သတင်းနှင့် လှုပ်ရှားမှုများ

            ဧရာဝတီတိုင်း၊ ဖျာပုံခရိုင်၊ ကျိုက်လတ်မြို့နယ် စားသုံးသူရေးရာ ဦးစီဌာနမှ ကျိုက်လတ်မြို့နယ် တာဝန်ခံနှင့် ဝန်ထမ်းများသည် ၂၀၂၅ ခုနှစ်၊ ဇူလိုင်လ (၁၈) ရက်နေ့၊ နံနက် (၁၀:၀၀) နာရီအချိန်တွင် ကျိုက်လတ်မြို့၊ ပန်းပဲစု ကျေးရွာရှိ (အ.ထ.က ခွဲ)ကျောင်းရှိ ဆရာ/ဆရာမနှင့် ကျောင်းသား/ သူများအား စားသုံးသူကာကွယ်ရေး အသိပညာပေးဟောပြောခဲ့ပါသည်။

             အဆိုပါ အသိပညာပေးပွဲတွင် မြို့နယ်တာဝန်ခံ ဦးမိုးမင်းသန်းက  စားသုံးသူကာကွယ်ရေး ဥပဒေနှင့် စပ်လျဉ်း၍ စားသုံးသူကာကွယ်ရေးဆိုင်ရာ အကြောင်းအရာများ၊ စားသုံးသူများ လုံခြုံစိတ်ချရမှုရှိစေရေးအတွက် စားသုံးသူ၏ အခွင့်အရေးနှင့် တာဝန်များ၊ စားသုံးသူကာကွယ်ရေး ဆောင်ရွက်ချက်များ၊ စားသုံးသူများအနေဖြင့် ကုန်စည်နှင့်ဝန်ဆောင်မှုများ ဝယ်ယူခြင်းမပြုမီ သတိပြုဆောင်ရွက်ရမည့်အချက်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့် အခွင့်အရေးများ ၊ စားသုံးသူများနစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် Centre များ ဖွင့်လှစ်ထားရှိကြောင်းနှင့် စားသုံးသူရေးရာဦးစီးဌာန၏ website ဖြစ်သော www.doca.gov.mm website မှလည်း ဆက်သွယ်တိုင်ကြားနိုင်ကြောင်း အသိပညာပေးခဲ့ပြီး ဟောပြောပွဲသို့ ဆရာ/မ (၁၂) ဦးနှင့် ကျောင်းသား/သူ (၂၂၀) ဦး၊ စုစုပေါင်း (၂၃၂) ဦး တက်ရောက်ခဲ့ကြောင်း  သတင်းရရှိပါသည်။

DOCA(ဧရာဝတီ)

            ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၇) ရက်နေ့၊ နံနက် (၁၀:၀၀) နာရီအချိန်တွင်၊ ကြံခင်း၊ပန်းပဲစုကျေးရွာရှိ “စိန်” ဆန်စက်MSMEs လုပ်ငန်းဖွံ့ဖြိုးတိုးတက်ရေး ကွင်းဆင်းစိစစ် ဆောင်ရွက်ခဲ့ကြပါသည်။

