သတင်းနှင့် လှုပ်ရှားမှုများ

စားသုံးသူရေးရာဦးစီးဌာန ညွှန်ကြားရေးမှူးချုပ်၊ ဦးမြင့်လွင် ဦးဆောင်သောအဖွဲ့သည် ကိုရီးယားအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (KOICA) အဖွဲ့အား လက်ခံတွေ့ဆုံ

၂၀၁၉ ခုနှစ်၊ ဇူလိုင်လ (၂၅) ရက်နေ့၊ ရုံးအမှတ် (၅၂)၊ စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာန၊ အစည်းအဝေးခန်းမတွင် ညွှန်ကြားရေးမှူးချုပ် ဦးမြင့်လွင် ဦးဆောင်သောအဖွဲ့သည် ကိုရီးယားအပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (KOICA) မှ Senior Deputy Representative ဖြစ်သူ Mr. Kim Jihoon ဦးဆောင်သောအဖွဲ့အား လက်ခံတွေ့ဆုံ ခဲ့ပါသည်။

လက်ခံတွေ့ဆုံရာတွင် KOICA အဖွဲ့မှ မြန်မာနိုင်ငံတွင် လုပ်ဆောင်လျက်ရှိသော အစား အစာဘေးကင်းလုံခြုံစိတ်ချရမှုရှိစေရေး(Food Safety)နှင့် အပင်၊ တိရစ္ဆာန်သန့်ရှင်းရေးနှင့် ရောဂါ ဘယကင်းရှင်းရေးဆိုင်ရာလုပ်ငန်းများသည် အလွန်ကျယ်ပြန့်ပါကြောင်း၊ အဆိုပါကိစ္စများနှင့် စပ်လျဉ်း၍ အစိုးရဌာနများနှင့်လည်းကောင်း၊ ပုဂ္ဂလိကအသင်းအဖွဲ့များနှင့်လည်းကောင်း ပူးပေါင်း ဆောင်ရွက်ရန် စိတ်ဝင်စားပါကြောင်းဆွေးနွေးခဲ့ရာ စားသုံးသူရေးရာဦးစီးဌာနမှ မိမိတို့ဦးစီးဌာနတွင် ကုန်ပစ္စည်းစမ်းသပ် စစ်ဆေးရေးနှင့် အရည်အသွေးစီမံခန့်ခွဲရေးဌာနစု (CTQM)(လှည်းကူး) ကို ၁၉၈၅ ခုနှစ်မှ စတင် တည်ထောင်ခဲ့ပြီး လယ်ယာထွက်ကုန်များ၏ အရည်အသွေးကို စစ်ဆေးသည့်လုပ်ငန်း များကို ဆောင်ရွက်လျက်ရှိပါကြောင်း၊ လယ်ယာထွက်ကုန်ပစ္စည်းများကို စမ်းသပ်စစ်ဆေးသည့် CTQM ရှိ ဓါတ်ခွဲခန်းများနှင့် စပ်လျဉ်း၍ လက်ရှိတွင် ဆောင်ရွက်နေသည့် အခြေအနေများ၊ အနာဂါတ် တွင် ဆောင်ရွက်သွားမည့် လုပ်ငန်းစဉ်များအား ရှင်းလင်းဆွေးနွေး ခဲ့ပါသည်။

ဆက်လက်၍ ၂၀၂၁ ခုနှစ်တွင် စတင်ဆောင်ရွက်မည့် စီမံကိန်းအသစ်အတွက် အပင်၊ တိရစ္ဆာန် သန့်ရှင်းရေး နှင့် ရောဂါဘယကင်းရှင်းရေးဆိုင်ရာ အတားအဆီးများ (Sanitary and Phytosanitary) SPS နှင့် ပတ်သက်ပြီးအကြို Survey ပြုလုပ်မည့် အစီအစဉ်နှင့်ပတ်သက်ပြီး ဆွေးနွေးခဲ့ကြောင်း သတင်းရရှိပါသည်။

သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲ

ဆန်စပါးအစိုဓါတ်တိုင်းတာခြင်းအပေါ် နောက်ကြောင်းပြန်ခြေရာခံစနစ် တည်ထောင်ရေးစီမံကိန်း တွင် ပါဝင်ခဲ့သော CTQM ရှိသင်တန်းသားများအပေါ် ဂျပန်ပညာရှင်များမှ ထပ်ဆင့်မွမ်းမံ ရှင်းလင်း ခြင်း

သတင်းနှင့် လှုပ်ရှားမှုများ

မြန်မာနိုင်ငံတွင် ဆန်စပါးအစိုဓါတ်တိုင်းတာခြင်းအပေါ် နောက်ကြောင်းပြန်ခြေရာခံစနစ် (Traceability System on Rice Moisture Measurement in Myanmar) တည်ထောင်ရေးစီမံကိန်း ကို စားသုံးသူရေးရာဦးစီးဌာန၊ သုတေသန်နှင့် တီထွင်ဆန်းသစ်မှုဦးစီးဌာန၊ JICA နှင့် Kett Electric Laboratory တို့ပူးပေါင်း၍ စီမံကိန်းအကောင်အထည်ဖော် ဆောင်ရွက်လျက်ရှိပါသည်။

အဆိုပါစီမံကိန်း၏ တစ်စိတ်တစ်ပိုင်းအနေဖြင့် ဆန်စပါးအစိုဓါတ်တိုင်းတာခြင်းအပေါ် နောက်ကြောင်းပြန်ခြေရာခံစနစ်နှင့် ပတ်သက်သည့် သင်တန်းအမှတ်(T-1) အား ၁၉.၂.၂၀၁၈ နေ့မှ ၂၄.၂.၂၀၁၈ ရက်နေ့အထိကို ဂျပန်နိုင်ငံတွင်လည်းကောင်း၊ သင်တန်းအမှတ်(T-2)အား ၂၈.၅.၂၀၁၈ နေ့မှ ၁.၆.၂၀၁၈ ရက်နေ့အထိနှင့် သင်တန်းအမှတ်(T-3) တို့အား ၁၆.၇.၂၀၁၈နေ့မှ ၂၀.၇.၂၀၁၈ ရက်နေ့အထိ သုတေသနနှင့် တီထွင်ဆန်းစစ်မှုဦးစီးဌာန၊ အမျိုးသားစံချိန်စံညွှန်းနှင့်အရည်အသွေး ဌာနရှိ တိကျစွာတိုင်းတာခြင်းနည်းပညာဓါတ်ခွဲခန်း(ကမ္ဘာအေး) တွင်လည်းကောင်း၊ Seminar on Traceability in Rice Moisture Measurement program ကို ၁၉-၉-၂၀၁၈ ရက်နေ့မှ ၂၁-၉-၂၀၁၈ ရက်နေ့အထိ စားသုံးသူရေးရာဦးစီးဌာန၊ ရန်ကုန်တိုင်းဒေသကြီး၊ လှည်းကူးမြို့နယ်၊ကျွန်းကလေး ကျေးရွာရှိ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစုတွင်လည်းကောင်း၊ ကျင်းပ ပြီးစီးခဲ့ပြီးဖြစ်ပါသည်။

ဆက်လက်၍ စီမံကိန်းအစီအစဉ်များအရ ၂၀၁၉ခုနှစ်၊ ဇွန်လ ၂၇ ရက်နေ့တွင် စားသုံးသူ ရေးရာဦးစီးဌာန၊ ရန်ကုန်တိုင်းဒေသကြီး၊ လှည်းကူးမြို့နယ်၊ ကျွန်းကလေးကျေးရွာရှိ ကုန်ပစ္စည်း စမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစုတွင် ဂျပန်နိုင်ငံ၊ Kett Electric Laboratory ရှိ ကျွမ်းကျင်ပညာရှင်များဖြစ်သည့် Ms Yabe, Nakazato and Mr Chikira တို့မှ CTQM ရှိ စီမံကိန်းတွင် ပါဝင်ဆောင်ရွက်ခဲ့သည့် Equipments ကိုင်တွယ်ဆောင်ရွက်မည့် သင်တန်းသားများ အပေါ် ထပ်ဆင့်မွမ်းမံ ရှင်းလင်းဆောင်ရွက်ပေးမည် ဖြစ်ပါသည်။

