သတင်းနှင့် လှုပ်ရှားမှုများ

    ၁.၉.၂၀၂၅ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်၏ လပိတ်လုပ်ငန်း ညှိနှိုင်းအစည်းအဝေးနှင့် ဝန်ထမ်းထုဆန္ဒဖော်ထုတ်ပွဲကို မွန်ပြည်နယ်ဦးစီးမှူးရုံး အစည်းအဝေး ခန်းမ၌ ကျင်းပပြုလုပ်ခဲ့ရာ ပြည်နယ်ဦးစီးမှူးရုံး၊ မော်လမြိုင်ခရိုင်ရုံးမှ ဝန်ထမ်းများတက်ရောက် ခဲ့ပြီး သထုံခရိုင်ရုံးမှ ဝန်ထမ်းများမှ Zoom ဖြင့်တက်ရောက်ခဲ့ကြောင်း သိရှိရပါသည်။

   ပထမဦးစွာ ပြည်နယ်ဦးစီးမှူးမှ အဖွင့်အမှာစကားပြောကြားရာတွင် ယခုစက်တင်ဘာလ လုပ်ငန်းဆောင်ရွက်မှုအား လျာထားချက်ပြည့်မီအောင် ဆောင်ရွက်ကြရန်၊ ရုံးချုပ်၌ ပြုလုပ်မည့် ပြိုင်ပွဲအတွက် ကြိုတင်ပြင်ဆင်ကြရန်၊ ခရိုင်ဆီလုပ်ငန်းရှင်အသင်းများဖွဲ့စည်းရန်ကိစ္စနှင့် စပ်လျဉ်း၍ ပြောကြားခဲ့သည်။

   ဆက်လက်၍ စီမံရေးရာဌာနခွဲတာဝန်ခံက (၈/၂၀၂၅) ဝန်ထမ်းထုဆန္ဒဖော်ထုတ်ပွဲ ဆုံးဖြတ်ချက်နှင့် ပတ်သက်၍ ဆောင်ရွက်ပြီးစီးမှုအခြေအနေများကို ဆွေးနွေးခြင်း၊ တက်ရောက်လာသော ဝန်ထမ်းတစ်ဦးချင်းမှ ဆန္ဒဖော်ထုတ်ခဲ့ကြပြီး၊ နိုင်ငံ့ဝန်ထမ်းတက္ကသိုလ် (အောက်မြန်မာပြည်)၌ စာ‌ရေးဝန်ထမ်းသင်တန်းအမှတ်စဉ် (၂၁၄) တွင် စစ်ရေးပြဆုရရှိသည့် ဝန်ထမ်း(၁) ဦးအား ဆုချီးမြှင့်ခြင်း၊ လ/ထကြီးကြပ်ရေးမှူးရာထူးအဆင့်မှ ဒု-ကြီးကြပ်ရေးမှူး အဆင့်သို့ ရာထူးတိုးမြှင့်ခြင်းခံရသည့် ဝန်ထမ်း(၁) ဦးအား ရာထူးအဆင့်တံဆိပ်တပ်ဆင်ပေးခဲ့ ပြီး ဝန်ထမ်းထုဆန္ဒဖော်ထုတ်ပွဲ(ဒါဘာ) (၉/၂၀၂၅) ကို (၁၂:၀၀) ချိန်တွင် ရုတ်သိမ်းခဲ့ကြောင်း သိရှိရပါသည်။

DOCA (မွန်)

   ၂.၉.၂၀၂၅ ရက်နေ့ နံနက် (၁၀း၀၀) နာရီအချိန်တွင် စားသုံးသူရေးရာဦးစီးဌာန၊ မွန်ပြည်နယ်၊ သထုံခရိုင်၊ ပေါင်မြို့နယ်တာဝန်ခံ ဦးအောင်မျိုးဦးသည် သက်ဆိုင်ရာဌာနမှ တာဝန်ရှိသူများနှင့် ပူးပေါင်း၍ ပေါင်မြို့နယ်၌ ဈေးကွက်အတွင်း “အသင့်သောက်အချိုရည် အမျိုးမျိုး” ရောင်းချခြင်းရှိ/မရှိ စျေးကွက်စောင့်ကြည့်စစ်ဆေးခဲ့ကြောင်း သိရသည်။