          ထိုသို့ ကွင်းဆင်းဆောင်ရွက်ရာတွင် ဆန်စက်ကြိတ်ခွဲထုတ်လုပ်မှု အရည်အသွေးပြည့်မီစေရေး၊ ဆန်/စပါး အရည်အသွေးပြည့်မှီရေး၊ အချိန်အတွယ်များ ပြည့်မှီမှန်ကန်မှုရှိ/ မရှိ၊ ဆန်စပါး ဈေးနှုန်း ဈေးကွက် အခြေအနေများ တည်ငြိမ်မှုရှိ/မရှိ၊ ပုဂ္ဂလိက ကဏ္ဍ ဖွံ့ဖြိုးတိုးတက်ရေး နှင့် ကုန်စည်အပေါ် တာဝန်ရှိမှု၊ စီးပွားရေးလုပ်ငန်းရှင်၏ တာဝန်နှင့် တားမြစ်ချက်များ၊ ကုန်စည်နှင့် စပ်လျဉ်း၍ အာမခံပေးမှု၊ ခေတ်မီစက်ယူနစ်များ တပ်ဆင်ထားရှိမှုပေါ် မူတည်၍ ပြည်တွင်းပြည်ပ ဈေးကွက်ယှဉ်ပြိုင်နိုင်ရေးအတွက် MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ဖျာပုံခရိုင်၊ ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၅) ရက်နေ့၊ နေ့လယ် (၁၂:၀၀) နာရီအချိန်တွင် ကျိုက်လတ်မြို့ပေါ်ရှိ မုန့်မျိုးစုံ အရောင်းဆိုင် (၂) ဆိုင်တွင် ရောင်းချနေသော မုန့်များတွင် ကုန်အညွှန်းအမှတ်အသားနှင့် FDA ထောက်ခံချက်ရှိ/မရှိ ဈေးကွက်စောင့်ကြည့်စစ်ဆေးခဲ့ရာ ရောင်းချနေသော မုန့်များတွင် မြန်မာဘာသာဖြင့်ရေးသားဖော်ပြထားသော ကုန်အညွှန်းအမှတ် အသားနှင့် FDA ထောက်ခံချက်များပါရှိကြောင်း ဈေးကွက်စောင့်ကြည့်စစ်ဆေးခဲ့မှုအရ သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဇူလိုင်လ (၁၉) ရက်နေ့၊ နံနက် (၁၁:၀၀) နာရီအချိန်တွင် “မင်းသား” ပေါင်မုန့် လုပ်ငန်းမှ ထုတ်လုပ်သော မုန့်များ ဈေးကွက်အတွင်း ထုတ်ကုန်လုံခြုံစိတ်ချရမှု ရှိစေရေးအတွက် ကွင်းဆင်းစိစစ်ခဲ့ကြပါသည်။

           “မင်းသား” ပေါင်မုန့်လုပ်ငန်းရှင်မှ တစ်နေ့ထုတ်လုပ်မှုအနေဖြင့် ပေါင်မုန့်အလုံးရေ (၂၅၀) ခန့် ထုတ်လုပ်လျှက်ရှိပြီး ဈေးကွက်အတွင်းရောင်းဝယ်မှုပေါ်မူတည်၍ နေ့စဉ်ထုတ်လုပ် လျက်ရှိပါသည်။ မြို့နယ်တာဝန်ခံမှ ထုတ်လုပ်သောကုန်စည်နှင့် ပက်သက်၍ ပါဝင်ပစ္စည်းများကို မေးမြန်းရာ (ဂျုံ၊ သကြား၊ ဆား၊ ပွဆေး၊ ဂျုံနုဆေး၊ ရေသန့်) တို့ပါဝင်ပြီး ပေါင်မုန့်အကြမ်း တစ်လုံးလျှင် (၁၀၀၀) ကျပ်၊ ပေါင်မုန့် အနုတစ်လုံးလျှင် (၁၃၀၀) ကျပ် နှုန်းဖြင့် ရောင်းချပေးလျက်ရှိကြောင်းသိရသည်။ လုပ်သားဦးရေ (၂) ဦးရှိပြီး နေ့စားခ (၁၀၀၀၀) နှင့် (၅၀၀၀) ကျပ် နှုန်းထားအလိုက်ပေးရပြီး တစ်နိုင်တစ်ပိုင် လုပ်ကိုင်လျက်ရှိပြီး ဒေသအတွင်း၌သာ ဖြန့်ဖြူးရောင်းချပေးလျက်ရှိပါသည်။

          ထို့နောက်မြို့နယ်တာဝန်ခံမှ ထုတ်လုပ်သော ကုန်စည်နှင့် ပက်သက်၍ စားသုံးသူများအတွက် ကျန်းမာရေးနှင့် ညီညွတ်သော ထုတ်ကုန်များ ဖြစ်စေရေးအတွက် စားသုံးသူကာကွယ်ရေးဥပဒေ အခန်း(၁၈)၊ ပုဒ်မ (၄၁/၄၃) အရ  ကုန်အညွှန်းအမှတ်အသား ကိစ္စရပ်များနှင့် ပက်သက်ပြီး သိရှိစေရေး၊ လုပ်ငန်းခွင်တွင် သန့်ရှင်းသပ်ရပ်မှုရှိစေရေးတို့အတွက် ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

