သတင်းနှင့် လှုပ်ရှားမှုများ

“ကမ္ဘာ့စားသုံးသူအခွင့်အရေးများနေ့” (World Consumer Rights Day) အထိမ်းအမှတ် အခမ်းအနားအား ဧရာဝတီတိုင်းဒေသကြီး၊ပုသိမ်မြို့ ၊ မြို့တော်ခန်းမ၌ စည်းကားသိုက်မြိုက်စွာကျင်းပ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူ အကာအကွယ်ပေးရေးဗဟိုကော်မတီက ဦးဆောင်၍ စားသုံးသူရေးရာဦးစီးဌာနနှင့် USAID တို့ပူးပေါင်းပြီး ၂၀၁၉ ခုနှစ်ကမ္ဘာ့စားသုံးသူအခွင့်အရေးများနေ့ အထိမ်းအမှတ်အခမ်းအနားကို ၂၀၁၉ ခုနှစ်၊ မတ်လ ၁၅ ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့ မြို့တော်ခန်းမ၌ ကျင်းပခဲ့ပါသည်။ အခမ်းအနားသို့ ဧရာဝတီတိုင်းဒေသကြီး ဝန်ကြီးချုပ် ဦးလှမိုးအောင်၊ တိုင်းဒေသကြီးလွတ်တော်ဥက္ကဌ၊ တိုင်းဒေသကြီးတရားသူကြီးချုပ်၊ တိုင်းဒေသကြီးဥပဒေချုပ်၊ တိုင်းဒေသကြီးစာရင်းစစ်ချုပ်၊ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းဒေသကြီးလွှတ်တော်ကိုယ်စားလှယ်များ၊ တိုင်းဒေသကြီးအစိုးရအဖွဲ့အတွင်းရေးမှူး၊ ဌာနဆိုင်ရာများ၊USAID အဖွဲ့အစည်းနှင့်အရပ်ဖက်အဖွဲ့အစည်းများမှ ကိုယ်စားလှယ်လုပ်ငန်းရှင်များ၊ စားသုံးသူပြည်သူများ၊ စုစုပေါင်း(၂၇၃)ဦး တက်ရောက်ခဲ့ပါသည်။

ရှေးဦးစွာ ကမ္ဘာ့စားသုံးသူအခွင့်အရေးများနေ့ ပထမပိုင်းအခမ်းအနားကို မြို့တော်ခန်းမ အရှေ့ရှိ မုဒ်ဦးတွင် ကျင်းပရာ ဧရာဝတီတိုင်းဒေသကြီးဝန်ကြီးချုပ်၊ တိုင်းဒေသကြီးလွှတ်တော်ဥက္ကဌ၊ စားသုံးသူရေးရာဦးစီးဌာန ညွှန်ကြားရေးမှူးချုပ်နှင့် USAIDမှAccess to Finance Lead ဖြစ်သူ Ms. Mary Millerတို့မှ အခမ်းအနားအား ဖဲကြိုးဖြတ်ဖွင့်လှစ်ပေးခဲ့ပါသည်။ ဆက်လက်၍ ဒုတိယပိုင်းအခမ်းအနားကို မြို့တော်ခန်းမအတွင်း ကျင်းပရာ ဧရာဝတီတိုင်းဒေသကြီးဝန်ကြီးချုပ် ဦးလှမိုးအောင်က အဖွင့်အမှာစကားပြောကြားခဲ့ပြီး စားသုံးသူရေးရာဦးစီးဌာန ညွှန်ကြားရေးမှူးချုပ် ဦးမြင့်လွင်နှင့်USAID မှAccess to Finance Lead ဖြစ်သူ Ms. Mary Millerတို့က နှုတ်ခွန်းဆက်အမှာစကား အသီးသီးပြောကြားခဲ့ပြီး အခမ်းအနားသို့ တက်ရောက်လာသော ဧရာဝတီတိုင်းဒေသကြီးဝန်ကြီးချုပ်နှင့် ဧည့်သည်တော်များသည် ပြခန်းများကို လှည့်လည်ကြည့်ရှု့အားပေးခဲ့ပါသည်။ ထို့နောက် စားသုံးသူအကာအကွယ်ပေးရေးလုပ်ငန်းများဆောင်ရွက်ခဲ့မှုအခြေအနေများကို စားသုံးသူရေးရာဦးစီးဌာန၊ ညွှန်ကြားရေးမှူး ဦးဆွေတင့်ကြူးက လည်းကောင်း၊စားသုံးသူနစ်နာဆုံးရှုံးမှုများနှင့်ပတ်သက်၍ တိုင်ကြားမှုများ ပိုမိုတိုးတက်လာစေရန်အတွက် Mobile Applicationဖြစ်သည့် DOCA Myanmarနှင့် ပတ်သက်၍စားသုံးသူရေးရာဦးစီးဌာန၊ လက်ထောက်ညွှန်ကြားရေးမှူး ဦးဝေဖြိုးထက်က လည်းကောင်း ရှင်းလင်းဆွေးနွေးတင်ပြခဲ့ပါသည်။