မွန်ပြည်နယ်တွင်ဆန်စပါးအစိုဓာတ် တိုင်းတာရေးနောက်ကြောင်းပြန် ခြေရာခံစနစ်အကြောင်း အသိပညာပေး ဟောပြောဆွေးနွေးပွဲကျင်းပ

သတင်းနှင့် လှုပ်ရှားမှုများ

၂၀၁၉ ခုနှစ် ၊ ဇွန် ၂၁

မြန်မာနိုင်ငံတွင် ဆန်စပါးအစိုဓာတ် တိုင်းတာရေးနောက်ကြောင်းပြန် ခြေရာခံစနစ် တည်ထောင်ရန်အတွက် ဂျပန်နိုင်ငံ JICA ၏အကူအညီဖြင့် ပညာရေးဝန်ကြီးဌာနရှိ သုတေသနနှင့် တီထွင်ဆန်းသစ်မှုဦးစီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရှိ စားသုံးသူရေးရာ ဦးစီးဌာနနှင့် မြန်မာနိုင်ငံဆန်စပါးအသင်းချုပ်တို့ ပူးပေါင်းဆောင်ရွက်လျက်ရှိရာ အဆိုပါစနစ်နှင့် ပတ်သက်သည့် အသိပညာပေးဟောပြောပွဲများကို ပြည်နယ်နှင့်တိုင်းဒေသကြီးများတွင် ကျင်းပ ပြုလုပ်လျက်ရှိပါသည်။ ဆန်စပါးအစိုဓာတ်တိုင်းတာရေး နောက်ကြောင်းပြန် ခြေရာခံစနစ် အကြောင်း အသိပညာပေးဟောပြောဆွေးနွေးပွဲကို စားသုံးသူရေးရာဦးစီးဌာန၊ သထုံခရိုင်ဦးစီးမှူး ရုံးတွင် ၂၀.၆.၂၀၁၉ ရက်နေ့၌လည်းကောင်း၊ မွန်ပြည်နယ်ဦးစီးမှူးရုံးတွင် ၂၁.၆.၂၀၁၉ ရက်နေ့၌ လည်းကောင်း ကျင်းပပြုလုပ်ခဲ့ပါသည်။

ပြည်တွင်းစျေးကွက်တွင် ဆန်စပါးရောင်းဝယ်ဖောက်ကားရာ၌ အစိုဓါတ်ပေါ်မူတည်၍ အကဲဖြတ်စစ်ဆေးကြရာ အစိုဓာတ်များလျှင် စပါးပေါင်ပိုပေးရခြင်း၊ စျေးနှိမ်ခံရခြင်းများ ကြုံတွေ့ ကြရသောကြောင့် တိုင်းတာကိရိယာများမှန်ကန်မှုမရှိပါက ရောင်းသူဝယ်သူ တစ်ဖက်ဖက်တွင် နစ်နာမှုများရှိ၍ နှစ်ဦးနှစ်ဖက်ကူးသန်းရောင်းဝယ်မှုပြုရာတွင် မမျှတမှုများဖြစ်ပေါ်နိုင်ပါသည်။ ထိုကြောင့် မျှတသောကုန်သွယ်မှု (Fair Trade) ဖြစ်ပေါ်စေရန် အစိုဓါတ်တိုင်းကိရိယာများကို နောက်ကြောင်းပြန်ခြေရာခံသည့်စနစ်တည်ထောင်ရန်လိုအပ်မှုနှင့် အဆိုပါစနစ်နှင့်ပတ်သတ်သည့် အချက်အလက်များကို သိရှိစေရန်ရည်ရွယ်၍ ရန်ကုန်၊ မန္တလေး၊ ဧရာဝတီ၊ ပဲခူး ၊စစ်ကိုင်းနှင့် မွန်ပြည်နယ်များတွင် အသိပညာပေးဟောပြောပွဲများ ကျင်းပပြုလုပ်ခဲ့ပါသည်။