      ၂၀၂၅ခုနှစ်၊ ဇူလိုင်လ(၁၈)ရက်နေ့၊ နံနက်(၁၀း၃၀)နာရီအချိန်တွင် မြိတ်မြို့၊ အမှတ်(၂၄)၊ ပုလဲလမ်း၊ မြစ်မရပ်ရှိ ဟိန်းကုန်မျိုးစုံရောင်းဝယ်ရေးလုပ်ငန်းရှင်သည် ၎င်းဆိုင်မှရောင်းချသည့် စာသောက်ကုန်၊ လူသုံးကုန်များအား အွန်လိုင်စနစ်ဖြင့် ရောင်းချခြင်းလုပ်ငန်း မှတ်ပုံတင်ဆောင် ရွက်ရန်လိုအပ်သောအချက်အလက်အထောက်အထားများအား စားသုံးသူရေးရာဦးစီးဌာန၊ မြိတ်ခရိုင် ဦးစီးမှူးရုံးသို့ လာရောက်တွေ့ဆုံမေးမြန်းခဲ့ကြောင်း သိရှိရပါသည်။

         မြိတ်ခရိုင်ဦးစီးမှူး၊ ဦးမျိုးဝင်းမှ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အ‌ရေး ကြီးကုန်စည်နှင့်ဝန်ဆောင်မှုဥပဒေ ပုဒ်မ(၄)၊ ပုဒ်မခွဲ(ဂ)အရ အွန်လိုင်းစနစ်ဖြင့်‌ရောင်းချခြင်းလုပ်ငန်း ကို အရေးကြီးဝန်ဆောင်မှုလုပ်ငန်းအဖြစ်သတ်မှတ်ထားသဖြင့် မည်သူမဆို အွန်လိုင်းစနစ်ဖြင့်ရောင်း ချခြင်းလုပ်ငန်းကို မှတ်ပုံတင်လက်မှတ် လျှောက်ထားရရှိပြီးမှသာ လုပ်ကိုင်ရမှာဖြစ်ကြောင်း၊ အပိုဒ် (၃)အရ မှတ်ပုံတင်လက်မှတ်လျှောက်ထားသူသည် လူပုဂ္ဂိုလ်ဖြစ်ပါက ပြည်ထောင်စုသမ္မတမြန်မာ နိုင်ငံတော်အတွင်း အခြေချနေထိုင်လျက်ရှိသူ၊ အသက်(၁၈)နှစ်ပြည့်ပြီးသူ၊ ဥပဒေပါသတ်မှတ်ချက် များအား လိုက်နာနိုင်သူ၊ စိတ်ပေါ့သွပ်သူမဟုတ်ကြောင်း၊ အမည်ပျက်စာရင်းကြေငြာခံထားရသူ မဟုတ်ခြင်း၊ လုပ်ငန်းဆောင်ရွက်မည့်နေရာကို တင်ပြနိုင်သူဖြစ်ရမည့်အပြင် လျှောက်ထားသူ၏ ရောင်စုံဓါတ်ပုံ၊ နိုင်ငံသားစီစစ်ရေးကတ်ပြားမိတ္တူ၊ လျောက်လွှာပုံစံတွင်ဖြည့်သွင်းထားသည့်လိပ်စာ တွင် လုပ်ငန်းအမှန်တကယ်တည်ရှိကြောင်း သက်ဆိုင်ရာရပ်ကွက်(သို့မဟုတ်) ကျေးရွာအုပ်စု အုပ်ချုပ်ရေးမှူး၏ ထောက်ခံချက်နှင့်အွန်လိုင်းစနစ်ဖြင်‌ရောင်းချမည့် ကုန်စည်(သို့မဟုတ်) ဝန်ဆောင် မှုအမျိုးအစားစာရင်းများ ပူးတွဲတင်ပြရန် အသေးစိတ် ရှင်းလင်းဆွေးနွေးခဲ့ကြောင်းသိရှိရပါသည်။

DOCA(တနင်္သာရီ)