ဆက်လက်၍ “စားသုံးသူအကာအကွယ်ပေးရေးနှင့်ဒီဂျစ်တယ်ထုတ်ကုန်များ လုံခြုံ စိတ်ချ စွာ သုံးစွဲနိုင်ရေး” ခေါင်းစဉ်ဖြင့် Pannel Discussion ဆွေးနွေးပွဲကိုပြုလုပ်ခဲ့ရာ Moderator အဖြစ် ပါမောက္ခ ဒေါက်တာအောင်မြင့်၊ ပါဝင်ဆွေးနွေးသူများအဖြစ် စားသုံးသူရေးရာဦးစီးဌာနမှ ညွှန်ကြားရေးမှူး ဦးဆွေတင့်ကြူး၊ ဧရာဝတီတိုင်းဒေသကြီးစားသုံးသူအငြင်းပွားမှုဖြေရှင်းရေးအဖွဲ့ ဒုတိယဥက္ကဌဦးကြည်အောင်၊ IT လုပ်ငန်းရှင် ဦးထွန်းဇံဖြိုးနှင့် ကွန်ပျူတာလုပ်ငန်းရှင်များအသင်း နာယက ဦးမောင်မောင်ဦးတို့ကTrusted Smart Products များနှင့် စပ်လျဉ်း၍ ဆွေးနွေးတင်ပြခဲ့ပြီး တက်ရောက်လာသူများ၏ မေးမြန်းချက်များ အပေါ်ပြန်လည်ရှင်းလင်းဖြေကြားခဲ့ပါသည်။

ထို့နောက် ဧရာဝတီတိုင်းဒေသကြီးအစိုးရအဖွဲ့၊ စည်ပင်သာယာရေးဝန်ကြီး ဦးကျော်မြင့်က နိဂုံးချုပ်ကျေးဇူးတင်စကားပြောကြားကာ အခမ်းအနားကို အောင်မြင်စွာကျင်းပနိုင်ခဲ့ပါကြောင်း သိရှိရပါသည်။

ITQM

ကမ်ပိန်းစာနယ်ဇင်းမိတ်ဆက်ရှင်းလင်းပွဲ ကျင်းပခြင်းအခမ်းအနား

သတင်းနှင့် လှုပ်ရှားမှုများ

နေပြည်တော် _ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာ ဦးစီးဌာန၏ ပထမအကြိမ် အဖြစ် “ စားသုံးသူများတွင် အခွင့်အရေးများရှိသည်” ဟူသောခေါင်းစဉ်ဖြင့် Campaign မိတ်ဆက် ရှင်းလင်းပွဲ အခမ်းအနား ကို ၂၀၁၉ ခုနှစ် မတ်လ ၁၂ ရက် (အင်္ဂါနေ့) နံနက်ပိုင်းတွင် နေပြည်တော် ရုံးအမှတ်(၅၂)၊ စားသုံးသူ ရေးရာဦးစီးဌာနခန်းမ၌ ကျင်းပပြုလုပ်ခဲ့ပါသည်။

အဆိုပါအခမ်းအနားတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ကမ္ဘာ့ကုလသမဂ္ဂကအဖွဲ့ကြီးမှ လမ်းညွှန်ထားသော စားသုံးသူအခွင့်အရေး(၈)ချက် ရှိပါကြောင်း ၎င်းတို့မှာ ကုန်စည် သို့မဟုတ် ဝန်ဆောင်မှုများနှင့်ပတ်သက်၍ လုံခြုံစိတ်ချစွာဖြင့် ဘေးအန္တရာယ်ကင်းရှင်းစွာ သုံးစွဲခွင့် (Right to Safety), သတင်းအချက်အလက် ပြည့်စုံစွာရရှိနိုင်ခွင့်(Right to Information), မိမိစိတ်ကြိုက် ရွေးချယ်နိုင်ခွင့် (Right to choose), အခြေခံလိုအပ်ချက်များအပေါ် စိတ်ကျေနပ်မှုရရှိခွင့်(Right to Satisfaction of Basic Needs), နစ်နာဆုံးရှုံးမှုများအတွက် ပြောဆိုတင်ပြကြားနာနိုင်ခွင့် (Right to be Heard ), ထိခိုက်နစ်နာမှုများအတွက် လျော်ကြေးရပိုင်ခွင့် (Right to Redress), စားသုံးသူရေးရာကိစ္စနှင့်ပတ်သက်၍ သိရှိလေ့လာနိုင်ခွင့် ( Right to Consumer Education) နှင့် ကောင်းမွန်ရှင်သန်နိုင်သော ပတ်ဝန်းကျင်ကိုရရှိနိုင်ခွင့် (Right to Healthy Environment) တို့ ဖြစ်ပါကြောင်း၊ သို့ရာတွင် အဆိုပါစားသုံးသူ အခွင့်အရေး (၈)ချက်ရှိသည်ကို လူနည်းစုသာ သိရှိသေးကြောင်း၊ စားသုံးသူရေးရာဦးစီးဌာနက ကျင်းပပြုလုပ်မည့် “We are Consumers, We have Rights” ဟူသည့် စားသုံးသူများတွင် အခွင့်အရေးများရှိသည်ဟူသော လူထုလှုပ်ရှားမှု (Campaign)သည် စားသုံးသူများရသင့်သည့် အခွင့်အရေးများကို မြန်မာတစ်နိုင်ငံလုံးရှိ ပြည်သူများသိရှိစေရန် အသိပညာပေးလိုသော ရည်ရွယ်ချက်ဖြင့် ကျင်းပပြုလုပ်ရခြင်း ဖြစ်ပါကြောင်း ပြောကြားခဲ့ ပါသည်။