အဆိုပါဆွေးနွေးပွဲတွင် စားသုံးသူရေးရာဦးစီးဌာန၊ ဒုတိယညွှန်ကြားရေးမှူး ဦးကျော်ငွေ က အဖွင့်အမှာစကားပြောကြားခဲ့ပြီး မြန်မာနိုင်ငံဆန်စပါးအသင်းချုပ် ဒုတိယဥက္ကဌ ဒေါက်တာ မျိုးအောင်ကျော် က "Significance of Grain Moisture Content Instrument in Postharvest Handling and Trading" ခေါင်းစဉ်ဖြင့်လည်းကောင်း၊ သုတေသနနှင့်တီထွင်ဆန်းသစ်မှု ဦးစီးဌာနလက်အောက်ရှိ NIMM မှ ဒုတိယညွှန်ကြားရေးမှူး ဦးဝင်းတင့်က "ဆန်စပါးတွင် ပါဝင်သော အစိုဓာတ်ကို တိုင်းတာသည့် ကိရိယာများအား ကွင်းဆက်မပြတ်စံဖြင့် တိုင်းကြည့်စစ်ဆေးခြင်း " ခေါင်းစဉ်ဖြင့်လည်းကောင်း၊ စားသုံးသူရေးရာဦးစီးဌာန ဦးစီးအရာရှိ ဦးမောင်မောင် က "တိကျသော ဆန်စပါးအစိုဓာတ်တိုင်းတာခြင်းစနစ်" ခေါင်းစဉ်ဖြင့်လည်းကောင်း ဆွေးနွေးခဲ့ပါသည်။

ထို့နောက် Kett Electric Laboratory မှ မန်နေဂျာ Mr. Yoshida က စီမံကိန်း၏ ရည်ရွယ်ချက်နှင့် စီမံကိန်းအကြောင်းအရာများအား ရှင်းလင်းဆွေးနွေးခဲ့ပြီး (Japan Development Service-JDS) မှ Mr. Nishi Zaki က စီမံကိန်းကာလအတွင်း တောင်သူ၊ ကုန်သည်၊ စက်ပိုင်များထံမှ စစ်တမ်း ကောက်ယူရရှိခဲ့သည့် အခြေအနေများ နှင့် အစိုဓာတ်တိုင်းတာသည့် စက်ကိုအသုံးပြုခြင်းဖြင့် ရရှိနိုင်မည့်အကျိုးကျေးဇူးများ ကိုရှင်းလင်းဆွေးနွေးခဲ့ပါသည်။ ထို့နောက် တက်ရောက်လာကြသော တောင်သူလယ်သမားများ၊ ကုန်သည်ပွဲစားများနှင့် ဆန်စက် လုပ်ငန်းရှင်များမှ မေးမြန်း ဆွေးနွေးခြင်းကို စားသုံးသူရေးရာဦးစီးဌာန ဒုတိယညွှန်ကြားရေးမှူး ဦးကျော်ငွေနှင့် မြန်မာနိုင်ငံဆန်စပါးအဖွဲ့ချုပ် ဒုတိယဥက္ကဌ ဒေါက်တာ မျိုးအောင်ကျော် တို့က ဖြေကြားခဲ့ကြပါသည်။

ပဲခူးတိုင်းဒေသကြီး စားသုံးသူရေးရာဦးစီးဌာနတွင် MSME အထောက်အကူပြု Seminar ပြုလုပ်ကျင်းပ

သတင်းနှင့် လှုပ်ရှားမှုများ

စက်မှုဝန်ကြီးဌာန၊ စက်မှုကြီးကြပ်ရေးနှင့်စစ်ဆေးရေးဦးစီးဌာနနှင့် စားသုံးသူရေးရာဦးစီးဌာန တို့သည် PUM Netherland Senior Experts အဖွဲ့၏ မိတ်ဖက်အဖွဲ့အစည်းဖြစ်သည့် Hamsahub Consulting နှင့်ပူးပေါင်း၍ ပဲခူးတိုင်းဒေသကြီးအတွင်းရှိ လုပ်သားအင်အား(၁၀)ဦးနှင့်အထက်ရှိ SME လုပ်ငန်းရှင်များအား PUM Netherland Senior Experts အဖွဲ့၏ SME များ လိုအပ်သည့်နည်းပညာများအား ပံ့ပိုးကူညီနေမှုအကြောင်း သိရှိစေရန်နှင့် အဆိုပါအထောက်အပံ့အား လျှောက်ထားရယူနိုင်ရေးဆိုင်ရာများ သိရှိစေရန် ရည်ရွယ်၍ MSME အထောက်အကူပြု Seminar ကို ၁၉-၆-၂၀၁၉ ရက်နေ့တွင် ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။