   ထိုသို့ ဈေးကွက်စောင့်ကြည့်စစ်ဆေးရာတွင် ဈေးကွက်အတွင်း ရောင်းချနေသော အသင့်သောက်အချိုရည်အမျိုးမျိုးတို့တွင် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉) အရကုန်စည်တွင် ကုန်အညွှန်းအမှတ်အသားပြည့်စုံစွာဖော်ပြ ထားမှု ရှိ/မရှိ စစ်ဆေးခဲ့ရာ အဆိုပါ စျေးကွက်အတွင်း “အသင့်သောက်အချိုရည်အမျိုးမျိုး” တို့တွင် ကုန်အညွှန်းအမှတ်အသား ပြည့်စုံစွာဖော်ပြထားပြီး သက်ဆိုင်ရာဌာနများ၏ ထောက်ခံချက်ပါရှိသော “အသင့်သောက်အချိုရည်အမျိုးမျိုး” ရောင်းချနေကြောင်း သိရသည်။

DOCA (မွန်)

          ၂.၉.၂၀၂၅ ရက်နေ့ နေ့လည် (၁၂း၀၀) နာရီအချိန်တွင် ကျိုက်ထိုမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနခန်းမ၌ ပြန်ကြားရေးနှင့် ပြည်သူ့ဆက်ဆံ ရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ မြန်မာဆန်စပါး အွန်လိုင်း (MyRo) အကြောင်း သိကောင်းစရာ အသိပညာပေး (Talk Show) ပြုလုပ်ခဲ့ကြောင်း သိရသည်။

          ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဦးစီးအရာရှိ ဒေါ်သန်းသန်းမော် က (Talk Show) ပြုလုပ်ရခြင်း၏ ရည်ရွယ်ချက်ကို ရှင်းလင်းပြောကြားပြီး စားသုံးသူရေးရာ ဦးစီးဌာန၊ ခရိုင်တာဝန်ခံ ဦးအောင်ကျော်မင်းက မြန်မာဆန်စပါးအွန်လိုင်း(MyRo)ကို အစိုးရ- ပုဂ္ဂလိက ပူးပေါင်းဆောင်ရွက်မှုပုံစံ (PPP Model) ဖြင့် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ တည်ထောင်လွှင့် တင်ထားသည့်အကြောင်းနှင့် ရည်မှန်းချက်အကြောင်း၊ မှတ်ပုံတင်ဆောင်ရွက်ရာတွင် လိုအပ် သည့် အချက်အလက်များအကြောင်းအား အကျယ်တဝင့်ဆွေးနွေးပြောကြားခဲ့ကြောင်း သိရသည်။

DOCA (မွန်)

          စားသုံးသူပြည်သူများအနေဖြင့် ဘေးအန္တရာယ် ကင်းရှင်းစေရေးတို့အတွက် အသား၊ ငါးများ ဝယ်ယူဖြန့်ဖြူးရောင်းချလျက်ရှိသော ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် စည်ပင်သာယာမြို့မဈေးအတွင်း/ အပြင်ရှိ အသား၊ ငါးအရောင်းဆိုင်များသို့ ဩဂုတ်လ(၂၅) ရက်နေ့၊ နံနက်(၀၈:၃၀)နာရီအချိန်တွင် မြေပြင်ကွင်းဆင်း စစ်ဆေးခဲ့ကြောင်း သိရသည်။

        ထိုသို့ ကွင်းဆင်းစစ်ဆေးခဲ့ရာတွင် ကော့မှူးမြို့နယ်စည်ပင်သာယာရေးအဖွဲ့မှ အမှုဆောင်အရာရှိ ဦးတင်ထွန်းအောင်နှင့် ဝန်ထမ်းများ၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းတို့ ပူးပေါင်းအဖွဲ့သည် မြို့နယ်စည်ပင်သာယာမြို့မဈေးအတွင်း/ အပြင်ရှိ ဒေါ်ချိုချိုဇင်၊ ဒေါ်ဌေးကြည်၊ ဒေါ်မိုးကြည်၊ ဒေါ်ကြည်အေး ရေချိုရေငံ ငါး၊ ပုဇွန်အရောင်းဆိုင်၊ ဒေါ်နိုင်နိုင်မော်၊ ဒေါ်ပေါက်ကြက်သား၊ ဘဲသားအရောင်းဆိုင်၊ ဦးခင်မောင်ဝင်း ဝက်သားဆိုင်၊ ဦးကုလား အမဲသားဆိုင်၊ ဦးဇော်ကြီး ဆိတ်သားအရောင်းဆိုင်တို့တွင် ဖြန့်ဖြူးရောင်းချလျက်ရှိသော အသား၊ ငါး၊ ပုဇွန်များအား စားသုံးသူပြည်သူများ ဘေးဥပဒ်အန္တရာယ်ဖြစ်စေနိုင်သော တာရှည်ခံဆေးဝါးများ၊ ယင်မနားဆေးဝါးများ သုံးစွဲခွင့်ပိတ်ပင်ထားသော ဆိုးဆေးများ အသုံးပြုခြင်းအား လုံးဝမပြုလုပ်ကြရန် စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ပြီး မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)