ဆက်လက်၍ စားသုံးသူရေးရာဦးစီးဌာန ညွှန်ကြားရေးမှူးချုပ် ဦးမြင့်လွင်က ရှင်းလင်းပြောကြားရာတွင် အဆိုပါ အမျိုးသားစားသုံးသူအခွင့်အရေးလှုပ်ရှားမှု (Campaign) ကို ရက်သတ္တပတ်(၆)ပတ်ကြာ ပြုလုပ်သွားမှာ ဖြစ်ပြီး အဆိုပါ ရက်သတ္တပတ် (၆)ပတ်တာကာလအတွင်း စားသုံးသူအသိပညာပေး ဇာတ်လမ်းတိုများကို နိုင်ငံပိုင် ရုပ်သံမီဒီယာနှင့် ရေဒီယိုလိုင်းများတွင် ထုတ်လွှင့်ပြသသွားမည်ဖြစ်ကြောင်း၊ ထို့နည်းတူ စားသုံးသူရေးရာဦးစီးဌာန အနေဖြင့်Social Media Campaign ကိုလည်း ပြုလုပ်သွားမည်ဖြစ်ပါကြောင်း၊ ထို့အပြင် ၂၀၁၉ခုနှစ် ၊ မတ်လ (၁၅) ရက်နေ့တွင် ဧရာဝတီတိုင်းဒေသကြီး၊ ပုသိမ်မြို့ရှိ မြို့တော်ခန်းမ၌ ကျင်းပပြုလုပ် သွားမည့် “ကမ္ဘာ့စားသုံးသူ အခွင့်အရေးနေ့” အခမ်းအနားတွင်လည်း စားသုံးသူများကို အသိပညာပေးမည့် အဆိုပါ Campaign ကို ကျင်းပပြုလုပ်သွားမည်ဖြစ်ကြောင်း၊ စားသုံးသူရေးရာဦးစီးဌာနအနေဖြင့် စားသုံးသူများကို အကာအကွယ်ပေး လျက်ရှိပြီး စားသုံးသူများ၏တိုင်ကြားမှုများကို ဖြေရှင်းဆောင်ရွက်ရာ၌ အဓိကတာဝန်ယူ ဆောင်ရွက်နေသော ဌာနတစ်ခု ဖြစ်ပါကြောင်း၊ စားသုံးသူများက ၎င်းတို့၏နစ်နာမှုများကို တိုင်ကြားလိုပါက မြန်မာနိုင်ငံတဝှမ်းရှိ စားသုံးသူရေးရာဦးစီးဌာန တိုင်းဒေသကြီးနှင့် ပြည်နယ်ဦးစီးမှူးရုံးများ၊ ခရိုင်ဦးစီးမှူးရုံးများတွင် ဖွင့်လှစ်ထား ရှိသော စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)များသို့ လူကိုယ်တိုင် သွားရောက် တိုင်ကြားနိုင်သည့်အပြင် အွန်လိုင်းမှတစ်ဆင့် တိုင်ကြားလိုသောသူများအတွက် စားသုံးသူရေးရာ ဦးစီးဌာန၏ တရားဝင် Websiteဖြစ်သော http://www.doca.gov.mm ၊ မိုဘိုင်း Application ဖြစ်သော DOCA Myanmar နှင့် စားသုံးသူရေးရာဦးစီးဌာန Facebook Page မှတစ်ဆင့် တိုင်ကြားနိုင်ပါကြောင်း၊ တိုင်ကြားမှုများနှင့် စပ်လျဉ်း၍ ရှေးဦးစွာ စားသုံးသူနှင့်လုပ်ငန်းရှင်တို့အကြား အငြင်းပွားမှုများကို စားသုံးသူ ရေးရာဦးစီးဌာနမှ စေ့စပ်ညှိနှိုင်းပေးပါကြောင်း၊ ၊အဆိုပါ စေ့စပ်ညှိနှိုင်းမှုဖြင့်ဖြေရှင်းနိုင်ခြင်းမရှိပါက သက်ဆိုင်ရာ စားသုံးသူအငြင်းပွားမှုဖြေရှင်းရေးအဖွဲ့ (DSB) သို့ တင်ပြ၍ သက်ဆိုင်ရာစားသုံးသူ အငြင်းပွားမှုဖြေရှင်းရေးအဖွဲ့ (DSB)မှ စားသုံးသူအကာ အကွယ်ပေးရေးဥပဒေပါ ယင်းအဖွဲ့၏အရေးယူပိုင်ခွင့် ပုဒ်မ၁၉နှင့်အညီ အရေးယူ ဆောင်ရွက်ခြင်း၊ လိုအပ်ပါက စုံစမ်းစစ်ဆေးရေးအဖွဲ့ ဖွဲ့စည်း၍ အကြံပြုတင်ပြစေခြင်းများ ဆောင်ရွက်ပေးလျက် ရှိပါကြောင်း၊ ၂၀၁၈ ခုနှစ်အတွင်း ဝန်ဆောင်မှုနှင့် ပတ်သက်၍ တိုင်ကြားမှုပေါင်း (၂၉၇)မှု နှင့် ကုန်စည်နှင့် ပတ်သက်၍ တိုင်ကြားမှုပေါင်း (၇၁)မှု နှင့် စားသုံးသူအကာအကွယ်ပေးရေးဥပဒေနှင့် မသက်ဆိုင်သည့် တိုင်ကြားမှုပေါင်း (၃၃) မှု အပါအဝင် တိုင်ကြားမှုပေါင်း (၄၀၁) မှုကို စားသုံးသူ သတင်းပြန်ကြားရေး နှင့် တိုင်ကြားမှုလက်ခံဆောင်ရွက်ရေးစင်တာ (CICC) များမှ လက်ခံရရှိခဲ့ပြီး (၃၅၃)မှုကို ဖြေရှင်းပေး နိုင်ခဲ့ပါကြောင်း။ ကျန်ရှိသည့်တိုင်ကြားမှု (၄၈)မှုမှာ ဖြေရှင်းဆောင်ရွက်ဆဲဖြစ်ပါကြောင်း၊ စားသုံးသူ ပြည်သူများ အနေဖြင့် မိမိတို့၏ရပိုင်ခွင့်အခွင့်အရေးများနှင့် ပတ်သက်ပြီး အသိပညာရရှိလာမည်ဆိုပါက တိုက်ရိုက်အကျိုး သက်ရောက်မှုအားဖြင့် ပိုမိုကောင်းမွန်သော ဝန်ဆောင်မှုနှင့် ကုန်စည်များကိုလည်း ရရှိလာနိုင်မည် ဖြစ်သည့်အပြင် မိမိတို့နစ်နာမှုများ ကြုံတွေ့လာရပါကလည်း တိုင်ကြားမှုများ ပိုမိုဆောင်ရွက်လာနိုင်မည်ဟု မျှော်မှန်းထားပါ ကြောင်း၊ တစ်ဘက်တွင်လည်း စီးပွားရေးလုပ်ငန်းရှင်များအနေဖြင့် ၎င်းတို့ ထုတ်လုပ်ရောင်းချသော ကုန်စည် သို့မဟုတ် ဝန်ဆောင်မှုများ၏အရည်အသွေးကို မြှင့်တင်၍ ထုတ်လုပ်ရောင်းချလာနိုင်စေရန် တွန်းအားတစ်ခု ဖြစ်လာမည်ဖြစ်ပြီး နိုင်ငံတော်နှင့် စားသုံးသူပြည်သူများအတွက်လည်း အကျိုးများစွာဖြစ်ထွန်းစေမည် ဖြစ်ပါ ကြောင်း ပြောကြားခဲ့ပါသည်။

