ပြည်ခရိုင်တွင် ဒေသတွင်း လုပ်ငန်းရှင်များနှင့် တွေ့ဆုံ၍ စားသုံးသူကာကွယ်ရေးဉပဒေပါ အကြောင်းအရာများ ဆွေးနွေး
စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်၌ ဒေသတွင်းထုတ်လုပ်လျက်ရှိသော လုပ်ငန်းရှင်များအနေဖြင့် စားသုံးသူကာကွယ်ရေးဉပဒေပါ လိုက်နာရမည့်အချက်များအား ကျယ်ကျယ်ပြန့်ပြန့်သိရှိနိုင်စေရေးအတွက် ၂၀၂၂ ခုနှစ်၊ ဇွန်လ (၃၀)ရက်၌ ရွှေတောင်မြို့၊ ယွန်းတန်း လမ်းရှိ ဦးစန်းမြင့် ပဲခွဲစက်သို့လည်းကောင်း၊ ဇူလိုင်လ (၄)ရက်၌ သဲကုန်းမြို့၊ စားသုံးသူရေးရာဌာန၊ မြို့နယ်တာဝန်ခံရုံး၌ ဆန်စက်လုပ်ငန်းရှင်များနှင့် တွေ့ဆုံ၍လည်းကောင်း၊ ပြည်မြို့၊ ရတနာမာန်အောင်လမ်းရှိ ရွှေဝါသင်း ဆုံဆီလုပ်ငန်း၊ ပေါက်ခေါင်းမြို့၊ တောင်ငူလမ်းပေါ်ရှိ ကိုသိန်းဇော် ဝါရုံစက်၊ ပေါင်းတည်မြို့၊ တာပွန်လမ်းရှိ ရွှေမန်း ပဲခွဲစက်သို့လည်းကောင်း သွားရောက်၍ သက်ဆိုင်ရာ မြို့နယ်တာဝန်ခံများမှ တွေ့ဆုံဆွေးနွေးမှုများ ဆောင်ရွက်ခဲ့ပါသည်။
ထိုသို့ တွေ့ဆုံဆွေးနွေးရာတွင် စားသုံးသူကာကွယ်ရေးဉပဒေပါ လုပ်ငန်းရှင်များ လိုက်နာရမည့် တာဝန်များ၊ မိမိတို့ ထုတ်လုပ်ဖြန့်ဖြူးရောင်းချသည့် ကုန်စည်အမျိုးအစားအလိုက် ဖေါ်ပြရမည့် ကုန်အညွှန်းအမှတ်အသားဆိုင်ရာ အချက်များ၊ ကုန်စည်နှင့်စပ်လျဉ်း၍ အာမခံပေးထားမှု အပေါ် စားသုံးသူက တောင်းဆိုနိုင်သည့် အခွင့်အရေးများအရ ဖြည့်ဆည်းပေးရမည့် အချက်များနှင့် ကုန်စည်အမျိုးအစားအလိုက် အရည်အသွေး၊ အချိန်အတွယ်ပမာဏနှင့် ဈေးနှုန်းများ မှန်ကန်စွာ ရောင်းချမှုရှိစေရေး ရှင်းလင်းဆွေးနွေးပြောကြားခဲ့ပြီး စားသုံးသူကာကွယ်ရေး အသိပညာပေး လက်ကမ်းစာစောင်များလည်း ဖြန့်ဝေပေးခဲ့ကြောင်း သတင်းရရှိပါသည်။
DOCA(ပဲခူး)
