သတင်းနှင့် လှုပ်ရှားမှုများ

          ကယားပြည်နယ်၊ စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ၂၀၂၂ ခုနှစ်၊ ဇူလိုင် လ (၇)ရက်နေ့၊ နေ့လယ် (၁၄:၀၀)နာရီအချိန်တွင် လွိုင်ကော်မြို့၊ သီရိမင်္ဂလာဈေးအတွင်းရှိ စားသောက်ကုန် အရောင်းဆိုင်များ၌ ရောင်းချနေသော စားသုံးဆီများတွင် ကုန်အညွှန်းအမှတ်အသား သတ်မှတ် ချက်များနှင့် ကိုက်ညီမှုရှိ/မရှိကို မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာ ရေးအဖွဲ့တို့နှင့် ပူးပေါင်း၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် သီရိမင်္ဂလာဈေးအတွင်းရှိ (ကျော်ဆန်းမင်း၊ ဦးအောင်ဌေး၊ ဦးခွန်သန်းတင်၊ ဦးအုန်းဖေလေး၊ ကိုစိုးမင်း၊ ဖိုးဝ၊ ကယောလေး၊ မေသဇင်၊ ကိုဇော်ထက်) အမည်ရှိ  စားသောက်ကုန်ပစ္စည်းအရောင်းဆိုင်(၉)ဆိုင်အား စစ်ဆေးခဲ့ရာ ကုန်အညွှန်းအမှတ်အသားဖော်ပြ ချက်များနှင့် ကိုက်ညီသည့် ကုန်စည်များကိုသာရောင်းချလျက်ရှိကြောင်း တွေ့ရှိရပြီး  စားအုန်းဆီ များ တင်သွင်းရောင်းချနေသော လုပ်ငန်းရှင်များအနေဖြင့် ဘေးအန္တရာယ်ကင်းရှင်းပြီး လုံခြုံစိတ်ချရ သည့် စားအုန်းဆီများကိုသာ ရောင်းချကြရန်၊ စားသုံးသူများအတွက် ဘေးအန္တရာယ်ဖြစ်စေနိုင်သော စားသောက်ကုန်ပစ္စည်းများ ရောင်းချခြင်းမပြုရန်နှင့် ကုန်စည်များတွင် ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက (၂၀.၁၂.၂၀၂၁) ရက်နေ့ တွင် ထုတ်ပြန်ထားသော ညွှန်ကြားချက်အမှတ်(၁/၂၀၂၁)တွင် ဖော်ပြထားသည့် (ပင်ရင်းပါဝင်ပစ္စည်း ကို အခြေခံသောကုန်စည်၏ အမျိုးအမည်ကို တိကျစွာ မြန်မာဘာသာဖြင့် ဖော်ပြရမည်။ ဥပမာ-ဟင်းသီးဟင်းရွက်ဆီ (စားအုန်းဆီ) ဟုလည်းကောင်း၊ ဟင်းသီးဟင်းရွက်ဆီ (အဆင့်မြင့် စားအုန်းဆီ) ဟုလည်းကောင်း ဖော်ပြပြီး၊ ကုန်စည်၏အသားတင်ပမာဏနှင့် အရွယ်အစားတို့ကို မြန်မာအလေး ချိန်ယူနစ်ဖြစ်သော ပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း  ရှင်းလင်း အသိပေးခြင်းများ ဆောင်ရွက်ခဲ့ပါကြောင်း သတင်းရရှိပါသည်။

DOCA(ကယား)

            ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ဒေါ်ဆန္ဒမွန်(ဒု-ဦးစီးမှူး) သည် ၇.၇.၂၀၂၂ ရက်နေ့တွင် ဗန်းမော်ခရိုင်ဦးစီးမှူးရုံး၌ အလှကုန်ပစ္စည်းရောင်းချသော စီးပွားရေးလုပ်ငန်းရှင်များ လိုက်နာရမည့်အချက်များကို တွေ့ဆုံဆွေးနွေးခဲ့ပါသည်။

          ထိုသို့ဆွေးနွေးရာတွင် ၂၀၁၉ ခုနှစ် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ ကုန်စည်များတွင် ကုန်အညွှန်းအမှတ်အသားပြည့်စုံစွာဖော်ပြထားသော ကုန်စည်များကိုသာဖြန့်ဖြူးရောင်းချရန်နှင့် ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ရေးသားဖော်ပြရ မည့်အချက်များ ရှင်းလင်းဆွေးနွေးခဲ့ပြီး စီးပွားရေးလုပ်ငန်းရှင်များမှသိရှိလိုသည်များကို မေးမြန်းရာ ပြန်လည်ရှင်းလင်းဖြေကြားကာ ကုန်အညွှန်းအမှတ်အသားဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေပေးခဲ့ပါသည်။

DOCA(ကချင်)

        ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ ဟင်္သာတခရိုင်၊ ဇလွန်မြို့နယ်တာဝန်ခံသည် (၅.၇.၂၀၂၂)ရက်နေ့ နံနက်(၉:၃၀)နာရီအချိန်တွင်  မြို့ပေါ်ရပ်ကွက်ရှိ စက်သုံးဆီအရောင်း ဆိုင်များဖြစ်သည့် ရွှေဗျိုင်းဖြူ၊ ဦးသောင်စိန် နှင့် GRAND MAX စက်သုံးဆီအရောင်းဆိုင်များသို့ ဈေးကွက် စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

          ထိုသို့ကွင်းဆင်းစစ်ဆေးခဲ့ရာတွင် စက်သုံးဆီဆိုင်များသို့ နေ့စဉ်ဆီဝင်ရောက်မှုအခြေအနေများ၊ သတ်မှတ်ရည်ညွှန်းဈေးအတိုင်းရောင်းချမှုရှိ/မရှိ၊ စက်သုံးဆီအရည်အသွေးနှင့် အလေးချိန်အခြင်အတွယ် ပြည်မှီခြင်းရှိ/မရှိခြင်းတို့ကို ရှောင်တခင်ဝင်ရောက်စစ်ဆေးခဲ့ပြီး  စီးပွားရေး လုပ်ငန်းရှင်များအနေဖြင့် ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့် စားသုံးသူ ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း အသိပညာပေးဆွေးနွေးခဲ့ပြီး၊ စစ်ဆေးခဲ့သော စက်သုံးဆီဆိုင်(၃)ဆိုင်မှာ သတ်မှတ်ရည်ညွှန်းဈေးအတိုင်း ရောင်းချနေသည်ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(ဧရာဝတီ)

            စားသုံးသူရေးရာဦးစီးဌာန၊ ပြည်ထောင်စုနယ်မြေ၊ နေပြည်တော်ဦးစီးမှူးရုံးမှ တာဝန်ရှိသူများ၊ ဥတ္တရခရိုင်ဦးစီးမှူးနှင့် ဒက္ခိဏခရိုင်ဦးစီးမှူး၊ အစားအသောက်နှင့်ဆေးဝါးကွပ်ကဲရေးဦးစီးဌာနမှ တာ ဝန်ရှိသူများ၊ စည်ပင်သာယာရေးကော်မတီ၊ ရပ်ကွက်အုပ်ချုပ်ရေးမှူးတို့နှင့်ပူးပေါင်း၍ (၈-၇-၂၀၂၂) ရက်နေ့၊ နံနက်(၁၀း၀၀)နာရီအချိန်တွင် စားသုံးသူကာကွယ်ရေးလုပ်ငန်းများဖြစ်သည့် ထုတ်ကုန် လုံခြုံစိတ်ချရမှုရှိစေရေးနှင့် ဈေးကွက်စောင့်ကြည့်စစ်ဆေးစေခြင်းကို ဇမ္ဗူသီရိမြို့နယ်ရှိ စိန်ဒေါင်း စူပါစတိုး၊ SPIRITစတိုးနှင့် ပျဥ်းမနားမြို့နယ်ရှိ စိန်ဒေါင်းစူပါစတိုးတို့တွင် Mistine အလှကုန် ပစ္စည်းများ၊ ထိုင်းနိုင်ငံထုတ် Gano အမှတ်တံဆိပ် ကော်ဖီ(3 in 1)၊ သွားတိုက်ဆေးနှင့် ဖြည့်စွက် အစားအစာများတွင် မြန်မာဘာသာဖြင့် ကုန်အညွှန်းအမှတ်အသား ဖော်ပြခြင်း ရှိ/မရှိနှင့် FDA ၏ ထောက်ခံချက်ရှိ/မရှိ စစ်ဆေးခဲ့ရာ အလှကုန်ကုန်စည်များတွင်  ကုန်အညွှန်းအမှတ်အသားများ ဖော် ပြခြင်း၊ FDA ၏ ထောက်ခံချက်များပါရှိကြောင်း  စိစစ်တွေ့ရှိခဲ့ရပြီး ထိုင်းနိုင်ငံထုတ် Gano အမှတ် တံဆိပ် ကော်ဖီ(3 in 1)၊ သွားတိုက်ဆေးနှင့် ဖြည့်စွက်အစားအစာများ ရောင်းချခြင်းမရှိပါကြောင်း၊ ဒက္ခိဏခရိုင်ဦးစီးမှူးမှ“ စီးပွားရေးလုပ်ငန်းရှင်များ လိုက်နာ ဆောင်ရွက်ရန် ညွှန်ကြားချက်အမှတ် ၂/၂၀၁၉ "အား သိရှိလိုက်နာဆောင်ရွက်သွားရန် အသိပေး ရှင်းလင်း ပြောကြားခဲ့ပြီး နံနက် (၁၂း၀၀)  နာရီအချိန်တွင် စစ်ဆေးပြီးစီးခဲ့ကြောင်း သတင်းရရှိပါသည်။

DOCA (ပြည်ထောင်စုနယ်‌မြေ)