အဆိုပါ အမျိုးသားစားသုံးသူအခွင့်အရေးလှုပ်ရှားမှု (Campaign) ကျင်းပ ရခြင်း၏ရည်ရွယ်ချက်မှာ စားသုံးသူများတွင် ကိုယ်စီအခွင့်အရေးများရှိပြီး ကုန်ပစ္စည်း သို့မဟုတ် ဝန်ဆောင်မှု သုံးစွဲရာတွင် ဆုံးရှုံးနစ်နာမှုတစ်စုံတစ်ရာ ကြုံတွေ့လာပါက စားသုံးသူရေးရာဦးစီးဌာနသို့ တိုင်ကြားဆောင်ရွက်နိုင်ကြောင်းကို အသိပညာပေး လိုခြင်းဖြစ်ပါသည်။ အဆိုပါ Campaign ပြုလုပ်မည့်ကာလမှာ ရက်သတ္တပတ် (၆)ပတ်ကြာမြင့် မည်ဖြစ်ပြီး နိုင်ငံပိုင်ရုပ်သံမီဒီယာများနှင့် လူမှုကွန်ယက်များမှတစ်ဆင့် စားသုံးသူအခွင့်အရေးနှင့်ဆိုင်သော အသိပညာပေး ရုပ်သံဇာတ်လမ်းတိုများ၊ ရေဒီယိုဇာတ်လမ်းတိုများကို ထုတ်လွှင့်ပြသသွားမည်ဖြစ်ပါသည်။

စုလဲ့ဝါ

သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခ

ရန်ကုန်မြို့တွင်ကျင်းပသော တိုက်ရိုက်ရောင်းချခြင်းဥပဒေမူကြမ်းအပေါ် အများပြည်သူ သဘောထား ဆန္ဒရယူဆွေးနွေးသည့် အလုပ်ရုံဆွေးနွေးပွဲ

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာနက ပြုစု ရေးဆွဲလျှက်ရှိသော တိုက်ရိုက်ရောင်းချခြင်းဥပဒေမူကြမ်းအပေါ် အများပြည်သူသဘောထား ဆန္ဒ ရယူဆွေးနွေးသည့် အလုပ်ရုံဆွေးနွေးပွဲ Public Consultation Workshop on Direct Selling Law (Draft) ကို ရန်ကုန်မြို့ မင်းရဲကျော်စွာလမ်းရှိ ပြည်ထောင်စုသမ္မတမြန်မာနိုင်ငံ ကုန်သည်များ နှင့် စက်မှုလက်မှုလုပ်ငန်းရှင်များအသင်းချုပ် မင်္ဂလာခန်းမတွင် ၂၀-၂-၂၀၁၉ နံနက် ၉နာရီ အချိန်တွင် ကျင်းပခဲ့ပါသည်။ အဆိုပါအလုပ်ရုံဆွေးနွေးပွဲသို့ စားသုံးသူရေးရာဦးစီးဌာန ညွှန်ကြားရေးမှူးချုပ် ဦးမြင့်လွင် တက်ရောက်ပြီး ရှေးဦးစွာ စားသုံးသူရေးရာဦးစီးဌာန ဒုတိယ ညွှန်ကြားရေးမှူးချုပ် ဦးမြင့်ချို က အဖွင့်အမှာစကားပြောကြားခဲ့ပါသည်။ဆက်လက်၍ USAID-funded Private Sector Development Activity မှ Chief of Party ဖြစ်သူ Mr. Steve Parker ကနှုတ်ခွန်းဆက်စကား ပြောကြားခဲ့ပါသည်။

ဆက်လက်၍ Direct Selling Law Legal Expert ဖြစ်သူ Ms. Jodaniel က ပြည်ပ နိုင်ငံများ၏ တိုက်ရိုက်ရောင်းချခြင်းဥပဒေများ ပြဌာန်းထားရှိမှုအခြေအနေကို ရှင်းလင်းဆွေးနွေး ခဲ့ပြီး စားသုံးသူရေးရာဦးစီးဌာန ထုတ်ကုန်လုံခြုံစိတ်ချရမှုဌာနခွဲ ညွှန်ကြားရေးမှူး ဦးရဲထွဋ်နိုင်က ဥပဒေမူကြမ်းရေးဆွဲထားမှုအခြေအနေနှင့်စပ်လျဉ်း၍လည်းကောင်း ဥပဒေမူကြမ်းတွင် ရေးသား ဖော်ပြထားသည့် အချက်များကို လည်းကောင်း ရှင်းလင်းတင်ပြခဲ့ပါသည်။