အဆိုပါ Seminar တွင် PUM Netherland Senior Experts အဖွဲ့၏ မိတ်ဖက်အဖွဲ့အစည်းဖြစ်သည့် Hamsahub Consulting မှ ဦးသုတအောင်က PUM Netherland Senior Experts အဖွဲ့၏ MSME များ လိုအပ်သည့် နည်းပညာများကို နိုင်ငံခြားသားပညာရှင်များဖြင့် ပံ့ပိုးကူညီနေမှုများအကြောင်းနှင့် အဆိုပါအထောက်အပံ့အား လျှောက်ထားရယူနိုင်ရေးဆိုင်ရာ အသိပညာများ မျှဝေပေးခဲ့ပြီး တက်ရောက်လာသော SME လုပ်ငန်းရှင်များက ၎င်းတို့လိုအပ်လျက်ရှိသော နည်းပညာအခက်အခဲများ၊ စာရင်းအင်းထားရှိမှုအခက်အခဲများ၊ အကြံဉာဏ်များနှင့် စက်ပစ္စည်းလိုအပ်ချက်များကို တောင်းခံလျှောက်ထားနိုင်မည့် နည်းလမ်းများနှင့် ပတ်သက်၍ သိရှိလိုသည်များကို မေးမြန်းဆွေးနွေးခဲ့ကြပါသည်။

ထို့နောက် ပဲခူးတိုင်းဒေသကြီး MSME Agency အဖွဲ့ဥက္ကဌ၊ စက်မှု၊ လျှပ်စစ်နှင့် လမ်းပန်းဆက်သွယ်ရေးဝန်ကြီး ဦးသန်းဝင်းမှ MSME လုပ်ငန်းများဖွံ့ဖြိုးတိုးတက်ရေးအတွက် ဆောင်ရွက်ရမည့်အချက်များအား ဖြည့်စွက်ဆွေးနွေးခဲ့ပါသည်။

အဆိုပါ အခမ်းအနားသို့ MSME Agency အဖွဲ့ဥက္ကဌ၊ စက်မှု၊ လျှပ်စစ်နှင့်လမ်းပန်းဆက်သွယ်ရေးဝန်ကြီး ဦးသန်းဝင်း၊ စားသုံးသူရေးရာဦးစီးဌာန၊ တိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာန၊ တိုင်းဒေသကြီးသမဝါယမဦးစီးဌာန၊ တိုင်းဒေသကြီး ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ တိုင်းဒေသကြီး စက်မှုကြီးကြပ်ရေးနှင့်စစ်ဆေးရေးဦးစီးဌာနနှင့် တိုင်းဒေသကြီးအတွင်းရှိ လုပ်သားအင်အား(၁၀)ဦးနှင့်အထက်ရှိ SME လုပ်ငန်းရှင် (၄၃)ဦးတက်ရောက်ခဲ့ကြကြောင်း သတင်းရရှိပါသည်။

ITQM(DoCA)

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၃)

သတင်းနှင့် လှုပ်ရှားမှုများ

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၃)

အိမ်သုံးလျှပ်စစ်ပစ္စည်း Breaker သုံးစွဲမှုနှင့်ပတ်သက်၍ အန္တရာယ်ကင်းဝေးနိုင်ရန်နှင့် ပစ္စည်းများ ဝယ်ယူသုံးစွဲရာတွင် စားသုံးသူများဘက်မှ နစ်နာမှုမရှိစေရန် အရည်အသွေးမီပစ္စည်းများ ဝယ်ယူအသုံးပြုနိုင်ရေးအတွက် စားသုံးသူတိုင်းသိထားသင့်သော Breaker လျှပ်စစ်ဆိုင်ရာ အခြေခံအချက်အလက်များကို တင်ပြလိုပါတယ်။

TTZ(သတင်းနည်းပညာ/အရည်အသွေး)