          ရန်ကုန်တိုင်းဒေသကြီး၊ တွံတေးခရိုင်၊ တွံတေးမြို့နယ်တွင် စားသုံးသူပြည်သူများ ဘေးအန္တရာယ်ကင်းရှင်းစေရန်ရည်ရွယ်၍ ဩဂုတ်(၂၅)ရက်နေ့၊ နံနက်(၀၉:၀၀)နာရီအချိန်တွင် တွံတေးမြို့နယ် အိုးဖိုမင်းပိုင်းရပ်ကွက် အခြေခံပညာမူလတန်းကျောင်း၌ စားသုံးသူကာကွယ်ရေး အသိပညာပေးဟောပြောပွဲကျင်းပပြုလုပ်ခဲ့ကြောင်း သိရသည်။

           အဆိုပါ အသိပညာပေးဟောပြောပွဲတွင် အိုးဖိုမင်းပိုင်းရပ်ကွက် အခြေခံပညာမူတန်းကျောင်းမှ ကျောင်းအုပ်ဆရာကြီး ဦးပြည့်ဖြိုးမင်းက ကျောင်းသား/ ကျောင်းသူများ အသိပညာဗဟုသုတများ ပြည့်စုံကြွယ်ဝစေရန်နှင့် အစားအစာများ ဝယ်ယူစားသောက်ရာတွင် မှန်ကန်စွာရွေးချယ်ဝယ်ယူစားသောက်တတ်စေရန် ရည်ရွယ်ပြီး ယခုလိုဟောပြောပွဲကျင်းပပြုလုပ်ရခြင်းဖြစ်ကြောင်း အဖွင့်မိတ်ဆက်အမှာစကား ပြောကြားခဲ့ပြီး စားသုံးသူရေးရာဦးစီးဌာနမှ မြို့နယ်တာဝန်ခံ ဦးသန်းနိုင်က စားသုံးသူကာကွယ်ရေးဥပဒေနှင့် စပ်လျဉ်း၍ ကျောင်းသား/ ကျောင်းသူများအနေဖြင့် သိရှိထားရမည့် အချက်များဖြစ်သော ကုန်အညွှန်းအမှတ်အသားဖော်ပြခြင်းဆိုင်ရာ အချက်အလက်များထဲမှ ကုန်စည်အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းနှင့် ကျန်းမာရေးဆိုင်ရာ ဘေးထွက်ဆိုးကျိုး(သို့မဟုတ်) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့အား မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့မဟုတ်)တစ်ခုထက်ပို၍ တွဲလျက်ဖြစ်စေ ရေးသားဖော်ပြပါရှိပြီး စတင်ထုတ်လုပ်သည့်ရက်စွဲ၊ ကုန်ဆုံးသည့်ရက်စွဲ စသည်တို့ကို ကြည့်ရှု့စစ်ဆေးပြီးမှ ဝယ်ယူစားသောက်သုံးစွဲကြရန်နှင့် တရားမဝင်ဆိုးဆေး အများအပြားသုံးစွဲထား သောစားသုံးသူပြည်သူများ ဘေးဥပဒ်အန္တရာယ်ဖြစ်စေနိုင်သည့် အစားအသောက်များအား ဝယ်ယူစားသောက်သုံးစွဲခြင်းများ မပြုုလုပ်ကြရန် စားသုံးသူကာကွယ်ရေး အသိပညာပေး ဟောပြောပေးခဲ့ကြောင်း သိရှိရပါသည်။

DOCA(ရန်ကုန်)