အဆိုပါ အလုပ်ရုံဆွေနွေးပွဲသို့ စားသုံးသူရေးရာဦးစီးဌာန တိုင်းဒေသကြီးနှင့် ပြည်နယ် ဦးစီးမှူးရုံးများမှ တာဝန်ရှိသူများ ရန်ကုန်တိုင်းဒေသကြီးမှ ဌာနဆိုင်ရာတာဝန်ရှိသူများ ဒဂုံ တက္ကသိုလ် ဥပဒေပညာဌာနမှ ပါမောက္ခ ဒေါက်တာနီလာစိုး၊ တွဲဖက်ပါမောက္ခ ဒေါက်တာရီရီလွင် နှင့် ဆရာ/ဆရာမများ၊ ပြည်ထောင်စုသမ္မတမြန်မာနိုင်ငံကုန်သည်များ၊ စက်မှုလက်မှုလုပ်ငန်းရှင် များနှင့် အထူးဖိတ်ကြားထားသည့် ပညာရှင်များနှင့် ဧည့်သည်တော်များ တက်ရောက်ဆွေးနွေးခဲ့ ကြပါသည်။

စားသုံးသူရေးရာဦးစီးဌာန၊ နေပြည်တော်

Public Consultation Workshop on Direct Selling Law (Draft) အခမ်းအနား ကျင်းပပြုလုပ်ခြင်း

သတင်းနှင့် လှုပ်ရှားမှုများ

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက ပြုစုရေးဆွဲလျှက် ရှိသော တိုက်ရိုက်ရောင်းချခြင်းဥပဒေမူကြမ်းအပေါ် အများပြည်သူ သဘောထားဆန္ဒရယူဆွေးနွေး သည့် အလုပ်ရုံဆွေးနွေးပွဲ Public Consultation Workshop on Direct Selling Law (Draft) ကို မန္တလေးမြို့ Hotel Hazel Mandalay တွင် ယနေ့ နံနက် ၉ နာရီအချိန်တွင် စတင်ကျင်းပရာ စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ် ဦးမြင့်ချိုက အဖွင့်အမှာစကားပြောကြား ပြီး စားသုံးသူရေးရာဦးစီးဌာန ထုတ်ကုန်လုံခြုံစိတ်ချရမှုဌာနခွဲ ညွှန်ကြားရေးမှူး ဦးရဲထွဋ်နိုင်က ဥပဒေမူကြမ်းရေးဆွဲထားမှုအခြေအနေနှင့် စပ်လျဉ်း၍ ဘာသာရပ်ဆိုင်ရာ အရာထမ်းများက ဥပဒေမူကြမ်းနှင့် စပ်လျဉ်း၍ ရှင်းလင်းတင်ပြခဲ့ပါသည်။

အဆိုပါ အလုပ်ရုံဆွေးနွေးပွဲသို့ စားသုံးသူရေးရာဦးစီးဌာနမှ တိုင်းဒေသကြီးနှင့် ပြည်နယ်ဦးစီးမှူး များ၊ မန္တလေးတိုင်းဒေသကြီးဌာနဆိုင်ရာ တာဝန်ရှိသူများ နှင့် စီးပွားရေးလုပ်ငန်းရှင်များ တက်ရောက်ဆွေးနွေးကြပါကြောင်း စားသုံးသူပြည်သူများသို့ အသိပေးတင်ပြအပ်ပါသည်။

စားသုံးသူရေးရာဦးစီးဌာန

ရုံးချုပ်၊ နေပြည်တော်

မက္ကဒေးမီးယား စိုက်ပျိုးထုတ်လုပ်မှု စာတမ်း

သတင်းနှင့် လှုပ်ရှားမှုများ

မက္ကဒေးမီးယား စိုက်ပျိုးထုတ်လုပ်မှု စာတမ်း

Research paper.pdf

စီးပွားရေးလုပ်ငန်းရှင်များလိုက်နာဆောင်ရွက်ရမည့်အမိန့်ကြေငြာစာအမှတ်(၁/၂၀၁၈)အားရှင်းလင်းဆွေးနွေး

