ကုန်တို့ကို ဈေးကွက်အတွင်း ရောင်းချမှုမရှိစေရေး ဆိုင်ပိုင်ရှင်များအား အသိပညာပေးရှင်းလင်းပြောကြားခဲ့ပြီး အထွေထွေ အုပ်ချုပ်ရေးဦးစီးဌာနက တရားမဝင်ကုန်စည်များရောင်းချမှုမရှိစေရေး၊ မြို့နယ်စည်ပင်သာယာရေးအဖွဲ့က ဈေးအတွင်း အမှိုက်များကိုစနစ်တကျစွန့်ပစ်ရန်နှင့် ပွင့်လင်းရာသီဖြစ်သည့်အတွက် မီးဘေးအန္တရာယ်များကို ကြိုတင်ကာကွယ်ထားရန်ပြောကြားခဲ့‌ကြောင်းသိရှိရပါသည်။

DOCA(မကွေး)