House hold safety(3).pdf

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၂)

သတင်းနှင့် လှုပ်ရှားမှုများ

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၂)

အိမ်သုံးလျှပ်စစ်ပစ္စည်း ပလပ်နှင့်ဆော့ကတ်သုံးစွဲမှုနှင့်ပတ်သက်၍ အန္တရာယ်ကင်းဝေးစွာ အသုံးပြုနိုင်ရေးအတွက် စားသုံးသူတိုင်း သိထားသင့်သော လျှပ်စစ်ဆိုင်ရာ အခြေခံအချက်အလက်များကို တင်ပြလိုပါတယ်။

House hold Safety(2).pdf

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်

သတင်းနှင့် လှုပ်ရှားမှုများ

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်

အိမ်သုံးလျှပ်စစ်ပစ္စည်း လျှပ်စစ်ဝါယာကြိုးသုံးစွဲနှင့်ပတ်သက်၍ အန္တရာယ်ကင်းဝေးနိုင်ရန်နှင့် ပစ္စည်းများ ဝယ်ယူသုံးစွဲရာတွင် စားသုံးသူများဘက်မှ နစ်နာမှုမရှိစေရန် အရည်အသွေးမီပစ္စည်းများ ဝယ်ယူအသုံးပြုနိုင်ရေးအတွက် စားသုံးသူတိုင်း သိထားသင့်သော လျှပ်စစ်ဆိုင်ရာ အခြေခံအချက်အလက်များကို တင်ပြလိုပါတယ်။

TTZ(သတင်းနည်းပညာ/အရည်အသွေး)

House hold Safety(1).pdf

စားသုံးသူကိုအကျိုးပြုမည့် PAT 450

သတင်းနှင့် လှုပ်ရှားမှုများ

စားသုံးသူကိုအကျိုးပြုမည့် PAT 450

စားသုံးသူအကာအကွယ်ပေးရေးနယ်ပယ်၌ ပါဝင်ဆောင်ရွက်နိုင်ရန်အတွက် သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲ၊ အင်ဂျင်နီယာဌာနစိတ်(စက်ဆန်း)တွင် အိမ်သုံးလျှပ်စစ်ပစ္စည်းများ စမ်းသပ်စစ်ဆေးရေးဓါတ်ခွဲခန်း တည်ထောင်ထားရှိပြီး ဓါတ်ခွဲခန်းရှိ လျှပ်စစ်စမ်းသပ်စစ်ဆေးရေးကိရိယာများအနက် အင်္ဂလန်နိုင်ငံ Megger Instruments Co.,ltd မှ ထုတ်လုပ်သော Portable Appliance Tester (PAT 450)ဖြင့် Watt 1000 အောက်ရှိ အိမ်သုံးလျှပ်စစ်ပစ္စည်းများအား စစ်ဆေးပေးနိုင်မှုအခြေအနေကို ဖော်ပြလိုက်ရပါတယ်။

Pat- 450.pdf

မြန်မာနိုင်ငံမှ တင်ပို့ခဲ့သည့် ဆန်တန်ချိန်(၁၈၀၀၀)ကို အိုင်ဗရီကို့စ် အာဏာပိုင်များက စားသုံးရန် မသင့်ဟု ကြေညာ၍ ဖျက်ဆီးခဲ့သည့်ကိစ္စ အပေါ် သတင်းထုတ်ပြန်ချက်

သတင်းနှင့် လှုပ်ရှားမှုများ

မြန်မာနိုင်ငံမှတင်ပို့ခဲ့သော ဆန်တန်ချိန် (၁၈၀၀၀)ကို အိုင်ဗရီကို့စ်အာဏာပိုင်များက စားသုံးရန်မသင့်ဟု ကြေညာ၍ ဖျက်ဆီးခဲ့သည်ဟု ပြည်ပသတင်းဌာနများတွင် မကြာသေးမီက ဖော်ပြခဲ့သည့်သတင်းနှင့် ပတ်သက်၍ ၂၀၁၉ ခုနှစ် ဧပြီလ ၂၃ ရက်နေ့တွင် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနနှင့် စက်မှုလက်မှုလုပ်ငန်း ရှင်များအသင်းချုပ်၊ မြန်မာနိုင်ငံဆန်စပါး အသင်းချုပ်မှ ကိုယ်စားလှယ်များ၊ ဆန်များရောင်းချခဲ့သည့် ပြည်တွင်းကုမ္ပဏီများနှင့် သင်္ဘောတင်မှုတွင် အရည်အသွေးစစ်ဆေးသည့် ကုမ္ပဏီများမှ ကိုယ်စားလှယ်များ တွေ့ဆုံ ဆွေးနွေးခဲ့ပြီး အများပြည်သူသိရှိစေရန်အတွက် ထုတ်ပြန်သည့် သတင်းထုတ်ပြန်ချက်