               စီးပွားရေးနှင့်းကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ရွှေဘိုခရိုင်ဦးစီးမှူး ရုံးအနေဖြင့် ဘေးအန္တရာယ်ရှိသည်ဟု ထင်မြင်ယူဆရသော ကုန်စည်(သို့မဟုတ်) ဝန်ဆောင်မှုများကို ဈေးကွက်စောင့်ကြည့်စစ်ဆေးနိုင်ရန်နှင့် ဈေးကွက်အတွင်းမှ ပပျောက်စေရန်အလို့ဌာ ဈေးကွက်စောင့်ကြည့် စစ်ဆေးခြင်းလုပ်ငန်းများကို စီမံချက်များ ချမှတ်ဆောင်ရွက်လျှက်ရှိပါသည်။

             ဇူလိုင်လ(၅)ရက်နေ့၊ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာန၊ ဝက်လက်မြို့နယ် တာဝန်ခံသည် ဝက်လက်မြို့၊ အမှတ်(၂)ရပ်ကွက်အတွင်းရှိ ပိတောက်ဝါ သောက်ရေသန့်စက်ရုံအား ဈေးကွက်စောင့်ကြည့် စစ်ဆေးခဲ့ပါသည်။ စစ်ဆေးရာတွင် အဆိုပါစက်ရုံသည် ဇွန်လဒုတိယပတ်မှ စတင်လည်ပတ်၍ ထုတ်လုပ်ဖြန့်ဖြူးရောင်းချလျက်ရှိကြောင်းသိရှိရပြီး ကုန်အညွှန်းအမှတ်အသားများ ပြည့်စုံစွာဖော်ပြ၍ ထုတ်လုပ်ရောင်းချခြင်းမရှိကြောင်း စစ်ဆေးတွေ့ရှိရသဖြင့် ကုန်စည်ကို ထုတ်လုပ် ဖြန့်ဖြူးရောင်းချသည့် စီးပွားရေးလုပ်ငန်းရှင်များအား မိမိထုတ်လုပ်ဖြန့်ဖြူးရောင်းချသည့်ကုန်စည်အပါ် တာဝန်ရှိမှုကိုသိရှိနိုင်စေရန် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွန်းအမှတ်အသား ဖော်ပြခြင်းအကြောင်းများ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့်အညီ ပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးရောင်းချကြရန်၊ ကုန်အညွှန်းအမှတ်အသားများပြည့်စုံစွာဖော်ပြပြီး ဌာန၏အတည်ပြု ချက်ရယူနိုင်ရေးဆောင်ရွက်ကြရန်နှင့် စားသုံးသူ၏အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ ကုန်စည်နှင့်စပ်လျဉ်း၍ အာမခံချက်ပေးခြင်းနှင့် အားမခံပေးထားမှုအပါ် စားသုံးသူက တောင်းဆိုနိုင်သည့်အခွင့်အရေး၊ ဝန်ဆောင်မှုနှင့်စပ်လျဉ်း၍ အာမခံချက်ပေးခြင်းနှင့် အာမခံချက်နှင့် စပ်လျဉ်း၍ စားသုံးသူကတောင်းဆိုနိုင်သော အခွင့်အရေး၊ ကုန်စည်နှင့် ဝန်ဆောင်မှုအပေါ်တာဝန်ရှိမှု၊ ပြစ်မှုနှင့် ပြစ်ဒဏ်များထဲမှ ကုန်အညွှန်းအမှတ်အသားနှင့် ပတ်သက်၍ ပုဒ်မ ၆၇နှင့် ၆၈ပါ တားမြစ်ချက် တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ချမှတ်ခံရမည့် ပြစ်ဒဏ်များ အကြောင်း၊ ကုန်စည်နှင့် ဝန်ဆောင်မှုကြောင့် စားသုံးသူအခွင့်အရေး ဆုံးရှုံမှုဖြစ်ပါက တိုင်ကြားနိုင်ကြောင်း၊ စီမံခန့်ခွဲရေးနည်းလမ်းအရအရေးယူခြင်းအကြောင်း၊ သောက်ရေသန့်ကုန်အညွှန်းအမှတ်အသားတွင် ထည့်သွင်းဖော်ပြရမည့်အချက်တို့ကို အကျယ်တဝင့်ရှင်းလင်းဆွေးနွေးခဲ့ပြီး ဌာနသို့ကုန်အညွှန်း အမှတ် အသား အတည်ပြုချက်တင်ပြနိုင်ရေး တစ်ပါတည်းချိတ်ဆက်ရယူခဲ့ပြီး စီးပွားရေးလုပ်ငန်းရှင်နှင့် စက်ရုံ အလုပ်သမားများအား စားသုံးသူကာကွယ်ရေးအကြောင်းသိရှိနိုင်စေရန် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)နှင့် အသိပညာပေးလက်ကမ်းစာစောင်များ ဖြန့်ဝေခဲ့ ပါသည်။

DOCA(စစ်ကိုင်း)