သတင်းနှင့် လှုပ်ရှားမှုများ

စားသုံးသူရေးရာဦးစီးဌာန ရှမ်းပြည်နယ်အရှေ့ပိုင်း ကျိုင်းတုံမှ ဒုတိယပြည်နယ်ဦးစီးမှူးနှင့် ဝန်ထမ်း များသည် (၂၅.၁.၂၀၁၉)ရက်နေ့ နံနက်(၁၀:၀၀)နာရီချိန် တာချီလိတ်မြို့ နယ်စပ်ကုန်သည်ကြီးများအသင်းရုံး၌ မြို့နယ်အတွင်းရှိ သက်ဆိုင်ရာဌာနဆိုင်ရာများ၊ သောက်ရေသန့်လုပ်ငန်းရှင်များ၊ ကုန်စည်လက်လီလက်ကား ရောင်းချသူများ၊ ဆေးဆိုင်/ ကုန်စုံဆိုင်နှင့် မုန့်လုပ်ငန်းရှင်များ၊ ကုမ္ပဏီလုပ်ငန်းရှင်များအပါအဝင် စီးပွားရေး လုပ်ငန်းရှင်စုစုပေါင်း(၃၂)ဦးတို့အား စားသုံးသူအကာအကွယ်ပေးရေးဗဟိုကော်မတီ၏ (၂၆.၁၀.၂၀၁၈)ရက်စွဲပါ လုပ်ငန်းရှင်များလိုက်နာရမည့် ကုန်စည်များ တွင်မြန်မာဘာသာဖြင့်ဖြစ်စေ မြန်မာဘာသာနှင့်အခြားဘာသာ တွဲလျှက်ဖြစ်စေ ဖော်ပြရမည်ဖြစ်ကြောင်း၊ ကုန်စည်များတွင် သုံးစွဲပုံနှင့်ပတ်သက်သောညွှန်ကြားချက်ကို ရှင်းလင်းအသိပေးပြီး လုပ်ငန်းရှင်များ၏ ပြန်လည်ဆွေးနွေးချက်များအပေါ် ဒုတိယပြည်နယ်ဦးစီးမှူးမှ ရှင်းလင်းဖြေကြားခဲ့ကြောင်းသိရှိရပါသည်။ ဆက်လက်ပြီးထုတ်ပြန်ထားသည့် ကြေငြာချက်ပါ ကုန်စည်(၉)မျိုးအား အမိန့်ကြေငြာစာထုတ်ပြန်ပြီး (၆)လပြည့်မြောက်သည့်နေ့တွင် စတင်အာဏာသက်ရောက်မည် ဖြစ်ကြောင်း နှင့် လိုက်နာမှုမရှိပါက စားသုံးသူအကာအကွယ်ပေးရေးဥပဒေပုဒ်မ ၁၉ အရ အရေးယူခံရမည့်ကိစ္စရပ်များအား ရှင်းလင်းပြီး ဒေသကုန်သွယ်မှုအခြေအနေများများကိုပါ စီးပွားရေးလုပ်ငန်းရှင်များများနှင့် ဆွေးနွေးကြပြီး ရှမ်းပြည်နယ် အငြင်းပွားမှုဖြေရှင်းရေးအဖွဲ့ထံတင်ပြဆောင်ရွက်သွားမည့် လုပ်ငန်းများကိုလုပ်ငန်းရှင်များထံ ရှင်းလင်းအသိပေး ဆောင်ရွက်ခဲ့ကြောင်း သိရှိရပါသည်။

ရန်နောင် (ကျိုင်းတုံ)

ထောက်ခံချက်မရှိသည့်စားသောက်ကုန်များနှင့်တားမြစ်စားသောက်ကုန်များမီးရှို့ဖျက်ဆီး

သတင်းနှင့် လှုပ်ရှားမှုများ

ရှမ်းပြည်နယ်အရှေ့ပိုင်း ကျိုင်းတုံခရိုင်စားသုံးသူအငြင်းပွားမှုဖြေရှင်းရေးအဖွဲ့မှ (၂)လအတွင်း စားသုံးသူ အကာအကွယ်ပေးရေးဥပဒေပုဒ်မ ၁၉(င)နှင့်(စ)ဖြင့် အရေးယူထားသော စားသောက်ကုန်များအား (၂၁.၁.၂၀၉)ရက်နေ့ မွန်းလွဲ (၃)နာရီချိန်တွင် ကျိုင်းတုံမြို့ ယန်းလောကျေးရာအုပ်စုရှိ မီးရထားဘူတာရုံ ဟောင်းဝန်း၌ မီးရှို့ဖျက်ဆီးခဲ့ကြောင်း သိရှိရပါတယ်။ အခမ်းအနားတွင် စားသုံးသူရေးရာဦးစီးဌာန ရှမ်းပြည် နယ်အရှေ့ပိုင်း ဒုတိယပြည်နယ်ဦးစီးမှူး နှင့်ဝန်ထမ်း များ၊ ခရိုင်/မြို့နယ်အဆင့်ဌာနဆိုင်ရာများ၊ မြို့နယ်စည်ပင် သာယာရေးကော်မတီဥက္ကဌနှင့်အဖွဲ့ဝင်များ၊ ကျိုင်းတုံကုန်သည်စက်မှုအသင်းဥက္ကဌနှင့်အဖွဲ့ဝင်များ၊ စီးပွားရေး လုပ်ငန်းရှင် များ၊ ကျိုင်းတုံခရိုင်စားသုံးသူအငြင်းပွားမှု ဖြေရှင်းရေး အဖွဲ့ဝင်များနှင့် သတင်းမီဒီယာများတက် ရောက်ခဲ့ပြီး ကျိုင်းတုံခရိုင်စားသုံးသူအငြင်းပွားမှုဖြေရှင်းရေးအဖွဲ့ အတွင်းရေးမှူးဦးသန်းစိုးမှ ယခုမီးရှို့ဖျက် ဆီးမည့် စားသောက်ကုန်များမှာ (၁၆.၁၁.၂၀၁၈)ရက်နေ့မှ (၂၁.၁.၂၀၁၉) ရက်နေ့ထိ စားသုံးသူအကာအကွယ် ပေးရေးဥပဒေပုဒ်မ ၁၉ (င)နှင့်(စ)အရ အရေးယူထားသောကုန်စည်များဖြစ်ကြောင်း၊ တန်ဖိုးအားဖြင့် ထောက်ခံ ချက်မရှိ သောပြည်ပနိုင်ငံ ထုတ်စား သောက်ကုန်များ(၂၅၃၆၀၀)ကျပ်၊ ထောက်ခံချက်မရှိသော ပြည် တွင်းထုတ်စားသောက်ကုန်များ (၉၇၀၀)ကျပ်၊ သက်တမ်းကုန်ဆုံးရက်မပါသည့်စားသောက်ကုန်များ (၁၈၆၇၅၀) ကျပ်၊ ရက်လွန် အေးခဲအသားမျိုးစုံ (၈၄၀၀)ကျပ်၊ ရက်လွန်ငါးခဲပတ်ကင်(၂၂၅၀၀)ကျပ်၊ ပုပ်သိုး ခရမ်းချဉ်သီး (၄၅၀၀)ကျပ်၊ ပြည်တွင်း/ပြည်ပထုတ်သက်တမ်းလွန်စားသောက်ကုန်များ(၁၀၉၂၅၀)ကျပ်၊ ထောက်ခံချက်မရှိ/တံဆိပ်မပါ/ သက်တမ်း လွန်ရက်စွဲမပါစားဆီ (၂၇၀၀၀)ကျပ်၊ FDA တားမြစ်တားသော ဘုတ်ဆုံမတံဆိပ်အရောင်တင်မှုန့်နှင့်မာဆလာ (၁၆၀၀၀)ကျပ် စုစုပေါင်း (၆၃၇၇၀၀)ကျပ်ရှိပြီး အခမ်းအနားသို့ တက်ရောက်တာသူများမှ ပူးပေါင်းမီးရှို့ဖျက်ဆီးခဲ့ ကြောင်း သတင်းရရှိပါတယ်။