Press Release.pdf

စိုက်ပျိုးရေးအခြေခံထုတ်ကုန် စံချိန်စံညွှန်းရေးဆွဲရေး နည်းပညာဆပ်ကော်မတီ ၏ (၂/၂၀၁၉) ကြိမ်မြောက် လုပ်ငန်းညှိနှိုင်းအစည်းအဝေးကျင်းပ

သတင်းနှင့် လှုပ်ရှားမှုများ

၂၀၁၉ ခုနှစ်၊ ဧပြီလ ၃ ရက်နေ့၊ နံနက် ၁၀: ၀၀ နာရီတွင် ရန်ကုန်မြို့၊ အမှတ်(၆)၊ ကမ္ဘာအေးဘုရားလမ်းရှိ ပညာရေးဝန်ကြီးဌာန၊ သုတေသနနှင့် တီထွင်ဆန်းသစ်မှုဦးစီးဌာန၌ စိုက်ပျိုးရေး အခြေခံထုတ်ကုန် စံချိန်စံညွှန်းရေးဆွဲရေး နည်းပညာဆပ်ကော်မတီ (၂/၂၀၁၉) ကြိမ်မြောက် လုပ်ငန်းညှိနှိုင်းအစည်းအဝေးကျင်းပ ပြုလုပ်ခဲ့ပါသည်။

အဆိုပါအစည်းအဝေးတွင် စိုက်ပျိုးရေး အခြေခံထုတ်ကုန် စံချိန်စံညွှန်းရေးဆွဲရေး နည်းပညာ ဆပ်ကော်မတီ ဥက္ကဌ စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဦးအောင်မောင်း၊ နည်းပညာဆပ်ကော်မတီ အတွင်းရေးမှူး ဦးမြင့်ဝေ(ညွှန်ကြားရေးမှူး)၊ သက်ဆိုင်ရာဌာနအသီးသီးနှင့် အသင်းအဖွဲ့များမှ နည်းပညာဆပ်ကော်မတီအဖွဲ့ဝင်များနှင့် အထူး ဖိတ်ကြားထားသူများတက်ရောက်ခဲ့ပါသည်။

၎င်းအစည်းအဝေးတွင် မြန်မာနိုင်ငံနှင့်သင့်လျော်သည့် အာဆီယံ စံချိန်စံညွှန်းကို ကိုးကား ပြုစုထားသည့် မြေပဲ မြန်မာစံချိန်စံညွှန်း(မူကြမ်း)ကို စံချိန်စံညွှန်းလုပ်ငန်းကော်မတီသို့ ဆက်လက်တင်ပြနိုင်ရေးအတွက် ညှိနှိုင်းဆွေးနွေး အတည်ပြုချက် ရယူမှုများ ပြုလုပ်ခဲ့ကြောင်း သတင်းရရှိပါသည်။

ITQM

Languages

Main menu

သတင်းနှင့် လှုပ်ရှားမှုများ

ပဲခူးတိုင်းဒေသကြီး စားသုံးသူရေးရာဦးစီးဌာနတွင် MSME အထောက်အကူပြု Seminar ပြုလုပ်ကျင်းပ

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၃)

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်(၂)

အိမ်သုံးလျှပ်စစ်ပစ္စည်းသုံးစွဲမှုအန္တရာယ် ကင်းဝေးရလေအောင်

စားသုံးသူကိုအကျိုးပြုမည့် PAT 450

Pages

You are here

သတင်းနှင့် လှုပ်ရှားမှုများ

Pages