ရန်နောင်(ကျိုင်းတုံ)

Telenor Broadband ဝန်ဆောင်မှုနှင့် ပတ်သက်၍ဖြေရှင်းမှု

သတင်းနှင့် လှုပ်ရှားမှုများ

Telenor Broadband ဝန်ဆောင်မှုနှင့် ပတ်သက်၍ တိုင်ကြားမှုအပေါ် Telenor Myanmar မှ တာဝန်ရှိသူများ၊ ဆက်သွယ်ရေးညွှန်ကြားမှုဦးစီးဌာနနှင့် စားသုံးသူရေးရာဦးစီးဌာနမှ တာဝန်ရှိသူများ ၂၁.၁.၂၀၁၉ နေ့တွင် တွေ့ဆုံညှိနှိုင်းခဲ့ရာ Telenor Myanmar မှ အောက်ပါအတိုင်း ဖြေရှင်း ဆောင်ရွက်ပေးသွားမည်ဖြစ်ကြောင်း ညှိနှိုင်း ရရှိမှုအား စားသုံးသူပြည်သူများသို့ အသိပေးအပ်ပါသည်_

၁။ အောက်ဖော်ပြပါ မူလဝယ်ယူထားသည့် ဝန်ဆောင်မှုများ ရယူထားသည့် သုံးစွဲသူပြည်သူ များ အနေဖြင့် မူလဝယ်ယူထားသည့် ဝန်ဆောင်မှုအတိုင်း သက်တမ်းအတွင်း ဆက်လက် သုံးစွဲနိုင်မည်ဖြစ်ပါသည်_

(က) ၂၀၁၈ခုနှစ်၊ ဒီဇင်ဘာလ (၁) ရက်မတိုင်မီ Unlimited Plan ဝန်ဆောင်မှုဝယ်ယူထားသူများ၊

(ခ) ၂၀၁၈ခုနှစ်၊ ဒီဇင်ဘာလ (၁) ရက်မှစ၍ 10GB Per Day ဝန်ဆောင်မှုဝယ်ယူထားသူများ၊

၂။ သက်တမ်းဆက်တိုးပါက မျှတသုံးစွဲသည့်မူဝါဒ (111 GB Per Month) ဖြင့်သာ ဆက်လက် သုံးစွဲနိုင်မည်ဖြစ်ပါသည်။

၃။ မျှတသုံးစွဲသည့် မူဝါဒဝန်ဆောင်မှုကို ဆက်လက်အသုံးမပြုလိုသူများအနေဖြင့် ၂၀၁၉ခုနှစ်၊ ဧပြီလ ၁၅ရက် မတိုင်မီ ချို့ယွင်းပျက်စီးမရှိသော စက်များကို ပြန်အပ်၍ ၁၅၀၀၀ကျပ်ကို Telenor မှ ပြန်လည်ထုတ်ပေးရမည်ဖြစ်သည်။

သတိပေးကြေညာခြင်း စားသုံးသူအကာအကွယ်ပေးရေးဗဟိုကော်မတီ၏၁၇-၁-၂၀၁၉ ရက်စွဲပါ အမိန့်ညွှန်ကြားချက်အမှတ်၊၁/၂၀၁၉ ထုတ်ပြန်ခြင်း

သတင်းနှင့် လှုပ်ရှားမှုများ

သတိပေးကြေညာခြင်း

စားသုံးသူအကာအကွယ်ပေးရေးဗဟိုကော်မတီ၏၁၇-၁-၂၀၁၉ ရက်စွဲပါ

အမိန့်ညွှန်ကြားချက်အမှတ်၊၁/၂၀၁၉ ထုတ်ပြန်ခြင်း

စားသုံးသူများ ဘေးကင်းလုံခြုံရေးအတွက် ကုန်စည်များတွင် သုံးစွဲပုံနှင့်ပတ်သက်သော သတင်း၊ အချက်အလက် (သို့မဟုတ်) ညွှန်ကြားချက်များကို မြန်မာဘာသာဖြင့်ဖြစ်စေ၊ မြန်မာဘာသာ နှင့် အခြားဘာသာတွဲလျက်ဖြစ်စေ ဖော်ပြရန် ၂၆-၁၀-၂၀၁၈ ရက်စွဲပါ စားသုံးသူ အကာအကွယ်ပေးရေး ဗဟိုကော်မတီ၏ အမိန့်ကြော်ငြာစာအမှတ်(၁/၂၀၁၈)အား ထုတ်ပြန်ခဲ့ပါ သည်။

အမိန့်ကြော်ငြာစာထုတ်ပြန်ပြီး ၆လပြည့်မြောက်သည့်နေ့တွင် စတင်အာဏာသက်ရောက် မည်ဖြစ်ပြီး စီးပွားရေးလုပ်ငန်းရှင်များအနေဖြင့် လိုက်နာဆောင်ရွက်ရာတွင် အခက်အခဲမရှိစေရန် ညွှန်ကြားချက် နောက်ဆက်တွဲပါ ဇယာအတိုင်း လိုက်နာဆောင်ရွက်ရန် အသိပေးအပ်ပါသည်။

စားသုံးသူအကာအကွယ်ပေးရေးဗဟိုကော်မတီ

Announcement for labelling.pdf

ကျိုင်းတုံမြို့ရှိ အသားကင်ဆိုင်များအား ပထမအကြိမ်အရေးယူ

သတင်းနှင့် လှုပ်ရှားမှုများ

ရှမ်းပြည်နယ်(အရှေ့ပိုင်း) ကျိုင်းတုံမြို့ ရပ်ကွက်များအတွင်းရှိ အသားကင်ဆိုင်များအား (၁၁.၁.၂၀၁၉) ရက်နေ့ မွန်းလွဲ (၄)နာရီချိန်တွင် စားသုံးသူရေးရာဦးစီးဌာန၊ ခရိုင်ကျန်းမာရေး၊ ခရိုင်စက်မှုကြီး/ကြပ်၊ မြို့နယ် ထွေ/အုပ်၊ မြို့နယ်စည်ပင် နှင့် ရပ်ကွက်အုပ်ချုပ်ရေးမှူးများပါဝင်သော ကျိုင်းတုံခရိုင်စားသုံးသူအငြင်းပွားမှုဖြေရှင်းရေးအဖွဲ့မှ ရှောင်တခင်ဝင်ရောက် စစ်ဆေး ခဲ့ကြောင်း သတင်းရရှိပါတယ်။ ကျိုင်းတုံခရိုင်စားသုံးသူ အငြင်းပွားမှုဖြေရှင်းရေးအဖွဲ့၏ အစည်းအဝေး(၈/၂၀၁၈)ဆုံးဖြတ်ချက် နှင့် စားသုံးသူအကာအကွယ်ပေးရေးဥပဒေအရ အသားကင်ဆိုင်များ လိုက်နာရမည့်အချက်များအား (၃၁.၈.၂၀၁၈)ရက်နေ့မှစ၍ မြေပြင်ကွင်းဆင်း၍ အသိပညာပေးခြင်း၊ ရပ်ကွက်အုပ်ချုပ်ရေးမှူးများမှအသိပေးခြင်း၊ Online ဖြင့်အသိပေးကြေညာခြင်း၊ အကြိမ်ကြိမ် ပညာပေးခြင်းဆောင်ရွက်ခဲ့ပြီး လိုက်နာခြင်းမရှိသည့် အသားကင်ဆိုင်(၁၇)မှ ကာလတန်ဖိုး (၈၁၂၀၀၀)ကျပ်အား စားသုံးသူအကာအကွယ်ပေးရေးဥဒေပုဒ်မ- ၁၉(ဃ)အရ သိမ်းဆည်းစေခဲ့ကြောင်း အဆိုပါအဖွဲ့ထံမှ သိရှိရပါတယ်။ အရေးယူ ခြင်းခံရသော အသားကင်ဆိုင်များအနေဖြင့် ကျိုင်းတုံခရိုင်စားသုံးသူအငြင်းပွားမှုဖြေရှင်းရေးအဖွဲ့၏ ဆုံးဖြတ်ချက်များအား လိုက်နာမှသာ ပြန်လည်ရောင်းချခွင့်ပေးသွားမည်ဖြစ်ကြောင်းနှင့် စားသုံးသူပြည်သူများ ဘေးဥပါဒ်အန္တရာယ်မဖြစ်စေရေး ဆက်လက်ဆောင်ရွက်သွားမည်ဖြစ်ကြောင်း သိရှိရပါတယ်။

Languages

Main menu

သတင်းနှင့် လှုပ်ရှားမှုများ

ကမ်ပိန်းစာနယ်ဇင်းမိတ်ဆက်ရှင်းလင်းပွဲ ကျင်းပခြင်းအခမ်းအနား

Public Consultation Workshop on Direct Selling Law (Draft) အခမ်းအနား ကျင်းပပြုလုပ်ခြင်း

မက္ကဒေးမီးယား စိုက်ပျိုးထုတ်လုပ်မှု စာတမ်း

စီးပွားရေးလုပ်ငန်းရှင်များလိုက်နာဆောင်ရွက်ရမည့်အမိန့်ကြေငြာစာအမှတ်(၁/၂၀၁၈)အားရှင်းလင်းဆွေးနွေး

ထောက်ခံချက်မရှိသည့်စားသောက်ကုန်များနှင့်တားမြစ်စားသောက်ကုန်များမီးရှို့ဖျက်ဆီး

Telenor Broadband ဝန်ဆောင်မှုနှင့် ပတ်သက်၍ဖြေရှင်းမှု

ကျိုင်းတုံမြို့ရှိ အသားကင်ဆိုင်များအား ပထမအကြိမ်အရေးယူ

Pages

You are here

သတင်းနှင့် လှုပ်ရှားမှုများ

Pages